ກອງປະຊຸມດັ່ງກ່າວ, ເພື່ອສົນທະນາແລກປ່ຽນ ກ່ຽວກັບການຮ່ວມມື ດ້ານໂຄງລ່າງພື້ນຖານພາຍໃຕ້ຂໍ້ລິເລີ່ມ "ໜຶ່ງແລວໜຶ່ງເສັ້ນທາງ" ແລະ ການພັດທະນາແບບຍືນຍົງໃນຊິກໂລກໃຕ້.
ພ້ອມນີ້ ແຂກທີ່ເຂົ້າຮ່ວມຍັງໄດ້ຮັບຟັງການລາຍງານຂອງກຸ່ມບໍລິສັດ CCCG ບໍລິສັດນໍ້າ ແລະ ໄຟຟ້າສາກົນແຫ່ງ ສປ ຈີນ ກ່ຽວກັບຜົນສໍາເລັດການຄົ້ນຄວ້າທີ່ສໍາຄັນສອງຢ່າງເຊັ່ນ: ບົດລາຍງານການພັດທະນາແບບຍືນຍົງໃນປະເທດລາວ ຂອງກຸ່ມບໍລິສັດ CCCG ປະຈໍາປີ 2024ແລະ ບົດລາຍງານການພັດທະນາຮ່ວມມືດ້ານການເກັບຮັກສາພະລັງງານ ຈີນ–ອາຊຽນເຊິ່ງ ໄດ້ຮັບຄວາມສົນໃຈຢ່າງກວ້າງຂວາງຈາກຜູ້ຊ່ຽວຊານ ແລະ ນັກສຶກສາທີ່ເຂົ້າຮ່ວມ.
ທ່ານ Wang Jiang ໄດ້ກ່າວມີຄໍາເຫັນວ່າ: ບໍລິສັດໄດ້ປະຕິບັດໜ້າາທີ່ຮັບຜິດຊອບທາງສັງຄົມຢູ່ປະເທດລາວຢ່າງກະຕືລືລົ້ນ, ພະຍາຍາມສົ່ງເສີມການຮ່ວມມື ແລະ ຜົນປະໂຫຍດຮ່ວມກັນລະຫວ່າງຈີນ ແລະ ລາວໃນຂົງເຂດຕ່າງໆເຊັ່ນ: ພະລັງງານສະອາດ, ການປົກປ້ອງລະບົບນິເວດ ແລະ ການປັບປຸງຊີວິດການເປັນຢູ່ຂອງປະຊາຊົນ,ການກໍ່ສ້າງໂຄງລາງບໍ່ພຽງແຕ່ເປັນ ການແຂ່ງຂັນລະຫວ່າງຂະໜາດ ແລະ ຄວາມໄວເທົ່ານັ້ນ ແຕ່ຍັງສະທ້ອນເຖິງຄຸນນະພາບ, ສີຂຽວ ແລະ ການຮ່ວມມືກັນ. ໃນອະນາຄົດ, ບໍລິສັດຈະສືບຕໍ່ນໍາພາການພັດທະນາແບບຍືນຍົງ, ການຮ່ວມມືຢ່າງເລິກເຊິ່ງກັບບັນດາມະຫາວິທະຍາໄລ, ສະຖາບັນຄົ້ນຄວ້າ ແລະ ຊຸມຊົນທ້ອງຖິ່ນ ຮ່ວມກັນສ້າງແບບຢ່າງພື້ນຖານໂຄງລ່າງສີຂຽວທີ່ເປັນມິດກັບສະພາບແວດລ້ອມແລະ ເປັນປະໂຫຍດຕໍ່ປະຊາຊົນ.
ທ່ານ ພູໄຊ ວົງພະຈັນ ໄດ້ອະທິບາຍຕື່ມກຽວກັບບົດລາຍງານການພັດທະນາແບບຍືນຍົງ ລະດັບປະເທດໃນປະເທດລາວສະບັບນີ້ ບໍລິສັດທີ່ໄດ້ຈັດພິມຕິດຕໍ່ກັນເປັນປີທີ 3 ແລ້ວ, ໄດ້ສະຫຼຸບຜົນສໍາເລັດຂອງກຸ່ມ CCCG ໃນການສົ່ງເສີມການພັດທະນາທີ່ມີຄຸນນະພາບສູງ, ປະຕິບັດຫນ້າທີ່ຮັບຜິດຊອບຕໍ່ສັງຄົມ ແລະ ສົ່ງເສີມການຮ່ວມ ມືກໍ່ສ້າງຊຸມຊົນໃນປະເທດລາວ.ຊຶ່ງໄດ້ເນັ້ນໜັກຜົນສໍາເລັດຂອງບໍລິສັດໃນການດໍາເນີນການປົກປັກຮັກສາສິ່ງແວດລ້ອມ, ຄວາມປອດໄພ, ການຊ່ວຍເຫຼືອດ້ານການສຶກສາ ແລະ ການພັດທະນາຊຸມຊົນໃນເຂື່ອນໄຟຟ້ານໍ້າລີກ 1-2, ເຂື່ອນໄຟຟ້າ ນໍ້າງຽບ 2 ແລະ ເຂື່ອນໄຟຟ້ານໍ້າກົງ 1.
ທ່ານ Yang Fang ກ່າວວ່າ:ໃນຖານະເປັນຕົວແທນຂອງກຸ່ມນັກຄົ້ນຄິດ, ໄດ້ໃຫ້ຄໍາແນະນໍາລາຍລະອຽດກ່ຽວກັບຜົນການຄົ້ນຄວ້າຫຼັກຂອງບົດລາຍງານການພັດທະນາຮ່ວມມືດ້ານການເກັບຮັກສາພະລັງງານ ຈີນ–ອາຊຽນ. ບົດລາຍງານນີ້ ເນັ້ນເຖິງການຫັນປ່ຽນພະລັງງານໃນພາກພື້ນ ແລະ ການຮ່ວມມືໃນການເກັບຮັກສາພະລັງງານ, ທ່ານໄດ້ວິເຄາະຢ່າງລະອຽດຕື່ມກ່ຽວກັບການ ພັດທະນາໃນປັດຈຸບັນ, ຄວາມສາມາດ ແລະ ສິ່ງທ້າທາຍຂອງອຸດສາຫະກໍາການເກັບຮັກສາພະລັງງານໃນປະເທດອາຊຽນ.ສະເຫນີຄໍາແນະນໍາທີ່ໃຊ້ການໄດ້ສໍາລັບການສົ່ງເສີມການລົງທຶນພະລັງງານສີຂຽວ, ການພັດທະນາເຕັກໂນໂລຊີ ແລະ ການ ປະສານງານນະໂຍບາຍ, ໃຫ້ຂໍ້ອ້າງອີງທີ່ສໍາຄັນສໍາລັບປະເທດລາວ ແລະ ອາຊຽນໃນການປັບປຸງໂຄງສ້າງພະລັງງານ ແລະ ການຫັນປ່ຽນເປັນສີຂຽວ.
ການຖະແຫຼ່ງບົດລາຍງານສອງສະບັບນີ້ເປັນບາດກ້າວໃຫມ່ຂອງກຸ່ມບໍລິສັດ CCCG ໃນການຈັດຕັ້ງປະຕິບັດຂໍ້ລິເລີ່ມ "ໜຶ່ງແລວໜຶ່ງເສັ້ນທາງ", ສະຫນັບສະໜູນແຜນຍຸດທະສາດ ສປປ ລາວເປັນ "ໝໍ້ໄຟຂອງອາຊຽນ"ແລະ ສົ່ງເສີມການພັດທະນາແບບຍືນຍົງໃນພາກພື້ນ, ພ້ອມທັງສະແດງໃຫ້ເຫັນການປ່ຽນແປງຂອງບໍລິສັດຈາກ "ຜູ້ສ້າງພື້ນຖານໂຄງລ່າງ" ໄປສູ່ "ຜູ້ສົ່ງເສີມການພັດທະນາແບບຍືນຍົງ".ຂ່າວ:ມຊ
ຄໍາເຫັນ