ເມື່ອບໍ່ດົນມານີ້ທີ່ກະຊວງຍຸຕິທໍາ ກົມກົດໝາຍ ໄດ້ຈັດກອງປະຊຸມຮັບຮອງຮ່າງຂໍ້ຕົກລົງວ່າດ້ວຍຜູ້ຄວບຄຸມຊັບສິນຂຶ້ນ ໂດຍການເປັນປະທານຂອງ ທ່ານ ໄພວີ ສີບົວລິພາ ກໍາມະການສູນກາງພັກເລຂາຄະນະບໍລິຫານງານພັກລັດຖະມົນຕີກະຊວງຍຸຕິທໍາ, ມີບັນດາທ່ານຮອງລັດຖະມົນຕີ, ບັນດາທ່ານຫົວໜ້າ-ຮອງຫົວໜ້າກົມ, ສູນແກ້ໄຂຂໍ້ຂັດແຍ່ງທາງດ້ານເສດຖະກິດ, ຫົວໜ້າ-ຮອງຫົວໜ້າພະແນກ, ພາກສ່ວນທີ່ກ່ຽວຂ້ອງ ແລະ ຄະນະຮັບຜິດຊອບວຽກງານດັ່ງກ່າວ ເຂົ້າຮ່ວມ.
ຮ່າງຂໍ້ຕົກລົງວ່າດ້ວຍຜູ້ຄວບຄຸມຊັບສິນສະບັບນີ້ ໄດ້ກໍານົດຫຼັກການ ແລະ ລະບຽບການ ກ່ຽວກັບຜູ້ຄວບຄຸມຊັບສິນ ແລະ ວິສາຫະກິດໃຫ້ບໍລິການຄວບຄຸມຊັບສິນ ເພື່ອເຮັດໃຫ້ວຽກງານດັ່ງກ່າວ ໄດ້ຮັບການຈັດຕັ້ງປະຕິບັດຢ່າງເປັນລະບົບ, ມີປະສິດທິພາບ ແລະ ປະສິດທິຜົນ ແນໃສ່ຮັບປະກັນ ໃຫ້ໄດ້ຜູ້ຄວບຄຸມຊັບສິນທີ່ມີຄວາມຮູ້, ຄວາມສາມາດປະກອບສ່ວນເຂົ້າໃນການຈັດຕັ້ງປະຕິບັດກົດໝາຍ. ເພື່ອເຮັດໃຫ້ຮ່າງຂໍ້ຕົກລົງສະບັບນີ້ມີເນື້ອໃນຄົບຖ້ວນ, ສົມບູນ ແລະ ຮັດກຸມຂຶ້ນຕື່ມ ຜູ້ເຂົ້າຮ່ວມປະຊຸມກໍໄດ້ມີການສົນທະນາ ແລະ ແລກປ່ຽນຄວາມຄິດເຫັນຢ່າງກົງໄປກົງມາ ດ້ວຍຄວາມຮັບຜິດຊອບສູງ.
ຂ່າວ-ພາບ:ໄໝສີສົດ ສິນພອນເພັດ
ຮ່າງຂໍ້ຕົກລົງວ່າດ້ວຍຜູ້ຄວບຄຸມຊັບສິນສະບັບນີ້ ໄດ້ກໍານົດຫຼັກການ ແລະ ລະບຽບການ ກ່ຽວກັບຜູ້ຄວບຄຸມຊັບສິນ ແລະ ວິສາຫະກິດໃຫ້ບໍລິການຄວບຄຸມຊັບສິນ ເພື່ອເຮັດໃຫ້ວຽກງານດັ່ງກ່າວ ໄດ້ຮັບການຈັດຕັ້ງປະຕິບັດຢ່າງເປັນລະບົບ, ມີປະສິດທິພາບ ແລະ ປະສິດທິຜົນ ແນໃສ່ຮັບປະກັນ ໃຫ້ໄດ້ຜູ້ຄວບຄຸມຊັບສິນທີ່ມີຄວາມຮູ້, ຄວາມສາມາດປະກອບສ່ວນເຂົ້າໃນການຈັດຕັ້ງປະຕິບັດກົດໝາຍ. ເພື່ອເຮັດໃຫ້ຮ່າງຂໍ້ຕົກລົງສະບັບນີ້ມີເນື້ອໃນຄົບຖ້ວນ, ສົມບູນ ແລະ ຮັດກຸມຂຶ້ນຕື່ມ ຜູ້ເຂົ້າຮ່ວມປະຊຸມກໍໄດ້ມີການສົນທະນາ ແລະ ແລກປ່ຽນຄວາມຄິດເຫັນຢ່າງກົງໄປກົງມາ ດ້ວຍຄວາມຮັບຜິດຊອບສູງ.
ຂ່າວ-ພາບ:ໄໝສີສົດ ສິນພອນເພັດ
ຄໍາເຫັນ