ກອງພັນໃຫຍ່ 202 ໄດ້ຈັດພິທີປະກາດການຈັດຕັ້ງ ແລະ ເລື່ອນຊັ້ນໃຫ້ນາຍທະຫານ ຂຶ້ນໃນວັນທີ 27 ມີນາຜ່ານມາ ຢູ່ທີ່ສະໂມສອນກອງພັນດັ່ງກ່າວ ໂດຍການເປັນປະທານຂອງສະຫາຍ ພັນໂທ ສົມໝາຍ ດອນພະຈັນ ເລຂາຄະນະພັກ ຫົວໜ້າການເມືອງກອງພັນໃຫຍ່ 202, ມີຄະນະພັກ-ຄະນະບັນຊາຈາກ ພະແນກການ, ກົມກອງ ເຂົ້າຮ່ວມ.
ໃນພິທີ, ສະຫາຍ ພັນຕີ ພອນໄຊ ເພັງພານິດ ຫົວໜ້າຂະແໜງພະນັກງານ ພະແນກການເມືອງ ກອງພັນໃຫຍ່ 202 ໄດ້ຜ່ານຂໍ້ຕົກລົງຂອງກອງພົນທະຫານຮາບທີ 2 ສະບັບເລກທີ 25/ກພ ລົງວັນທີ 2 ກຸມພາ 2024 ວ່າດ້ວຍການແຕ່ງຕັ້ງຫົວໜ້າຂະແໜງການຢູ່ກອງພັນໃຫຍ່ 202 ໂດຍອີງຕາມທິດທາງການປັບປຸງ ບູລະນະກົງຈັກການຈັດຕັ້ງຂະແໜງການໃຫ້ມີຄວາມໜັກແໜ້ນເຂັ້ມແຂງ ເພື່ອເຮັດສໍາເລັດໜ້າທີ່ການເມືອງໃນໄລຍະໃໝ່. ໃນນັ້ນ, ກອງພົນທະຫານຮາບທີ 2 ຕົກລົງແຕ່ງຕັ້ງ ສະຫາຍ ຮ້ອຍໂທ ສົມຈິດ ໄຊຍະວົງ ເປັນຫົວໜ້າຂະແໜງບໍລິຫານ-ສັງລວມ ພະແນກເຕັກນິກ ກອງພັນໃຫຍ່ 202. ຈາກນັ້ນ ຍັງໄດ້ຜ່ານຂໍ້ຕົກລົງວ່າຂອງກະຊວງປ້ອງກັນປະເທດ ແລະ ຂໍ້ຕົກລົງຂອງກົມໃຫຍ່ການເມືອງກອງທັບ ວ່າດ້ວຍການເລື່ອນຊັ້ນ ແລະ ເລື່ອນທຽບຊັ້ນໃຫ້ນາຍທະຫານ, ໃນນັ້ນເລື່ອນຊັ້ນ ຮ້ອຍເອກ ຂຶ້ນ ຊັ້ນພັນຕີ 1 ສະຫາຍ, ຊັ້ນຮ້ອຍໂທ ຂຶ້ນຊັ້ນຮ້ອຍເອກ 1 ສະຫາຍ, ຊັ້ນຮ້ອຍຕີ ຂຶ້ນຊັ້ນຮ້ອຍໂທ 11 ສະຫາຍ ແລະ ເລື່ອນຊັ້ນ - ເລື່ອນທຽບຊັ້ນ ວາທີ ຂຶ້ນຊັ້ນ ຮ້ອຍຕີ 39 ສະຫາຍ.
ໃນໂອກາດດັ່ງກ່າວ, ສະຫາຍ ພັນໂທ ສົມໝາຍ ດອນພະຈັນ ໄດ້ຮຽກຮ້ອງຕໍ່ຜູ້ທີ່ໄດ້ຮັບໜ້າທີ່ ແລະ ຮັບການເລື່ອນຊັ້ນໃໝ່ຈົ່ງຍົກສູງຄວາມຮັບຜິດຊອບຕໍ່ໜ້າທີ່ການເມືອງຂອງຕົນທີ່ໄດ້ຮັບການມອບໝາຍ, ເອົາໃຈໃສ່ເຝິກຝົນຫຼໍ່ຫຼອມຕົນເອງໃນທຸກດ້ານ, ຍົກສູງຄວາມສາມັກຄີໃຫ້ສະນິດແໜ້ນທັງພາຍໃນ ແລະ ພາຍນອກ, ຕັ້ງໜ້າປະກອບສ່ວນເຂົ້າໃນວຽກງານປັບປຸງກໍ່ສ້າງກົມກອງໃຫ້ມີໃບໜ້າອັນໃໝ່ ແລະ ມີຄວາມເຂັ້ມແຂງ-ໜັກແໜ້ນໃນທຸກດ້ານ.
(ພາບ-ຂ່າວ: ຄຳຊາຍ ກວ່າງຄຸນສີ)
ໃນພິທີ, ສະຫາຍ ພັນຕີ ພອນໄຊ ເພັງພານິດ ຫົວໜ້າຂະແໜງພະນັກງານ ພະແນກການເມືອງ ກອງພັນໃຫຍ່ 202 ໄດ້ຜ່ານຂໍ້ຕົກລົງຂອງກອງພົນທະຫານຮາບທີ 2 ສະບັບເລກທີ 25/ກພ ລົງວັນທີ 2 ກຸມພາ 2024 ວ່າດ້ວຍການແຕ່ງຕັ້ງຫົວໜ້າຂະແໜງການຢູ່ກອງພັນໃຫຍ່ 202 ໂດຍອີງຕາມທິດທາງການປັບປຸງ ບູລະນະກົງຈັກການຈັດຕັ້ງຂະແໜງການໃຫ້ມີຄວາມໜັກແໜ້ນເຂັ້ມແຂງ ເພື່ອເຮັດສໍາເລັດໜ້າທີ່ການເມືອງໃນໄລຍະໃໝ່. ໃນນັ້ນ, ກອງພົນທະຫານຮາບທີ 2 ຕົກລົງແຕ່ງຕັ້ງ ສະຫາຍ ຮ້ອຍໂທ ສົມຈິດ ໄຊຍະວົງ ເປັນຫົວໜ້າຂະແໜງບໍລິຫານ-ສັງລວມ ພະແນກເຕັກນິກ ກອງພັນໃຫຍ່ 202. ຈາກນັ້ນ ຍັງໄດ້ຜ່ານຂໍ້ຕົກລົງວ່າຂອງກະຊວງປ້ອງກັນປະເທດ ແລະ ຂໍ້ຕົກລົງຂອງກົມໃຫຍ່ການເມືອງກອງທັບ ວ່າດ້ວຍການເລື່ອນຊັ້ນ ແລະ ເລື່ອນທຽບຊັ້ນໃຫ້ນາຍທະຫານ, ໃນນັ້ນເລື່ອນຊັ້ນ ຮ້ອຍເອກ ຂຶ້ນ ຊັ້ນພັນຕີ 1 ສະຫາຍ, ຊັ້ນຮ້ອຍໂທ ຂຶ້ນຊັ້ນຮ້ອຍເອກ 1 ສະຫາຍ, ຊັ້ນຮ້ອຍຕີ ຂຶ້ນຊັ້ນຮ້ອຍໂທ 11 ສະຫາຍ ແລະ ເລື່ອນຊັ້ນ - ເລື່ອນທຽບຊັ້ນ ວາທີ ຂຶ້ນຊັ້ນ ຮ້ອຍຕີ 39 ສະຫາຍ.
ໃນໂອກາດດັ່ງກ່າວ, ສະຫາຍ ພັນໂທ ສົມໝາຍ ດອນພະຈັນ ໄດ້ຮຽກຮ້ອງຕໍ່ຜູ້ທີ່ໄດ້ຮັບໜ້າທີ່ ແລະ ຮັບການເລື່ອນຊັ້ນໃໝ່ຈົ່ງຍົກສູງຄວາມຮັບຜິດຊອບຕໍ່ໜ້າທີ່ການເມືອງຂອງຕົນທີ່ໄດ້ຮັບການມອບໝາຍ, ເອົາໃຈໃສ່ເຝິກຝົນຫຼໍ່ຫຼອມຕົນເອງໃນທຸກດ້ານ, ຍົກສູງຄວາມສາມັກຄີໃຫ້ສະນິດແໜ້ນທັງພາຍໃນ ແລະ ພາຍນອກ, ຕັ້ງໜ້າປະກອບສ່ວນເຂົ້າໃນວຽກງານປັບປຸງກໍ່ສ້າງກົມກອງໃຫ້ມີໃບໜ້າອັນໃໝ່ ແລະ ມີຄວາມເຂັ້ມແຂງ-ໜັກແໜ້ນໃນທຸກດ້ານ.
(ພາບ-ຂ່າວ: ຄຳຊາຍ ກວ່າງຄຸນສີ)
ຄໍາເຫັນ