 |
ມີບັນທ່ານຜູ້ເຂົ້າຮ່ວມຈາກຄະນະກຳມະການສົ່ງເສີມ ແລະ ຄຸ້ມຄອງການລົງທຶນຂັ້ນສູນກາງ, ຄະນະຈັດຕັ້ງສູນກາງພັກ, ຄະນະກຳມະການສົ່ງເສີມ ແລະ ຄຸ້ມຄອງການລົງທຶນ ແຂວງບໍ່ແກ້ວ, ຄະນະຈັດຕັ້ງ ແລະ ກວດກາແຂວງ, ບັນດາທ່ານຜູ້ຕາງໜ້າຈາກພະແນກການອ້ອມຂ້າງຂອງແຂວງເຂົ້າຮ່ວມ.
ກອງປະຊຸມດັ່ງກ່າວ, ໄດ້ຮັບຟັງການລາຍງານສະພາບລວມ ການຈັດຕັ້ງປະຕິບັດວຽກງານສົ່ງເສີມ ແລະ ຄຸ້ມຄອງການລົງທຶນ ຂອງແຂວງບໍ່ແກ້ວ ໂດຍສະເພາະການຈັດຕັ້ງປະຕິບັດວຽກງານຕາມດຳລັດວ່າດ້ວຍການຈັດຕັ້ງ ແລະ ການເຄື່ອນໄຫວ ຂອງຄະນະກຳມະການສົ່ງເສີມ ແລະ ຄຸ້ມຄອງການລົງທຶນ ສະບັບເລກທີ 530/ນຍ ຢູ່ ແຂວງບໍ່ແກ້ວ ແລະ ດຳລັດ ວ່າດ້ວຍການຈັດຕັ້ງ ແລະ ການເຄື່ອນໄຫວ ຂອງອົງການຄຸ້ມຄອງ-ບໍລິຫານເຂດເສດຖະກິດພິເສດສາມຫຼ່ຽມຄຳ ເລກທີ 359/ນຍ ນັບແຕ່ມື້ປະກາດໃຊ້ເປັນຕົ້ນມາ ໂດຍທ່ານຫົວໜ້າຫ້ອງການສົ່ງເສີມ ແລະ ຄຸ້ມຄອງການລົງທຶນ ແຂວງບໍ່ແກ້ວ. ຜ່ານການຈັດຕັ້ງປະຕິບັດວຽກງານດັ່ງກ່າວໄລຍະຜ່ານມາ ເຫັນໄດ້ວ່າມີຜົນສຳເລັດຫຼາຍດ້ານທີ່ເກີດຂຶ້ນ. ຄຽງຄູ່ກັນນັ້ນ, ຍັງມີບາງຈຸດໃນດຳລັດດັ່ງກ່າວທີ່ເຫັນວ່າຍັງຈະຕ້ອງໄດ້ສືບຕໍ່ຄົ້ນຄວ້າປັບປຸງໃຫ້ມີຄວາມສອດຄ່ອງກັບສະພາບການຈັດຕັ້ງປະຕິບັດຕົວຈິງໃນປັດຈຸບັນໃຫ້ຫຼາຍຂຶ້ນ ຕາມທິດຊີ້ນຳຂອງຂັ້ນເທິງເພື່ອອໍານວຍຄວາມສະດວກ ບົນພື້ນຖານກົດໝາຍ, ລະບຽບການ ແລະ ປັບປຸງບັນຍາກາດການລົງທຶນ ໃຫ້ດີຂຶ້ນກວ່າເກົ່າ ແລະ ແກ້ໄຂບັນຫາຂໍ້ຫຍຸ້ງຍາກທີ່ເປັນອຸປະສັກໃຫ້ແກ່ການລົງທຶນເພື່ອປະກອບສ່ວນເຂົ້າໃນການພັດທະນາເສດຖະກິດ-ສັງຄົມຂອງຊາດ ຢ່າງຍືນຍົງ.
 |
ຜ່ານການປຶກສາຫາລືບັນດາທ່ານຜູ້ເຂົ້າຮ່ວມກອງປະຊຸມ ໄດ້ແລກປ່ຽນຄຳຄິດຄຳເຫັນຢ່າງກົງໄປກົງມາຕາມຄຳຖາມເຈາະຈີ້ມຂອງທ່ານປະທານ ແລະ ເປັນຄໍາເຫັນທີ່ເປັນປະໂຫຍດຕໍ່ວຽກງານການປະເມີນ ສອງດຳລັດດັ່ງກ່າວ, ທ່ານ ນາງ ພອນວັນ ອຸທະວົງ ໄດ້ສະແດງຄວາມຂອບໃຈ ແລະ ຊົມເຊີຍບັນດາທ່ານ ທີ່ໄດ້ທຸ່ມເທສະຕິປັນຍາເຂົ້າໃນການປຶກສາຫາລື, ແລກປ່ຽນຄຳຄິດຄຳເຫັນຮ່ວມກັນ ຕໍ່ກອງປະຊຸມໃນຄັ້ງນີ້ ຈົນໄດ້ຮັບຜົນສຳເລັດເປັນຢ່າງດີ.
(ຂ່າວ: ຄລທ)
ຄໍາເຫັນ