ພ້ອມດ້ວຍຄະນະ. ທ່ານ ນາງ ໃບຄູນ ສົມບັດດວງ ໄດ້ລາຍງານຈຸດປະສົງຂອງການມາຢ້າມຢາມ ແລະ ເຮັດວຽກຢູ່ແຂວງຊຽງຂວາງຄັ້ງນີ້ ເພື່ອຕິດຕາມຊຸກຍູ້ການຈັດຄັ້ງປະຕິບັດວຽກງານກໍ່ສ້າງຮາກຖານການເມືອງ, ວຽກງານພັດທະນາຊົນນະບົດ-ແກ້ໄຂຄວາມທຸກຍາກ ແລະ ວຽກງານ 3 ສ້າງ ປີ 2024 ຂອງແຂວງຊຽງຂວາງ, ກວດກາຊຸກຍູ້ການປ້ອນຂໍ້ມູນວຽກງານກໍ່ສ້າງຮາກຖານການເມືອງຢູ່ແຂວງຊຽງຂວາງເຂົ້າໂປຼແກມຖານຂໍ້ມູນຂອງຫ້ອງວ່າການສູນກາງພັກ.
ໂອກາດນີ້, ທ່ານ ໜໍບີ ຫາຕົ່ງປາວ ໄດ້ລາຍງານການຈັດຕັ້ງປະຕິບັດວຽກງານກໍ່ສ້າງຮາກຖານການເມືອງຕິດພັນກັບການແກ້ໄຂຄວາມທຸກຍາກ ພ້ອມທັງຂໍໃຫ້ຂັ້ນເທິງຊ່ວຍຊຸກຍູ້ຊີ້ນຳ ເພື່ອໃຫ້ວຽກງານກົມກຽວສ່ອງແສງລາຍງານໃຫ້ວ່ອງໄວທັນເວລາ.
ການມາເຮັດວຽກຄັ້ງນີ້, ກົມທ້ອງຖິ່ນຮາກຖານຫ້ອງວ່າການສູນກາງພັກ ໄດ້ເຮັດວຽກຕົວຈິງກັບຂະແໜງກໍ່ສ້າງຮາກຖານການເມືອງຂອງຫ້ອງວ່າການແຂວງ, ຊຶ່ງທ່ານ ສຸກສະຫວັນ ເທບທິດາ ຫົວໜ້າຂະແໜງກໍ່ສ້າງຮາກຖານການເມືອງໄດ້ລາຍງານການຈັດຄັ້ງປະຕິບັດວຽກງານກໍ່ສ້າງຮາກຖານການເມືອງ, ວຽກງານ 3 ສ້າງ, ວຽກງານການແກ້ໄຂຄວາມທຸກຍາກ, ການນຳໃຊ້ໂປຼແກມຖານຂໍ້ມູນຂອງຫ້ອງວ່າການສູນກາງພັກ. ແຂວງຊຽງຂວາງປະກອບມີ 7 ເມືອງ, ມີ 476 ບ້ານ, ມີ 35 ກຸ່ມບ້ານ, ມີ 2 ຈຸດສຸມທີ່ລັດຖະບານຄຸ້ມຄອງຄື: ຈຸດສຸມ ບໍກໍ ເມືອງໜອງແຮດເປັນຈຸດສຸມຈັດສັນພູມລຳເນົາ ແລະ ຈັດສັນອາຊີບຄົງທີ່ໃຫ້ແກ່ປະຊາຊົນບັນດາເຜົ່າ ແລະ ຈຸດສຸມຖ້ຳທ້າວເມືອງໜອງແຮດເປັນຈຸດສຸມຕົວແບບການພັດທະນາລົງກໍ່ສ້າງຮາກຖານ ກວມເອົາ 56 ຈຸດສຸມກຸ່ມບ້ານ, ມີ 106 ບ້ານເປົ້າໝາຍ ແລະ ວຽກງານອື່ນໆ. ຈາກນັ້ນ, ຄະນະທັງສອງກໍໄດ້ປຶກສາຫາລືເພື່ອເຮັດໃຫ້ວຽກງານລວມສູນ ຈາກສູນກາງຮອດທ້ອງຖິ່ນ, ປັບປຸງລະບົບແບບແຜນວິທີເຮັດວຽກ, ລະບົບການສ່ອງແສງລາຍງານວ່ອງໄວຊັດເຈນການແກ້ໄຂຄວາມທຸກຍາກວ່ອງໄວ ແລະ ຍືນຍົງ
(ຂ່າວ: ບຸນມີແສງທຸມມີ)
ຄໍາເຫັນ