ກອງປະຊຸມພົບປະແລກປ່ຽນ ລະຫວ່າງ ພາກລັດ ແລະ ພາກທຸລະກິດພາຍໃນ ແລະ ຕ່າງປະເທດທົ່ວແຂວງເຊກອງ ປະຈໍາປີ 2023 ຈັດຂຶ້ນໃນວັນທີ 28 ກັນຍາຜ່ານມາທີ່ສະໂມສອນແຂວງ ໂດຍການເປັນປະທານຂອງທ່ານ ເຫຼັກໄຫຼ ສີວິໄລ ເຈົ້າແຂວງເຊກອງ, ມີທ່ານຮອງເຈົ້າແຂວງ, ຫົວໜ້າ-ຮອງພະແນກການ, ຫົວໜ້າສາຂາທະນາຄານແຫ່ງ ສປປ ລາວ ພາກໃຕ້ແຂວງຈໍາປາສັກ ແລະ ນັກທຸລະກິດເຂົ້າຮ່ວມ.
ຈຸດປະສົງກອງປະຊຸມ ກໍເພື່ອເປີດໂອກາດໃຫ້ພາກທຸລະກິດ, ຜູ້ປະກອບການໄດ້ພົບປະແລກປ່ຽນຄໍາເຫັນ ແລະ ຮັບຟັງການສະຫຼຸບລາຍງານການຄຸ້ມຄອງ, ການຕິດຕາມກວດກາຂອງພາກລັດ ແລະ ການດໍາເນີນພັດທະນາໂຄງການ ລວມທັງຂໍ້ສະດວກ, ຂໍ້ຫຍຸ້ງຍາກ, ສິ່ງທ້າທາຍຂອງພາກທຸລະກິດ ແລະຂໍ້ສະເໜີຕ່າງໆຕໍ່ພາກລັດ,ຄົ້ນຄວ້າປຶກສາຫາລືຊອກຫາວິທີແກ້ໄຂ ເພື່ອເຮັດໃຫ້ການຄຸ້ມຄອງ-ບໍລິຫານລັດມີການຫັນປ່ຽນ, ໂລ່ງລ່ຽນ, ວ່ອງໄວ ແລະ ການດໍາເນີນທຸລະກິດມີປະສິດທິພາບ ແລະ ປະສິດທິຜົນດີຂຶ້ນ.
ໃນໂອກາດນີ້, ທ່ານເຈົ້າແຂວງ ກໍໄດ້ມີຄໍາເຫັນສັງລວມບັນດາເນື້ອໃນສໍາຄັນ ຂອງກອງປະຊຸມ, ພ້ອມທັງຍ້ອງຍໍຊົມເຊີຍຕໍ່ຜົນງານ ແລະ ຜົນສໍາເລັດ ທີ່ພາກລັດ ກໍຄືພາກທຸລະກິດ ຍາດໄດ້ໃນໄລຍະຜ່ານມາ ຊຶ່ງເປັນການປະກອບສ່ວນສ້າງໃຫ້ມີການຫັນປ່ຽນທາງດ້ານພື້ນຖານເຕັກນິກໃໝ່, ຂະຫຍາຍຕາໜ່າງທາງດ້ານອຸດສະຫະກໍາ, ກະສິກໍາ, ການຄ້າ-ການບໍລິການ ແລະ ຜັກດັນໃຫ້ມີການຜະລິດ, ແປຮູບສົ່ງອອກບັນດາຜະລິດຕະພັນທີ່ເປັນທ່າແຮງ, ເຮັດໃຫ້ລວມຍອດຜະລິດພະພັນພາຍໃນ (GDP) ຂອງແຂວງຂະຫຍາຍຕົວເພີ່ມຂຶ້ນຢ່າງຕໍ່ເນື່ອງ. ພ້ອມນີ້, ກໍໄດ້ຊີ້ນໍາໃຫ້ບັນດາບໍລິສັດ, ຜູ້ປະກອບການ, ນັກທຸລະກິດ ຕ້ອງສືບຕໍ່ດໍາເນີນທຸລະກິດດ້ວຍຄວາມອົດທົນ, ສູ້ຊົນ, ເພິ່ງຕົນເອງ, ສ້າງຄວາມເຂັ້ມແຂງດ້ວຍຕົນເອງໃຫ້ຫຼາຍຂຶ້ນ,ເອົາໃຈໃສ່ການປະຕິບັດກົດໝາຍການລົງທຶນ ແລະ ລະບຽບການຕ່າງໆກ່ຽວຂ້ອງກັບການລົງທຶນໃຫ້ເຂັ້ມງວດ,ປະກອບສ່ວນໃນການສ້າງສີມືແຮງງານ, ຈ້າງງານພາຍໃນແຂວງ, ພາຍໃນທ້ອງຖິ່ນ ເພື່ອສ້າງວຽກເຮັດງານທໍາ ແລະ ສ້າງລາຍຮັບໃຫ້ແກ່ລູກ-ຫຼານຂອງປະຊາຊົນໃນທ້ອງຖິ່ນມີສ່ວນຮ່ວມ, ທັງເປັນການສ້າງສາຍພົວພັນທີ່ໝັ້ນຄົງ ແລະ ສ້າງຄວາມເຂົ້າອົກເຂົ້າໃຈ, ສ້າງຄວາມສາມັກຄີລະຫວ່າງ ບໍລິສັດ ກັບປະຊາຊົນໃນພື້ນທີ່ໂຄງການຕັ້ງຢູ່ນັ້ນໃຫ້ມີຄວາມແໜ້ນແຟ້ນ,ເອົາໃຈໃສ່ຂຶ້ນແຜນຄວາມຕ້ອງການດ້ານແຮງງານ, ປະເພດແຮງງານທັງໄລຍະສັ້ນ ແລະ ໄລຍະຍາວ ເພື່ອໃຫ້ແຂວງມີທິດໃນການກໍ່ສ້າງແຮງງານ ຖືກຕ້ອງກັບຄວາມຕ້ອງການແຮງງານຕົວຈິງຂອງບໍລິສັດ; ສືບຕໍ່ຮ່ວມມືປະສານງານສົມທົບກັນ ລະຫວ່າງ ລັດ ກັບ ບໍລິສັດ, ສ້າງຄວາມເຂົ້າອົກເຂົ້າໃຈ, ສ້າງຄວາມເປັນເອກະພາບ, ປະຕິບັດລະບຽບກົດໝາຍ ເພື່ອພ້ອມກັນພັດທະນາປະເທດຊາດ, ພັດທະນາທ້ອງຖິ່ນ ແລະ ພັດທະນາຜູ້ປະກອບການໃຫ້ເຂັ້ມແຂງ.
ຂ່າວ-ພາບ: ສັນຍາ
ຈຸດປະສົງກອງປະຊຸມ ກໍເພື່ອເປີດໂອກາດໃຫ້ພາກທຸລະກິດ, ຜູ້ປະກອບການໄດ້ພົບປະແລກປ່ຽນຄໍາເຫັນ ແລະ ຮັບຟັງການສະຫຼຸບລາຍງານການຄຸ້ມຄອງ, ການຕິດຕາມກວດກາຂອງພາກລັດ ແລະ ການດໍາເນີນພັດທະນາໂຄງການ ລວມທັງຂໍ້ສະດວກ, ຂໍ້ຫຍຸ້ງຍາກ, ສິ່ງທ້າທາຍຂອງພາກທຸລະກິດ ແລະຂໍ້ສະເໜີຕ່າງໆຕໍ່ພາກລັດ,ຄົ້ນຄວ້າປຶກສາຫາລືຊອກຫາວິທີແກ້ໄຂ ເພື່ອເຮັດໃຫ້ການຄຸ້ມຄອງ-ບໍລິຫານລັດມີການຫັນປ່ຽນ, ໂລ່ງລ່ຽນ, ວ່ອງໄວ ແລະ ການດໍາເນີນທຸລະກິດມີປະສິດທິພາບ ແລະ ປະສິດທິຜົນດີຂຶ້ນ.
ໃນໂອກາດນີ້, ທ່ານເຈົ້າແຂວງ ກໍໄດ້ມີຄໍາເຫັນສັງລວມບັນດາເນື້ອໃນສໍາຄັນ ຂອງກອງປະຊຸມ, ພ້ອມທັງຍ້ອງຍໍຊົມເຊີຍຕໍ່ຜົນງານ ແລະ ຜົນສໍາເລັດ ທີ່ພາກລັດ ກໍຄືພາກທຸລະກິດ ຍາດໄດ້ໃນໄລຍະຜ່ານມາ ຊຶ່ງເປັນການປະກອບສ່ວນສ້າງໃຫ້ມີການຫັນປ່ຽນທາງດ້ານພື້ນຖານເຕັກນິກໃໝ່, ຂະຫຍາຍຕາໜ່າງທາງດ້ານອຸດສະຫະກໍາ, ກະສິກໍາ, ການຄ້າ-ການບໍລິການ ແລະ ຜັກດັນໃຫ້ມີການຜະລິດ, ແປຮູບສົ່ງອອກບັນດາຜະລິດຕະພັນທີ່ເປັນທ່າແຮງ, ເຮັດໃຫ້ລວມຍອດຜະລິດພະພັນພາຍໃນ (GDP) ຂອງແຂວງຂະຫຍາຍຕົວເພີ່ມຂຶ້ນຢ່າງຕໍ່ເນື່ອງ. ພ້ອມນີ້, ກໍໄດ້ຊີ້ນໍາໃຫ້ບັນດາບໍລິສັດ, ຜູ້ປະກອບການ, ນັກທຸລະກິດ ຕ້ອງສືບຕໍ່ດໍາເນີນທຸລະກິດດ້ວຍຄວາມອົດທົນ, ສູ້ຊົນ, ເພິ່ງຕົນເອງ, ສ້າງຄວາມເຂັ້ມແຂງດ້ວຍຕົນເອງໃຫ້ຫຼາຍຂຶ້ນ,ເອົາໃຈໃສ່ການປະຕິບັດກົດໝາຍການລົງທຶນ ແລະ ລະບຽບການຕ່າງໆກ່ຽວຂ້ອງກັບການລົງທຶນໃຫ້ເຂັ້ມງວດ,ປະກອບສ່ວນໃນການສ້າງສີມືແຮງງານ, ຈ້າງງານພາຍໃນແຂວງ, ພາຍໃນທ້ອງຖິ່ນ ເພື່ອສ້າງວຽກເຮັດງານທໍາ ແລະ ສ້າງລາຍຮັບໃຫ້ແກ່ລູກ-ຫຼານຂອງປະຊາຊົນໃນທ້ອງຖິ່ນມີສ່ວນຮ່ວມ, ທັງເປັນການສ້າງສາຍພົວພັນທີ່ໝັ້ນຄົງ ແລະ ສ້າງຄວາມເຂົ້າອົກເຂົ້າໃຈ, ສ້າງຄວາມສາມັກຄີລະຫວ່າງ ບໍລິສັດ ກັບປະຊາຊົນໃນພື້ນທີ່ໂຄງການຕັ້ງຢູ່ນັ້ນໃຫ້ມີຄວາມແໜ້ນແຟ້ນ,ເອົາໃຈໃສ່ຂຶ້ນແຜນຄວາມຕ້ອງການດ້ານແຮງງານ, ປະເພດແຮງງານທັງໄລຍະສັ້ນ ແລະ ໄລຍະຍາວ ເພື່ອໃຫ້ແຂວງມີທິດໃນການກໍ່ສ້າງແຮງງານ ຖືກຕ້ອງກັບຄວາມຕ້ອງການແຮງງານຕົວຈິງຂອງບໍລິສັດ; ສືບຕໍ່ຮ່ວມມືປະສານງານສົມທົບກັນ ລະຫວ່າງ ລັດ ກັບ ບໍລິສັດ, ສ້າງຄວາມເຂົ້າອົກເຂົ້າໃຈ, ສ້າງຄວາມເປັນເອກະພາບ, ປະຕິບັດລະບຽບກົດໝາຍ ເພື່ອພ້ອມກັນພັດທະນາປະເທດຊາດ, ພັດທະນາທ້ອງຖິ່ນ ແລະ ພັດທະນາຜູ້ປະກອບການໃຫ້ເຂັ້ມແຂງ.
ຂ່າວ-ພາບ: ສັນຍາ
ຄໍາເຫັນ