ແລະ ອີກສາມກອງປະຊຸມທີ່ກ່ຽວຂ້ອງ, ໂດຍການເປັນປະທານເປີດກອງປະຊຸມຂອງ ທ່ານ ນາງ ຈັນສຸກ ແສງພະຈັນ ຮອງລັດຖະມົນຕີ ກະຊວງ ອຄ, ມີທ່ານ ໄຊສົມເພັດ ນໍລະສິງ ຫົວໜ້າກົມຊັບສິນທາງປັນຍາ ປະທານໜ່ວຍປະຕິບັດງານດ້ານຊັບສິນທາງປັນຍາອາຊຽນ, ມີບັນດາທ່ານຫົວໜ້າກົມ, ຫ້ອງການຊັບສິນທາງປັນຍາ ບັນດາປະເທດສະມາຊິກອາຊຽນ, ປະເທດຕໍມໍເລສເຕ, ຕາງໜ້າຈາກກອງເລຂາອາຊຽນເຂົ້າຮ່ວມ.
ທ່ານ ນາງ ຈັນສຸກ ແສງພະຈັນ ກ່າວວ່າ: ກອງປະຊຸມໜ່ວຍປະຕິບັດງານດ້ານຊັບສິນທາງປັນຍາອາຊຽນ ຄັ້ງທີ 74, ທີ່ ສປປ ລາວ ເປັນປະທານຄັ້ງນີ້ ມີຈຸດປະສົງ ເພື່ອລາຍງານຜົນສໍາເລັດຂອງກອງປະຊຸມລັດຖະມົນຕີເສດຖະກິດອາຊຽນ ແລະ ກອງປະຊຸມເຈົ້າໜ້າທີ່ອາວຸໂສ ໃນໄລຍະຜ່ານມາ ທີ່ຕິດພັນກັບວຽກງານຊັບສິນທາງປັນຍາ ແລະ ຈະໄດ້ມີການປຶກສາຫາລື ກັບຜູ້ຕາງໜ້າຈາກອົງການຊັບສິນທາງປັນຍາໂລກ ແລະ ອົງການຊັບສິນທາງປັນຍາແຫ່ງສະຫະພາບເອີຣົບ. ພ້ອມດຽວກັນນັ້ນ ບັນດາຜູ້ແທນທີ່ເຂົ້າຮ່ວມກອງປະຊຸມ ຈະໄດ້ມີການພົບປະ, ສະແດງເຖິງຄວາມມຸ່ງໝາຍຮ່ວມກັນ ເພື່ອປຶກສາຫາລື ແລະ ຮັດແໜ້ນສາຍພົວພັນ ລະຫວ່າງ ຫ້ອງການຊັບສິນທາງປັນຍາ ຂອງບັນດາປະເທດສະມາຊິກອາຊຽນ, ຕີມໍເລດສເຕ ແລະ ຄູ່ຮ່ວມພັດທະນາທີ່ສໍາຄັນ ເຊັ່ນ: ອົງການຊັບສິນທາງປັນຍາໂລກ, ອົງການຊັບສິນທາງປັນຍາເອີຣົບ ແລະ ພາກສ່ວນອື່ນໆ, ໃນການຮ່ວມມືດ້ານຊັບສິນທາງປັນຍາ ໂດຍສະເພາະການພັດທະນາດ້ານລະບົບການຄຸ້ມຄອງ ແລະ ປົກປ້ອງຊັບສິນທາງປັນຍາ ຂອງປະເທດສະມາຊິກອາຊຽນ.ເພື່ອພັດທະນາການບໍລິການຊັບສິນທາງປັນຍາ ຂອງປະເທດສະມາຊິກອາຊຽນ ໃຫ້ມີຄວາມວ່ອງໄວ, ທັນສະໄໝ ທຽບທັນສາກົນ ເພື່ອຊຸກຍູ້ ແລະ ສົ່ງເສີມການປະດິດສ້າງ ແລະ ປະດິດຄິດແຕ່ງ ຂອງອາຊຽນ ເຮັດໃຫ້ອາຊຽນເປັນພາກພື້ນທີ່ມີຄວາມກ້າວໜ້າ, ໂດດເດັ່ນໃນການສ້າງນະວັດຕະກຳ ແລະ ນຳໃຊ້ວຽກງານຊັບສິນທາງປັນຍາເປັນເຄື່ອງມື ເພື່ອເຊື່ອມໂຍງເສດຖະກິດໃນພາກພື້ນໃຫ້ມີຄວາມເຂັ້ມແຂງ, ສາມາດແຂ່ງຂັນກັບພາກພື້ນ ແລະ ສາກົນຕາມເປົ້າໝາຍແຜນແມ່ບົດຂອງປະຊາຄົມເສດຖະກິດອາຊຽນ.
ທ່ານ ຍັງໄດ້ຮຽກຮ້ອງ ຕໍ່ຜູ້ແທນໃນກອງປະຊຸມຄັ້ງນີ້ ເພີ່ມທະວີຄວາມສາມັກຄີເປັນໜຶ່ງດຽວ ແລະ ຮ່ວມມືກັນຢ່າງສະໜິດແໜ້ນ ໂດຍສະເພາະ ການຮ່ວມມືກັບອົງການຊັບສິນທາງປັນຍາໂລກ ກ່ຽວກັບການນໍາໃຊ້ເຕັກໂນໂລຊີ ແລະ ນະວັດຕະກໍາ ເປັນຕົ້ນໃນຂົງເຂດ ດິຈິຕ໋ອນ ທີ່ກຳລັງມີບົດບາດອັນສຳຄັນ ໃນຍຸກເສດຖະກິດດິຈິຕ໋ອນ.
ສໍາລັບການປຶກສາຫາລືໃນກອງປະຊຸມຄັ້ງນີ້ ເພື່ອຮ່ວມມືກັນ ບັນລຸເປົ້າໝາຍການຮ່ວມມືດ້ານຊັບສິນທາງປັນຍາ ແລະ ສະໜັບສະໜູນການຮ່ວມມືຢ່າງຕໍ່ເນື່ອງໃນແຜນປະຕິບັດງານດ້ານຊັບສິນທາງປັນຍາອາຊຽນ 2016-2025 ແລະ 2024ນີ້, ເປັນປີຂອງການກະກຽມສ້າງແຜນຍຸດທະສາດ ໃນການຮ່ວມມືວຽກງານຊັບສິນທາງປັນຍາຂອງອາຊຽນ ຮອດປີ 2045.
ການປຶກສາຫາລື ແລະ ແລກປ່ຽນທັດສະນະຮ່ວມກັນ ໃນການກຳນົດແນວທາງໃນການພັດທະນາລະບົບຊັບສິນທາງປັນຍາຂອງສາກົນ, ໂດຍສະເພາະ ຄວາມສຳຄັນໃນການເຊື່ອມໂຍງກັນ ລະຫວ່າງ ແຜນຍຸດທະສາດຊັບສິນທາງປັນຍາ ປິ 2045, ຕິດພັນກັບ ການເຕີບໂຕຂອງ 5 ຂະແໜງການເສດຖະກິດ ຄື: ເສດຖະກິດສີຂຽວ Green Economy, ເສດຖະກິດສີຟ້າ Blue economy, ເສດຖະກິດສ້າງສັນ Creative Economy, ເສດຖະກິດ ດີຈີຕ໋ອນ ແລະ ເສດຖະກິດວິທະຍາສາດ, ເທັກໂນໂລຊີ ແລະ ນະວັດຕະກຳ Science, Technology, and Innovation Economy ອີກດ້ອຍ.
(ແຫຼ່ງຂ່າວ: ແຂວງຫຼວງພະບາງ)
ຄໍາເຫັນ