ກອງປະຊຸມຄົບຄະນະເປີດກວ້າງ ຄະນະກຳມາທິການແຫ່ງຊາດເພື່ອຄວາມກ້າວໜ້າຂອງແມ່ຍິງ, ແມ່ ແລະ ເດັກ (ຄຊກມດ) ປະຈຳປີ 2023 ໄດ້ຈັດຂຶ້ນໃນວັນທີ 22 ພະຈິກນີ້ ທີ່ຫໍປະຊຸມແຫ່ງຊາດ ໃນຮູບແບບປົກກະຕິ ແລະ ແບບທາງໄກ ໂດຍການເປັນປະທານຂອງທ່ານ ກິແກ້ວ ໄຂຄຳພິທູນ ຮອງນາຍົກລັດຖະມົນຕີ ປະທານ ຄຊກມດ, ມີ ທ່ານນາງ ອາລີ ວົງໜໍ່ບຸນທຳ ປະທານຄະນະບໍລິຫານງານສະຫະພັນແມ່ຍິງລາວ ຮອງປະທານຜູ້ປະຈຳການ ຄຊກມດ, ບັນດາປະທານ ຄຊກມດ ກະຊວງ/ອົງການ, ແຂວງ ແລະ ນະຄອນຫຼວງວຽງຈັນ ເຂົ້າຮ່ວມ.
ທ່ານ ກິແກ້ວ ໄຂຄຳພິທູນ ກ່າວວ່າ: ໃນໄລຍະ 2 ປີ ກວ່າຜ່ານມາ ຄຊກມດ, ຄະນະກຳມາທິການເພື່ອຄວາມກ້າວໜ້າແມ່ຍິງ, ແມ່ ແລະ ເດັກ ກະຊວງ, ອົງການ ແຂວງ ແລະ ນະຄອນຫຼວງວຽງຈັນ ໄດ້ພ້ອມກັນເອົາໃຈໃສ່ຢ່າງຕັ້ງໜ້າ ແລະ ມີຄວາມຮັບຜິດຊອບສູງ ຊີ້ນຳ-ນຳພາ ຈັດຕັ້ງປະຕິບັດວຽກງານສົ່ງເສີມຄວາມກ້າວໜ້າຂອງແມ່ຍິງ, ແມ່ ແລະ ເດັກ ໃນຂອບເຂດຕົນຮັບຜິດຊອບ ເຮັດໃຫ້ສາມາດຍາດໄດ້ຜົນສຳເລັດຫຼາຍດ້ານທີ່ໜ້າເພິງພໍໃຈ ແລະ ສິ່ງທີ່ພົ້ນເດັ່ນຄື: ໄດ້ສຳເລັດການປັບປຸງນິຕິກຳກ່ຽວກັບການຈັດຕັ້ງ ແລະ ການເຄື່ອນໄຫວຂອງ ຄຊກມດ, ຄກມດ ຂັ້ນຂະແໜງການ ແລະ ທ້ອງຖິ່ນ ຂອງຫ້ອງການ ຄຊກມດ; ປັບປຸງດ້ານກົງຈັກ ແລະ ບຸກຄະລາກອນ ແຕ່ລະຂັ້ນ ເພື່ອໃຫ້ສອດຄ່ອງກັບສະພາບຄວາມເປັນຈິງຂອງວຽກງານ ແລະ ອື່ນໆ. ກອງປະຊຸມໃນຄັ້ງນີ້, ຍັງຖືເປັນໂອກາດອັນດີ ທີ່ຄະນະ ຄຊກມດ ແລະ ຄກມດ ແຕ່ຂັ້ນຂະແໜງການ ແລະ ທ້ອງຖິ່ນໄດ້ມາປະຊຸມ ເພື່ອຮັບຟັງຜົນງານ ແລະ ຜົນສຳເລັດ. ພ້ອມນັ້ນ, ຍັງໄດ້ພ້ອມກັນປຶກສາຫາລື ແລກປ່ຽນຄຳຄິດ, ຄຳເຫັນຮ່ວມກັນ ເພື່ອຊອກໃຫ້ເຫັນບັນຫາສິ່ງທ້າທາຍ ແລະ ອຸປະສັກກີດຂວາງໃນການຈັດຕັ້ງປະຕິບັດວຽກງານ ແລະ ເພື່ອຮ່ວມກັນຊອກຫາວິທີໃນການແກ້ໄຂ, ລວມໄປເຖິງການແລກປ່ຽນບົດຮຽນໃນການຈັດຕັ້ງປະຕິບັດວຽກດັ່ງກ່າວໃນຂັ້ນສູນກາງ ແລະ ທ້ອງຖິ່ນ, ເປັນເອກະພາບຮ່ວມກັນໃນກໍານົດແຜນວຽກຈຸດສຸມສຳລັບປີ 2024 ແລະ ປຶກ ສາຫາລືວຽກໃນຕໍ່ໜ້າ ລວມທັງການປະຕິບັດພັນທະຕໍ່ສົນທິສັນຍາສາກົນຢູ່ໃນຄວາມຮັບຜິດຊອບຂອງ ຄຊກມດ, ຄກມດ ແຕ່ລະຂັ້ນ. ກອງປະຊຸມໃນຄັ້ງນີ້, ຜູ້ເຂົ້າຮ່ວມຍັງໄດ້ຮັບຟັງການສະເໜີໂດຍຫຍໍ້ວຽກງານພົ້ນເດັ່ນທີ່ສາມາດຈັດຕັ້ງປະຕິບັດໄດ້ເຄິ່ງກາງສະໄໝຜ່ານມາ (2021-2023) ແລະ ທິດທາງແຜນ ທ້າຍສະໄໝ (2023-2025); ການເຄື່ອນໄຫວຈັດຕັ້ງປະຕິບັດວຽກງານ ຄຊກມດ ປະຈຳ ປີ 2023 ແລະ ທິດທາງແຜນວຽກຈຸດສຸມສໍາລັບປີ 2024 ຂອງ ຄຊກມດ; ສະຫຼຸບການຈັດຕັ້ງປະຕິບັດແຜນດໍາເນີນງານແຫ່ງຊາດເພື່ອຄວາມສະເໝີພາບຍິງ-ຊາຍ; ແຜນດຳເນີນງານແຫ່ງຊາດເພື່ອແມ່ ແລະ ເດັກ; ແຜນດຳເນີນງານແຫ່ງຊາດ ເພື່ອປ້ອງກັນ ແລະ ລຶບລ້າງຄວາມຮຸນແຮງຕໍ່ແມ່ຍິງ, ເດັກປີ 2023 ແລະ ແຜນການ ປີ 2024.
(ຂ່າວ-ພາບ: ວັນເພັງ)
ທ່ານ ກິແກ້ວ ໄຂຄຳພິທູນ ກ່າວວ່າ: ໃນໄລຍະ 2 ປີ ກວ່າຜ່ານມາ ຄຊກມດ, ຄະນະກຳມາທິການເພື່ອຄວາມກ້າວໜ້າແມ່ຍິງ, ແມ່ ແລະ ເດັກ ກະຊວງ, ອົງການ ແຂວງ ແລະ ນະຄອນຫຼວງວຽງຈັນ ໄດ້ພ້ອມກັນເອົາໃຈໃສ່ຢ່າງຕັ້ງໜ້າ ແລະ ມີຄວາມຮັບຜິດຊອບສູງ ຊີ້ນຳ-ນຳພາ ຈັດຕັ້ງປະຕິບັດວຽກງານສົ່ງເສີມຄວາມກ້າວໜ້າຂອງແມ່ຍິງ, ແມ່ ແລະ ເດັກ ໃນຂອບເຂດຕົນຮັບຜິດຊອບ ເຮັດໃຫ້ສາມາດຍາດໄດ້ຜົນສຳເລັດຫຼາຍດ້ານທີ່ໜ້າເພິງພໍໃຈ ແລະ ສິ່ງທີ່ພົ້ນເດັ່ນຄື: ໄດ້ສຳເລັດການປັບປຸງນິຕິກຳກ່ຽວກັບການຈັດຕັ້ງ ແລະ ການເຄື່ອນໄຫວຂອງ ຄຊກມດ, ຄກມດ ຂັ້ນຂະແໜງການ ແລະ ທ້ອງຖິ່ນ ຂອງຫ້ອງການ ຄຊກມດ; ປັບປຸງດ້ານກົງຈັກ ແລະ ບຸກຄະລາກອນ ແຕ່ລະຂັ້ນ ເພື່ອໃຫ້ສອດຄ່ອງກັບສະພາບຄວາມເປັນຈິງຂອງວຽກງານ ແລະ ອື່ນໆ. ກອງປະຊຸມໃນຄັ້ງນີ້, ຍັງຖືເປັນໂອກາດອັນດີ ທີ່ຄະນະ ຄຊກມດ ແລະ ຄກມດ ແຕ່ຂັ້ນຂະແໜງການ ແລະ ທ້ອງຖິ່ນໄດ້ມາປະຊຸມ ເພື່ອຮັບຟັງຜົນງານ ແລະ ຜົນສຳເລັດ. ພ້ອມນັ້ນ, ຍັງໄດ້ພ້ອມກັນປຶກສາຫາລື ແລກປ່ຽນຄຳຄິດ, ຄຳເຫັນຮ່ວມກັນ ເພື່ອຊອກໃຫ້ເຫັນບັນຫາສິ່ງທ້າທາຍ ແລະ ອຸປະສັກກີດຂວາງໃນການຈັດຕັ້ງປະຕິບັດວຽກງານ ແລະ ເພື່ອຮ່ວມກັນຊອກຫາວິທີໃນການແກ້ໄຂ, ລວມໄປເຖິງການແລກປ່ຽນບົດຮຽນໃນການຈັດຕັ້ງປະຕິບັດວຽກດັ່ງກ່າວໃນຂັ້ນສູນກາງ ແລະ ທ້ອງຖິ່ນ, ເປັນເອກະພາບຮ່ວມກັນໃນກໍານົດແຜນວຽກຈຸດສຸມສຳລັບປີ 2024 ແລະ ປຶກ ສາຫາລືວຽກໃນຕໍ່ໜ້າ ລວມທັງການປະຕິບັດພັນທະຕໍ່ສົນທິສັນຍາສາກົນຢູ່ໃນຄວາມຮັບຜິດຊອບຂອງ ຄຊກມດ, ຄກມດ ແຕ່ລະຂັ້ນ. ກອງປະຊຸມໃນຄັ້ງນີ້, ຜູ້ເຂົ້າຮ່ວມຍັງໄດ້ຮັບຟັງການສະເໜີໂດຍຫຍໍ້ວຽກງານພົ້ນເດັ່ນທີ່ສາມາດຈັດຕັ້ງປະຕິບັດໄດ້ເຄິ່ງກາງສະໄໝຜ່ານມາ (2021-2023) ແລະ ທິດທາງແຜນ ທ້າຍສະໄໝ (2023-2025); ການເຄື່ອນໄຫວຈັດຕັ້ງປະຕິບັດວຽກງານ ຄຊກມດ ປະຈຳ ປີ 2023 ແລະ ທິດທາງແຜນວຽກຈຸດສຸມສໍາລັບປີ 2024 ຂອງ ຄຊກມດ; ສະຫຼຸບການຈັດຕັ້ງປະຕິບັດແຜນດໍາເນີນງານແຫ່ງຊາດເພື່ອຄວາມສະເໝີພາບຍິງ-ຊາຍ; ແຜນດຳເນີນງານແຫ່ງຊາດເພື່ອແມ່ ແລະ ເດັກ; ແຜນດຳເນີນງານແຫ່ງຊາດ ເພື່ອປ້ອງກັນ ແລະ ລຶບລ້າງຄວາມຮຸນແຮງຕໍ່ແມ່ຍິງ, ເດັກປີ 2023 ແລະ ແຜນການ ປີ 2024.
(ຂ່າວ-ພາບ: ວັນເພັງ)
ຄໍາເຫັນ