ໂດຍການເປັນປະທານຂອງ ທ່ານບຸນແຝງ ພູມມະໄລສິດ ລັດຖະມົນຕີກະຊວງສາທາລະນະສຸກ ຊຶ່ງມີຫົວໜ້າກົມຄວບຄຸມພະຍາດຕິດຕໍ່ຄົບຄະນະ, ຫົວໜ້າກົມປິ່ນປົວ ແລະ ຟື້ນຟູໜ້າທີ່ການ,ຫົວໜ້າກົມອະນາໄມ ແລະ ສົ່ງເສີມສຸຂະພາບ, ຄູ່ຮ່ວມພັດທະນາເຂົ້າຮ່ວມ.
ກອງປະຊຸມຄັ້ງນີ້ເພື່ອທົບທວນຄືນບົດຮຽນທີ່ປະຕິບັດໄດ້ ແລະ ສິ່ງທ້າທາຍຂອງວຽກງານກັນ ແລະ ຄວບຄຸມພະຍາດຕິດຕໍ່ໃນ ສປປ ລາວ ປະຈຳປີ 2024 ແລະ ກຳນົດທິດທາງໃນ ປີ 2025, ພ້ອມນັ້ນ. ກອງປະຊຸມຍັງໄດ້ຮັບຟັງ ປະກອບຄຳເຫັນຜົນສຳເລັດຂອງບາງແຂວງໃນຫົວຂໍ້ຕ່າງໆເຊັ່ນ:ສະຫຼຸບການຈັດຕັັ້ງປະຕິບັດວຽກງານສາຍຄວບຄຸມພະຍາດຕິດຕໍ່ກະຊວງສາທາລະນະສຸກ 2024 ແລະທິດທາງແຜນການປີ 2025ການຈັດຕັັ້ງປະຕິບັດວຽກງານຫ້ອງປະຕິບັດງານສຸກເສີນດ້ານສາທາລະນະສຸກ, ການຈັດຕັັ້ງປະຕິບັດວຽກງານຄວບຄຸມພະຍາດໄຂ້ຍຸງລາຍ, ສະຫຼຸບຜົນສໍາເລັດ ການຈັດຕັັ້ງປະຕິບັດວຽກງານສຸຂະພາບໜຶ່ງດຽວ (One Health ), ຜົນສໍາເລັດການຈັດຕັັ້ງປະຕິບັດວຽກງານຄວບຄຸມພະຍາດໄຂ້ມາລາເຣຍ, ຜົນສໍາເລັດການຈັດຕັັ້ງປະຕິບັດວຽກງານວິເຄາະແລະ ລະບາດວິທະຍາ, ຜົນສໍາເລັດ ແລະ ຜົນໄດ້ຮັບຂອງບົດຄົ້ນຄວ້າ ຜົນສໍາເລັດການຈັດຕັັ້ງປະຕິບັດວຽກງານຄວບຄຸມພະຍາດເອດ ແລະ ພຕພ, ຜົນສໍາເລັດການຈັດຕັັ້ງປະຕິບັດວຽກງານຄວບຄຸມພະຍາດວັນນະໂຣກ,ການຄວບຄຸມພະຍາດກາຝາກໃນຂອບເຂດທົ່ວປະເທດ,ບັນຫາສິ່ງທ້າທາຍ ແລະແຜນໃນຕໍ່ໜ້າ ໃນການປ້ອງກັນ ແລະໂຕ້ຕອບພະຍາດໄຂ້ຍຸງລາຍຂອງແຂວງເຊກອງ, ສະຫຼຸບຕີລາຄາຜົນສໍາເລັດ, ບັນຫາ, ສິ່ງທ້າທາຍໃນການໂຕ້ຕອບການລະບາດພະຍາດໄຂ້ເລືອດອອກ ແຂວງຈໍາປາສັກພະແນກສາທາ ແຂວງຈໍາປາສັກ, ແຜນໃນຕໍ່ໜ້າ ສໍາລັບການເຝົ້າລະວັງ ແລະ ໂຕ້ຕອບພະຍາດທີ່ປ້ອງກັນດ້ວຍວັກຊິນ (ພະຍາດໄອໄກ່)ແຂວງສະຫວັນນະເຂດ, ຜົນການໂຕ້ຕອບການລະບາດພະຍາດມາລາເຣຍແຂວງບໍ່ແກ້ວ, ການເຝົ້າລະວັງ, ການກວດວິເຄາະ ແລະກົນໄກການປະສານງານລະຫວ່າງຂະແໜງສາທາລະນະສຸກແລະ ກະສິກຳກ່ຽວກັບພະຍາດໄຂ້ຫວັດສັດປີກໃນການປ້ອງກັນ ແລະ ໂຕ້ຕອບການລະບາດແຂວງຫຼວງນໍ້າທາແລະອື່ນໆ.
ຂ່າວ-ພາບ: ບຸນອູ້ມ
ຄໍາເຫັນ