 |
ທ່ານ ສີວິໄລ ປັນເເກ້ວ ໄດ້ມີຄໍາເຫັນຕໍ່ກອງປະຊຸມ ໂດຍໄດ້ສະເໜີໃຫ້ບັນດາທ່ານຜູ້ເຂົ້າຮ່ວມກອງປະຊຸມພ້ອມກັນຮັບຟັງການຜ່ານເອກະສານ 2 ບົດຄື: ຮ່າງລາຍງານການເມືອງ ຂອງຄະນະບໍລິຫານງານພັກເເຂວງ ສະ ໄໝທີ VIII ຕໍ່ກອງປະຊຸມໃຫ່ຍອົງຄະນະພັກແຂວງຫຼວງນໍ້າທາ ຄັ້ງທີ IX ແລະ ຮ່າງບົດລາຍງານຫຍໍ້ ການຈັດຕັ້ງປະຕິບັດເເຜນພັດທະນາເສດຖະກິດ-ສັງຄົມ 5 ປີຄັ້ງທີ IX (2021-2025) ແລະ ທິດທາງແຜນພັດທະນາເສດຖະກິດ-ສັງຄົມ 5 ປີ (2025-2030) ຄັ້ງທີ X ຂອງເເຂວງຫຼວງນໍ້າທາ ພ້ອມກັນຄົ້ນຄວ້າປະກອບຄໍາເຫັນຕໍເນື້ອໃນເອກະສານໃຫ້ລະອຽດຊັດຈຽນຂອງແຕ່ລະວຽກງານ ລວມເຖິ່ງບັນຫາຕ່າງໆ ພ້ອມທັງປັບປຸງເເກ້ໄຂໃຫ້ດີຂຶ້ນ, ຜ່ານການຈັດຕັ້ງປະຕິບັດ ມະຕິກອງປະຊຸມໃຫ່ຍຄັ້ງທີ VIII ຂອງອົງຄະນະພັກເເຂວງໃນພາລະກິດປົກປັກຮັກສາ ເເລະ ສ້າງສາພັດທະນາ ເເຂວງຫຼວງນໍ້າທາ ໄລຍະ 5 ປີຜ່ານມາ (2021-2025) ໂດຍຍຶດໝັນເເນວທາງປ່ຽນເເປງໃໝ່ ຮອບດ້ານທີ່ມີຫຼັກການຂອງພັກ ພາຍໃຕ້ການນໍາພາ-ຊີ້ນໍາຂອງຄະນະບລິຫານງານພັກເເຂວງ, ອົງການປົກຄອງເເຕ່ລະຂັ້ນ ແລະ ການປະກອບສ່ວນຢ່າງເປັນເຈົ້າການຂອງສະມາຊິກພັກພະນັກງານ, ທະຫານ, ຕໍາຫຼວດ, ປະຊາຊົນບັນດາເຜົ່າທຸກຊັ້ນຄົນຢູ່ພາຍໃນເເຂວງຫຼວງນໍ້າທາຈຶ່ງໄດ້ມີຜົນສໍາເລັດຫຼາຍດ້ານ, ເສດຖະກິດຂອງເເຂວງໄດ້ຮັບການພັດທະນາ ເເລະ ຂະຫຍາຍຕົວຍ່າງຕໍ່ເນື່ອງ-ຖືກທິດ ໃນລະດັບ 6,2% ຕໍ່ປີ, ລວມຍອດຜະລິດຕະພັນໃນ GDP ລວມ 5 ປີ ບັນລຸໄດ້ 44,582.07 ຕື້ກີບ, ສະເລ່ຍລາຍຮັບຕໍ່ຫົວຄົນບັນລຸ 2,347.17 ໂດລາສະຫະລັດຕໍ່ຄົນຕໍ່ປີ ທຽບໃສ່ປີ 2020 ເພີ່ມຂຶ້ນ 449 ໂດລາສະຫະລັດ ອັ່ນພົ້ນເດັ່ນເເມ່ນການເກັບລາຍຮັບເຂົ້າງົບປະມານ ໄດ້ເກີນແຜນ 3 ປີຕໍ່ເນື່ອງ, ທົ່ວເເຂວງຫຼວງນໍ້າທາ ມີ 5 ອົງຄະນະພັກເມືອງ 2 ຄະນະພັກກອງບັນຊາການ ປກຊ-ປກສ, 90 ຄະນະພັກຮາກຖານ, 839 ຮາກຖານພັກ, ມີສະມາຊິກພັກທັງໝົດ 14,658 ຄົນ ຍິງ 4,152 ສະຫາຍ (ເພີ່ມຂຶ້ນ 2,602 ສະຫາຍ) ສ້າງໜ່ວຍພັກປອດໃສ່ ເຂັ້ມເເຂງ ໜັກເເໜ້ນ ໄດ້ 664 ໜ່ວຍ, ກວມ 88.65% ຂອງຈໍານວນໜ່ວຍພັກທັງໝົດໃນທົ່ວເເຂວງ ແລະ ວຽກງານອັນອື່ນໆອີກ. ໃນກອງປະຊຸມຜູ່ເຂົ້າຮ່ວມໄດ້ພັດປ່ຽນກັນປະກອບຄໍາຄິດເຫັນຕໍ່ຮ່າງລາຍງານການເມືອງ ແລະ ຮ່າງເເຜນພັດທະນາເສດຖະກິດ-ສັງຄົມ 5 ປີ (2025-2030) ໃຫ້ມີຄວາມໝາຍສໍາຄັນ ກັບສະພາບຄວາມເປັນຈິງໃນຕໍ່ໜ້າ, ທັງນີກໍເພື່ອເປັນການກະກຽມຮຽບຮຽງເອກະສານ ຮ່າງລາຍງານການເມືອງ ແລະ ຮ່າງເເຜນພັດທະນາເສດຖະກິດ-ສັງຄົມ 5 ປີ ຂອງແຂວງໃຫ້ມີເນື້ອໃນສົມບູນເພື່ອກະກຽມເປີດກອງປະຊຸມໃຫຍ່ຄັ້ງທີ IX ຂອງອົງຄະນະພັກແຂວງທີຈະເປີດຂຶ້ນໃນມໍໆນີ້ ໃຫ້ມີຜົນສໍາເລັດອັນຈົບງາມ.
(ພາບ-ຂ່າວ: ຄໍາປິງ)
ຄໍາເຫັນ