ສະຫາຍ ສົມນຶກ ໄຊຍະສານ ຮອງເລຂາຄະນະບໍລິຫານງານຊາວໜຸ່ມເມືອງ ໄດ້ຜ່ານບົດສະຫຼຸບການເຄື່ອນໄຫວວຽກງານຮອບດ້ານ ຂອງຄະນະບໍລິຫານງານຊາວໜຸ່ມປະຈໍາປີ 2025 ແລະ ທິດທາງປີ 2026 ຊຶ່ງໄດ້ຕີລາຄາສະພາບການຈັດຕັ້ງປະຕິບັດມະຕິກອງປະຊຸມຜູ້ແທນຊາວໜຸ່ມທົ່ວເມືອງບໍ່ແຕນຄັ້ງທີ VIII ໃນໄລຍະ 1 ປີຜ່ານມາ, ທົ່ວເມືອງມີໜ່ວຍຊາວໜຸ່ມ 46 ໜ່ວຍຮາກຖານ, ມີຊາວໜຸ່ມ-ໄວໜຸ່ມຢູ່ໃນເກນອາຍຸ 15-35 ປີທັງໝົດ 4,254 ສະຫາຍ ຍິງ 2,099 ສະຫາຍ. ໃນນີ້, ເປັນສະມາຊິກຊາວໜຸ່ມ ປະຊາຊົນ ປະຕິວັດລາວ 1,349 ສະຫາຍ ຍິງ 791 ສະຫາຍ, ໄດ້ກວດກາຈັດຕັ້ງຂໍ້ແຂ່ງຂັນ 4 ບຸກຂອງຊາວໜຸ່ມສໍາເລັດໃນທົ່ວເມືອງ. ຜ່ານການກວດກາສາມາດສະຫຼຸບໄດ້ດັ່ງນີ້: ບຸກດ້ານແນວຄິດໄດ້ 93%, ບຸກດ້ານການຝຶກຝົນຫຼໍ່ຫຼອມຮໍ່າຮຽນໄດ້ 93%, ບຸກດ້ານການຈັດຕັ້ງໄດ້ 92%, ບຸກດ້ານການສ້າງອາຊີບ ແລະ ວຽກເຮັດງານທໍາໄດ້ 94%, ປະເພດບຸກຄົນມີສະມາຊິກທັງໝົດ 1,588 ສະຫາຍ ຍິງ 825 ສະຫາຍ, ປະເພດແຂງມີ 1,525 ສະຫາຍ ຍິງ 815 ສະຫາຍ, ປະເພດກາງ 46 ສະຫາຍ ຍິງ 2 ສະຫາຍ. ກອງປະຊຸມຍັງໄດ້ຮັບຟັງການປະກອບຄໍາຄິດຄໍາເຫັນຂອງແຕ່ລະພາກສ່ວນ ເພື່ອຢັ້ງຢືນວຽກງານດ້ານຕ່າງໆ ໃນການຈັດຕັ້ງປະຕິບັດວຽກງານຜ່ານມາ.
ໂອກາດນີ້, ສະຫາຍ ຄຳພັນ ພັນທະວົງ ໄດ້ກ່າວສະແດງຄວາມຍ້ອງຍໍຊົມເຊີຍຕໍ່ການຊີ້ນໍາ-ນໍາພາສະມາຊິກຊາວໜຸ່ມບັນດາເຜົ່າ ປະຕິບັດໜ້າທີ່ການເມືອງຂອງຕົນ ຍາດໄດ້ຜົນສໍາເລັດຫຼາຍດ້ານ ພ້ອມທັງເນັ້ນໜັກໃຫ້ເອົາໃຈໃສ່ວຽກງານແຕ່ລະດ້ານໃນຕໍ່ໜ້າ ໃຫ້ໄດ້ຮັບການຈັດຕັ້ງປະຕິບັດໃຫ້ມີຜົນສໍາເລັດຕາມແຜນການທີ່ວາງໄວ້. ຂ່າວ: ສາຍຄຳ ບຸນຍາວົງ
ຄໍາເຫັນ