ໃນກອງປະຊຸມ, ທ່ານນາຍົກລັດຖະມົນຕີຊີ້ແຈ້ງວ່າ, ນັບແຕ່ນີ້ຮອດທ້າຍປີແມ່ນເວລາຍັງບໍ່ຫຼາຍແລ້ວ, ແຕ່ມີວຽກງານຫຼາຍ, ຮຽກຮ້ອງຕ້ອງເພີ່ມຄວາມໄວ, ບຸກທະລຸ. ທ່ານສະເໜີໃຫ້ກອງປະຊຸມສຸມໃສ່ປຶກສາຫາລືກ່ຽວກັບສະພາບການເສດຖະກິດ, ສັງຄົມຂອງເດືອນກໍລະກົດ ແລະ 7 ເດືອນຂອງປີ 2025; ບັນດາໜ້າທີ່, ມາດຕະການແກ້ໄຂຈຸດສຸມໃນໄຕມາດທີ 3 ແລະ ໃນໄລຍະຈະມາເຖິງ. ພ້ອມກັນນັ້ນ, ກໍຕີລາຄາສະພາບການ, ຄວາມຄືບໜ້າ, ໝາກຜົນການສັບຊ້ອນກົງຈັກລັດ, ຫົວໜ່ວຍບໍລິຫານ ແລະ ການເຄື່ອນໄຫວຮູບແບບອຳນາດການປົກຄອງທ້ອງຖິ່ນ 2 ຂັ້ນ. ບັນດາມາດຕະການເພື່ອເຮັດໃໝ່ບັນດາກຳລັງໜູນການເຕີບໂຕທີ່ເປັນມູນເຊື້ອ ເພື່ອແນໃສ່ບັນລຸເປົ້າໝາຍການເຕີບໂຕແຕ່ 8.3 - 8.5% ໃນປີ 2025. “ນີ້ແມ່ນບັນຫາສຳຄັນ, ນັບທັງສູນກາງ ແລະ ທ້ອງຖິ່ນລ້ວນແຕ່ຕ້ອງກຳແໜ້ນສະພາບການຢ່າງແນວແນ່ ແລະ ຕ້ອງຍົກອອກມາດຕະການແກ້ໄຂຢ່າງທັນການ, ມີໄຫວພິບ, ມີປະສິດທິຜົນ; ເສີມຂະຫຍາຍກຳລັງແຮງຂອງປະຊາຊົນ, ຂອງວິສາຫະກິດ, ຂອງສັງຄົມຢ່າງສຸດຂີດ ແລະ ກຳລັງແຮງຂອງຄວາມມະຫາສາມັກຄີທົ່ວປວງຊົນທັງຊາດ, ກຳລັງແຮງຂອງພູມປັນຍາ, ກຳລັງແຮງຂອງເວລາ ແລະ ຄວາມຕັດສິນໃຈ… ເພື່ອປະຕິບັດບັນດາໜ້າທີ່ ທີ່ອາດຈະເກີດຂຶ້ນໃໝ່, ອາດຈະສັບສົນ ແລະ ນອນຢູ່ນອກການຄາດຄະເນ”.
ພ້ອມກັນນັ້ນ, ທ່ານນາຍົກລັດຖະມົນຕີຫວຽດນາມ ກໍສະເໜີການຮັບປະກັນເສດຖະກິດມະຫາພາກໃຫ້ເປັນປົກກະຕິ, ຄວບຄຸມໄພເງິນເຟີ້, ຊຸກຍູ້ການເຕີບໂຕ; ເປັນເຈົ້າການ, ມີໄຫວພິບເພື່ອຮັບມືກັບນະໂຍບາຍພາສີອາກອນຂອງ ສະຫະລັດ ອາເມລິກາ ໃຫ້ມີປະສິດທິຜົນ; ສ້າງພື້ນຖານເສດຖະກິດເອກະລາດ, ເປັນເຈົ້າຕົນເອງ, ຕິດພັນກັບຄວາມເປັນເຈົ້າການ, ຕັ້ງໜ້າເຊື່ອມໂຍງເຂົ້າກັບສາກົນດ້ວຍຕົນເອງ.
ຄໍາເຫັນ