 |
ສະຫາຍ ສີສຸພັນ ຜາວົງ ກຳມະການພັກແຂວງ ຫົວໜ້າຫ້ອງວ່າການແຂວງ ຮອງຫົວໜ້າ ອະນຸກຳມະການເນື້ອໃນຮ່າງລາຍງານການເມືອງກອງປະຊຸມໃຫຍ່ ຄັ້ງທີ XI ຂອງອົງຄະນະພັກແຂວງເຊ ກອງໄດ້ໃຫ້ສຳພາດຕໍ່ນັກຂ່າວໜັງສືພິມປະຊາຊົນ ໃນວັນທີ 21 ກໍລະກົດ ຜ່ານມາວ່າ: ການດຳເນີນກອງ ປະຊຸມໃຫຍ່ 3 ຂັ້ນຂອງພັກຢູ່ແຂວງເຊກອງ, ໄດ້ດຳເນີນກອງປະຊຸມໃຫຍ່ອົງຄະນະພັກເມືອງ ໂດຍໄດ້ ເລີ່ມໃນກາງ ປີ 2024 ເປັນຕົ້ນມາ, ພາຍຫຼັງມີຄໍາສັ່ງ ເລກທີ 411 ຂອງຄະນະເລຂາທິການສູນກາງພັກ ກໍໄດ້ມີການແຕ່ງຕັ້ງຄະນະກຳມະການຮັບຜິດຊອບກອງປະຊຸມໃຫຍ່ຂອງ 4 ເມືອງ ຊຶ່ງມາຮອດປັດຈຸບັນ ແມ່ນໄດ້ສຳເລັດການດຳເນີນກອງປະຊຸມໃຫຍ່ 4 ເມືອງ ແລະ ກອງປະຊຸມໃຫຍ່ຂອງສອງກຳລັງ ປະກອບອາວຸດກໍໄດ້ສຳເລັດໃນທ້າຍເດືອນມີນາເຊັ່ນກັນ, ທັງໝົດນັ້ນແມ່ນໄດ້ເປັນເງື່ອນໄຂໃຫ້ແກ່ການກະ ກຽມກອງປະຊຸມໃຫຍ່ຄັ້ງທີ XI ຂອງອົງຄະນະພັກແຂວງ, ໃນນັ້ນການກະກຽມກອງປະຊຸມອົງຄະນະ ພັກແຂວງຄະນະປະຈໍາກໍໄດ້ມີການແຕ່ງຕັ້ງຄະນະຮັບຜິດຊອບ ໃນຕົ້ນປີ 2024 ລວມມີ ຄະນະຊີ້ນຳລວມ, ອະນຸກຳມະການເນື້ອໃນ, ອະນຸກຳມະການບຸກຄະລາກອນ, ອະນຸກຳມະການເສດຖະກິດ, ອະນຸກຳມະການງົບປະມານ, ອະນຸກຳມະການປ້ອງກັນຊາດ - ປ້ອງກັນຄວາມສະຫງົບ, ອະນຸກຳມະການ ສຸຂະພາບ ແລະ ອະນຸກຳມະການຂະບວນການຕ່າງໆ ຖືວ່າມາຮອດປັດຈຸບັນແມ່ນສຳເລັດ ແລະ ອະນຸກຳມະການລົງມື ກ່ອນໝູ່ແມ່ນອະນຸກຳມະການເນື້ອໃນເລີ່ມປະຕິບັດໃນກາງປີ 2024 ເປັນຕົ້ນມາ.
ສະຫາຍ ສີສຸພັນ ຜາວົງ ກ່າວໃຫ້ຮູ້ຕື່ມວ່າ: ສຳລັບຂະບວນການກະກຽມດຳເນີນກອງປະຊຸມໃຫຍ່ ອົງຄະນະພັກແຂວງຄັ້ງທີ XI ອັນທີໜຶ່ງ ດ້ານຂະບວນການ ໄດ້ເປັນເຈົ້າການອອກນິຕິກໍາຂອງບັນດາ ຮາກຖານພັກ 4 ອົງຄະນະພັກເມືອງ, ກໍາລັງປະກອບອາວຸ ປກຊ-ປກສ ສ້າງຂະບວນການຮອບດ້ານ, ຂະບວນການທີ່ໜຶ່ງ ຈັດຕັ້ງມະຕິກອງປະຊຸມໃຫຍ່ຄັ້ງທີ X ຂອງອົງຄະນະພັກແຂວງທ້າຍສະໄໝເປັນຂະ ບວນການທີ່ປະຕິບັດໜ້າທີ່ການເມືອງຂອງແຕ່ລະຂະແໜງການຂົງເຂດວຽກງານຖືວ່າໄດ້ຮັບຜົນສຳເລັດ, ຂະບວນການທີ່ສອງ ການແຂ່ງຂັນຮັກຊາດພັດທະນາຕິດພັນກັບການສະເຫຼີມສະຫຼອງ 3 ວັນປະຫວັດສາດ ກໍໄດ້ສຳເລັດການຊຸມນຸມມິດຕິງໃຫຍ່ວັນສ້າງຕັ້ງພັກ ຄົບຮອບ 70 ປີ, ຂະບວນການປະດັບປະດາອະນາ ໄມ ຊຶ່ງບັນດາເມືອງກໍໄດ້ປະດັບປະດາ, ຕິດພັນກັບການປັບປຸງສ້ອມແປງອາຄານ ໂດຍສະເພາະອາຄານ ໃຫຍ່ສະໂມສອນຂອງແຂວງ ເພື່ອຮອງຮັບຄະນະຜູ້ແທນທີ່ຈະມາເຂົ້າຮ່ວມກອງປະຊຸມ ແລະ ປະ ດັບປະດາ, ທາສີສຳນັກງານອົງການຕ່າງໆ ແລະ ອະນາໄມເທດສະບານຕົວເມືອງແມ່ນໄດ້ດໍາເນີນໄປ ເປັນຈຳນວນຫຼາຍ ພິເສດແມ່ນໄດ້ສຳເລັດການຕິດຕັ້ງໄຟເຍືອງທາງໂຊລາເຊວ, ສຳລັບດ້ານເນື່ອໃນ ໄດ້ເລີ່ມລົງມືໂຄງສ້າງຕ່າງໆໃນກາງປີ 2024 ເປັນຕົ້ນມາ ແລະ ໃນທ້າຍປີໄດ້ເອົາຮ່າງດັ່ງກ່າວຜ່ານກອງ ປະຊຸມຄະນະປະຈຳພັກແຂວງ ເພື່ອເອກະພາບດ້ານໂຄງສ້າງ, ພາຍຫຼັງຄະນະປະຈຳເອກະພາບດ້ານໂຄງ ສ້າງແລ້ວກໍໄດ້ຮ່າງເນື້ອໃນເບື້ອງຕົ້ນແລ້ວຜ່ານກອງປະຊຸມຄົບຄະນະປະຈຳພັກແຂວງ, ສຳລັບດ້ານບຸກຄະ ລາກອນໄດ້ເລີ່ມກະກຽມມາແຕ່ຂັ້ນເມືອງ, ບັນດາສະຫາຍເລຂາພັກເມືອງໄດ້ໄປທາບທາມຮອບທີໜຶ່ງ ແລະ ເຮັດຢູ່ 4 ເມືອງ, ສຳລັບຂັ້ນແຂວງຮອບທີໜຶ່ງແມ່ນເຮັດຢູ່ຫ້ອງວ່າການແຂວງ ແລະ ມາຮອດປັດຈຸບັນ ໃນວັນທີ 21 ກໍລະກົດ ຜ່ານມາ ເປັນຮອບທີ 2 ໂດຍໄດ້ເຊີນ 4 ເມືອງ ແລະ ຄະນະນຳພັກແຂວງ, ບັນດາເລຂາ, ຮອງເລຂາຄະນະໜ່ວຍພັກ, ພະແນກການ, ອົງການອ້ອມຂ້າງແຂວງ ແລະ ກຳລັງປະ ກອບອາວຸດ ປກຊ-ປກສ ແລະ ຫົວໜ້າພະແນກການຂັ້ນແຂວງເຂົ້າຮ່ວມ ເຫັນວ່າບັນດາບຸກຄະລາກອນ ປະຕິບັດຕາມຄຳແນະນຳຂອງຄະນະຈັດຕັ້ງສູນກາງພັກ ເລກທີ 211 ເຫັນວ່າຖືກຕ້ອງສອດ ຄ່ອງຕາມລະບຽບການທີ່ກຳນົດໄວ້, ຄາດວ່າການດຳເນີນກອງປະຊຸມໃຫຍ່ຈະດຳເນີນຢ່າງເປັນທາງການ, ຕາມການລາຍງານຂອງຄະນະປະຈຳພັກແຂວງ ຫາ ຄະນະເລຂາທິການສູນກາງພັກ ໂດຍຜ່ານຄະນະ ຈັດຕັ້ງສູນກາງພັກແມ່ນຄາດວ່າໃນວັນທີ 28 - 29 ສິງຫາ ທີ່ຈະມາເຖິງນີ້, ໃນນັ້ນ ກອງປະຊຸມຈະ ມີການປະກອບຄໍາເຫັນ 10 ຫົວຂໍ້ ຂອງບັນດາສຳນັກງານ, ອົງການ, ຂົງເຂດປ້ອງກັນຊາດ, ປ້ອງກັນ ຄວາມສະຫງົບ, ຂົງເຂດເສດຖະກິດ, ວັດທະນະທຳ - ສັງຄົມ, ຂົງເຂດອຳນາດລັດ, ແນວລາວສ້າງຊາດ, ອົງການຈັດຕັ້ງມະຫາຊົນ, ຕົວແບບມາຈາກ 4 ເມືອງ.
 |
ສະຫາຍ ສີສຸພັນ ຜາວົງ ຖືໂອກາດນີ້ຮຽກຮ້ອງເຖິງບັນດາສະຫາຍຄະນະພັກ, ສະມາຊິກພັກທຸກ ຂັ້ນ, ຕະຫຼອດຮອດປະຊາຊົນບັນເຜົ່າພາຍໃນແຂວງເຊກອງຈົ່ງຮ່ວມແຮງຮ່ວມໃຈກັນສ້າງຂະບວນການຂໍ່າ ນັບຮັບຕ້ອນ ກອງປະຊຸມໃຫຍ່ຄັ້ງທີ XI ຂອງອົງຄະນະພັກແຂວງເຊກອງເປັນຂະບວນການທົ່ວປວງຊົນ, ຮ່ວມແຮງຮ່ວມໃຈກັນສ້າງຂະບວນການອະນາໄມ 3 ສະອາດ, ພ້ອມກັນປົກປັກຮັກສາຄວາມສະຫງົບ, ຄວາມປອດໄພ, ຄວາມເປັນລະບຽບຮຽບຮ້ອຍ ແນໃສ່ເຮັດໃຫ້ຂະບວນການກະກຽມດຳເນີນກອງປະຊຸມ ໃຫຍ່ຄັ້ງນີ້ໃຫ້ເປັນຂະບວນຂອງທົ່ວປວງຊົນ ໃຫ້ມີຄວາມຮັບຮູ້, ເຂົ້າໃຈເຖິງຄວາມໝາຍຄວາມສຳຄັນຂອງ ກອງປະຊຸມໃຫຍ່ດັ່ງກ່າວ.
ຄໍາເຫັນ