ວັນທີ 10 ພຶດສະພາ ຜ່ານມາ, ທ່ານ ອາດສະພັງທອງ ສີພັນດອນ ເຈົ້າຄອງນະຄອນຫຼວງວຽງຈັນ (ນວ) ພ້ອມດ້ວຍຄະນະໄດ້ລົງກວດກາຕິດຕາມການກໍ່ສ້າງໂຄງການປ້ອງກັນຕາຝັ່ງ ແລະ ພັດທະນາແຄມຂອງໄລຍະທີ 2 ແຕ່ຫຼັກ 3 ໂຮງຮຽນການຊ່າງລາວ-ເຢຍລະມັນ ເມືອງສີສັດຕະນາກ ຫາ ຫາດດອກແກ້ວ ເມືອງຫາດຊາຍຟອງ ມີຄວາມຍາວເກືອບ 8 ກິໂລແມັດເຄິ່ງ.
ທ່ານ ພຸດທະເສນ ສິນທະວົງ ຮອງຫົວໜ້າພະແນກໂຍທາທິການ ແລະ ຂົນສົ່ງ ນວຫົວໜ້າໂຄງການປ້ອງກັນຕາຝັ່ງ ແລະ ພັດທະນາແຄມຂອງໄລຍະທີ 2 ລາຍງານວ່າ: ໂຄງການປ້ອງກັນຕາຝັ່ງ ແລະ ພັດທະນາແຄມຂອງໄລຍະທີ 2 ຢູ່ ນວ ເລີ່ມຈັດຕັ້ງປະຕິບັດເດືອນກຸມພາ 2022 ໜ້າວຽກປະກອບມີ ລະບົບປ້ອງກັນຕາຝັ່ງ, ກໍ່ສ້າງຄູປ້ອງກັນນໍ້າຖ້ວມທີ່ສາມາດນໍາໃຊ້ເປັນທາງລຽບຕາມແຄມຂອງ ແລະ ກໍ່ສ້າງລະບົບປ້ອງກັນຕາຝັ່ງບໍ່ໃຫ້ມີການເຊາະເຈື່ອນມີຄວາມຍາວເກືອບ 8 ກິໂລແມັດເຄິ່ງ, ຈາກຫຼັກ 4 ເມືອງສີສັດຕະນາກ ຫາ ບ້ານຫາດດອກແກ້ວ ເມືອງຫາດຊາຍຟອງ ຊຶ່ງປະກອບດ້ວຍເສັ້ນທາງຍ່າງຊົມວິວ ແລະ ຊົມຕາເວັນຕົກດິນ, ສວນກິລາກາງແຈ້ງ ແລະ ຈຸດທ່ອງທ່ຽວທຳມະຊາດທີ່ເຊື່ອມຈອດກັບຕົວເມືອງໄດ້.
ໂຄງການນີ້ ເລີ່ມຈັດຕັ້ງປະຕິບັດເດືອນກຸມພາ 2022 ແລະ ມາຮອດເດືອນມີນາ 2024 ສຳເລັດ 53,3% ທຽບໃສ່ແຜນການ(56,6%) ແມ່ນຊັກຊ້າສາເຫດຍ້ອນໂຄງການຕັ້ງຢູ່ເຂດຕົວເມືອງມີຄວາມຫຍຸ້ງຍາກໃນການຂົນສົ່ງວັດສະດຸກໍ່ສ້າງຈາກພາກສະໜາມເຂົ້າຫາໂຄງການທີ່ຕ້ອງໄດ້ຜ່ານເສັ້ນທາງຕົວເມືອງຈຳກັດໂມງເວລາການຂົນສົ່ງ ແລະ ນໍ້າໜັກ, ຄາດວ່າໂຄງການຈະໃຫ້ສຳເລັດທ້າຍປີ 2025;ໂອກາດນີ້, ທ່ານເຈົ້າຄອງ ນວ ໄດ້ເນັ້ນໃຫ້ຄະນະກຳມະການ ແລະ ຜູ້ຮັບຜິດຊອບໂຄງການສືບຕໍ່ຊີ້ນໍາຜູ້ຮັບເໝົາກໍ່ສ້າງຈັດຕັ້ງປະຕິບັດໂຄງການໃຫ້ສຳເລັດໄປຕາມແຜນການ, ການກໍ່ສ້າງໃຫ້ຖືກຕາມເຕັກນິກ ແລະ ມີຄຸນນະພາບ ສ່ວນການໄກ່ເກ່ຍການຊົດເຊີຍສິ່ງກີດຂວາງໃຫ້ອີງໃສ່ນິຕິກຳ ແລະ ຄວາມເໝາະສົມການຕິດຕັ້ງດອກໄຟແສງສະຫວ່າງໃຫ້ເປັນເອກະລັກຂອງເມືອງຂອງບ້ານໃຫ້ມີຄວາມໝາຍ ແລະ ມີຄວາມສວຍງາມ, ການຈັດສັນສະຖານທີ່ທ່ອງທ່ຽວ ແລະ ການອອກແບບສວນສາທາລະນະໃຫ້ສົມທົບກັບຂະແໜງການກ່ຽວຂ້ອງນອກນີ້ອອກນິຕິກຳກ່ຽວກັບການຄຸ້ມຄອງພາຍຫຼັງສຳເລັດການກໍ່ສ້າງກໍໃຫ້ມີຄວາມເໝາະສົມກັບສະພາບຕົວຈິງ ແລະ ອື່ນໆ.
ໂຄງການປ້ອງກັນຕາຝັ່ງ ແລະ ພັດທະນາແຄມຂອງໄລຍະທີ 2 ໄດ້ຮັບການສະໜັບສະໜູນເງິນກູ້ຢືມດອກເບ້ຍຕໍ່າຈາກ ສ ເກົາຫຼີ ມູນຄ່າ 257.605.000 ໂດລາ ແລະ ທຶນສົມທົບຂອງລັດຖະບານລາວ ມູນຄ່າ 9.957.000 ໂດລາ ລວມມູນຄ່າທັງໝົດ 267.562.000 ໂດລາ ໂດຍແມ່ນບໍລິສັດ ຮ່ວມ JV-Saman Corp ແລະ Korea Engineering Consultants (SAMAN ແລະ KECEC) ສ ເກົາຫຼີເປັນທີ່ປຶກສາໂຄງການ ແລະ ບໍລິສັດຮ່ວມ Dongbu Corporation ແລະ Kumho IndustrailCo.,Ltdສ ເກົາຫຼີ ເປັນຜູ້ຮັບເໝົາກໍ່ສ້າງ.
(ຂ່າວ-ພາບ: ລາວພັດທະນາ)
ທ່ານ ພຸດທະເສນ ສິນທະວົງ ຮອງຫົວໜ້າພະແນກໂຍທາທິການ ແລະ ຂົນສົ່ງ ນວຫົວໜ້າໂຄງການປ້ອງກັນຕາຝັ່ງ ແລະ ພັດທະນາແຄມຂອງໄລຍະທີ 2 ລາຍງານວ່າ: ໂຄງການປ້ອງກັນຕາຝັ່ງ ແລະ ພັດທະນາແຄມຂອງໄລຍະທີ 2 ຢູ່ ນວ ເລີ່ມຈັດຕັ້ງປະຕິບັດເດືອນກຸມພາ 2022 ໜ້າວຽກປະກອບມີ ລະບົບປ້ອງກັນຕາຝັ່ງ, ກໍ່ສ້າງຄູປ້ອງກັນນໍ້າຖ້ວມທີ່ສາມາດນໍາໃຊ້ເປັນທາງລຽບຕາມແຄມຂອງ ແລະ ກໍ່ສ້າງລະບົບປ້ອງກັນຕາຝັ່ງບໍ່ໃຫ້ມີການເຊາະເຈື່ອນມີຄວາມຍາວເກືອບ 8 ກິໂລແມັດເຄິ່ງ, ຈາກຫຼັກ 4 ເມືອງສີສັດຕະນາກ ຫາ ບ້ານຫາດດອກແກ້ວ ເມືອງຫາດຊາຍຟອງ ຊຶ່ງປະກອບດ້ວຍເສັ້ນທາງຍ່າງຊົມວິວ ແລະ ຊົມຕາເວັນຕົກດິນ, ສວນກິລາກາງແຈ້ງ ແລະ ຈຸດທ່ອງທ່ຽວທຳມະຊາດທີ່ເຊື່ອມຈອດກັບຕົວເມືອງໄດ້.
ໂຄງການນີ້ ເລີ່ມຈັດຕັ້ງປະຕິບັດເດືອນກຸມພາ 2022 ແລະ ມາຮອດເດືອນມີນາ 2024 ສຳເລັດ 53,3% ທຽບໃສ່ແຜນການ(56,6%) ແມ່ນຊັກຊ້າສາເຫດຍ້ອນໂຄງການຕັ້ງຢູ່ເຂດຕົວເມືອງມີຄວາມຫຍຸ້ງຍາກໃນການຂົນສົ່ງວັດສະດຸກໍ່ສ້າງຈາກພາກສະໜາມເຂົ້າຫາໂຄງການທີ່ຕ້ອງໄດ້ຜ່ານເສັ້ນທາງຕົວເມືອງຈຳກັດໂມງເວລາການຂົນສົ່ງ ແລະ ນໍ້າໜັກ, ຄາດວ່າໂຄງການຈະໃຫ້ສຳເລັດທ້າຍປີ 2025;ໂອກາດນີ້, ທ່ານເຈົ້າຄອງ ນວ ໄດ້ເນັ້ນໃຫ້ຄະນະກຳມະການ ແລະ ຜູ້ຮັບຜິດຊອບໂຄງການສືບຕໍ່ຊີ້ນໍາຜູ້ຮັບເໝົາກໍ່ສ້າງຈັດຕັ້ງປະຕິບັດໂຄງການໃຫ້ສຳເລັດໄປຕາມແຜນການ, ການກໍ່ສ້າງໃຫ້ຖືກຕາມເຕັກນິກ ແລະ ມີຄຸນນະພາບ ສ່ວນການໄກ່ເກ່ຍການຊົດເຊີຍສິ່ງກີດຂວາງໃຫ້ອີງໃສ່ນິຕິກຳ ແລະ ຄວາມເໝາະສົມການຕິດຕັ້ງດອກໄຟແສງສະຫວ່າງໃຫ້ເປັນເອກະລັກຂອງເມືອງຂອງບ້ານໃຫ້ມີຄວາມໝາຍ ແລະ ມີຄວາມສວຍງາມ, ການຈັດສັນສະຖານທີ່ທ່ອງທ່ຽວ ແລະ ການອອກແບບສວນສາທາລະນະໃຫ້ສົມທົບກັບຂະແໜງການກ່ຽວຂ້ອງນອກນີ້ອອກນິຕິກຳກ່ຽວກັບການຄຸ້ມຄອງພາຍຫຼັງສຳເລັດການກໍ່ສ້າງກໍໃຫ້ມີຄວາມເໝາະສົມກັບສະພາບຕົວຈິງ ແລະ ອື່ນໆ.
ໂຄງການປ້ອງກັນຕາຝັ່ງ ແລະ ພັດທະນາແຄມຂອງໄລຍະທີ 2 ໄດ້ຮັບການສະໜັບສະໜູນເງິນກູ້ຢືມດອກເບ້ຍຕໍ່າຈາກ ສ ເກົາຫຼີ ມູນຄ່າ 257.605.000 ໂດລາ ແລະ ທຶນສົມທົບຂອງລັດຖະບານລາວ ມູນຄ່າ 9.957.000 ໂດລາ ລວມມູນຄ່າທັງໝົດ 267.562.000 ໂດລາ ໂດຍແມ່ນບໍລິສັດ ຮ່ວມ JV-Saman Corp ແລະ Korea Engineering Consultants (SAMAN ແລະ KECEC) ສ ເກົາຫຼີເປັນທີ່ປຶກສາໂຄງການ ແລະ ບໍລິສັດຮ່ວມ Dongbu Corporation ແລະ Kumho IndustrailCo.,Ltdສ ເກົາຫຼີ ເປັນຜູ້ຮັບເໝົາກໍ່ສ້າງ.
(ຂ່າວ-ພາບ: ລາວພັດທະນາ)
ຄໍາເຫັນ