ແລະ ທຸລະກິດໃນລາວ” ໃນວັນທີ 12 ພະຈິກຜ່ານມານີ້ ທີ່ໂຮງແຮມຄຣາວພລາຊາ ນະຄອນຫຼວງວຽງຈັນ. ເປັນກຽດໃນກອງປະຊຸມ ໂດຍທ່ານ ແອດີ ເອຍວານ ມາຮມຸດ (EDI IRWAN MAHMUD) ເອກອັກຄະລັດຖະທູດວິສາມັນຜູ້ມີອໍານາດເຕັມ ແຫ່ງມາເລເຊຍ ປະຈໍາ ລາວ, ທ່ານ ມະໂນທອງ ວົງໄຊ ຮອງລັດຖະມົນຕີກະຊວງອຸດສາຫະກໍາ ແລະ ການຄ້າ, ແຂກຖືກເຊີນ ພ້ອມດ້ວຍພະນັກງານທີ່ກ່ຽວຂ້ອງເຂົ້າຮ່ວມ.
ໃນກອງປະຊຸມ, ທ່ານ ທູດມາເລເຊຍ ກ່າວວ່າ: ຂ້ອຍມີຄວາມຍິນດີທີ່ໄດ້ຕ້ອນຮັບທຸກທ່ານໃນງານຂອງພວກເຮົາ ພາຍໃຕ້ຫົວຂໍ້: “ເຊື່ອມຕໍ່ວັດທະນະທຳ, ການສ້າງຂົວຕໍ່ລະຫວ່າງ ຊາວມາເລເຊຍພັດຖິ່ນ ແລະ ທຸລະກິດໃນລາວ” ງານຄັ້ງນີ້ ສະແດງໃຫ້ເຫັນເຖິງສາຍສຳພັນທີ່ຮັດແໜ້ນ ແລະ ການເຕີບໂຕລະຫວ່າງສອງຊາດ ມາເລເຊຍ-ສປປ ລາວ ທີ່ພວກເຮົາພະຍາຍາມຮັກສາ ແລະ ສົ່ງເສີມ, ໂດຍສະເພາະຜ່ານການມີສ່ວນຮ່ວມ ຂອງຊາວມາເລເຊຍພັດຖິ່ນ ແລະ ຊຸມຊົນທຸລະກິດຂອງພວກເຮົາ. ງານວັນນີ້ມີຄວາມສຳຄັນເປັນພິເສດ ໂດຍສະເພາະ ມາເລເຊຍທີ່ກຳລັງກຽມຄວາມພ້ອມສຳລັບການເປັນປະທານ ອາຊຽນ ໃນປີ 2025. ພາຍໃຕ້ຫົວຂໍ້ "ການມີສ່ວນຮ່ວມ ແລະ ຄວາມຍືນຍົງ" ມາເລເຊຍເປັນຜູ້ທີ່ມີຄວາມພ້ອມທີ່ຈະນຳພາພາກພື້ນຂອງພວກເຮົາໄປສູ່ອະນາຄົດທີ່ມີຄວາມຮ່ວມກັນ ແລະ ດ້ວຍຄວາມຍືນຍົງ. ພວກເຮົາຈະໃຫ້ຄວາມສຳຄັນຕໍ່ການເຕີບໂຕທາງເສດຖະກິດ, ການສົ່ງເສີມຄວາມໝັ້ນຄົງ ແລະ ການຮັບຮອງວ່າ ອາຊຽນຈະເປັນພາກພື້ນທີ່ ທີ່ທຸກປະເທດສາມາດເຕີບໂຕໄດ້.
ງານຄັ້ງນີ້ເປັນບາດກ້າວສຳຄັນໃນການສ້າງສາຍພົວພັນ ແລະ ຄວາມເຂົ້າໃຈ. ມື້ນີ້, ພວກເຮົາຈະໄດ້ລົງເລິກເຖິງປະເດັນທີ່ສຳຄັນ ເຊັ່ນ: ອຸດສາຫະກຳອາຫານຮາລານ (HALAL), ການລົງທຶນຂອງມາເລເຊຍ ແລະ ໂອກາດທຸລະກິດທີ່ສົດໃສໃນປະເທດລາວ. ທ່ານທູດ ກ່າວຕື່ມວ່າ: ຂ້ອຍຮູ້ສຶກດີໃຈທີ່ເຫັນຜູ້ເຂົ້າຮ່ວມຈາກຫຼາຍຂະແໜງການທັງລາວ ແລະ ມາເລເຊຍເຂົ້າຮ່ວມ ຊຶ່ງມັນສະທ້ອນໃຫ້ເຫັນວ່າ ທັງສອງຊາດແມ່ນຈະສາມາດຮ່ວມມືກັນໃນຫຼາຍຂະແໜງການ ເພື່ອສ້າງຄວາມເຂັ້ມແຂງໃຫ້ເສດຖະກິດຂອງທັງສອງຊາດ. ຄຽງຄູ່ກັນນັ້ນ ພວກເຮົາກໍສ້າງຄວາມເຂົ້າໃຈດ້ານວັດທະນະທຳ ແລະ ສ້າງເສັ້ນທາງສູ່ອະນາຄົດ ຮ່ວມກັນ, ຂ້ອຍມີຄວາມໝາຍໝັ້ນວ່າ ສາຍສຳພັນທັງສອງປະເທດຈະມີຄວາມຮັດແໜ້ນຂຶ້ນຕື່ມ ແລະ ເຮັດໃຫ້ເສດຖະກິດໃນບັນດາພາກພື້ນມີຄວາມສະຖຽນລະພາບຫຼາຍຂຶ້ນ.
(ຂ່າວ: ແສງຈັນ)
ຄໍາເຫັນ