 |
ການຝຶກອົບຮົມຄັ້ງນີ້, ກໍເພື່ອແນໃສ່ປັບປຸງວຽກງານປ້ອງກັນຊາດດ ເພື່ອຍົກລະດັບຄວາມຮູ້, ຄວາມສາມາດດ້ານສິນລະປະຍຸດ, ຍຸດທະວິທີໃຫ້ນາຍ ແລະ ພົນທະຫານຢູ່ໃນກົມກອງໃຫ້ມີຄວາມຮູ້ຄວາມສາມາດມີພິກໄຫວຄ່ອງແຄ້ວໃນການປະຕິບັດໜ້າທີ່ວຽກງານ ແລະ ເປັນການກະຕຸກຊຸກຍູ້ພະນັກງານ, ນັກຮົບໝວດໝູ່ ກໍຄືນາຍ ແລະ ພົນທະຫານຫັນເຂົ້າສູ່ລະບຽບແບບແຜນຂອງກອງທັບ, ຈັດຕັ້ງບັນດາຂໍ້ກຳນົດຂອງກອງທັບໃຫ້ເປັນປົກກະຕິສ້າງກົມ-ກອງມີລະບຽບແບບແຜນ ແລະ ທັນສະໄໝ, ຝຶກຝົນກຳລັງແຮງກາຍໃຫ້ນາຍ ແລະ ພົນທະຫານມີສຸຂະພາບແຂງແກ່ນ ກຽມພ້ອມສູ້ຮົບທຸກກໍລະນີ. ການຫັດແອບຄັ້ງນີ້, ໄດ້ອົບຮົມວຽກງານການເມືອງ, ລະບຽບຂໍເກຳນົດ, ລະບຽບຮູບແຖວ, ກິລາກາຍຍະກຳ, ວຽກງານເສນາທິການ, ອົບຮົມຫັດແອບສິນລະປະຍຸດທະຫານ, ຫັດແອບວຽກງານພາລາທິການ, ຫັດແອບວຽກງານເລົ່າລົບທະຫານຊາຍແດນ. ການຫັດແອບໃນຄັ້ງນີ້້, ຈະໄດ້ດຳເນີນໄປເປັນເວລາ 9 ເດືອນຈຶ່ງສຳເຫຼັດ
(ຂ່າວ-ພາບ: ສາຍຄຳ ບຸນຍາວົງ)
ຄໍາເຫັນ