ໂຄງການພັດທະນາກະສິກໍາສະອາດ,

ໂຄງການພັດທະນາກະສິກໍາສະອາດປະສົບຜົນສໍາເລັດໃນການທົດລອງປູກພືດຜັກ

09:49 02/01/2025

ໂດຍ: ແສງຈັນ ໂຄງການພັດທະນາກະສິກໍາສະອາດ, ຍືນຍົງ ໂດຍການມີສ່ວນຮ່ວມ ຂອງປະຊາຊົນບ້ານນາຕານ ເມືອງໄຊທານີ ນະຄອນຫຼວງວຽງຈັນ. ທ່ານ ອໍາຄາ ເງິນຕາແກ້ວມະນີ ວິຊາການປູກພືດ ຂອງໂຄງການພັດທະນາກະສິກໍາສະອາດ, ຍືນຍົງ

ໃຫ້ສໍາພາດວ່າ: ປັດຈຸບັນໄດ້ທົດລອງປູກຜັກແປ້ນ(ຜັກບົ່ວຝຣັ່ງ), ຕາມພາສາຫວຽດນາມ(ຜັກບົ້ງແຮ້) ເພາະເອົາແນວມາຈາກປະເທດຫວຽດນາມ, ໃນເນື້ອທີ່ ປະມານ 2 ເຮັກຕາ, ຂະຫຍາຍພັນດ້ວຍເຫງົ້າ(ລໍາຕົ້ນ)ເຫັນວ່າແທດເໝາະກັບເນື້ອທີ່ດິນ ແລະ ສະພາບອາກາດໄດ້ດີ, ຜັກແປ້ນ ໃຊ້ເວລາປູກງ່າຍ, ການບົວລະບັກຮັກສາກໍງ່າຍ, ບໍ່ມີສັດຕູພືດທໍາລາຍ, ນັບແຕ່ມື້ປູກເຖິງມື້ເກັບຜົນຜະລິດ ປະມານ 5 ເດືອນ ກໍສາມາດເກັບກ່ຽວຜົນຜະລິດອອກຈໍາໜ່າຍ ແລະ ຫຼັງຈາກນັ້ນ ທຸກໆ 2ມື້ ເກັບຜົນຜະລິດໄດ້ຢ່າງຕໍ່ເນື່ອງ ແລະ ໝູນວຽນເກັບແບບນີ້ອອກຂາຍ ຕະຫຼອດໄລຍະເວລາ 10ປີ. ວິທີການເກັບແມ່ນສັງເກດເບິ່ງ ດອກ-ລໍາ ຂອງດອກອ່ອນ-ດອກຈູມນ້ອຍກົ່ງອອກມາ (ບໍ່ຄວນເອົາດອກແກ່), ດອກອ່ອນ ເວລານໍາໄປປຸງແຕ່ງອາຫານ ຈະໃຫ້ຄວາມຫອມ-ຫວານ, ແຊບ, ອາດຈະຂົ້ວ, ແກງ ກໍໄດ້ຕາມຄວາມຕ້ອງການປຸງແຕ່ງ, ສ່ວນດອກບານມີສີຂາວຢ່າງສວຍງາມ ຫຼື ດອກບານ-ແກ່ ສາມາດນໍາໄປປະດັບເອ້ ຍ້ອງ ຕາມໂຮງແຮມ, ເຮືອນພັກ, ຮ້ານອາຫານໄດ້ຕາມຄວາມຕ້ອງການ. ພືດຜັກດັ່ງກ່າວ ຕະຫຼາດພາຍໃນປະເທດ ແມ່ນມີຄວາມຕ້ອງການສູງ ຂາຍໄດ້ລາຄາດີ, ສາມາດນໍາມາປີ້ງ ໂດຍການປະສົມກັບເຄື່ອງປຸງອາຫານຈີນ(ປີ້ງຈີນ) ຫຼືນໍາມາປຸງແຕ່ງຕາມຄວາມມັກ, ວິທີໃສ່ຝຸ່ນ (ຝຸ່ນຊີວະພາບ, ຝຸ່ນໝັກ-ຝຸ່ນບົ່ມ), ຝຸ່ນຂີ້ໄກ່ ກໍໄດ້.

ດີໃຈຫຼາຍທີ່ໂຄງການໄດ້ມາພັດທະນາບ້ານນາຕານ, ຊ່ວຍພໍ່, ແມ່, ປະຊາຊົນ ສ້າງອາຊີບ, ສ້າງວຽກເຮັດງານທໍາ ເຮັດໃຫ້ຊາວບ້ານນາຕານ ມີຄວາມຮູ້ດ້ານການກະເສດ. ຄຽງຄູ່ກັບການປູກຜັກແປ້ນແລ້ວ ພາຍໃນສວນ ຍັງໄດ້ປູກໝາກແຕງ, ໝາກໂມ, ໝາກຖົ່ວ, ໝາກອະງຸ່ນ, ໝາກອຶ, ໝາກກ້ຽງ, ຕົ້ນໝາກພ້າວ, (ຫົວທຽນລີ້) ຫຼືດອກຂະຈອນ, ຕົ້ນໄຜ່ຈໍານວນຫຼາຍ, ລ້ຽງກຸ້ງນໍ້າຈືດ ແລະ ພືດອື່ນໆ.

ທ່ານ ບຸນຊູ ພິມມະສອນ ຫົວໜ້າກຸ່ມຜະລິດຂອງໂຄງການ ກ່າວວ່າ: ນັບຕັ້ງແຕ່ມີໂຄງການເຂົ້າມາ ໄດ້ນໍາພາປະຊາຊົນພາຍໃນກຸ່ມ ປູກພືດຜັກ, ປະຊາຊົນມີວຽກເຮັດງານທໍາ, ມີລາຍຮັບເພີ່ມຂຶ້ນ.

ທ່ານ ສົມພານ ບຸດສິງຄໍາ ເລຂາພັກບ້ານ ນາຍບ້ານນາຕານ ກ່າວວ່າ: ໂຄງການດັ່ງກ່າວ ມີຄວາມສໍາຄັນຫຼາຍ ຕໍ່ກັບປະຊາຊົນພາຍໃນບ້ານນາຕານ ຍ້ອນວ່າ ໃນເມື່ອກ່ອນບໍ່ທັນມີໂຄງການເຂົ້າມາ ປະຊາຊົນເຄີຍດໍາລົງຊີວິດດ້ວຍການ ເຮັດໄຮ່, ນາ, ສວນ, ລ້ຽງງົວ-ຄວາຍ ແບບທໍາມະຊາດ ໃນເມື່ອ ບໍລິສັດທະເວວ ພັດທະນາກະສິກໍາຄົບວົງຈອນໄດ້ເຂົ້າມາຕັ້ງໂຄງການ ໂຄງການພັດທະນາກະສິກໍາສະອາດ, ຍືນຍົງແມ່ນດີຫຼາຍ ຊຶ່ງໄດ້ນໍາເອົາບົດຮຽນ ການປູກຝັງແບບອາຊີບ ມາສູ່ປະຊາຊົນບ້ານນາຕານ ຄື: ປະຊາຊົນໄດ້ພັດທະນາສີມື ເພື່ອຮຽນເອົາຄວາມຮູ້ນໍາໂຄງການ, ປະຊາຊົນຈໍານວນໜຶ່ງໄດ້ເຂົ້າຮ່ວມໂຄງການ ເມື່ອເຫັນວ່າ ໂຄງການໄດ້ປະສົບຜົນສໍາເລັດໃນການປູກຝັງ ປະຊາຊົນພາຍໃນບ້ານນາຕານ ແມ່ນມີຄວາມເຊື່ອໝັ້ນ ແລະ ໃຫ້ຄວາມຮ່ວມມືຕໍ່ໂຄງການເປັນຈໍານວນຫຼາຍ ແລະ ໃນຕໍ່ໜ້າເນື້ອທີ່ປູກຜັກແປ້ນຈະຂະຫຍາຍຕື່ມ 2 –3ເທົ່າ ເພື່ອຕອບສະໜອງຕາມຄວາມຕ້ອງການຂອງລູກຄ້າ.

ຄໍາເຫັນ

ຂ່າວວັດທະນະທຳ-ສັງຄົມ

ພິທີເປີດງານສັບປະດາແລກປ່ຽນວັດທະນະທຳສາກົນ ເຫິ້ເປີ່ຍ

12/09/2025 22:42

ເຫີ້ເປີ່ຍ(Hebei) ເປັນແຂວງໜຶ່ງ ຢູ່ທີ່ພາກເໜືອຕອນກາງ ລະຫວ່າງ ນະຄອນທຽນຈິນ ແລະ ນະຄອນຫຼວງປັກກິ່ງ

ທາບທາມບຸກຄະລາກອນເຂົ້າໃນຄະນະບໍລິຫານງານພັກ

12/09/2025 15:30

ກະຊວງປ້ອງກັນຄວາມສະຫງົບ (ປກສ) ໄດ້ຈັດກອງປະຊຸມທາບທາມບຸກຄະລາກອນທີ່ຈະອອກສະໝັກຮັບເລືອກຕັ້ງເຂົ້າໃນຄະນະບໍລິຫານງານສູນກາງພັກ ສະໄໝທີ XII ຮອບທີ 1 ໃນວັນທີ 12 ກັນຍານີ້ ໂດຍມີສະຫາຍ ພົອ ວິໄລ ຫຼ້າຄໍາຟອງ ກໍາມະການກົມການເມືອງສູນກາງພັກ ຄະນະເລຂາທິການສູນກາງພັກ ຮອງນາຍົກລັດຖະ ມົນຕີ ເລຂາຄະນະພັກ ລັດຖະມົນຕີກະຊວງ ປກສ, ສະຫາຍ ຄໍາໄຫຼ ສີປະເສີດ ກໍາມະການສູນກາງພັກ ຮອງປະ ທານຄະນະກວດກາສູນກາງພັກ ທັງເປັນຫົວໜ້າຄະນະຮັບຜິດຊອບທາບທາມຂັ້ນສູນກາງ, ມີສະຫາຍກໍາມະການສູນກາງພັກ, ອະດີດເລຂາທິການສູນກາງພັກ, ອະດີດກໍາມະການສູນກາງພັກ, ຄະນະປະຈໍາພັກ, ຄະນະບໍລິຫານງານພັກກະຊວງ ປກສ, ຄະນະຮັບຜິດຊອບທາບທາມບຸກຄະລາກອນຂັ້ນສູນກາງ, ຜູ້ແທນຈາກກົມກອງກ່ຽວຂ້ອງເຂົ້າຮ່ວມ.

ທາບທາມບຸກຄະລາກອນຮັບສະໝັກເລືອກຕັ້ງເຂົ້າໃນຄະນະບໍລິຫານງານສູນກາງພັກ ສະໄໝທີ XII ຮອບທີ 1 ຢູ່ກະຊວງປ້ອງກັນປະເທດ

12/09/2025 15:27

ກອງປະຊຸມທາບທາມບຸກຄະລາກອນຮັບສະໝັກເລືອກຕັ້ງເຂົ້າໃນຄະນະບໍລິຫານງານສູນກາງພັກ ສະໄໝທີ XII ຮອບທີ 1 ຈຸດທີ 4 ຢູ່ກະຊວງປ້ອງກັນປະເທດ ໄດ້ຈັດຂຶ້ນໃນວັນທີ 12 ກັນຍານີ້ ໂດຍການເປັນປະທານຂອງສະຫາຍ ພົນໂທ ຄຳລຽງ ອຸທະໄກສອນ ກຳມະການສູນກາງພັກ ເລຂາຄະນະພັກ ລັດຖະມົນຕີກະຊວງປ້ອງກັນປະເທດ, ມີສະຫາຍ ພົນໂທ ຄຳກິ່ງ ຜຸ້ຍຫຼ້າມະນີວົງ ຮອງເລຂາຄະນະພັກ ຮອງລັດຖະມົນຕີກະຊວງປ້ອງກັນຄວາມສະຫງົບ, ຫົວໜ້າໜ່ວຍງານທາບທາມຂັ້ນສູນກາງ, ມີບັນດາສະຫາຍຄະນະບໍລິຫານງານພັກ ກະຊວງປ້ອງກັນປະເທດ, ຄະນະພັກອົງການ, ກອງພົນ, ວິທະຍາຄານ, ໂຮງຮຽນ, ກອງພັນໃຫຍ່ ແລະ ລັດວິສາຫະກິດກອງທັບເຂົ້າຮ່ວມ.

ຮອງລັດຖະມົນຕີ ປກສ ລົງຕິດຕາມການຝຶກຊ້ອມສວນສະໜາມສະຫຼອງວັນຊາດ ຄົບຮອບ 50 ປີ

12/09/2025 15:09

ທ່ານ ພົຈວ ຄອນສະຫວັນ ສົມພາໄຊ ຮອງລັດຖະມົນຕີກະຊວງປ້ອງກັນຄວາມສະຫງົບ (ປກສ) ຫົວໜ້າກົມໃຫຍ່ການເມືອງ ປກສ ພ້ອມຄະນະລົງຕິດຕາມການຝຶກຊ້ອມສວນສະໜາມກ້ອນກຳລັງ ປກສ ເພື່ອກະກຽມຄວາມພ້ອມສະເຫຼີມສະຫຼອງວັນສະຖາປະນາ ສປປ ລາວ ຄົບຮອບ 50 ປີໃນວັນທີ 11 ກັນຍານີ້ ທີ່ວິທະຍາຄານສັນຕິບານປະຊາຊົນ, ມີຄະນະພັກ-ຄະນະບັນຊາ, ກົມກອງອ້ອມຂ້າງກະຊວງ ປກສ, ຄະນະອຳນວຍການ 2 ວິທະຍາຄານ, ຄູຝຶກ ແລະ ນັກສຶກສາເຂົ້າຮ່ວມ.

6 ສິ່ງທີ່ຄວນຮູ້ໄປອອກແຮງງານຢູ່ຕ່າງປະເທດ ເພື່ອປ້ອງກັນການຕົກເປັນເຫຍື່ອຂອງການຄ້າມະນຸດ

12/09/2025 15:02

ຫຼາຍຄົນຢາກໄປເຮັດວຽກຢູ່ຕ່າງປະເທດເພື່ອຫາເງິນຊ່ວຍຄອບຄົວ ແລະ ສ້າງຖານະໃຫ້ຕົນເອງ ແຕ່ເຈົ້າຮູ້ບໍ່ວ່າ ເຈົ້າຕ້ອງລະວັງ ຫຼື ຄຳນຶງຫຍັງແນ່ໃນລະຫວ່າງການເດີນທາງ ເພື່ອບໍ່ໃຫ້ຕົນເອງຕົກເປັນເຫຍື່ອຂອງການຄ້າມະນຸດ. ສະນັ້ນ, ຄວນຮູ້ 6 ສິ່ງສຳຄັນດັ່ງຕໍ່ໄປນີ້:

ພະແນກການເງິນ ແຂວງສາລະວັນ ສໍາເລັດຊຸດຝຶກອົບຮົມຄວາມຮູ້ສະຖິຕິເອັກແຊວ

12/09/2025 14:36

ພະແນກການເງິນ ແຂວງສາລະວັນ ໄດ້ສໍາເລັດການຈັດຊຸດຝຶກອົບຮົມກ່ຽວກັບສະຖິຕິເອັກແຊວໃຫ້ແກ່ພະນັກງານ-ລັດຖະກອນ ໃນວັນທີ 10 ກັນຍາຜ່ານມາ ຢູ່ທີ່ສະໂມສອນຂອງຕົນ ໂດຍການເປັນປະທານຂອງ ທ່ານ ໂພສີ ແກ້ວສີພັນດອນ ຄະນະປະຈໍາພັກແຂວງ, ທ່ານ ໂມໂຕໂຍຊິ ທີ່ປຶກສາປະຈໍາສະຖາບັນວິທະຍາສາດເສດຖະກິດ-ສັງຄົມ ໃຫ້ກຽດເປັນວິທະຍາກອນ.

ນວ ທາບທາມບຸກຄະລາກອນອອກສະໝັກຮັບເລືອກຕັ້ງ ເຂົ້າໃນຄະນະບໍລິຫານງານພັກ

12/09/2025 14:31

ກອງປະຊຸມທາບທາມບຸຄະລາກອນ ອອກສະໝັກຮັບເລືອກຕັ້ງເຂົ້າໃນຄະນະບໍລິຫານງານພັກ ນະຄອນຫຼວງວຽງຈັນ (ນວ) ສະໄໝ VIII ຮອບທີ 3 ຈັດຂຶ້ນວັນທີ 11 ກັນຍາ ນີ້ ທີ່ສະໂມສອນກອງບັນຊາການທະຫານນະຄອນຫຼວງວຽງຈັນ ໂດຍເປັນປະທານຂອງສະຫາຍ ອານຸພາບ ຕຸນາລົມ ຄະນະ ເລຂາທິການສູນກາງພັກ ເລຂາຄະນະບໍລິຫານງານພັກ ນວ ປະທານສະພາປະຊາຊົນ ນວ ມີ ສະຫາຍ ອາດສະພັງທອງ ສີພັນດອນ ກຳມະການສູນກາງພັກ ຮອງເລຂາຄະນະບໍລິຫານງານພັກ ນວ ພ້ອມບັນດາສະຫາຍກຳມະການປະຈຳພັກ, ກຳມະການພັກ, ຄະນະພັກຮາກຖານ, ໜ່ວຍພັກຮາກຖານອ້ອມຂ້າງ ນວ, ຄະນະບໍລິຫານງານພັກເມືອງ 9 ເມືອງ ແລະ ສະມາຊິກພັກສົມບູນເຂົ້າຮ່ວມ.

ຍທຂ ທາບທາມບຸກຄະລາກອນເພື່ອສະໝັກເປັນຄະນະບໍລິຫານງານພັກກະຊວງຮອບທີ 3

12/09/2025 14:19

ກອງປະຊຸມທາບທາມບຸກຄະລາກອນເພື່ອສະໝັກຮັບເລືອກຕັ້ງເປັນຄະນະບໍລິຫານງານພັກກະຊວງໂຍທາທິການ ແລະ ຂົນສົ່ງ (ຍທຂ) ສະໄໝທີ VI ຮອບທີ 3 ຈັດຂຶ້ນໃນວັນທີ 11 ກັນຍານີ້ ທີ່ໂຮງແຮມແລນມາກ ນະຄອນຫຼວງວຽງຈັນ ໂດຍການເປັນປະທານຂອງທ່ານ ເຫຼັກໄຫຼ ສີວິໄລ ລັດຖະມົນຕີກະຊວງ ຍທຂ, ມີບັນດາຄະນະປະຈໍາພັກກະຊວງ, ອະນຸກຳມະການກົດລະບຽບ ແລະ ບຸກຄະລາກອນເຂົ້າຮ່ວມ.

ສະຫາຍ ທອງສະຫວັນ ພົມວິຫານ ໄດ້ຮັບເລືອກຕັ້ງເປັນເລຂາຄະນະບໍລິຫານງານພັກກະຊວງການຕ່າງປະເທດ

11/09/2025 10:04

ກອງປະຊຸມໃຫຍ່ຜູ້ແທນອົງຄະນະພັກກະຊວງການຕ່າງປະເທດ ຄັ້ງທີ V ໄດ້ປິດລົງດ້ວຍຜົນສໍາເລັດຢ່າງສະຫງ່າງາມ, ດ້ວຍບັນຍາການຟົດຟື້ນ ແລະ ມີເນື້ອໃນສໍາຄັນເລິກເຊິ່ງ ພາຍຫຼັງດໍາເນີນມາແຕ່ວັນທີ 10-11 ກັນຍາ 2025 ທີ່ ສູນການຮ່ວມມືສາກົນ ແລະ ການຝຶກອົບຮົມ (ICTC) ນະຄອນຫຼວງວຽງຈັນ, ພາຍໃຕ້ຄໍາຂວັນ “ບຸກທະລຸການທູດເສດຖະກິດ, ຫັນທິດເປັນທັນສະໄໝ, ວ່ອງໄວດ້ານເສນາທິການ”, ໂດຍການເປັນປະທານຂອງ ສະຫາຍ ທອງສະຫວັນ ພົມວິຫານ, ກຳມະການສູນກາງພັກ, ເລຂາຄະນະບໍລິຫານງານພັກກະຊວງ, ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ແລະ ເປັນກຽດເຂົ້າຮ່ວມຂອງ ສະຫາຍ ສະເຫຼີມໄຊ ກົມມະສິດ ກຳມະການກົມການເມືອງສູນກາງພັກ ຮອງນາຍົກລັດຖະມົນຕີ, ມີບັນດາສະຫາຍແຂກທີ່ຖືກເຊີນຈາກກະຊວງ ແລະ ອົງການອ້ອມຂ້າງສູນກາງ, ບັນດາສະຫາຍສະມາຊິກພັກອາວຸໂສບຳນານ, ພ້ອມດ້ວຍບັນດາສະຫາຍຕາງໜ້າອົງການຈັດຕັ້ງມະຫາຊົນ ແລະ ບັນດາສະຫາຍຜູ້ແທນສົມບູນ ເຂົ້າຮ່ວມ.

5 ປີ ແຂວງເຊກອງ ຂຶ້ນທະບຽນວິສາຫະກິດໄດ້ 900 ກວ່າຫົວໜ່ວຍ

11/09/2025 10:01

ທ່ານ ນາງ ວິລະຄອນ ບັນທະເວີ ຮອງຫົວໜ້າພະແນກອຸດສາຫະກໍາ ແລະ ການຄ້າແຂວງເຊກອງ ໄດ້ໃຫ້ສໍາພາດຕໍ່ສື່ມວນຊົນ ເມື່ອບໍ່ດົນນີ້ວ່າ: ໃນໄລຍະ 5 ປີ (2021-2025) ແຂວງເຊກອງ ສາມາດຂຶ້ນທະບຽນວິສາຫະກິດໄດ້ທັງໝົດ 943 ຫົວໜ່ວຍ, ມີທຶນຈົດທະບຽນ 3,423.50 ຕື້ກີບ. ໃນນີ້, ວິສາຫະກິດທີ່ເຮັດການຜະລິດ 233 ຫົວໜ່ວຍ, ມີທຶນຈົດທະບຽນ 1,124.10 ຕື້ກີບ; ການຄ້າ 472 ຫົວໜ່ວຍ, ມີທຶນຈົດທະບຽນ 944.14 ຕື້ກີບ ແລະ ວິສາຫະກິດທີ່ເຮັດການບໍລິການ 238 ຫົວໜ່ວຍ, ມີທຶນຈົດທະບຽນ 1,355.25 ຕື້ກີບ. ພ້ອມນີ້, ຂະແໜງອຸດສາຫະກໍາ ແລະ ການຄ້າແຂວງ ຍັງໄດ້ເອົາໃຈໃສ່ເປັນເຈົ້າການຄຸ້ມຄອງຖານສະຖິຕິຂໍ້ມູນໂຮງງານທີ່ມີແລ້ວໃນທົ່ວແຂວງ ແລະ ໂຮງງານທີ່ສ້າງຕັ້ງໃໝ່ໃຫ້ເປັນລະບົບ; ຊຸກຍຸ້ ແລະ ປັບປຸງໂຄງລ່າງພື້ນຖານອຸດສາຫະກໍາຂະໜາດກາງ ແລະ ຂະໜາດນ້ອຍ ເພື່ອເພີ່ມຂີດຄວາມສາມາດ ຂອງຜູ້ປະກອບການຜະລິດປຸງແຕ່ງໃຫ້ສາມາດຕອບສະໜອງການຊົມໃຊ້ພາຍໃນ ຊຶ່ງເຮັດໃຫ້ລວມຍອດຜະລິດຕະພັນອຸດສາຫະກໍາປຸງແຕ່ງ ແລະ ຫັດຖະກໍາ ສາມາດປະຕິບັດໄດ້ 1,602 ຕື້ກີບ, ທຽບໃສ່ແຜນປະຕິບັດໄດ້ 117.04% (ແຜນ 5 ປີ 738.11 ຕື້ກີບ).

ເພີ່ມເຕີມ