ກອງປະຊຸມໃຫຍ່ຜູ້ພິພາກສາທົ່ວປະເທດ ຄັ້ງທີ XII

ກອງປະຊຸມໃຫຍ່ຜູ້ພິພາກສາທົ່ວປະເທດ ຄັ້ງທີ XII

ກອງປະຊຸມໃຫຍ່ຜູ້ພິພາກສາທົ່ວປະເທດ ຄັ້ງທີ XII
ສານປະຊາຊົນສູງສຸດ (ສປສສ) ໄດ້ຈັດກອງປະຊຸມໃຫຍ່ຜູ້ພິພາກສາທົ່ວປະເທດ ຄັ້ງທີ XII ພາຍໃຕ້ຫົວຂໍ້: ການຕັດສິນວ່ອງໄວ ຜ່ານກົນໄກດໍາເນີນຄະດີຕໍ່ເນື່ອງ, ການຕັດສິນຖືກຕ້ອງ ແລະ ພາວະວິໄສ ຜ່ານກົນໄກໂຕ້ແຍ່ງ-ໂຕ້ຖຽງ, ຮັບປະກັນຄວາມສັກສິດຂອງກົດໝາຍ ແລະ ສິ້ນສຸດຕາມຂະບວນການຍຸຕິທໍາຂຶ້ນໃນວັນທີ 15 ກໍລະກົດນີ້ ທີ່ໂຮງແຮມແລນມາກ ນະຄອນຫຼວງວຽງຈັນ ໂດຍການເປັນປະທານຂອງທ່ານນາງ ວຽງທອງ ສີພັນດອນ ປະທານສານປະຊາຊົນສູງສຸດ, ມີທ່ານນາງ ທຸມມະລີ ວົງພະຈັນ ປະທານກໍາມາທິການຍຸຕິທໍາ ສະພາແຫ່ງຊາດ, ມີຄະນະປະທານ, ສະມາຊິກສະພາຜູ້ພິພາກສາ, ຮອງລັດຖະມົນຕີ ພ້ອມດ້ວຍຜູ້ພິພາກສາສານປະຊາຊົນໃນຂອບເຂດທົ່ວປະເທດເຂົ້າຮ່ວມ.

 

 
ກອງປະຊມໃຫຍຜພພາກສາທວປະເທດ ຄງທ XII - image 1
 

ທ່ານ ບຸນຂວາງ ທະວີສັກ ຮອງປະທານ ສປສສ ໄດ້ຂຶ້ນລາຍງານກ່ຽວກັບການປະຕິບັດມະຕິຂອງກອງປະຊຸມໃຫຍ່ຜູ້ພິພາກສາ ຄັ້ງທີ XI ແລະ ວາງທິດທາງແຜນການກອງປະຊຸມໃຫຍ່ຜູ້ພິພາກສາ ຄັ້ງທີ XII (2025-2027) ໂດຍຍົກໃຫ້ເຫັນດ້ານດີ, ດ້ານອ່ອນ, ຂໍ້ຄົງຄ້າງຜົນສໍາເລັດໃນແຕ່ລະດ້ານ ເປັນຕົ້ນຜ່ານການສຸມໃສ່ຈັດຕັ້ງປະຕິບັດຜ່ານມາ ໄດ້ເຮັດໃຫ້ການພິຈາລະນາແກ້ໄຂຄະດີຂອງສານແຕ່ລະຂັ້ນ ມີຄວາມວ່ອງໄວ ແລະ ມີຄຸນນະ ພາບດີຂຶ້ນ ສະແດງອອກນັບແຕ່ສໍາເລັດກອງປະຊຸມໃຫຍ່ຜູ້ພິພາກສາ ຄັ້ງທີ XI ມາເຖິງປັດຈຸບັນ (2023-2025) ມີຄະດີຄ້າງມາຄືນຫຼັງຢູ່ສານຂັ້ນຕົ້ນ, ຂັ້ນອຸທອນ ແລະ ຂັ້ນລົບລ້າງທີ່ຍັງບໍ່ທັນໄດ້ແກ້ໄຂ 3,341 ເລື່ອງ, ເຂົ້າໃໝ່ 13,655 ເລື່ອງ ລວມຄະດີຄ້າງມາ ແລະ ເຂົ້າໃໝ່ທັງໝົດ 16,996 ເລື່ອງ, ໄດ້ພິຈາລະນາແກ້ໄຂແລ້ວ 13,198 ເລື່ອງ, ເທົ່າກັບ 77.63 % ຂອງຄະດີທັງໝົດ, ຄະດີທີ່ຍັງຄ້າງ 3,798 ເລື່ອງ. ນອກຈາກການແກ້ໄຂຄະດີແລ້ວ ຍັງໄດ້ປະສານສົມທົບກັບຫົວໜ້າອົງການໄອຍະການປະຊາຊົນສູງສຸດ ຄົ້ນຄວ້າພິຈາລະນາອອກຄໍາຊີ້ຂາດໂທດປະຫານຊີວິດ ໂດຍໄດ້ສຸມໃສ່ຊຸກຍູ້, ຕິດຕາມ ການຕັດສິນຄະດີອາຍາທີ່ລົງໂທດປະຫານຊີວິດ, ເມື່ອສິ້ນສຸດຂະບວນການດໍາເນີນຄະດີມີຄໍາຕັດສິນໃຊ້ໄດ້ຢ່າງເດັດຂາດແລ້ວໃຫ້ສະເໜີຫາ ສປສສ ເພື່ອພິຈາລະນາອອກຄໍາຊີ້ຂາດຕາມຂັ້ນຕອນທີ່ກົດໝາຍກໍານົດ ໂດຍໄດ້ຄົ້ນຄວ້າຄໍາສະເໜີຂໍອອກຄໍາຊີ້ຂາດເພື່ອຢັ້ງຢືນຄໍາຕັດສິນໂທດປະທານຊີວິດໄດ້ 103 ເລື່ອງ.

ຈາກໂຕເລກສະຖິຕິຄະດີ ໄດ້ຊີ້ໃຫ້ເຫັນເຖິງຄວາມເອົາໃຈໃສ່ຂອງຜູ້ພິພາກສາຢູ່ສານປະຊາຊົນ ແລະ ສານທະຫານແຕ່ລະຂັ້ນໃນການປະຕິບັດສິດ ແລະ ໜ້າທີ່ຂອງຕົນຕາມລັດຖະທໍາມະນູນ ແລະ ກົດໝາຍກໍານົດໄວ້, ການໃຫ້ຄວາມຮ່ວມມືຂອງຄູ່ຄວາມ ແລະ ພາກສ່ວນທີ່ກ່ຽວຂ້ອງກັບການດໍາເນີນຄະດີຕາມຂະບວນຍຸຕິທໍາ ຈຶ່ງເຮັດໃຫ້ການຕັດສິນ, ພິພາກສາຄະດີຂອງສານມີຄວາມວ່ອງໄວ, ໂປ່ງໃສ, ຖືກຕ້ອງ ແລະ ເປັນທໍາຂຶ້ນເທື່ອລະກ້າວ, ຄູ່ຄວາມມີຄວາມພໍໃຈຕໍ່ກັບຜົນການຕັດສິນຂອງສານຫຼາຍຂຶ້ນ ໂດຍສະເພາະຄະດີອາຍາສານຂັ້ນຕົ້ນເຂດ, ແຂວງ-ນະຄອນຫຼວງວຽງຈັນ ແລະ ສານທະຫານພາກຕັດສິນ 8,569 ເລື່ຶອງ, ຄູ່ຄວາມພໍໃຈຕໍ່ຜົນຂອງການຕັດສິນສົ່ງໄປຈັດຕັ້ງປະຕິບັດເຖິງ 8,103 ເລື່ອງ, ກວມເອົາ 94.56 %. ຄຽງຄູ່ກັນນັ້ນ, ຜ່ານການຈັດຕັ້ງປະຕິບັດ 2 ປີຜ່ານມາ ໄດ້ຕັດສິນຄະດີຢາເສບຕິດທັງໝົດ 3,960 ເລື່ອງ. ໃນນັ້ນ, ລົງໂທດປະຫານຊີວິດ 61 ຄົນ, ຕັດສິນລົງໂທດຕະຫຼອດຊີວິດ, ລົງໂທດຕັດອິດສະຫຼະພາບຈໍາຄຸກຈໍານວນໜຶ່ງ, ຮິບຢາເສບຕິດແລ້ວທໍາລາຍຖີ້ມ, ຮິບທີ່ດິນ ແລະ ເຮືອນ, ພາຫະນະ ແລະ ຊັບສິນອື່ນໆທີ່ພົວພັນກັບຄະດີຢາເສບຕິດ.

ໂອກາດນີ້, ບັນດາຜູ້ພິພາກສາໄດ້ຕາງໜ້າຄະນະ ສປສສ, ສານທະຫານ, ສານປະຊາຊົນທ້ອງຖິ່ນ (ສານປະຊາຊົນທັງ 3 ພາກ, ສານປະຊາຊົນແຂວງ-ນະຄອນຫຼວງ ແລະ ສານປະຊາຊົນເຂດໄດ້ລາຍງານກ່ຽວກັບບັນຫາທີ່ກ່ຽວຂ້ອງກັບວຽກງານໃນການດໍາເນີນຄະດີຢູ່ສານໃຫ້ສອດຄ່ອງກັບຫຼັກການພື້ນຖານທີ່ໄດ້ກໍານົດໄວ້ໃນກົດໝາຍວ່າດ້ວຍສານປະຊາຊົນ. ພ້ອມນັ້ນ, ຍັງໄດ້ພ້ອມກັນຕີລາຄາຄືນການປະຕິບັດໜ້າທີ່ວຽກງານ ແລະ ການນຳໃຊ້ກົດ ໝາຍ; ຄົ້ນຄວ້າບັນຫາທາງດ້ານວິຊາການ ເປັນຕົ້ນຄໍາຖາມ-ຄໍາຕອບທາງດ້ານກົດໝາຍເປັນບ່ອນອີງໃນການປະຕິ ບັດໃນຕໍ່ໜ້າ.

(ຂ່າວ-ພາບ: ວັນເພັງ)

ຄໍາເຫັນ

ຂ່າວວັດທະນະທຳ-ສັງຄົມ

6 ເດືອນຕົ້ນປີ ອຄ ເຊກອງ ສາມາດສົ່ງອອກສິນຄ້າ 121,16 ລ້ານໂດລາ

6 ເດືອນຕົ້ນປີ ອຄ ເຊກອງ ສາມາດສົ່ງອອກສິນຄ້າ 121,16 ລ້ານໂດລາ

ທ່ານ ນາງ ວິລະຄອນ ບັນທະເວີ ຮອງຫົວໜ້າພະແນກອຸດສາຫະກໍາ ແລະ ການຄ້າ (ອຄ) ຜູ້ຊີ້ນໍາວຽກງານການຄ້າພາຍໃນ ແລະ ສົ່ງເສີມການຜະລິດເປັນສິນຄ້າແຂວງເຊກອງ ໄດ້ໃຫ້ສຳພາດຕໍ່ສື່ມວນຊົນໃນວັນທີ 27 ສິງຫາຜ່ານມາ ທີ່ພະແນກ ອຄ ແຂວງວ່າ: ໃນ 6 ເດືອນຕົ້ນປີຜ່ານມາ, ສາມາດຈັດຕັ້ງປະຕິບັດການນຳເຂົ້າສິນ ຄ້າ 4,17 ລ້ານກວ່າໂດລາ, ໃນນັ້ນຜະລິດຕະພັນທີ່ນໍາເຂົ້າສ່ວນໃຫຍ່ແມ່ນປະເພດກົນຈັກ, ປຸ໋ຍ, ອຸປະກອນນໍາໃຊ້ເຂົ້າໃນການຜະລິດເປັນສິນຄ້າຂອງບັນດາໂຄງການຕ່າງໆ ທີ່ມາລົງທຶນພາຍໃນແຂວງ.
ສສຊ ແລະ ສສ ນວ ລົງພົບປະຜູ້ມີສິດເລືອກຕັ້ງ ຢູ່ ກະຊວງ ອຄ

ສສຊ ແລະ ສສ ນວ ລົງພົບປະຜູ້ມີສິດເລືອກຕັ້ງ ຢູ່ ກະຊວງ ອຄ

ສະມາຊິກສະພາແຫ່ງຊາດ (ສສຊ) ແລະ ສະມາຊິກສະພາປະຊາຊົນ ນະຄອນຫຼວງວຽງຈັນ (ສສ ນວ), ນຳໂດຍ ທ່ານ ວຽງວິໄລ ທ່ຽງຈັນໄຊ ສະມາຊິກສະພາແຫ່ງຊາດ ຊຸດທີ IX ປະຈຳເຂດເລືອກຕັ້ງທີ 1 ນະຄອນຫຼວວຽງຈັນ ຮອງປະທານຄະນະກຳມາທິການຍຸຕິທຳ ສະພາແຫ່ງຊາດ, ທ່ານ ນາງ ວິໄຊ ສຣິດທິລາດ ສະມາຊິກສະພາແຫ່ງຊາດ ຊຸດທີ IX ປະຈໍາເຂດເລືອກຕັ້ງທີ 1 ນະຄອນຫຼວງວຽງຈັນ ຮອງປະທານກຳມາທິການແຜນການ, ການເງິນ ແລະ ການກວດສອບ ສະພາແຫ່ງຊາດ, ທ່ານ ນາງ ສົມພຽນ ວົງໄຊ ສະມາຊິກສະພາແຫ່ງຊາດ ຊຸດທີ IX ປະຈໍາເຂດເລືອກຕັ້ງທີ 1 ນະຄອນຫຼວງວຽງຈັນ, ຄະນະປະຈຳ ສະພາປະຊາຊົນ ນວ ປະທານ ຄະນະກຳມະການຍຸຕິທຳ ແລະ ປ້ອງກັນຊາດ-ປ້ອງກັນຄວາມສະຫງົບ ໄດ້ລົງພົບປະຜູ້ມີສິດເລືອກຕັ້ງ ແລະ ເຜີຍແຜ່ຜົນສຳເລັດກອງປະຊຸມສະໄໝສາມັນເທື່ອທີ 9 ຂອງສະພາແຫ່ງຊາດ ຊຸດທີ IX ແລະ ສະພາປະຊາຊົນ ນະຄອນຫຼວງວຽງຈັນ ຊຸດທີ IV ທີ່ ກະຊວງອຸດສາຫະກຳ ແລະ ການຄ້າ (ອຄ), ໃນວັນທີ 28 ສິງຫານີ້, ໂດຍມີ ທ່ານ ມະໂນທອງ ວົງໄຊ ຮອງລັດຖະມົນຕີກະຊວງອຸດສາຫະກຳ ແລະ ການຄ້າ ແລະ ພະນັກງານ-ລັດຖະກອນ ເຂົ້າຮ່ວມ.
ການລ້ຽງສັດເປັນຟາມ ໜຶ່ງໃນທ່າແຮງຫຼັກຂອງແຂວງເຊກອງ

ການລ້ຽງສັດເປັນຟາມ ໜຶ່ງໃນທ່າແຮງຫຼັກຂອງແຂວງເຊກອງ

ການລ້ຽງສັດເປັນຟາມຢູ່ແຂວງເຊກອງ ໜຶ່ງໃນທ່າແຮງຫຼັກ ສາມາດຕອບສະໜອງດ້ານສະບຽງອາຫານພາຍໃນ ແລະ ສົ່ງອອກຕ່າງແຂວງ ສາມາດສ້າງວຽກເຮັດງານທຳໃຫ້ປະຊາຊົນພາຍໃນທ້ອງຖິ່ນ ປະກອບສ່ວນເຂົ້າໃນການພັດທະນາເສດຖະກິດ-ສັງຄົມຂອງແຂວງເປັນຢ່າງດີ.
ຈາກອາຊີບຂາຍຜັກ ມາລ້ຽງ ແລະຊື້-ຂາຍງົວ ເຮັດໃຫ້ມີລາຍຮັບ 300 ລ້ານກີບຕໍ່ປີ

ຈາກອາຊີບຂາຍຜັກ ມາລ້ຽງ ແລະຊື້-ຂາຍງົວ ເຮັດໃຫ້ມີລາຍຮັບ 300 ລ້ານກີບຕໍ່ປີ

ຕະຫຼອດໄລຍະຜ່ານມາ ພັກ-ລັດຖະບານ ໄດ້ມີແນວທາງປ່ຽນແປງໃໝ່ເພື່ອຊຸກຍູ້ປະຊາຊົນ ໃຫ້ຫັນມາເຮັດອາຊີບຄົງທີ່ ເພື່ອສ້າງລາຍຮັບເຂົ້າສູ່ຄອບຄົວໃຫ້ຫຼາຍຂຶ້ນ ດ້ວຍການນຳໃຊ້ທ່ແຮງທີ່ມີຂອງທ້ອງຖິ່ນ ແລະການເຂົ້າເຖິງແຫຼ່ງທຶນ ເພື່ອເຮັດໃຫ້ການດຳເນີນທຸລະກິດໄດ້ຮັບຜົນດີ.
ຫຼາຍປັດໄຈເຮັດໃຫ້ຂີ້ເຫຍື້ອຕົກຄ້າງໃນ ນວ

ຫຼາຍປັດໄຈເຮັດໃຫ້ຂີ້ເຫຍື້ອຕົກຄ້າງໃນ ນວ

ບັນຫາຂີ້ເຫຍື້ອຕົກຄ້າງຫຼາຍເຂດໃນນະຄອນຫຼວງວຽງຈັນ (ນວ) ປັດຈຸບັນແຕ່ລະບໍລິສັດກໍາລັງເລັ່ງດໍາເນີນການແກ້ໄຂ ໃນຂະນະທີ່ພຶດຕິກໍາການຖິ້ມຂີ້ເຫຍື້ອບໍ່ເປັນລະບຽບຂອງປະຊາຊົນຍັງເປັນອຸປະສັກໃນການເກັບມ້ຽນຂີ້ເຫຍື້ອໃນໄລຍະທີ່ຜ່ານມາ ຈຶ່ງເຮັດໃຫ້ມີກະແສສັງຄົມ, ເປັນຫາງສຽງຈົ່ມວ່າຂອງປະຊາຊົນກ່ຽວກັບບັນຫາດັ່ງກ່າວ. ດັ່ງນັ້ນ, ຫຼາຍບໍລິສັດ ຈຶ່ງໄດ້ສຸມໃສ່ການແກ້ໄຂຂີ້ເຫຍື້ອຕົກຄ້າງໃນເຂດທີ່ຕົນເອງຮັບຜິດຊອບທົ່ວ ນວ.
ງົບປະມານ ເຂົ້າໃນວຽກງານພັດທະນາຊົນນະບົດ ແລະ ແກ້ໄຂຄວາມທຸກຍາກ ໃນປີຜ່ານມາ

ງົບປະມານ ເຂົ້າໃນວຽກງານພັດທະນາຊົນນະບົດ ແລະ ແກ້ໄຂຄວາມທຸກຍາກ ໃນປີຜ່ານມາ

ປີຜ່ານມາ, ວຽກງານພັດທະນາຊົນນະບົດ ແລະ ແກ້ໄຂຄວາມທຸກຍຸກ ທີ່ກົມພັດທະນາຊົນນະບົດໄດ້ຮັບການອະນຸມັດງົບປະມານໂຄງການທຶນຂອງລັດ ລວມ 196.8 ຕື້ກີບ, ທຶນກູ້ຢືມ 52.45 ກວ່າຕື້ກີບ ແລະ ທຶນຊ່ວຍເຫຼືອ 2.8 ລ້ານຢວນ ຊຶ່ງໄດ້ເປັນເງື່ອນໄຂຊ່ວຍໃຫ້ການຈັດຕັ້ງປະຕິບັດວຽງການດັ່ງກ່າວ ມີຫຼາຍຄາດໝາຍສູ້ຊົນທີ່ສາມາດປະຕິບັດໄດ້ລື່ນແຜນການ ກໍຄືການສ້າງຄອບຄົວພັດທະນາ, ການສ້າງບ້ານໃຫຍ່ເປັນຕົວເມືອງໃນຊົນນະບົດ ແລະ ການສ້າງເມືອງເຂັ້ມແຂງຮອບດ້ານ.
ວີແຄຣ໌ ໂສມສະກັດເພື່ອສຸຂະພາບຊ່ວຍບໍາລຸງຮ່າງກາຍ

ວີແຄຣ໌ ໂສມສະກັດເພື່ອສຸຂະພາບຊ່ວຍບໍາລຸງຮ່າງກາຍ

ໂສມສະກັດວີແຄຣ໌ (We care)ເປັນຜະລິດຂອງຄົນລາວ ນໍາໃຊ້ວັດຖຸດິບຈາກທຳມະຊາດ ເປັນໂສມສະກັດເພື່ອບໍາລຸງສຸຂະພາບບໍ່ມີສານເຄມີເຈືອປົນ ສະກັດຈາກໂສມທຳມະຊາດແທ້ເໝາະແກ່ການເບິ່ງແຍງສຸຂະພາບຄຶດເຫັນເຊກອງ ຕ້ອງຄຶດເຫັນໂສມດາກຈືງ ຊຶ່ງກາຍເປັນຜະລິດຕະພັນທີ່ໄດ້ຮັບຄວາມນິຍົມຂອງສັງຄົມ ແລະ ເປັນໜຶ່ງໃນທ່າແຮງຫຼັກຂອງແຂວງເຊກອງ.
ທະຫານແຂວງຜົ້ງສາລີ ເລື່ອນຊັ້ນ, ເລື່ອນທຽບຊັ້ນໃຫ້ນາຍ ແລະ ພົນທະຫານ

ທະຫານແຂວງຜົ້ງສາລີ ເລື່ອນຊັ້ນ, ເລື່ອນທຽບຊັ້ນໃຫ້ນາຍ ແລະ ພົນທະຫານ

ເມື່ອບໍ່ດົນມານີ້, ກອງບັນຊາການທະຫານແຂວງຜົ້ງສາລີ ໄດ້ຈັດພິທີປະກາດເລື່ອນຊັ້ນ, ເລື່ອນທຽບ ຊັ້ນໃຫ້ນາຍ ແລະ ພົນທະຫານທົ່ວທະຫານແຂວງ, ໂດຍການເປັນປະທານຂອງ ສະຫາຍ ພົນຈັດຕະວາ ຊຽງເພັງ ບົວລະວົງ ເລຂາຄະນະພັກ ຫົວໜ້າການເມືອງ ກອງບັນຊາການທະຫານແຂວງຜົ້ງສາລີ.
ຄະນະຮັບຜິດຊອບ ນະໂຍບາຍສິນເຊື່ອແຂວງຄໍາມ່ວນ ລົງຕິດຕາມ ຫົວໜ່ວຍທຸລະກິດທີ່ໄດ້ຮັບແຫຼ່ງທຶນ

ຄະນະຮັບຜິດຊອບ ນະໂຍບາຍສິນເຊື່ອແຂວງຄໍາມ່ວນ ລົງຕິດຕາມ ຫົວໜ່ວຍທຸລະກິດທີ່ໄດ້ຮັບແຫຼ່ງທຶນ

ໃນວັນທີ 26 ສິງຫາຜ່ານມາ, ທ່ານ ສົມສະອາດ ອຸ່ນສີດາ ຮອງເຈົ້າແຂວງຄໍາມ່ວນ, ທ່ານ ສົມປະດິດ ວໍລະຈິດ ວ່າການແທນຫົວໜ້າ ທະນາຄານແຫ່ງ ສປປ ລາວ ພາກກາງແຂວງສະຫວັນນະເຂດ (ທຫລ.ສຂ) ພ້ອມດ້ວຍຄະນະ ໄດ້ລົງເຄື່ອນໄຫວຕິດຕາມ, ກວດກາ ບັນດາຫົວໜ່ວຍທຸລະກິດ ທີ່ໄດ້ຮັບແຫຼ່ງທຶນ ນະໂຍບາຍສິນເຊື່ອ ເພື່ອກະຈາຍແຫຼ່ງທຶນສູ່ທ້ອງຖິ່ນ ຂອງແຂວງຄໍາມ່ວນ.
ວຽກງານ ປກຊ-ປກສ ມີຄວາມເຂັ້ມແຂງຕິດ​ພັນ​ກັບ​​ວາລະ​ແຫ່ງ​ຊາດ ​ວ່າ​ດ້ວຍ​ການ​ແກ້​ໄຂ​ບັນຫາ​ຢາ​ເສບ​ຕິດ

ວຽກງານ ປກຊ-ປກສ ມີຄວາມເຂັ້ມແຂງຕິດ​ພັນ​ກັບ​​ວາລະ​ແຫ່ງ​ຊາດ ​ວ່າ​ດ້ວຍ​ການ​ແກ້​ໄຂ​ບັນຫາ​ຢາ​ເສບ​ຕິດ

ສະຫາຍ ພົຈວ ກົງຈັນ ໄຊປັນຍາ ກຳມະການພັກແຂວງ ເລຂາຄະນະພັກ ຫົວໜ້າກອງບັນຊາການ ປກສ ແຂວງ ບໍລິຄຳໄຊ ໄດ້ຕາງໜ້າໃຫ້ແກ່ຂົງເຂດປ້ອງກັນຊາດ-ປ້ອງກັນຄວາມສະຫງົບປະກອບຄໍາເຫັນຕໍ່ກອງປະຊຸມໃຫຍ່ຜູ້ແທນອົງຄະນະພັກແຂວງ ຄັ້ງທີ VIII ໃນວັນທີ 25 ສິງຫານີ້ ກ່ຽວກັບ “ວຽກງານປ້ອງກັນຊາດ-ປ້ອງກັນຄວາມສະຫງົບ ໃຫ້ມີຄວາມເຂັ້ມແຂງ, ຕິດພັນກັບວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ”.
ເພີ່ມເຕີມ