 |
ກອງປະຊຸມໄດ້ຮັບຟັງການຜ່ານຮ່າງມະຕິຕົກລົງ ວ່າດ້ວຍການແບ່ງຄວາມຮັບຜິດຊອບໃຫ້ບັນດາສະຫາຍ ຄະນະເລຂາທິການ ແລະ ກຳມະການໃນຄະນະບໍລິຫານງານ ສຊປລ ສະໄໝທີ IX, ຜ່ານຮ່າງແຜນດໍາເນີນງານຂອງຄະນະບໍລິຫານງານ ສຊປລ ສະໄໝທີ IX ເພື່ອສ້າງຄວາມເຂົ້າໃຈ ເປັນເອກະພາບຕໍ່ເນື້ອໃນຕົ້ນຕໍ ຂອງມະຕິກອງປະຊຸມໃຫຍ່ຜູ້ແທນຊາວໜຸ່ມທົ່ວປະເທດ ຄັ້ງທີ IX, ຮ່າງມະຕິຕົກລົງວ່າດ້ວຍລະບອບແບບແຜນວິທີການເຮັດວຽກຂອງຄະນະບໍລິຫານງານ ແລະ ຄະນະເລຂາທິການ ສຊປລ ສະໄໝທີ IX ເພື່ອກຳນົດແບບແຜນການເຄື່ອນໄຫວ ແລະ ວິທີນຳພາຂອງຄະນະບໍລິຫານງານ ສຊປລ ໃຫ້ຈະແຈ້ງ, ເປັນລະບົບ, ມີຈຸດສຸມ, ຮັບປະ ກັນສ້າງການຫັນປ່ຽນໃໜ່ທີ່ແຂງແຮງ, ເລິກເຊິ່ງ, ຮອບດ້ານ, ສ້າງຄວາມເຊື່ອໝັ້ນໃນສັງຄົມ ຕໍ່ການນຳພາຂອງ ຄຊປປລ ແຕ່ລະຂັ້ນໃຫ້ສູງຂຶ້ນ ແລະ ກໍານົດຈຸດສຸມທີ່ຄະນະບໍລິຫານງານ ສຊປລ ຕ້ອງເອົາໃຈໃສ່ນໍາພາ-ຊີ້ນຳແຕ່ນີ້ຫາກອງປະຊຸມໃຫຍ່ຜູ້ແທນຊາວໜຸ່ມທົ່ວປະເທດ ຄັ້ງທີ X.
ກອງປະຊຸມຄັ້ງນີ້, ຄະນະຜູ້ແທນຍັງໄດ້ປະກອບຄໍາຄິດເຫັນຢ່າງກົງໄປກົງມາ ຕໍ່ເນື້ອໃນປິ່ນອ້ອມ, ການລາຍງານວຽກງານຈຸດສຸມຂອງ ຄຊປປລ ບັນດາກະຊວງ, ອົງການ, ນວ ແລະ ແຂວງປະຈໍາປີ 2026 ແລະ ຍັງໄດ້ສືບຕໍ່ຮັບຟັງການເຊື່ອມຊຶມບົດແນະນຳກົດລະບຽບຄະນະຊາວໜຸ່ມປະຊາຊົນປະຕິວັດລາວ (ສະບັບປັບປຸງ), ລາຍງານສະພາບການປັບປຸງກົງຈັກການຈັດຕັ້ງຂອງບັນດາແຂວງ, ເຊື່ອມຊຶມບົດແນະນຳກົດລະບຽບການຈັດຕັ້ງເຍົາວະຊົນທັນວາ (ສະບັບປັບປຸງ), ເຊື່ອມຊຶມເອກະສານການຈັດຕັ້ງ ແລະ ການເຄື່ອນໄຫວສະຫະພັນຊາວໜຸ່ມລາວ ແລະ ມະຕິກອງປະຊຸມສະຫະພັນຊາວໜຸ່ມລາວ ຄັ້ງທີ I ນໍາອີກດ້ວຍ.
ຂ່າວ: ນິງນ໋ອງ ສຽງສະຫວັນ
ຄໍາເຫັນ