ສຳນັກຂ່າວສານຫວຽດນາມ ປະຈຳ ສິງກະໂປ ລາຍງານວ່າ: ໃນວັນທີ 16-19 ຕຸລາ ນີ້, ງານວາງສະແດງຄວາມປອດໄພທາງອິນເຕີເນັດສາກົນ ສິງກະໂປ 2023 (SICW 2023) ໂດຍອົງການຄວາມປອດໄພທາງອິນເຕີເນັດ ສິງກະໂປ (CSA) ໄດ້ຈັດຂຶ້ນຢູ່ນະຄອນມາຣີນາ ໄບ ແຊນ ທີ່ ສູນປະຊຸມ ແລະ ງານວາງສະແດງສາກົນ, ດ້ວຍຫົວຂໍ້ “ສ້າງຄວາມໄວ້ເນື້ອເຊື່ອໃຈ ແລະ ຄວາມປອດໄພໃນລະບຽບການດີຈີຕອນທີ່ພົ້ນເດັ່ນ”.
ຂ່າວລະບຸວ່າ: ເຫດການດັ່ງກ່າວໄດ້ດຶງດູດການນຳຂອງຫຼາຍປະເທດ ແລະ ອົງການຈັດຕັ້ງສາກົນເຂົ້າຮ່ວມ, ບັນດາເຈົ້າໜ້າທີ່ລັດຖະບານ, ລັດຖະມົນຕີສິງກະໂປ, ບັນດາວິສາຫະກິດ, ຜູ້ສະໜອງການແກ້ໄຂຄວາມປອດໄພທາງອິນເຕີເນັດ ແລະ ບັນດາຜູ້ຊ່ຽວຊານແຖວໜ້າຂອງພາກພື້ນ ແລະ ໃນໂລກໃນຂົງເຂດດີຈີຕອນ.
ໃນພິທີເປີດ SICW 2023, ທ່ານ ເວືອງ ຖຸຍ ກຽດ ຮອງນາຍົກລັດຖະມົນຕີ ແລະ ລັດຖະມົນຕີ ກະຊວງ ປະສານງານນະໂຍບາຍເສດຖະກິດ ສິງກະໂປ ໃຫ້ຮູ້ວ່າ: ການປະຕິວັດດີຈີຕອນສ້າງຄວາມວິຕົກກັງວົນ ແລະ ຄວາມບໍ່ໝັ້ນຄົງກ່ຽວກັບຄວາມສ່ຽງ, ການສໍ້ໂກງ, ການບຸກໂຈມຕີທາງອິນເຕີເນັດ ແລະ ທາງດ້ານຈັນຍາບັນ, ຄວາມເປັນສ່ວນຕົວ ແລະ ການປົກຄອງ. ທ່ານເນັ້ນໜັກວ່າ: ມັນເປັນສິ່ງສຳຄັນທີ່ພວກເຮົາຕ້ອງພ້ອມກັນເຂົ້າໃຈຄວາມສາມາດບົ່ມຊ້ອນດ້ານດີຈີຕອນໃຫ້ດີຂຶ້ນ ແລະ ມີບັນດາມາດຕະການແກ້ໄຂເພື່ອເປັນຮູບຮ່າງ ແລະ ນຳໃຊ້ເປັນກຳລັງຂັບເຄື່ອນທີ່ນຳມາຊຶ່ງຜົນປະໂຫຍດໃຫ້ທຸກຄົນ.
ຄໍາເຫັນ