ແຫ່ງຊາດ ຂອງ ສປປ ລາວ". ໄດ້ຈັດຂຶ້ນໃນວັນທີ 14 ພະຈິກນີ້ ທີ່ຫໍປະຊຸມແຫ່ງຊາດ, ໂດຍການເປັນປະທານຮ່ວມຂອງ ທ່ານ ເພັດ ພົມພິພັກ ລັດຖະມົນຕີກະຊວງແຜນການ ແລະ ການລົງທຶນ, ທ່ານ ບັກໂຮເດຍ ເບີຄະນ໋ອຟ ຜູ້ປະສານງານອົງການ ສປຊ ປະຈຳ ສປປ ລາວ. ມີບັນດາ ຮອງລັດຖະມົນຕີ, ຮອງເຈົ້າແຂວງ, ຮອງເລຂາທິການ ແລະ ຮອງປະທານກຳມາທິການສະພາແຫ່ງຊາດ, ບັນດາ ທູຕານຸທູດ, ອົງການຈັດຕັ້ງສາກົນ, ອົງການທີ່ບໍ່ສັງກັດ ລັດຖະບານ, ອົງການທີ່ບໍ່ຫວັງຜົນກຳໄລ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.
ກອງປະຊຸມຄັ້ງນີ້ໄດ້ຮັບຟັງການນໍາສະເໜີ ແລະ ປຶກສາຫາ ຫົວຂໍ້ທີ່ສໍາຄັນ ຄື: ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ແຫ່ງຊາດ 5 ປີ ຄັ້ງທີ 9 ສໍາລັບປີ 2024 ແລະ ທິດທາງແຜນການປີ 2025 ແລະ ຮ່າງແຜນພັດທະນາເສດຖະກິດ-ສັງຄົມ ແຫ່ງຊາດ 5 ປີຄັ້ງທີ 10 (2026-2030), ຄວາມຄືບໜ້າໃນການກະກຽມຫຼຸດພົ້ນອອກຈາກສະຖານະພາບດ້ອຍພັດທະນາ ຂອງ ສປປ ລາວ ແລະ ຜົນການເຂົ້າຮ່ວມກອງປະຊຸມສຸດຍອດວ່າດ້ວຍອະນາຄົດ ທີ່ສຳນັກງານຂ້າຫຼວງໃຫຍ່ອົງການສະຫະປະຊາຊາດ ນະ ຄອນນີວຢອກ ປະເທດສະຫະລັດອາເມຣິກາ, ຜົນສໍາເລັດຂອງການປຶກສາຫາລືກຸ່ມສົນທະນາທີ 1: ໃນຫົວຂໍ້ທິດທາງໄລຍະສັ້ນ ແລະ ໄລຍະຍາວ ໃນການແກ້ໄຂສະພາບຄວາມຫຍຸ້ງຍາກທາງດ້ານເສດຖະກິດ-ການເງິນ ເພື່ອບັນລຸເປົ້າໝາຍການພັດທະນາເສດຖະກິດຂອງ ສປປ ລາວ ໃຫ້ມີຄວາມຍືນຍົງ, ສີຂຽວ, ເຊື່ອມໂຍງ-ເຊື່ອມຈອດ ແລະ ມີຄວາມຫຼາກຫຼາຍທາງດ້ານເສດຖະກິດ, ຜົນສໍາເລັດຂອງການປຶກສາຫາລືກຸ່ມສົນທະນາທີ 2: ໃນຫົວຂໍ້ທິດທາງໄລຍະສັ້ນ ແລະ ໄລຍະຍາວ ໃນການພັດທະນາຊັບພະຍາກອນມະນຸດ ຂອງ ສປປ ລາວ (ການນໍາໃຊ້ທ່າແຮງຂອງ ປະຊາກອນໜຸ່ມ ໃນການພັດທະນາໃຫ້ມີຄວາມຍືນຍົງ), ການຮ່ວມມືເພື່ອການພັດທະນາ(ຜົນການສໍາຫຼວດຮອບວຽນທີ 4 ຂອງການເປັນຄູ່ຮ່ວມເພື່ອການຮ່ວມມືເພື່ອການພັດທະນາທີ່ມີປະສິດທິຜົນ ແລະ ຜົນການທົບທວນແຜນດໍາເນີນງານຖະແຫຼງການວຽງຈັນ ວ່າດ້ວຍການເປັນຄູ່ຮ່ວມ ເພື່ອການພັດທະນາ ທີ່ມີປະສິດທິຜົນ). ການສໍາຫຼວດຮອບວຽນທີ 4 ຂອງການເປັນຄູ່ຮ່ວມເພື່ອການຮ່ວມມືເພື່ອການພັດທະນາທີ່ມີປະສິດທິຜົນ ແລະ ຜົນການທົບທວນແຜນດໍາເນີນງານຖະແຫຼງການວຽງຈັນ ວ່າດ້ວຍການເປັນຄູ່ຮ່ວມ ເພື່ອການພັດທະນາ ທີ່ມີປະສິດທິຜົນ), ເຖິງແມ່ນວ່າ ສປປ ລາວ ປະເຊີນ ກັບຄວາມຫຍຸ້ງຍາກປານໃດກໍ່ຕາມແຕ່ບັນດາປະເທດເພື່ອນມິດ, ຄູ່ຮ່ວມພັດທະນາຍັງຮັກສາຄຳໝັ້ນສັນຍາ ທີ່ຈະສືບຕໍ່ສະໜັບສະໜູນຊ່ວຍເຫຼືອ ລັດຖະບານ ສປປ ລາວ ເພື່ອປະກອບສ່ວນເຂົ້າໃນການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ແຫ່ງຊາດ ແຕ່ລະໄລຍະ ໂດຍລວມແມ່ນມີທ່າອ່ຽງທີ່ດີຂຶ້ນ.
ທ່ານເພັດ ພົມພິພັກ ກ່າວວ່າ: ການຈັດກອງປະຊຸມໂຕະມົນ ແຕ່ລະຄັ້ງແມ່ນມີຄວາມໝາຍຄວາມສໍາ ຄັນຫຼາຍ ຕໍ່ ສປປ ລາວ, ສໍາລັບກອງປະຊຸມໂຕະມົນປະຈໍາປີ 2024 ໃນຄັ້ງນີ້ ຖືເປັນໂອກາດດີ ໃຫ້ແກ່ພວກເຮົາໄດ້ ປຶກສາຫາລືກ່ຽວກັບຄວາມຄືບໜ້າໃນການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ແຫ່ງຊາດ 5 ປີ ຄັ້ງທີ 9 ສໍາລັບປີ 2024, ທິດທາງແຜນການປີ 2025 ແລະ ຮ່າງແຜນພັດທະນາເສດຖະກິດ-ສັງຄົມ ແຫ່ງຊາດ 5 ປີ ຄັ້ງທີ 10 (2026-2030), ບົດລາຍງານຄວາມຄືບໜ້າກ່ຽວກັບການກະກຽມຫຼຸດພົ້ນອອກຈາກສະຖານະພາບດ້ອຍພັດທະນາ ຂອງ ສປປ ລາວ ແລະ ຜົນການເຂົ້າຮ່ວມກອງປະຊຸມສຸດຍອດວ່າດ້ວຍອະນາຄົດ ທີ່ສໍານັກງານຂ້າຫຼວງໃຫຍ່ອົງການສະຫະປະຊາຊາດ, ນະຄອນນີວຢອກ ປະເທດ ສະຫະລັດອາເມຣິກາ, ຜົນສໍາເລັດຂອງການປຶກສາຫາລືຂອງກຸ່ມສົນທະນາ ໃນ 2 ຫົວຂໍ້ສໍາຄັນໃນການແກ້ໄຂຄວາມຫຍຸ້ງຍາກດ້ານເສດຖະກິດ, ການເງິນ ແລະ ການພັດທະນາດ້ານຊັບພະຍາກອນມະນຸດ ຂອງ ສປປ ລາວ ແລະ ລາຍງານການຮ່ວມມືເພື່ອການພັດທະນາ (ຜົນການສໍາຫຼວດຮອບວຽນທີ 4 ຂອງການເປັນຄູ່ຮ່ວມເພື່ອການຮ່ວມມືເພື່ອການພັດທະນາທີ່ມີປະສິດທິຜົນ ແລະ ຜົນການທົບທວນແຜນດໍາເນີນງານຖະແຫຼງການວຽງຈັນ ວ່າດ້ວຍການເປັນຄູ່ຮ່ວມ ເພື່ອການພັດທະນາ ທີ່ມີປະສິດທິຜົນ), ເຖິງແມ່ນວ່າ ສປປ ລາວ ປະເຊີນກັບຄວາມຫຍຸ້ງຍາກປານໃດກໍ່ຕາມ ແຕ່ບັນດາປະເທດເພື່ອນມິດ, ຄູ່ຮ່ວມພັດທະນາຍັງຮັກສາຄຳໝັ້ນສັນຍາ ທີ່ຈະສືບຕໍ່ສະໜັບສະໜູນຊ່ວຍເຫຼືອ ລັດຖະບານ ສປປ ລາວ ເພື່ອປະກອບສ່ວນເຂົ້າໃນການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ແຫ່ງຊາດ ແຕ່ລະໄລຍະ ໂດຍລວມແມ່ນມີທ່າອ່ຽງທີ່ດີຂຶ້ນ.
ທ່ານ ບັກໂຮເດຍ ເບີຄະນ໋ອຟ ກ່າວວ່າ: ເນື່ອງຈາກຄວາມທ້າທາຍຫຼາຍຢ່າງທີ່ພວກເຮົາກໍາລັງປະເຊີນຢູ່ໃນປັດຈຸບັນ ຫຼາຍກວ່າທີ່ເຄີຍມີມາ, ບັນດາຄູ່ຮ່ວມມືພັດທະນາຂອງ ສປປ ລາວ ຕ້ອງຊອກຫາວິທີການເຮັດວຽກ ຮ່ວມກັນຢ່າງມີປະສິດທິຜົນກວ່າເກົ່າ ເພື່ອສະໜັບສະໜູນເສັ້ນທາງການພັດທະນາແບບຍືນຍົງ ແລະ ຮອບດ້ານ. ຂະບວນການໂຕະມົນນີ້ ຖືເປັນເວທີອັນລໍ້າຄ່າ ເພື່ອຊ່ວຍໃຫ້ພວກເຮົາບັນລຸເປົ້າໝາຍດັ່ງກ່າວ ແລະ ດ້ວຍການປຶກສາຫາລືທີ່ມີແກ່ນສານບົນພື້ນຖານການປຶກສາຫາລືບັນດາເນື້ອໃນດ້ານການເງິນເພື່ອການພັດທະນາ, ການຟື້ນຟູ ແລະ ຄວາມຢຶດຢຸນ, ແລະ ການກະກຽມໃຫ້ແກ່ການຫຼຸດພົ້ນອອກຈາກການເປັນປະເທດດ້ອຍພັດທະນາໄດ້ສະແດງໃຫ້ເຫັນເຖິງຄວາມໝາຍຄວາມສຳຄັນຂອງກອງປະຊຸມເປັນເວທີ ໃຫ້ແກ່ການປຶກສາຫາລື ແລະ ການແລກປ່ຽນເຊິ່ງກັນ ແລະ ກັນ ".
(ເປັນເວທີ ໃຫ້ແກ່ການປຶກສາຫາລື ແລະ ການແລກປ່ຽນເຊິ່ງກັນ ແລະ ກັນ ".
ພາຍຫຼັງສຳເລັດກອງປະຊຸມດັ່ງກ່າວ, ທ່ານປະທານ ແລະ ປະທານຮ່ວມຂອງກອງປະຊຸມພ້ອມດ້ວຍຜູ້ຕາງໜ້າຝ່າຍຄູ່ຮ່ວມພັດທະນາຈະນໍາສະເໜີຜົນ ແລະ ເນື້ອໃນຈິດໃຈຂອງກອງປະຊຸມ ເພື່ອລາຍງານຕໍ່ທ່ານ ນາຍົກລັດຖະມົນຕີ ແຫ່ງ ສປປ ລາວ ເພື່ອເປັນທິດທາງໃນການຈັດຕັ້ງປະຕິບັດແຜນພັດທະ ນາເສດຖະກິດ-ສັງຄົມ ຄັ້ງທີ 9 ແລະ ວາລະ 2030 ຢ່າງມີປະສິດທິຜົນ.
(ຂ່າວ-ພາບ: ສຳນານ).
ຄໍາເຫັນ