ໃນກອງປະຊຸມ, ພະອາຈານ ຄຳສຸກ ແກ້ວວິໄລ ຮັກສາການ ປະທານອົງການພຸດທະສາສະ ໜາສຳພັນລາວ ເມືອງໄຊຍະບູລີ ໄດ້ຂຶ້ນກ່າວເປີດກອງປະຊຸມພ້ອມທັງຜ່ານບົດລາຍງານຜົນການຈັດຕັ້ງປະຕິບັດວຽກງານຂອງ ອພສ ເມືອງໃນໄລຍະ 5 ປີຜ່ານມາ ແລະ ທິດທາງແຜນການ 5 ປີຕໍ່ໜ້າ ບາງຕອນກ່າວວ່າ: ໃນໄລຍະ 5 ປີຜ່ານມາຄະນະ ອພສ ເມືອງໄດ້ເຄື່ອນໄຫວໂຄສະນາໃຫ້ພະສົງສາມະເນນຊາວພຸດ ສະນິກະຊົນທັງຫຼາຍໃຫ້ມີຄວາມສາມະຄີ ຮັກແພງຊ່ວຍເຫຼືອເຊີ່ງກັນ ແລະ ກັນ, ໄດ້ເຜີຍແຜ່ສີນລະທຳ ນຳພາຮັກສາສິນ ຟັງທຳມະເທດສະໜາຊຶ່ງເປັນຫຼັກທຳຄຳສອນຂອງອົງສົມເດັດສຳມາສຳພຸດພະເຈົ້າ, ສັ່ງສອນໃຫ້ມີນ້ຳໃຈຮັກຊາດ-ຮັກບ້ານເກີດເມືອງນອນ, ໄດ້ສົມທົບກັບຄະນະນຳຂັ້ນເມືອງທຸກຂັ້ນ, ອົງການປົກຄອງບ້ານປະທານແນວລາວສ້າງຊາດບ້ານ ແລະ ສີສຸທຳວັດນຳພາພໍ່ແມ່ປະຊາຊົນຮັກສາເອກະລັກ ວັດທະນະທຳຮີດຄອງປະເພນີໃຫ້ຮັກສາສິນ 5, ສິນ 8 ເປັນປະຈຳ ດ້ວຍກາຍວາຈາໃຈໃຫ້ຮູ້ຈັກບາບບຸນຄຸນໂທດ, ໄດ້ລົງສືກສາອົບຮົມພະສົງສາມະເນນທີ່ມີຄວາມດື້ດ້ານຈຳນວນ 3 ຄັ້ງ; ໄດ້ລົງເຜີຍແຜ່ສີນລະທຳໃຫ້ແກ່ຄູອາຈານ ແລະ ນັກຮຽນຈຳນວນ 10 ຄັ້ງ; ໄດ້ຈັດໂຄງການບັນພະຊາສາມະເນນຊ່ວງພັກຮຽນໄດ້ 3 ຄັ້ງ; ຈາກນັ້ນໃນກອງປະຊຸມກໍ່ໄດ້ຮັບຟັງການປະກອບຄຳຄິດຄຳເຫັນຈາກບັນດາຫ້ອງການ, ອົງການ, ກົມກອງ ແລະ ບ້ານ, ເພື່ອໃຫ້ມີເນື້ອໃນຄົບຖ້ວນສົມບູນ. ຈາກນັ້ນ, ໃນກອງປະຊຸມ ກໍໄດ້ຜ່ານມາດຖານເງື່ອນໄຂຄະນະ ອພສ ເມືອງຊຸດໃໝ່, ຜ່ານລາຍຊື່ຜູ້ສະໝັກເປັນຄະນະ ອພສ ເມືອງຊຸດໃໝ່ ພ້ອມທັງຍົກມືປະຊາມະຕິຮັບຮອງເອົາ. ກອງປະຊຸມຄັ້ງປະຖົມມະລືກໄດ້ເປັນເອກະສັນເລືອກເອົາ ພະອາຈານ ຄຳເຟື້ອງ ຜິງມະຫາວົງ ເປັນປະທານ, ພະອາຈານ ສາຄອນ ດາລາວົງ, ພະອາຈານ ນີ່ງນອງ ພອນສະຫັວດ, ພະອາຈານ ຄຳອ້ອມ ກັນທະວົງ ແລະ ພະອາຈານ ສົມຫຼຽນສີ ເປັນຮອງປະທານ ອົງການພຸດທະສາສະໜາສຳພັນລາວເມືອງໄຊຍະບູລີ.
(ຂ່າວ-ພາບ: ສົມພົງ ສີສະຫັວດ)
ຄໍາເຫັນ