 |
ທ່ານ ຄອນສະຫວັນ ສີອັກຄະສອນ ຫົວໜ້າພະແນກ ກະສິກຳແລະສິ່ງແວດລ້ອມແຂວງ ກ່າວເປີດກອງປະຊຸມວ່າ: ກອງປະຊຸມຮອບດ້ານວຽກງານກະສິກຳແລະສິ່ງແວດລ້ອມໃນຄັ້ງນີ້, ແມ່ນຈະໄດ້ສະຫຼຸບຕີລາຄາຄືນຮອບດ້ານຜົນການຈັດຕັ້ງປະຕິບັດແຜນພັດທະນາກະສິກຳ ແລະ ສິ່ງແວດລ້ອມປະຈຳປີ 2025, ທີ່ຕິດພັນກັບການປະຕິບັດວຽກງານໃນໄລຍະເວລາ 5 ປີ ຜ່ານມາ (2021-2025) ແລະ ວາງທິດທາງແຜນພັດທະນາປີ2026, ແຜນຄາດຄະເນ 5 ປີຕໍ່ໜ້າ (2026-2030).
 |
ຈາກນັ້ນ, ຜູ້ເຂົ້າຮ່ວມກໍໄດ້ຮັບຟັງການນໍາສະເໜີ ວຽກງານການປະເມີນມາດຖານພົ້ນທຸກ ແລະ ມາດຖານພັດທະນາຕາມດຳລັດ348/ລບ (ທ້າຍສະໄໝ່) 2021-2025. ກອງປະຊຸມຍັງຈະໄດ້ພ້ອມກັນຄົ້ນຄວ້າປຶກສາຫາລື, ປະກອບຄໍາຄິດເຫັນໃສ່ກັບເນື້ອໃນບົດລາຍງານດັ່ງກ່າວໃຫ້ເລິກເຊິ່ງໜັກແໜ້ນ ທັງນີ້ກໍເພື່ອຍົກໃຫ້ເຫັນຜົນງານດ້ານຕັ້ງໜ້າທີ່ສາມາດຍາດມາໄດ້ໃນໄລຍະຜ່ານມາ, ຄົ້ນໃຫ້ເຫັນບັນດາຈຸດອ່ອນ ຂໍ້ຄົງຄ້າງ ທີ່ຈະໄດ້ພ້ອມກັນປັບປຸງແກ້ໄຂໃນຕໍ່ໜ້າ ແລະ ບົດຮຽນທີ່ຖອດຖອນໄດ້ ເພື່ອຈະເປັນບ່ອນອີງໃນການກຳນົດທິດທາງແຜນພັດທະນາວຽກງານກະສິກຳ ແລະ ສິ່ງແວດລ້ອມໃນຕໍ່ໜ້າ ໃຫ້ສອດຄ່ອງກັບສະພາບຈຸດພິເສດ, ທ່າແຮງ ແລະ ເງື່ອນໄຂກາລະໂອກາດແຕ່ລະດ້ານຂອງແຕ່ລະທ້ອງຖິ່ນ ເພື່ອໃຫ້ແຜນດັ່ງກ່າວເປັນແຜນບຸກທະລຸ, ເປັນແຜນພັດທະນາກະສິກຳຕິດພັນກັບອຸດສາຫະກຳປຸງແຕ່ງ ແລະ ການບໍລິການ, ເພື່ອກ້າວໄປສູ່ ການພັດທະນາກະສິກຳສີຂຽວ-ຍືນຍົງ ແລະ ເປັນມິດກັບສິ່ງແວດລ້ອມ ໃນຊຸມປີຕໍ່ໜ້າ.
ຄໍາເຫັນ