flag

ຂ່າວວັດທະນະທຳ-ສັງຄົມ

ຄຕພ ເຜີຍແຜ່ມະຕິກອງປະຊຸມຜູ້ແທນກຳມະບານທົ່ວປະເທດ ຄັ້ງທີ IX

ຄຕພ ເຜີຍແຜ່ມະຕິກອງປະຊຸມຜູ້ແທນກຳມະບານທົ່ວປະເທດ ຄັ້ງທີ IX

ຄຕພ ເຜີຍແຜ່ມະຕິກອງປະຊຸມຜູ້ແທນກຳມະບານທົ່ວປະເທດ ຄັ້ງທີ IX
ຄະນະພົວພັນຕ່າງປະເທດສູນກາງພັກ ປປ ລາວ (ຄຕພ) ໄດ້ຈັດກອງປະຊຸມເຜີຍແຜ່ມະຕິກອງປະຊຸມໃຫຍ່ຜູ້ແທນກຳມະບານລາວທົ່ວປະເທດ ຄັ້ງທີ IX ຂຶ້ນໃນວັນທີ15 ກໍລະກົດນີ້ ທີ່ ຄຕພ, ໃຫ້ກຽດເຜີຍແຜ່ໂດຍ ສະຫາຍ ວິໄລ ວົງຂະເສີມ ຮອງເລຂາຄະນະພັກ ຮອງປະທານຄະນະບໍລິຫານງານສູນກາງສະຫະພັນກຳມະບານລາວ, ພ້ອມດ້ວຍບັນດາສະມາຊິກພາຍໃນ ຄຕພ ເຂົ້າຮ່ວມຢ່າງພ້ອມພຽງ. ກ່ອນເຂົ້າຫ້ອງປະຊຸມ ຄະນະໄດ້ເຂົ້າຢ້ຽມຂໍ່ານັບ ສະຫາຍ ບຸນເຫຼືອ ພັນດານຸວົງ ກຳມະການສູນກາງພັກ ເລຂາຄະນະພັກ ຫົວໜ້າ ຄະນະພົວພັນຕ່າງປະເທດສູນກາງພັກ ເພື່ອແຈ້ງຈຸດປະສົງຂອງການລົງເຄື່ອນໄຫວວຽກງານໃນຄັ້ງນີ້.
ຄຕພ ເຜຍແຜມະຕກອງປະຊມຜແທນກຳມະບານທວປະເທດ ຄງທ IX - image 1
 

 

ຈຸດປະສົງ ໃນການເຜີຍແຜ່ ແລະ ເຊື່ອມຊຶມ ເພື່ອຮັດໃຫ້ພະນັກງານ, ສະມາຊິກກຳມະບານພາຍໃນ ຄຕພ ກໍຄືບັນດາຮາກຖານຂອງແຕ່ລະກົມໄດ້ຮັບຮູ້, ກຳແໜ້ນຢ່າງລະອຽດ, ກວ້າງຂວາງ, ເລິກເຊິ່ງ ແລະ ນຳໄປຈັດຕັ້ງປະຕິບັດ, ຜັນຂະຫຍາຍຢ່າງຖືກຕ້ອງ ແລະ ມີປະສິດທິຜົນສູງ, ສະຫາຍ ວິໄລ ວົງຂະເສີມ ໄດ້ຍົກໃຫ້ເຫັນເຖິງບັນດາເອກະສານທີ່ສຳຄັນ ທີ່ກອງປະຊຸມໃຫຍ່ຜູ້ແທນກຳມະບານລາວ ທົ່ວປະເທດ ທີ່ໄດ້ຮັບຮອງເອົາຄື: ຜົນສຳເລັດກອງປະຊຸມໃຫຍ່ ຜູ້ແທນກຳມະບານລາວ ທົ່ວປະເທດ ສະໄໝທີ IX; ແຜນພັດທະນາວຽກງານ ກຳມະບານລາວ 5 ປີ ຄັ້ງທີ V (2026-2030), ກົດລະບຽບສະຫະພັນກຳມະບານລາວ ສະໄໝທີ IXແລະ ແຜນດຳເນີນງານຂອງ ຄະນະບໍລິຫານງານສູນກາງສະຫະພັນກຳມະບານລາວ ສະໄໝທີ IX ໄລຍະ 5 ປີ (2026-2030).

ພ້ອມນີ້, ສະຫາຍ ວິໄລ ວົງຂະເສີມ ຍັງໄດ້ຮຽກຮ້ອງໃຫ້ຄະນະບໍລິຫານງານສະຫະພັນກຳມະບານແຕ່ລະຂັ້ນ ແລະ ສະມາຊິກກຳມະບານທຸກໆສະຫາຍຈົ່ງຮັບຮູ້, ກຳແໜ້ນຢ່າງລະອຽດ, ເລິກເຊິ່ງ ແລະ ນຳໄປຈັດຕັ້ງປະຕິບັດ, ຜັນຂະຫຍາຍຢ່າງຖືກຕ້ອງ, ປະກອບສ່ວນເຂົ້າໃນການປະຕິບັດໜ້າທີ່ວຽກງານຕ່າງປະເທດຂອງພັກໃຫ້ມີຄວາມໜັກແໜ້ນຍິ່ງໆຂຶ້ນ.

(ຂ່າວ: ຄຕພ)

ຄໍາເຫັນ

ຂ່າວວັດທະນະທຳ-ສັງຄົມ

ບໍລິສັດ ພູ​ເບ້ຍ ມາຍນິງ ຈັດກິດຈະກຳສະຫຼອງວັນອະນຸລັກສັດນ້ຳ-ສັດປ່າ ແລະ ວັນປ່ອຍປາແຫ່ງຊາດ

ບໍລິສັດ ພູ​ເບ້ຍ ມາຍນິງ ຈັດກິດຈະກຳສະຫຼອງວັນອະນຸລັກສັດນ້ຳ-ສັດປ່າ ແລະ ວັນປ່ອຍປາແຫ່ງຊາດ

ບໍລິສັດ ພູ​ເບ້ຍ ມາຍ​ນິງ​ ຮ່ວມ​ກັບ​ອຳນາດ​ການ​ປົກຄອງ​ແຂວງ​ໄຊ​ສົມບູນ ໄດ້​ປ່ອຍ​ລູກ​ປາ​ຈຳ ນວນ​ຫຼາຍ​ກວ່າ 22,000 ໂຕ​ລົງ​ ສູ່​ແຫຼ່ງ​ນ້ຳຢູ່​ແຂວງ​ໄຊ​ສົມບູນ ເນື່ອງ​ໃນ​ໂອກາດ​ສະຫຼອງວັນ ອະນຸລັກ​ສັດ​ນ້ຳ-​ສັດປ່າ ແລະ ວັນ​ປ່ອຍ​ປາ​ແຫ່ງ​ຊາດ ​ຄົບຮອບ 29 ປີ.
ມອບເຄື່ອງຊ່ວຍເຫຼືອບັນເທົາທຸກໃຫ້ປະຊາຊົນຢູ່ສອງແຂວງ

ມອບເຄື່ອງຊ່ວຍເຫຼືອບັນເທົາທຸກໃຫ້ປະຊາຊົນຢູ່ສອງແຂວງ

ໃນວັນທີ 15-16 ກໍລະກົດນີ້, ທ່ານ ຄຳລາວັນ ຈັນທະລາວັນ ກຳມະການສູນກາງພັກ ປະທານອົງການກາແດງແຫ່ງຊາດລາວພ້ອມດ້ວຍຄະນະໄດ້ລົງມອບເຄື່ອງຊ່ວຍເຫຼືອບັນເທົາທຸກໃຫ້ປະຊາຊົນຂອງບ້ານນໍ້າມາງ, ກຳປອນ ເມືອງວຽງພູຄາ ແຂວງຫຼວງນ້ຳທາ ຈຳນວນ 50 ຄອບຄົວ ແລະ ບ້ານນໍ້າຕອຍ, ທົ່ງແສງຈັນ, ຫ້ວຍສາລາ, ຈອມຈຸກ, ບໍ່ເຫຼັກ ແລະ ບ້ານນ້ຳຕິນ ເມືອງຫ້ວຍຊາຍ ແຂວງບໍ່ແກ້ວ ຈຳນວນ50 ຄອບຄົວ ລວມມູນຄ່າທັງໝົດ 90 ລ້ານກີບ.
ຜົນສໍາເລັດກອງປະຊຸມໃຫຍ່ສະມາຊິກພັກຄັ້ງທີ V ຂອງອົງຄະນະພັກ ຄະນະກວດກາສູນກາງພັກ ແລະ ອົງການກວດກາແຫ່ງລັດ

ຜົນສໍາເລັດກອງປະຊຸມໃຫຍ່ສະມາຊິກພັກຄັ້ງທີ V ຂອງອົງຄະນະພັກ ຄະນະກວດກາສູນກາງພັກ ແລະ ອົງການກວດກາແຫ່ງລັດ

ກອງປະຊຸມໃຫຍ່ສະມາຊິກພັກຄັ້ງທີ V ຂອງອົງຄະນະພັກ ຄະນະກວດກາສູນກາງພັກ ແລະ ອົງການກວດກາແຫ່ງລັດ ໄດ້ເປີດຂຶ້ນຢ່າງເປັນທາງການ ໃນວັນທີ 16 ກໍລະກົດ ນີ້ ທີ່ ສະໂມສອນຫ້ອງວ່າການສູນກາງພັກ ແລະ ສໍາເລັດຜົນຢ່າງຈົບງາມໃນວັນດຽວກັນ, ໂດຍການໃຫ້ກຽດເຂົ້າຮ່ວມ ຂອງສະຫາຍ ພົອ ວິໄລ ຫຼ້າຄໍາຟອງ ກໍາມະການກົມການເມືອງສູນກາງພັກ ຜູ້ປະຈໍາການຄະນະເລຂາທິການສູນກາງພັກ, ເປັນປະທານກອງປະຊຸມໂດຍ ສະຫາຍ ວັນໄຊ ພອງສະຫວັນ ກໍາມະການກົມການເມືອງສູນກາງພັກ ຄະນະເລຂາທິການສູນກາງພັກ ເລຂາຄະນະບໍລິຫານງານພັກ ປະທານຄະນະກວດກາສູນກາງພັກ ປະທານອົງການກວດກາແຫ່ງລັດ ຫົວໜ້າອົງການຕ້ານການສໍ້ລາດບັງຫຼວງສູນກາງ, ບັນດາສະຫາຍຄະນະປະຈຳພັກ, ກຳມະການພັກ,​ ບັນດາສະຫາຍຜູ້ແທນສົມບູນ, ສະຫາຍສະມາຊິກພັກອາວຸໂສບຳນານ ແລະ ແຂກທີ່ຖືກເຊີນເຂົ້າຮ່ວມ.
ກຸ່ມບໍລິສັດເຄມີຫວຽດນາມ ມຸ່ງໝັ້ນຂະຫຍາຍຕະຫຼາດ ແລະ ຮັດແໜ້ນຄວາມຮ່ວມມືເສດຖະກິດ ໃນສປປ ລາວ

ກຸ່ມບໍລິສັດເຄມີຫວຽດນາມ ມຸ່ງໝັ້ນຂະຫຍາຍຕະຫຼາດ ແລະ ຮັດແໜ້ນຄວາມຮ່ວມມືເສດຖະກິດ ໃນສປປ ລາວ

ກຸ່ມບໍລິສັດເຄມີຫວຽດນາມ (Vinachem) ເປັນໜຶ່ງກຸ່ມບໍລິສັດຊັ້ນນໍາຂອງຫວຽດນາມ ທີ່ໄດ້ນໍາເອົາຜະລິດຕະພັນຕ່າງໆຂອງກຸ່ມບໍລິສັດມາວາງສະແດງ ແລະ ຈໍາໜ່າຍໃນງານວາງສະແດງສິນຄ້າລາວ-ຫວຽດນາມ ປະຈໍາປີ 2026 (VIETLAO EXPO 2026) ທີ່ຈັດຂຶ້ນຢ່າງເປັນທາງການ ໃນລະຫວ່າງວັນທີ 16-20 ກໍລະກົດ 2026 ນີ້, ທີ່ສູນການຄ້າລາວ-ໄອເຕັກ (ຕຶກເກົ່າ) ນະຄອນຫຼວງວຽງຈັນ ເພື່ອມຸ່ງໝັ້ນຂະຫຍາຍຕະຫຼາດ ແລະ ຮັດແໜ້ນຄວາມຮ່ວມມືເສດຖະກິດໃນ ສປປ ລາວ.
ສະເຫຼີມສະຫຼອງວັນແມ່ຍິງລາວ ແລະ ເທດສະການອາຫານ

ສະເຫຼີມສະຫຼອງວັນແມ່ຍິງລາວ ແລະ ເທດສະການອາຫານ

ໃນວັນທີ 14 ກໍລະກົດຜ່ານມານີ້, ສະຫະພັນແມ່ຍິງກະຊວງການຕ່າງປະເທດ ໄດ້ຈັດພິທີສະເຫຼີມສະຫຼອງ ແລະ ງານເທດສະການອາຫານ ເນື່ອງໃນໂອກາດຂໍ່ານັບຮັບຕ້ອນ ວັນສ້າງຕັ້ງອົງການຈັດຕັ້ງສະຫະພັນແມ່ຍິງລາວ ຄົບຮອບ 71 ປີ (20/7/1955-20/7/2026) ທີ່ ກະຊວງການຕ່າງປະເທດ, ພາຍໃຕ້ການເປັນປະທານຂອງ ທ່ານ ໄມທອງ ທໍາມະວົງສາ ຮອງເລຂາຄະນະບໍລິຫານງານພັກ ຮອງລັດຖະມົນຕີກະຊວງການຕ່າງປະເທດ ຜູ້ຊີ້ນໍາວຽກງານ 3 ອົງການຈັດຕັ້ງມະຫາຊົນ ຊຶ່ງມີບັນດາພັນລະຍາການນໍາ, ພະນັກງານບໍານານເພດຍິງ, ອົງການຈັດຕັ້ງກຳມະບານ ແລະ ຊາວໜຸ່ມ, ຕະຫຼອດຮອດ ຄະນະບໍລິຫານງານ ແລະ ສະມາຊິກສະຫະພັນແມ່ຍິງຂອງກະຊວງການຕ່າງປະເທດ ເຂົ້າຮ່ວມຢ່າງພ້ອມພຽງ. ນອກຈາກນີ້, ຍັງມີຜູ້ຕາງໜ້າຈາກສູນກາງສະຫະພັນແມ່ຍິງລາວ, ສະຫະພັນແມ່ຍິງກະຊວງຂະແໜງການອ້ອມຂ້າງສູນກາງ ແລະ ບັນດາຫົວໜ່ວຍທຸລະກິດ ທີ່ໃຫ້ການສະໜັບສະໜູນໃນການຈັດງານຄັ້ງນີ້ ເຂົ້າຮ່ວມ.
ເລຂາພັກແຂວງຄຳມ່ວນ ລົງກວດກາສະຖານທີ່ ສ້າງ “ແລນມາກໃໝ່” ຂອງເມືອງທ່າແຂກ

ເລຂາພັກແຂວງຄຳມ່ວນ ລົງກວດກາສະຖານທີ່ ສ້າງ “ແລນມາກໃໝ່” ຂອງເມືອງທ່າແຂກ

ໃນວັນທີ 15 ກໍລະກົດ 2026 ທ່ານ ໄຊຊະນະ ໂຄດພູທອນ ເລຂາພັກແຂວງ ປະທານສະພາປະຊາຊົນແຂວງຄຳມ່ວນ ພ້ອມດ້ວຍ ທ່ານ ເດດສັກດາ ມະນີຄຳ ຮອງປະທານຄະນະກຳມະການປົກຄອງແຂວງ ແລະ ຄະນະຕິດຕາມ ໄດ້ຮ່ວມກັບການຈັດຕັ້ງບ້ານ ລົງກວດກາສະຖານທີ່ເຮືອນໄມ້ ຫຼື ຫໍຄອຍພໍ່ເຖົ້າບຸນອຸ້ມ ທີ່ຕັ້ງຢູ່ບ້ານໂພນສະອາດ ເມືອງທ່າແຂກ ເພື່ອສຶກສາຄວາມເປັນໄປໄດ້ໃນການພັດທະນາເປັນຫໍຊົມວິວ, ຈຸດພັກຜ່ອນ ແລະ ຮ້ານກາເຟ ໃຫ້ກາຍເປັນແລນມາກໃໝ່ຂອງເມືອງທ່າແຂກ ແຂວງຄຳມ່ວນ ເພື່ອຮອງຮັບນັກທ່ອງທ່ຽວ ແລະ ຜູ້ເດີນທາງຜ່ານແຂວງ.
ກອງປະຊຸມໃຫຍ່ສະມາຊິກສະມາຄົມນັກທຸລະກິດໜຸ່ມແຂວງເຊກອງ ຄັ້ງທີ l

ກອງປະຊຸມໃຫຍ່ສະມາຊິກສະມາຄົມນັກທຸລະກິດໜຸ່ມແຂວງເຊກອງ ຄັ້ງທີ l

ກອງປະຊຸມໃຫຍ່ສະມາຊິກສະມາຄົມນັກທຸລະກິດໜຸ່ມແຂວງເຊກອງ (ສທໜຂ) ຄັ້ງທີ l ຈັດຂຶ້ນໃນວັນທີ 15 ກໍລະກົດຜ່ານມາ, ທີ່ຫ້ອງວ່າການແຂວງ ໂດຍການເຂົ້າຮ່ວມຂອງທ່ານ ສາກົນ ພອນປະເສີດ ຄະນະປະຈຳພັກແຂວງ ປະທານກວດກາພັກ, ປະທານອົງການກວດກາລັດແຂວງ, ມີທ່ານ ສອນເພັດ ເລື່ອງຜິວວົງແສນ ຮອງປະທານສະ ມາຄົມນັກທຸລະກິດໜຸ່ມສູນກາງ, ທ່ານ ແສງໂນພາ ມິກດາວົງ ກຳມະການພັກແຂວງ, ເລຂາຄະນະບໍລິຫານງານຊາວໜຸ່ມແຂວງ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.
ງານມະຫະກຳການຄ້າທາງເອເລັກໂຕຣນິກລະດັບຊາດຈະຈັດຂຶ້ນທ້າຍເດືອນກັນຍາ

ງານມະຫະກຳການຄ້າທາງເອເລັກໂຕຣນິກລະດັບຊາດຈະຈັດຂຶ້ນທ້າຍເດືອນກັນຍາ

ເພື່ອເປັນການຂັບເຄື່ອນເສດຖະກິດດີຈີຕອນ ແລະ ສົ່ງເສີມຫົວໜ່ວຍທຸລະກິດລາວ ໃຫ້ສາມາດແຂ່ງຂັນໄດ້ໃນຍຸກສະໄໝໃໝ່, ກະຊວງອຸດສາຫະກຳ ແລະ ການຄ້າ (ອຄ) ໄດ້ຈັດພິທີຖະແຫຼງຂ່າວຢ່າງເປັນທາງການ ກ່ຽວກັບການກຽມຄວາມພ້ອມຈັດງານບຸນມະຫະກຳການຄ້າທາງເອເລັກໂຕຣນິກ ຫຼື "Lao E-Commerce Festival 2026" ໃນວັນທີ 15 ກໍລະກົດ ນີ້ ທີ່ກະຊວງ ອຄ. ໃຫ້ກຽດຖະແຫຼງ ໂດຍ ທ່ານ ພຸດທະວັນ ນັນທະວົງ ຮອງລັດຖະມົນຕີ ກະຊວງອຸດສາຫະກໍາ ແລະ ການຄ້າ (ອຄ), ເຂົ້າຮ່ວມມີບັນດາທ່ານຫົວໜ້າກົມ-ຮອງກົມ, ທູຕານຸທູດ ແລະ ຕາງໜ້າອົງການຈັດຕັ້ງສາກົນ ແຂກຖືກເຊີນຈາກພາກລັດ-ເອກະຊົນ.
6 ເດືອນ ດ່ານພາສີສາກົນພູເກືອ ເກັບລາຍຮັບບັນລຸ ເກີນແຜນ

6 ເດືອນ ດ່ານພາສີສາກົນພູເກືອ ເກັບລາຍຮັບບັນລຸ ເກີນແຜນ

ໃນໄລຍະ 6 ເດືອນຕົ້ນປີ 2026 ນີ້, ດ່ານພາສີສາກົນພູເກືອ ແຂວງອັດຕະປື ສາມາດຈັດເກັບລາຍຮັບບັນລຸເກີນແຜນ, ຊຶ່ງເກັບໄດ້ 151 ຕື້ກວ່າກີບ, ເທົ່າກັບ 52.30% ຂອງແຜນປີ ແລະ ເທົ່າກັບ 104.60% ຂອງແຜນ 6 ເດືອນຕົ້ນປີນີ້, ສູງກວ່າໄລຍະດຽວກັນຂອງປີຜ່ານມາ 29.46% ໃນນີ້, ລາຍຮັບຈາກພາສີກວມເອົາ 38 ຕື້ກວ່າກີບ ຫລື 25.16% ຂອງລາຍຮັບທັງໝົດ, ສ່ວນລາຍຮັບຈາກອາກອນກວມເອົາ 113 ຕື້ກວ່າກີບ ຫລື 74.84% ຂອງລາຍຮັບທັງໝົດ ໂດຍອາກອນມູນຄ່າເພີ່ມ (VAT) ຍັງເປັນແຫຼ່ງລາຍຮັບຫຼັກ ກວມເອົາເຖິງ 69.60%.
ທ່ານ ສະເຫຼີມໄຊ ກົມມະສິດ ພົບປະໂອ້ລົມການນຳ ແລະ ພະນັກງານຫຼັກແຫຼ່ງແຂວງອຸດົມໄຊ

ທ່ານ ສະເຫຼີມໄຊ ກົມມະສິດ ພົບປະໂອ້ລົມການນຳ ແລະ ພະນັກງານຫຼັກແຫຼ່ງແຂວງອຸດົມໄຊ

ໃນວັນທີ 15 ກໍລະກົດນີ້ ທີ່ຫ້ອງວ່າການແຂວງອຸດົມໄຊ, ທ່ານ ສະເຫຼີມໄຊ ກົມມະສິດ ກຳມະການກົມການເມືອງສູນກາງພັກ ຮອງນາຍົກລັດຖະມົນຕີ ຜູ້ປະຈຳການ ໄດ້ໃຫ້ກຽດພົບປະໂອ້ລົມ ຕໍ່ການນໍາ ແລະ ພະນັກງານຫຼັກແຫຼ່ງຂອງແຂວງອຸດົມໄຊ, ໂດຍມີທ່ານ ບຸນຄົງ ຫຼ້າຈຽມພອນ ກໍາມະການສູນກາງພັກ ເລຂາພັກແຂວງ ປະທານສະພາປະຊາຊົນແຂວງ ນຳພາຄະນະເຂົ້າຮ່ວມຮັບຟັງການພົບປະໂອ້ລົມດັ່ງກ່າວ.
ເພີ່ມເຕີມ

ຂ່າວ​ລ່າ​ສຸດ

EPaper