 |
ການຈັດງານໃນຄັ້ງນີ້, ມີຫຼາຍກິດຈະກໍາປິ່ນອ້ອມ ແລະ ກອງປະຊຸມວິຊາການ ດ້ານການທ່ອງທ່ຽວ ຄັ້ງທີ V, ງານສໍາມະນາການທ່ອງທ່ຽວ ແລະ ການລົງທຶນ, ງານພົບປະລະຫວ່າງ ພາກລັດ ແລະ ພາກທຸລະກິດ, ງານວາງສະແດງການທ່ອງທ່ຽວ ແລະ ຜະລິດຕະພັນທ້ອງຖິ່ນ, ງານກິລາມິດຕະພາບ ແລະ Fam Trip ສໍາລັບນັກຂ່າວ ແລະ ພາກທຸລະກິດ.
 |
ໃນກອງປະຊຸມວິຊາການ ດ້ານການທ່ອງທ່ຽວ ຄັ້ງທີ V ຂອງ 2 ກະຊວງ ໄດ້ຮ່ວມກັນປຶກສາຫາລື ແລະ ເອກະພາບໃນຫຼາຍບັນຫາ ເປັນຕົ້ນ ການຮັບຮອງເອົາບົດບັນທຶກກອງປະຊຸມວິຊາການ ດ້ານການທ່ອງທ່ຽວ ຄັ້ງທີ V; ການຮັບຮອງເອົາແຜນຈັດຕັ້ງປະຕິບັດຮ່ວມດ້ານການທ່ອງທ່ຽວ ສໍາລັບປີ 2026-2028; ການຂະຫຍາຍການບໍລິການຖ້ຽວບິນ ລະຫວ່າງປະເທດ ສູ່ຈຸດໝາຍປາຍທາງການທອງທ່ຽວຫຼັກ; ການພັດທະນາ ແລະ ສົ່ງເສີມເສັ້ນທາງບູຮານເຊື່ອມຕໍ່ວັດພູ ແລະ ອັງກໍວັດ (ຄວາມຍາວ 260 ກິໂລແມັດ, ປັດຈຸບັນໄດ້ເປີດທົດລອງເສັ້ນທາງຍ່າງແລ້ວ ໄລຍະ 3,7 ກິໂລແມັດ); ປຶກສາຫາລືກ່ຽວກັບການທົບທວນຄືນ ບົດບັນທຶກຄວາມເຂົ້າໃຈ ການຮ່ວມມືດ້ານການທ່ອງທ່ຽວ ລະຫວ່າງ ລາວ ແລະ ກໍາປູເຈຍ; ຈັດສໍາມະນາ ແລະ ແລກປ່ຽນບົດຮຽນ ດ້ານການຄຸ້ມຄອງສະຖານທີ່ທ່ອງທ່ຽວທາງມໍຣະດົກ; ຮ່ວມກັນຂາຍລາຍການທ່ອງທ່ຽວຂອງສອງປະເທດໃຫ້ນັກທ່ອງທ່ຽວ.
 |
ຂ່າວ: ຂປລ
ຄໍາເຫັນ