 |
ສະຫາຍ ແຜ່ນວັນທອງ ຈະເລີນເພັດ ຕາງໜ້າຄະນະບໍລິຫານງານຊາວໜຸ່ມແຂວງ ໄດ້ສະຫຼຸບການຈັດຕັ້ງປະຕິບັດວຽກງານຊາວໜຸ່ມ-ເຍົາວະຊົນຮອບດ້ານ ປະຈໍາປີ 2025 ແລະ ວາງທິດທາງແຜນການວຽກງານຈຸດສຸມ ປະຈໍາປີ 2026 ວ່າ: ປີຜ່ານມາ, ຄະນະບໍລິຫານງານຊາວໜຸ່ມ ແຂວເຊກອງ ໄດ້ຖືສໍາຄັນວຽກງານສຶກສາອົບຮົມການເມືອງ-ແນວຄິດ ໃຫ້ຄະນະຊາວໜຸ່ມແຕ່ລະຂັ້ນ ຕະຫຼອດຮອດສະມາຊິກຊາວໜຸ່ມ, ເຍົາວະຊົນ ດ້ວຍຫຼາຍຮູບການ ເປັນຕົ້ນ: ໄດ້ຜັນຂະຫຍາຍມະຕິກອງປະຊຸມໃຫຍ່ ຄັ້ງທີ VII ຂອງຜູ້ແທນຊາວໜຸ່ມແຂວງ ແລະ ແຜນພັດທະນາຊາວໜຸ່ມ-ເຍົາວະຊົນໃນ 9 ຈຸດສຸມ, ມີ 155 ຄັ້ງ, ມີຜູ້ເຂົ້າຮ່ວມ 35,067 ເທື່ອຄົນ ຍິງ 14,935 ເທື່ອຄົນ ແລະ ຜັນຂະຫຍາຍມູນເຊື້ອຂອງປະເທດເພື່ອນມິດຍຸດທະສາດ, ຜັນຂະຫຍາຍຂໍ້ແຂ່ງຂັນ 4 ບຸກ ຂອງຊາວໜຸ່ມ ແລະ ຂໍ້ແຂ່ງຂັນ 3 ດີ 4 ຮູ້ ຂອງເຍົາວະຊົນທັນວາ, ຄະນະຊາວໜຸ່ມແຕ່ລະຂັ້ນ ໄດ້ຖືເອົາຂໍ້ແຂ່ງຂັນດັ່ງກ່າວ ເປັນບ່ອນອີງໃນການສຶກສາອົບຮົມກໍ່ສ້າງການຈັດຕັ້ງ, ນໍາພາຂະບວນການຂອງຊາວໜຸ່ມຢູ່ແຕ່ລະຮາກຖານ, ແຕ່ລະເມືອງ, ໄດ້ເອົາໃຈໃສ່ປັບປຸງກົງຈັກການຈັດຕັ້ງຊາວໜູ່ມແຕ່ລະຂັ້ນ ໃຫ້ມີຄວາມ ໜັກແໜ້ນກະທັດຮັດ, ຊຶຶ່ງປັດຈຸບັນ ຄຊປປລ ແຂວງ ປະກອບມີ 4 ເມືອງ, 6 ຮາກຖານ,1 ພະແນກ, 339 ໜ່ວຍ (ສະເພາະຂັ້ນແຂວງ ມີ 29 ໜ່ວຍ), ມີສະມາຊິກຊາວໜຸ່ມໃນເກນອາຍຸ 15-35 ປີ ຈໍານວນ 52,066 ຄົນ ຍິງ 20,536 ຄົນ, ເປັນສະມາຊິກຊາວໜຸ່ມ 16,048 ຄົນ ຍິງ 6,412 ຄົນ, ປຸກລະດົມຂະບວນການໃນການປະກອບສ່ວນເຂົ້ານພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ, ຍູ້ແຮງຂະບວນການປະຕິບັດໜ້າທີ່ການເມືອງ ໃນດ້ານວິຊາສະເພາະ ຕິດພັນກັບຂໍ້ແຂ່ງຂັນ 4 ບຸກ ແລະ 3 ດີ 4 ຮູ້ຂອງເຍົາວະຊົນ, ເອົາໃຈໃສ່ປັບປຸງ ກໍ່ສ້າງ ແລະ ຂະຫຍາຍການຈັດຕັ້ງເຍົາວະຊົນ ເປັນປົກກະຕິ, ໄດ້ຄັດເລືອກຊາວໜຸ່ມທີ່ທຸກຍາກ ແລະ ດ້ອຍໂອກາດ ທີ່ຢູ່ເຂດຫ່າງໄກສອກຫຼີກ ເຂົ້າຝຶກອົບຮົມວິຊາຊີບ ມີ 6 ສາຂາ ຈໍານວນ 16 ຄົນ ຍິງ 6 ຄົນ ແລະ ມີສະມາຊິກຊາວໜຸ່ມທີ່ມີເງື່ອນໄຂໃນການສ້າງເສດຖະກິດຄອບຄົວດ້ວຍການປູກຝັງ-ລ້ຽງສັດ ກາຍເປັນຊາວໜຸ່ມຕົວແບບທົ່ວແຂວງ ມີ 171 ຄົນ ຍິງ 84 ຄົນ. ພ້ອມດຽວກັນນີ້ ຍັງໄດ້ມອບໃບຍ້ອງຍໍ ໃຫ້ຄະນະບໍລິຫານງານ ຊປປລ ແຂວງ ສະໄໝທີ VII ທີ່ມີຜົນງານດີເດັ່ນໃນການນໍາພາ-ຊີ້ນໍາວຽກງານຊາວໜຸ່ມ, ເຍົາວະຊົນຮອບດ້ານ ໃນໄລຍະ 1 ຜ່ານມາ ຈໍານວນ 31 ສະຫາຍ ຍິງ 7 ສະຫາຍ ແລະ ພະນັກງານຊາວໜຸ່ມ ຈໍານວນ 12 ສະຫາຍ ຍິງ 8 ສະຫາຍ.
(ຂ່າວ: ພຸດທະສອນ)
ຄໍາເຫັນ