ມາຈາກປະເທດນິວຊີແລນໄດ້ໃຫ້ສໍາພາດຜ່ານສື່ມວນຊົນວ່າ:ຕົນເອງຮູ້ສຶກດີໃຈ ແລະ ປະທັບໃຈ ທີ່ໄດ້ມີໂອກາດກັບມາ ສປປ ລາວ ອີກຄັ້ງ ຊຸດນີ້ກໍຖືວ່າເປັນໂອກາດດີທີ່ພັກ-ລັດຖະບານ ສປປ ລາວ ເຫັນຄວາມສໍາຄັນ ເຮັດໃຫ້ໄດ້ມາເຂົ້າຮ່ວມກອງປະຊຸມພີ່ນ້ອງເຊື້ອຊາດລາວ ຢູ່ຕ່າງປະເທດ ໃນຄັ້ງນີ້, ຕົນເອງໄດ້ອອກຈາກບ້ານເກີດເມືອງນອນ(ສປປ ລາວ) ໄປອາໄສຢູ່ປະເທດນີວຊີແລນແຕ່ປີ 1985 ແຕ່ກ່ອນແມ່ນອາໄສຢູ່ບ້ານໂພນສະອາດ ເມືອງໄຊເສດຖານວແຕ່ກໍກັບມາລາວເລື້ອຍໆ ແຕ່ມາເທື່ອໃດກໍເຫັນວ່າ ສປປ ລາວ ມີການພັດທະນາຫຼາຍຂຶ້ນເລື້ອຍໆ ບໍ່ວ່າຈະຢູ່ຕ່າງແຂວງ ຫຼື ພາຍໃນ ນວໂດຍສະເພາະເຫັນວ່າມີຫຼາຍດ້ານໄດ້ຮັບການພັດທະນາຂຶ້ນຫຼາຍເຊັ່ນ: ຖະໜົນຫົນທາງ, ອາຄານບ້ານເຮືອນ, ບ້ານພັກ, ໂຮງແຮມ, ໂຮງຈັກໂຮງງານ, ພື້ນຖານໂລ່ງລ່າງ ແລະ ອື່ນໆ. ສິ່ງສຳຄັນ ສປປ ລາວຍັງມີເສັ້ນທາງລົດໄຟລາວ-ຈີນໄປມາຫາສູ່ຜ່ານລະຫວ່າງບາງແຂວງພາກເໜືອຂອງລາວ ແລະ ຕ່າງປະເທດໄດ້ແລ້ວໂດຍສະເພາະ ສປ ຈີນ ແມ່ນມີຄວາມສະດວກ-ສະບາຍຫຼາຍ, ໃຊ້ເວລາໜ້ອຍ, ປະຢັດເງິນຈາກແຕ່ກ່ອນໃຊ້ເວລາການເດີນທາງຫຼາຍຊົ່ວໂມງ, ຫຼາຍວັນ.ພ້ອມນັ້ນ,ຍັງຮູ້ສຶກດີໃຈ ແລະ ປະທັບໃຈໄດ້ເຫັນຫຼາຍສິ່ງຢ່າງທີ່ສວຍງາມ, ມີຄວາມຈະເລີນຮຸ່ງເຮືອງຕ່າງຈາກເມື່ອກ່ອນຫຼາຍ. ການມາ ສປປ ລາວ ເທື່ອນີ້ນອກຈາກໄດ້ເຂົ້າຮ່ວມກອງປະຊຸມແລ້ວ, ຍັງໄດ້ໄປທ່ອງທ່ຽວສະຖານທີ່ສໍາຄັນຕ່າງໆເຊັ່ນ: ຂີ່ລົດໄຟລາວ-ຈີນ ໄປທ່ຽວແຂວງຫຼວງພະບາງ, ວັງວຽງ ແລະ ທ່ຽວເມືອງວຽງໄຊ ແຂວງຫົວພັນ. ນອກນັ້ນ, ຍັງໄດ້ໄປທ່ຽວພາກໃຕ້: ສະຖານທ່ອງທ່ຽວທໍາມະຊາດຕາດຫຼີ່ຜີ ແລະ ອື່ນໆ ໄດ້ເຫັນຄວາມສວຍງາມຂອງປະເທດລາວເຫັນແລ້ວກໍຢາກໃຫ້ພີ່ນ້ອງເຊື້ອຊາດລາວຢູ່ຕ່າງປະເທດໄດ້ມາເຫັນ ແລະຮັບຮູ້ປະເທດລາວ.
ທ່ານ ນາງ ສົມບູນ ພົມສຸວັນ ກ່າວຕື່ມວ່າ: ແນ່ນອນເມື່ອກັບປະເທດນິວຊີແລນ ຈະແນະນໍາໃຫ້ຄົນເຊື້ອຊາດລາວຢູ່ຕ່າງປະເທດ ແລະຄົນຕ່າງປະເທດຮັບຮູ້ລາວຫຼາຍຂຶ້ນ,ປະເທດລາວບໍ່ຄືແຕ່ກ່ອນແລ້ວ ເພາະຍັງມີຄົນຈໍານວນໜຶ່ງບໍ່ເຂົ້າໃຈ ແລະ ບໍ່ຮັບຮູ້ວ່າປະເທດລາວມີການປ່ຽນແປງໜ້ອຍຫຼາຍສໍ່າໃດ. ສະນັ້ນ, ຢາກໃຫ້ທຸກຄົນໄດ້ມາເຫັນກັບຕາຈຶ່ງຈະເປັນການດີກວ່າ. ດັ່ງຄໍາສຸພາສິດທີ່ວ່າ: ສິບປາກເວົ້າບໍ່ເທົ່າຕາເຫັນ. ໂອກາດນີ້, ທ່ານ ນາງ ສົມບູນ ພົມສຸວັນ ຍັງຝາກເຖິງພີ່ນ້ອງເຊື້ອຊາດລາວຢູ່ຕ່າງປະເທດບໍ່ວ່າຈະຢູ່ປະເທດໃດກໍຕາມຖ້າຫາກວ່າມີໂອກາດ ກໍເຊີນເຂົ້າມາທ່ຽວ ສປປ ລາວເພື່ອຮັບປະສົບການໃໝ່ໆ ໄດ້ເຫັນປະເທດລາວຕົວຈິງ ເຊື່ອແນ່ວ່າຫຼາຍທ່ານຈະມີຄວາມພູມໃຈ ແລະ ປະທັບໃຈ ກັບວັດທະນະທໍາອັນດີງາມຂອງລາວ, ຄວາມເປັນລາວ ແລະ ອື່ນໆເຊັ່ນດຽວກັນ.
ຄໍາເຫັນ