ຄອສພ ປາຖະກະຖາວັນສ້າງຕັ້ງສະຫະພັນກຳມະບານລາວ ຄົບຮອບ 70 ປີ

ໃນພິທີ, ສະຫາຍ ລາວປາວຊົ່ງ ນະວົງໄຊ ໄດ້ຍົກໃຫ້ເຫັນປະຫວັດການກຳເນີດ ແລະ ການເຕີບ ໃຫຍ່ຂະຫຍາຍຕົວຂອງສະຫະພັນກຳມະບານລາວ, ຜົນງານໃນການພັດທະນາສະຫະພັນກຳມະບານລາວ ຕະຫຼອດໄລຍະ 70 ປີ ທີ່ຜ່ານມາ, ສະຫະພັນກຳມະບານລາວ ໄດ້ເອົາໃຈໃສ່ເຄື່ອນໄຫວຕາມພາລະບົດ ບາດ, ສິດ ແລະ ໜ້າທີ່ ທີ່ພັກໄດ້ມອບໝາຍໃຫ້ ໂດຍໄດ້ກຳນົດໄວ້ໃນໂຄງການດໍາເນີນງານດ້ວຍການ ສ້າງ ແລະ ປັບປຸງກົດໝາຍວ່າດ້ວຍກຳມະບານລາວ, ປັບປຸງກົດລະບຽບແຕ່ລະໄລຍະ, ປັບປຸງກົງຈັກ ການຈັດຕັ້ງ, ໂຄງປະກອບບຸກຄະລາກອນ, ແບບແຜນວິທີເຮັດວຽກ, ການຂະຫຍາຍການຈັດຕັ້ງ ແລະ ສະມາຊິກກຳມະບານຢູ່ໃນແຕ່ລະຂົງເຂດ ເພື່ອໃຫ້ສອດຄ່ອງກັບຄວາມເປັນຈິງ ແລະ ຄວາມຮຽກຮ້ອງ ຕ້ອງການຂອງໜ້າທີ່ການເມືອງໃນແຕ່ລະໄລຍະ, ສະຫະພັນກຳມະບານລາວ ໄດ້ຕັ້ງໜ້າເຄື່ອນໄຫວປະຕິ ບັດພາລະກິດປະຕິວັດ, ຈັດຕັ້ງນຳພາສະມາຊິກກຳມະບານ, ກໍາມະກອນ ແລະ ຜູ້ອອກແຮງງານລາວ ບັນດາເຜົ່າ ໃຫ້ມີຄວາມເຂົ້າໃຈ ແລະ ເຊື່ອມຊຶມແນວທາງແຜນນະໂຍບາຍຂອງພັກ, ກົດໝາຍຂອງລັດ; ລະບຽບໃນການອອກແຮງງານ, ປະຕິບັດສິດ ແລະ ພັນທະຂອງຕົນ, ສ້າງສະຕິເຄົາລົບລະບຽບວິໄນ ເຂັ້ມງວດ, ເສີມຂະຫຍາຍມູນເຊື້ອສາມັກຄີປອງດອງ, ນໍ້າໃຈຮັບຜິດຊອບ, ການປະດິດສ້າງໃໝ່, ພັດທະ ນາສີມືແຮງງານ, ຊຸກຍູ້ຂະບວນການແຂ່ງຂັນຂອງກຳມະບານຕິດພັນກັບຂະບວນການຮັກຊາດ ແລະ ພັດ ທະນາຢ່າງເປັນຂະບວນຟົດຟື້ນ, ປົກປ້ອງສິດ ແລະ ຜົນປະໂຫຍດອັນຊອບທຳຕາມກົດໝາຍດ້ວຍ ຫຼາຍຮູບແບບ, ຊຸກຍູ້ສ້າງສັນຍາແຮງງານບຸກຄົນ, ລວມໝູ່, ສະເໜີປັບປຸງຄ່າແຮງງານຂັ້ນຕໍ່າໃນແຕ່ ລະ ໄລຍະ, ຂະຫຍາຍການຈັດຕັ້ງກຳມະບານເຂົ້າສູ່ຫົວໜ່ວຍແຮງງານ, ເຂົ້າຮ່ວມໃນການສ້າງ ແລະ ປັບປຸງ ນິຕິກຳຕ່າງໆ ທີ່ພົວພັນເຖິງສິດ ແລະ ຜົນປະໂຫຍດຂອງສະມາຊິກກຳມະບານ, ກຳມະກອນ ແລະ ຜູ້ອອກແຮງງານຢ່າງເປັນເຈົ້າການ, ມີຄວາມຕື່ນຕົວຫ້າວຫັນໃນການປະຕິບັດໜ້າທີ່ວຽກງານ, ຄວາມ ບາກບັ່ນໃນການທຳມາຫາກິນ ເພື່ອປັບປຸງຊີວິດການເປັນຢູ່ໃຫ້ດີຂຶ້ນ; ປັບປຸງເນື້ອໃນການເຄື່ອນໄຫວ ໃຫ້ມີ ຈຸດສຸມ, ເຂົ້າຮ່ວມຂະບວນການປົກປັກຮັກສາ ແລະ ສ້າງສາພັດທະນາປະເທດຕາມແນວທາງນະໂຍ ບາຍຂອງພັກ. ພ້ອມນັ້ນ, ໄດ້ຍົກໃຫ້ເຫັນການເສີມຂະຫຍາຍມູນເຊື້ອການພັດທະນາວຽກງານ ກຳມະບານ ລາວໃນຕໍ່ໜ້າ. ການຈັດພິທີປາຖະກະຖາໃນຄັ້ງນີ້, ເພື່ອໃຫ້ສະມາຊິກກຳມະບານອ້ອມຂ້າງ ຄອສພ ໄດ້ ຮັບຮູ້-ເຂົ້າໃຈ, ກຳແໜ້ນ ໄດ້ເນື້ອໃນຈິດໃຈຂອງເອກະສານດັ່ງກ່າວ ເພື່ອນໍາໄປຈັດຕັ້ງປະຕິບັດເຂົ້າໃນ ວຽກງານຂອງຕົນຮັບຜິດຊອບ.

(ຂ່າວ-ພາບ: ວັນເພັງ)