 |
ກອງປະຊຸມ ຈະໄດ້ຮັບຟັງບົດລາຍງານການຈັດຕັ້ງປະຕິບັດວຽກງານຮອບດ້ານ ຂອງເມືອງໃນໄລຍະ 3 ເດືອນຜ່ານມາ ແລະ ທິດທາງແຜນການ 9 ເດືອນໃນຕໍ່ໜ້າ. ຮັບຟັງບົດລາຍງານຜົນການປະເມີນໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈໍາປີ 2025; ເຊື່ອມຊຶມມະຕິກອງປະຊຸມຄົບຄະນະບໍລິຫານງານພັກແຂວງ ຄັ້ງທີ 3 ສະໄຫມທີ VIII, ເຊື່ອມຊຶມຂໍ້ກໍານົດວ່າດ້ວຍແບບແຜນວິທີເຮັດວຽກ ແລະ ການພົວພັນລະຫວ່າງເລຂາຄະນະບໍລິຫານງານພັກ ກັບປະທານຄະນະກໍາມະການປົກຄອງນະຄອນ, ແຂວງ ສະບັບເລກທີ 46/ກມສພ, ລົງວັນທີ 19 ມີນາ 2026; ເອກະສານມະຕິກອງປະຊຸມຄົບຄະນະບໍລິຫານງານພັກແຂວງ ຄັ້ງທີ 3 ສະໄໝທີ VIII; ຂໍ້ກໍານົດວ່າດ້ວຍແບບແຜນວິທີເຮັດວຽກ ແລະ ການພົວພັນ ລະຫວ່າງ ເລຂາຄະນະບໍລິຫານງານພັກ ກັບ ປະທານຄະນະກໍາມະການປົກຄອງເມືອງ, ນະຄອນ ສະບັບເລກທີ 03/ກລສພ, ລົງວັນທີ 20 ເມສາ 2026;
ໃນວາລະກອງປະຊຸມ ຈະໄດ້ພ້ອມກັນສຸມໃສ່ຄົ້ນຄວ້າປະກອບຄໍາຄິດຄໍາເຫັນໃສ່ບົດລາຍງານການນໍາພາ-ຊີ້ນໍາ ຈັດຕັ້ງປະຕິບັດວຽກງານຮອບດ້ານ ຂອງເມືອງ ແລະ ບົດລາຍງານຜົນການປະເມີນໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈໍາປີ 2025 ແລະ ຈະໄດ້ພ້ອມກັນ ຄົ້ນຄວ້າວາງທິດທາງແຜນວຽກຈຸດສຸມໃນໄລຍະ 9 ເດືອນຂອງປີ 2026 ໂດຍສ່ອງແສງໃຫ້ເຫັນເຖິງດ້ານດີທີ່ເປັນຜົນງານ ແລະ ຍົກໃຫ້ເຫັນດ້ານຄົງຄ້າງທີ່ຈະຕ້ອງໄດ້ພ້ອມກັນແກ້ໄຂໃນຕໍ່ໜ້າ ແລະ ຈະໄດ້ຮັບຟັງການ ໂອ້ລົມຂອງສະຫາຍ ນາງ ໄກຍະສອນ ສີດາ ກໍາມະການປະຈໍາພັກແຂວງ, ຮອງປະທານສະພາປະຊາຊົນແຂວງ, ຜູ້ຊີ້ນໍາເມືອງເງິນອີກດ້ວຍ.
ຂ່າວ: ຂ່າວສານເມືອງເງິນ
ຄໍາເຫັນ