ໃນວັນທີ 9 ມັງກອນນີ້, ກົມຂົນສົ່ງ ກະຊວງໂຍທາທິການ ແລະຂົນສົ່ງ ຮ່ວມກັບ ພະແນກໂຍທາທິການແລະຂົນສົ່ງ (ຍທຂ) ແຂວງສະຫວັນນະເຂດ ໄດ້ຈັດກອງປະຊຸມສໍາມະນາກ່ຽວກັບລະບົບ ແລະຂັ້ນຕອນການອອກໃບຂັບຂີ່ຢູ່ ສປປ ລາວ ພາຍໃຕ້ໂຄງການປັບປຸງໃບຂັບຂີ່ໃນ ສປປ ລາວ ຊຶ່ງຈັດຂຶ້ນທີ່ໂຮງແຮມຮຸ່ງທິບ. ເປັນປະທານໂດຍທ່ານ ພະສອນໄຊ ເພັດສີນໍລາດ ຮອງຫົວໜ້າພະແນກ ຍທຂ ແຂວງສະຫວັນນະເຂດ, ມີຕາງໜ້າຈາກຂະແໜງຂົນສົ່ງ, ກອງຄຸ້ມຄອງພາຫະນະ ແລະ ການຂັບຂີ່, ພະແນກ ຍທຂ ຈາກ 5 ແຂວງພາກໃຕ້ແລະ ໂຮງຮຽນສອນຂັບລົດ ເຂົ້າຮ່ວມ.
ທ່ານ ພຸດທະວິເສດ ພົມມະນີວົງ ຮອງຫົວໜ້າພະແນກຈະລາຈອນທາງບົກ ຕາງ
ໜ້າໃຫ້ກົມຂົນສົ່ງ ກໍໄດ້ກ່າວຈຸດປະສົງຂອງການຈັດສໍາມະນາໃນຄັ້ງນີ້ວ່າ: ເພື່ອສ້າງຂີດຄວາມສາມາດໃຫ້ແກ່ຂະແໜງການໂຍທາທິການ ແລະຂົນສົ່ງ, ໂຮງຮຽນສອນຂັບຂີ່ລົດ, ແຂວງ, ນະຄອນຫຼວງ ແລະພາກສ່ວນກ່ຽວຂ້ອງ ທີ່ເຮັດວຽກຕິດພັນກັບການກະກຽມ, ສອບເສັງການອອກໃບຂັບຂີ່ຍານພາຫະນະຂົນສົ່ງທາງບົກ ພາກທິດສະດີ ເຊັ່ນ: ການນໍາໃຊ້ລະບົບກະກຽມການສອບເສັງດ້ວຍລະບົບແບບ Online/Offline, ພາກປະຕິບັດຕົວຈິງ ໂດຍນຳໃຊ້ລະບົບ E-Driving ແລະຫຼັກສູດການສອບເສັງຂອງ ທຸກໆປະເພດໃບຂັບຂີ່ຍານພາຫະນະຂົນສົ່ງທາງບົກ ໃນ ສປປ ລາວ. ສໍາລັບການສໍາມະນາໃນຄັ້ງນີ້ແຂວງສະຫວັນນະເຂດ ແມ່ນເປັນແຂວງທົດລອງແຂວງທໍາອິດ ທີ່ໄດ້ຈັດສໍາມະນາ ແລະມີ 5 ແຂວງພາກໃຕ້ເຂົ້າຮ່ວມຕື່ມອີກໄດ້ແກ່: ແຂວງຄໍາມ່ວນ, ສາລະວັນ, ເຊກອງ, ຈໍາປາສັກ ແລະ ແຂວງອັດຕະປື. ກອບໜ້າວຽກຫຼັກໃນການສໍາມະນາ ປະກອບມີ 5 ວຽກຄື: ພັດທະນາລະບົບລົງທະບຽນສອບເສັງໃບຂັບຂີ່ແບບອອນລາຍ Online Application System (OAS) ຫຼື ເອີ້ນວ່າ DoT Smart App ເປັນຮູບແບບ ເວັບ, ແອັບ iOS, ແອັບ Android; ພັດທະນາລະບົບສອບເສັງການຂັບຂີ່ຕົວຈິງ E-Driving ຊຶ່ງລວມມີໂປຣແກຣມ ແລະ ອຸປະກອນແຜງຄວມຄຸມ, sensor ຕ່າງໆ 1 ຊຸດ, ຕິດຕັ້ງຢູ່ 1 ສະໜາມ ແລະ ໃນລົດ 1 ຄັນ; ກອບໜ້າວຽກ 3: ພັດທະນາການເຊື່ອມຕໍ່ຂໍ້ມູນ (Integration) ລະຫວ່າງລະບົບທີ່ພັດທະນາຂຶ້ນໃໝ່ (OAS ແລະ E-Driving) ເຂົ້າກັບ ລະບົບການຂຶ້ນທະບຽນຍານພາຫະນະ ແລະ ສອບເສັງໃບຂັບຂີ່ (VRDLS); ກອບໜ້າວຽກ 4: ພັດທະນາຫຼັກສູດການຮຽນ-ການສອນ ການຂັບຂີ່ ແລະ ຈັດຝຶກອົບຮົມຄູສອນການຂັບຂີ່ ໃຫ້ພະນັກງານທີ່ກ່ຽວຂ້ອງ; ຈັດກອງປະຊຸມ, ສໍາມະນາ ແລະ ເຜີຍແຜ່ປະຊາສໍາພັນ ໃຫ້ມວນຊົນຮັບຮູ້.
ທ່ານ ພະສອນໄຊ ເພັດສີນໍລາດ ກໍໄດ້ມີຄໍາເຫັນວ່າ: ສໍາລັບທຸກຄົນທີ່ມີໂອກາດເຂົ້າຮ່ວມການສໍາມະນາທາງພາກ ທິດສະດີ-ຕົວຈິງ ໃນຄັ້ງນີ້ຊຶ່ງເປັນສ່ວນໜຶ່ງ ທີ່ສໍາຄັນຂອງໂຄງການປັບປຸງລະບົບການອອກໃບຂັບຂີ່ ໃນ ສປປ ລາວ ແລະເປັນນິມິດໝາຍອັນສໍາຄັນຂອງປະຊາຊົນໃນ ສປປ ລາວ ພ້ອມດຽວກັນນັ້ນ ກໍໄດ້ປັບປຸງທັກສະການຂັບຂີ່, ການຝຶກອົບຮົມ, ການສຶກສາດ້ານຄວາມປອດໄພທາງຫຼວງ, ພັດທະນາ ແລະໝູນໃຊ້ລະບົບສະໝັກແບບອອນລາຍ ແລະລະບົບທົດສອບພາກສະໜາມແບບເອເລັກໂຕຣນິກ ສໍາລັບແຂວງສະຫວັນນະເຂດ ເປັນແຂວງທົດລອງ ແລະນໍາຜົນຈາກການນໍາໃຊ້ ໄປພັດທະນາຕໍ່ຍອດ ແລະຂະຫຍາຍໄປແຂວງອື່ນໆ ໃນຂອບເຂດທົ່ວປະເທດຕໍ່ໄປ.
ຂ່າວ-ພາບ:ສະຫວັນນະເຂດ
ທ່ານ ພຸດທະວິເສດ ພົມມະນີວົງ ຮອງຫົວໜ້າພະແນກຈະລາຈອນທາງບົກ ຕາງ
ໜ້າໃຫ້ກົມຂົນສົ່ງ ກໍໄດ້ກ່າວຈຸດປະສົງຂອງການຈັດສໍາມະນາໃນຄັ້ງນີ້ວ່າ: ເພື່ອສ້າງຂີດຄວາມສາມາດໃຫ້ແກ່ຂະແໜງການໂຍທາທິການ ແລະຂົນສົ່ງ, ໂຮງຮຽນສອນຂັບຂີ່ລົດ, ແຂວງ, ນະຄອນຫຼວງ ແລະພາກສ່ວນກ່ຽວຂ້ອງ ທີ່ເຮັດວຽກຕິດພັນກັບການກະກຽມ, ສອບເສັງການອອກໃບຂັບຂີ່ຍານພາຫະນະຂົນສົ່ງທາງບົກ ພາກທິດສະດີ ເຊັ່ນ: ການນໍາໃຊ້ລະບົບກະກຽມການສອບເສັງດ້ວຍລະບົບແບບ Online/Offline, ພາກປະຕິບັດຕົວຈິງ ໂດຍນຳໃຊ້ລະບົບ E-Driving ແລະຫຼັກສູດການສອບເສັງຂອງ ທຸກໆປະເພດໃບຂັບຂີ່ຍານພາຫະນະຂົນສົ່ງທາງບົກ ໃນ ສປປ ລາວ. ສໍາລັບການສໍາມະນາໃນຄັ້ງນີ້ແຂວງສະຫວັນນະເຂດ ແມ່ນເປັນແຂວງທົດລອງແຂວງທໍາອິດ ທີ່ໄດ້ຈັດສໍາມະນາ ແລະມີ 5 ແຂວງພາກໃຕ້ເຂົ້າຮ່ວມຕື່ມອີກໄດ້ແກ່: ແຂວງຄໍາມ່ວນ, ສາລະວັນ, ເຊກອງ, ຈໍາປາສັກ ແລະ ແຂວງອັດຕະປື. ກອບໜ້າວຽກຫຼັກໃນການສໍາມະນາ ປະກອບມີ 5 ວຽກຄື: ພັດທະນາລະບົບລົງທະບຽນສອບເສັງໃບຂັບຂີ່ແບບອອນລາຍ Online Application System (OAS) ຫຼື ເອີ້ນວ່າ DoT Smart App ເປັນຮູບແບບ ເວັບ, ແອັບ iOS, ແອັບ Android; ພັດທະນາລະບົບສອບເສັງການຂັບຂີ່ຕົວຈິງ E-Driving ຊຶ່ງລວມມີໂປຣແກຣມ ແລະ ອຸປະກອນແຜງຄວມຄຸມ, sensor ຕ່າງໆ 1 ຊຸດ, ຕິດຕັ້ງຢູ່ 1 ສະໜາມ ແລະ ໃນລົດ 1 ຄັນ; ກອບໜ້າວຽກ 3: ພັດທະນາການເຊື່ອມຕໍ່ຂໍ້ມູນ (Integration) ລະຫວ່າງລະບົບທີ່ພັດທະນາຂຶ້ນໃໝ່ (OAS ແລະ E-Driving) ເຂົ້າກັບ ລະບົບການຂຶ້ນທະບຽນຍານພາຫະນະ ແລະ ສອບເສັງໃບຂັບຂີ່ (VRDLS); ກອບໜ້າວຽກ 4: ພັດທະນາຫຼັກສູດການຮຽນ-ການສອນ ການຂັບຂີ່ ແລະ ຈັດຝຶກອົບຮົມຄູສອນການຂັບຂີ່ ໃຫ້ພະນັກງານທີ່ກ່ຽວຂ້ອງ; ຈັດກອງປະຊຸມ, ສໍາມະນາ ແລະ ເຜີຍແຜ່ປະຊາສໍາພັນ ໃຫ້ມວນຊົນຮັບຮູ້.
ທ່ານ ພະສອນໄຊ ເພັດສີນໍລາດ ກໍໄດ້ມີຄໍາເຫັນວ່າ: ສໍາລັບທຸກຄົນທີ່ມີໂອກາດເຂົ້າຮ່ວມການສໍາມະນາທາງພາກ ທິດສະດີ-ຕົວຈິງ ໃນຄັ້ງນີ້ຊຶ່ງເປັນສ່ວນໜຶ່ງ ທີ່ສໍາຄັນຂອງໂຄງການປັບປຸງລະບົບການອອກໃບຂັບຂີ່ ໃນ ສປປ ລາວ ແລະເປັນນິມິດໝາຍອັນສໍາຄັນຂອງປະຊາຊົນໃນ ສປປ ລາວ ພ້ອມດຽວກັນນັ້ນ ກໍໄດ້ປັບປຸງທັກສະການຂັບຂີ່, ການຝຶກອົບຮົມ, ການສຶກສາດ້ານຄວາມປອດໄພທາງຫຼວງ, ພັດທະນາ ແລະໝູນໃຊ້ລະບົບສະໝັກແບບອອນລາຍ ແລະລະບົບທົດສອບພາກສະໜາມແບບເອເລັກໂຕຣນິກ ສໍາລັບແຂວງສະຫວັນນະເຂດ ເປັນແຂວງທົດລອງ ແລະນໍາຜົນຈາກການນໍາໃຊ້ ໄປພັດທະນາຕໍ່ຍອດ ແລະຂະຫຍາຍໄປແຂວງອື່ນໆ ໃນຂອບເຂດທົ່ວປະເທດຕໍ່ໄປ.
ຂ່າວ-ພາບ:ສະຫວັນນະເຂດ
ຄໍາເຫັນ