ລັດຖະມົນຕີກະຊວງອຸດສາຫະກໍາ ແລະ ການຄ້າ(ອຄ)ທັງເປັນລັດຖະມົນຕີເສດຖະກິດອາຊຽນ ຂອງສປປລາວ, ໂດຍການເຂົ້າຮ່ວມຂອງ ທ່ານ ດາເຣັນຕັງ ຜູ້ອໍານວຍການໃຫຍ່ອົງການຊັບສິນທາງປັນຍາໂລກ,ທ່ານ ກາວ ກິມ ຮຸນ ເລຂາທິການໃຫຍ່ອາຊຽນ,ມີບັນດາທ່ານລັດຖະມົນຕີເສດຖະກິດປະເທດສະມາຊິກອາຊຽນ, ທ່ານລັດຖະມົນຕີກະຊວງການຄ້າ ແລະ ອຸດສາຫະກໍາ ປະເທດຕີມໍແລັດສະເຕ, ພ້ອມດ້ວຍບັນດາຄະນະຜູ້ແທນສະມາຊິກອາຊຽນເຂົ້າຮ່ວມ.
ທ່ານ ມະໄລທອງ ກົມມະສິດ ກ່າວວ່າ: ປີ 2024 ສປປ ລາວ ໄດ້ຮັບກຽດເປັນປະທານອາຊຽນ ພາຍໃຕ້ຫົວຂໍ້ "ການເພີ່ມທະວີການເຊື່ອມຈອດ ແລະ ຄວາມເຂັ້ມແຂງອາຊຽນ". ພ້ອມກັນນັ້ນ, ສປປ ລາວ ກໍໄດ້ຮັບກຽດເປັນປະທານໜ່ວຍງານຮ່ວມມືດ້ານຊັບສິນທາງປັນຍາອາຊຽນ ຊຶ່ງມີທັງກາລະໂອກາດ ແລະ ສິ່ງທ້າທາຍ ຊຶ່ງຮຽກຮ້ອງໃຫ້ອາຊຽນຕ້ອງເພີ່ມທະວີຄວາມສາມັກຄີເປັນໜຶ່ງດຽວ ແລະ ຮ່ວມມືກັນຢ່າງສະໜິດແໜ້ນ ເພື່ອຊຸກຍູ້ການພັດທະນາເຕັກໂນໂລຊີ ແລະ ນະວັດຕະກໍາ ເຂົ້າໃນວຽກງານຊັບສິນທາງປັນຍາ ເພື່ອປະກອບສ່ວນຊຸກຍູ້ການຫັນເປັນດີຈີຕອນ ໃນພາກພື້ນອາຊຽນ ເທື່ອລະກ້າວ.
ອາຊຽນ ແລະ ອົງການຊັບສິນທາງປັນຍາໂລກ ເປັນຄູ່ຮ່ວມມືທີ່ຍາວນານ ໃນດ້ານວຽກງານຊັບສິນທາງປັນຍາ ສະແດງອອກໃນຜົນສຳເລັດຫຼາຍດ້ານ ເປັນຕົ້ນຜົນສໍາເລັດໃນການລົງນາມ ໃນບົດບັນທຶກຄວາມເຂົ້າໃຈ ລະຫວ່າງ ອາຊຽນ ແລະ ອົງການຊັບສິນທາງປັນຍາໂລກ ວ່າດ້ວຍການຂະຫາຍາຍການຮ່ວມມືໃນການສົ່ງເສີມຈຸນລະວິສະຫະກິດ,ວິສາຫະກິດຂະໜາດນ້ອຍ-ຂະໜາດກາງ(SMEs), ການນໍາໃຊ້ເຕັກໂນໂລຊີດີຈີຕອນ, ການນໍາໃຊ້ຊັບສິນທາງປັນຍາ ໃຫ້ເປັນສິນເຊື່ອ, ການນໍາໃຊ້ຊັບສິນທາງປັນຍາໃນອຸດສາຫະກໍາສ້າງສັນ ໃນເດືອນສິງຫາປີຜ່ານມາ. ຜົນສໍາເລັດດັ່ງກ່າວ ເປັນບາດກ້າວສຳຄັນໃນການເພີ່ມທະວີການຮ່ວມມື ແລະ ຍົກສູງບົດບາດຄວາມສໍາຄັນຂອງວຽກງານຊັບສິນທາງປັນຍາໃນພາກພື້ນອາຊຽນ ໃຫ້ກ້າວສູ່ສາກົນ.
ກອງປະຊຸມຄັ້ງນີ້,ສະແດງເຖິງຄວາມໝາຍໝັ້ນທີ່ຈະຮ່ວມມືກັນໃນການຊຸກຍູ້ການຈັດຕັ້ງປະຕິບັດແຜນປະຕິບັດງານດ້ານຊັບສິນທາງປັນຍາອາຊຽນ ສໍາລັບປີ 2016-2025 ໃຫ້ບັນລຸຜົນສໍາເລັດຢ່າງເປັນຮູບປະທໍາ ໂດຍສະເພາະການທົບທວນສັນຍາການຮ່ວມມືດ້ານຊັບສິນທາງປັນຍາອາຊຽນ ທີ່ເປັນໜຶ່ງໃນແຜນວຽກບຸລິມະສິດດ້ານເສດຖະກິດອາຊຽນ ພາຍໃຕ້ການເປັນປະທານອາຊຽນຂອງ ສປປ ລາວ ປີ 2024 ຊຶ່ງອົງການຊັບສິນທາງປັນຍາໂລກໄດ້ໃຫ້ການສະໜັບສະໜູນ ໃນການຈັດຕັ້ງປະຕິບັດແຜນວຽກດັ່ງກ່າວ ຢ່າງມີຜົນສຳເລັດ. ປີນີ້, ອາຊຽນພວມກະກຽມສ້າງແຜນຍຸດທະສາດການຮ່ວມມືດ້ານວຽກງານຊັບສິນທາງປັນຍາອາຊຽນ 2045. ເພື່ອເພີ່ມທະວີການຮ່ວມມືຊຶ່ງກັນ ແລະ ກັນ ກໍານົດທິດທາງການພັດທະນາວຽກງານຊັບສິນທາງປັນຍາ ໃຫ້ກ້າວສູ່ລະດັບສາກົນ ເທື່ອລະກ້າວ. ການປຶກສາຫາລືຄັ້ງນີ້ ເປັນໂອກາດດີໃນການແລກປ່ຽນຄໍາຄິດຄໍາເຫັນ ເພື່ອໝູນໃຊ້ວຽກງານ ຊັບສິນທາງປັນຍາ ເຂົ້າໃນການຊຸກຍູ້ການເຕີບໂຕເສດຖະກິດສີຂຽວ, ເສດຖະກິດສີຟ້າ, ເສດຖະກິດສ້າງສັນ, ເສດຖະກິດດີຈີຕອນ ແລະ ເສດຖະກິດວິທະຍາສາດ, ເຕັກໂນໂລຊີ ແລະ ນະວັດຕະກຳ ເພື່ອກໍານົດທິດທາງການຮ່ວມມືດ້ານຊັບສິນທາງປັນຍາ ຢ່າງເປັນຮູບປະທໍາ ແລະ ມີປະສິດທິຜົນ.
(ຂ່າວ:ຍຸພິນທອງ-ພາບ:ແສງຈັນ)
ທ່ານ ມະໄລທອງ ກົມມະສິດ ກ່າວວ່າ: ປີ 2024 ສປປ ລາວ ໄດ້ຮັບກຽດເປັນປະທານອາຊຽນ ພາຍໃຕ້ຫົວຂໍ້ "ການເພີ່ມທະວີການເຊື່ອມຈອດ ແລະ ຄວາມເຂັ້ມແຂງອາຊຽນ". ພ້ອມກັນນັ້ນ, ສປປ ລາວ ກໍໄດ້ຮັບກຽດເປັນປະທານໜ່ວຍງານຮ່ວມມືດ້ານຊັບສິນທາງປັນຍາອາຊຽນ ຊຶ່ງມີທັງກາລະໂອກາດ ແລະ ສິ່ງທ້າທາຍ ຊຶ່ງຮຽກຮ້ອງໃຫ້ອາຊຽນຕ້ອງເພີ່ມທະວີຄວາມສາມັກຄີເປັນໜຶ່ງດຽວ ແລະ ຮ່ວມມືກັນຢ່າງສະໜິດແໜ້ນ ເພື່ອຊຸກຍູ້ການພັດທະນາເຕັກໂນໂລຊີ ແລະ ນະວັດຕະກໍາ ເຂົ້າໃນວຽກງານຊັບສິນທາງປັນຍາ ເພື່ອປະກອບສ່ວນຊຸກຍູ້ການຫັນເປັນດີຈີຕອນ ໃນພາກພື້ນອາຊຽນ ເທື່ອລະກ້າວ.
ອາຊຽນ ແລະ ອົງການຊັບສິນທາງປັນຍາໂລກ ເປັນຄູ່ຮ່ວມມືທີ່ຍາວນານ ໃນດ້ານວຽກງານຊັບສິນທາງປັນຍາ ສະແດງອອກໃນຜົນສຳເລັດຫຼາຍດ້ານ ເປັນຕົ້ນຜົນສໍາເລັດໃນການລົງນາມ ໃນບົດບັນທຶກຄວາມເຂົ້າໃຈ ລະຫວ່າງ ອາຊຽນ ແລະ ອົງການຊັບສິນທາງປັນຍາໂລກ ວ່າດ້ວຍການຂະຫາຍາຍການຮ່ວມມືໃນການສົ່ງເສີມຈຸນລະວິສະຫະກິດ,ວິສາຫະກິດຂະໜາດນ້ອຍ-ຂະໜາດກາງ(SMEs), ການນໍາໃຊ້ເຕັກໂນໂລຊີດີຈີຕອນ, ການນໍາໃຊ້ຊັບສິນທາງປັນຍາ ໃຫ້ເປັນສິນເຊື່ອ, ການນໍາໃຊ້ຊັບສິນທາງປັນຍາໃນອຸດສາຫະກໍາສ້າງສັນ ໃນເດືອນສິງຫາປີຜ່ານມາ. ຜົນສໍາເລັດດັ່ງກ່າວ ເປັນບາດກ້າວສຳຄັນໃນການເພີ່ມທະວີການຮ່ວມມື ແລະ ຍົກສູງບົດບາດຄວາມສໍາຄັນຂອງວຽກງານຊັບສິນທາງປັນຍາໃນພາກພື້ນອາຊຽນ ໃຫ້ກ້າວສູ່ສາກົນ.
ກອງປະຊຸມຄັ້ງນີ້,ສະແດງເຖິງຄວາມໝາຍໝັ້ນທີ່ຈະຮ່ວມມືກັນໃນການຊຸກຍູ້ການຈັດຕັ້ງປະຕິບັດແຜນປະຕິບັດງານດ້ານຊັບສິນທາງປັນຍາອາຊຽນ ສໍາລັບປີ 2016-2025 ໃຫ້ບັນລຸຜົນສໍາເລັດຢ່າງເປັນຮູບປະທໍາ ໂດຍສະເພາະການທົບທວນສັນຍາການຮ່ວມມືດ້ານຊັບສິນທາງປັນຍາອາຊຽນ ທີ່ເປັນໜຶ່ງໃນແຜນວຽກບຸລິມະສິດດ້ານເສດຖະກິດອາຊຽນ ພາຍໃຕ້ການເປັນປະທານອາຊຽນຂອງ ສປປ ລາວ ປີ 2024 ຊຶ່ງອົງການຊັບສິນທາງປັນຍາໂລກໄດ້ໃຫ້ການສະໜັບສະໜູນ ໃນການຈັດຕັ້ງປະຕິບັດແຜນວຽກດັ່ງກ່າວ ຢ່າງມີຜົນສຳເລັດ. ປີນີ້, ອາຊຽນພວມກະກຽມສ້າງແຜນຍຸດທະສາດການຮ່ວມມືດ້ານວຽກງານຊັບສິນທາງປັນຍາອາຊຽນ 2045. ເພື່ອເພີ່ມທະວີການຮ່ວມມືຊຶ່ງກັນ ແລະ ກັນ ກໍານົດທິດທາງການພັດທະນາວຽກງານຊັບສິນທາງປັນຍາ ໃຫ້ກ້າວສູ່ລະດັບສາກົນ ເທື່ອລະກ້າວ. ການປຶກສາຫາລືຄັ້ງນີ້ ເປັນໂອກາດດີໃນການແລກປ່ຽນຄໍາຄິດຄໍາເຫັນ ເພື່ອໝູນໃຊ້ວຽກງານ ຊັບສິນທາງປັນຍາ ເຂົ້າໃນການຊຸກຍູ້ການເຕີບໂຕເສດຖະກິດສີຂຽວ, ເສດຖະກິດສີຟ້າ, ເສດຖະກິດສ້າງສັນ, ເສດຖະກິດດີຈີຕອນ ແລະ ເສດຖະກິດວິທະຍາສາດ, ເຕັກໂນໂລຊີ ແລະ ນະວັດຕະກຳ ເພື່ອກໍານົດທິດທາງການຮ່ວມມືດ້ານຊັບສິນທາງປັນຍາ ຢ່າງເປັນຮູບປະທໍາ ແລະ ມີປະສິດທິຜົນ.
(ຂ່າວ:ຍຸພິນທອງ-ພາບ:ແສງຈັນ)
ຄໍາເຫັນ