ໃນວັນທີ 14 ພຶດສະພາ 2024 ນີ້, ກອງພັນໃຫຍ່502 ທີ່ຂຶ້ນກັບກອງພົນທີ5 ໄດ້ເປີດຊຸດອົບຮົມໄລຍະສັ້ນໃຫ້ພະນັກງານ ວິຊາສະເພາະເຫຼົ່າຮົບສື່ສານ , ໂດຍການເປັນປະທານຂອງ ທ່ານ ພັນໂທ ຈິດຕະກອນ ພຸດທະວົງ ຫົວໜ້າພະແນກເສນາທິການກອງພັນໃຫຍ່502, ມີຄະນະພັກ-ຄະນະບັນຊາກົມກອງ, ຂະແໜງການ ພ້ອມດ້ວຍພະນັກງານ-ນັກຮົບ ວິຊາສະເພາະສື່ສານທົ່ວກົມກອງເຂົ້າຮ່ວມ.
ໃນພິທີ ທ່ານ ຮ້ອຍເອກ ສອນໄຊ ກົມມະເມືອງ ຫົວໜ້າການເມືອງກອງຮ້ອຍສື່ສານ ກອງພັນໃຫຍ່502 ກໍ່ໄດ້ຂຶ້ນຜ່ານແຜນການອົບຮົມ-ຫັດແອບໄລຍະສັ້ນວິຊາສະເພາະເຫຼົ່າຮົບສື່ສານ, ທັງນີ້ກໍ່ເພື່ອເປັນການຍົກສູງລະດັບຄວາມຮູ້-ຄວາມສາມາດທາງດ້ານການນໍາໃຊ້ລະບົບເຄື່ອງຈັກຕິດຕໍ່ສື່ສານ ໃຫ້ແກ່ພະນັກງານ ວິຊາສະເພາະສື່ສານ ໃຫ້ມີຄວາມ ຄ່ອງແຄ້ວ ແລະ ສໍານິສໍານານ ຮູ້ນໍາໃຊ້ເຂົ້າໃນການປະຕິບັດໜ້າທີ່ວຽກງານຂອງຕົນ ໃຫ້ໄດ້ຮັບຜົນດີ.
ການຝຶກອົບຮົມ-ຫັດແອບໃນຄັ້ງນີ້ ແມ່ນຈະເອົາເນື້ອໃນຫົວຂໍ້ບົດຮຽນຄື: ຈັກລວມ 30 ປະຕູ, ຈັກລວມ 20 ປະຕູ, ຈັກໂທລະສັບ HDX 1 A , ຈັກຄື້ນສຸດສັ້ນ PR9560, ຢັງສາຍ, ກູ້ສາຍ ແລະ ຕໍ່ສາຍ, ຍຸດທະວິທີ, ກາງຫຼັກອັງແຕນ. ການອົບຮົມໃນຄັ້ງນີ້ ແມ່ນຈະໃຊ້ເວລາ 30 ວັນ ຈຶ່ງຈະສໍາເລັດ.
ໂອກາດດັ່ງກ່າວ ສະຫາຍ ພັນໂທ ຈິດຕະກອນ ພຸດທະວົງ ກໍ່ໄດ້ໃຫ້ກຽດໂອ້ລົມ ຕໍ່ພະນັກງານວິຊາສະເພາະສື່ສານຊຶ່ງກ່ອນອື່ນ ສະຫາຍ ໄດ້ຍົກໃຫ້ເຫັນສະພາບການຂອງໂລກ ແລະ ພາກພື້ນ ປັດຈຸບັນຍັງມີການຜັນແປໄປຢ່າງສັບສົນພວກເຮົາຕ້ອງໄດ້ເອົາໃຈໃສ່ ປັບປຸງແກ້ໄຂ ກໍ່ສ້າງກໍາລັງໃຫ້ເຂັ້ມແຂງ ເພື່ອຮັບມືສະພາບການດັ່ງກ່າວ, ໂດຍສະເພາະກໍ່ແມ່ນວຽກງານຕິດຕໍ່ສື່ສານ ຮັບປະກັນທາງດ້ານວຽກງານກຽມພ້ອມສູ້ຮົບໃຫ້ແກ່ກົມກອງ ກໍ່ຄືຂັ້ນເທິງ, ໃນນີ້ທ່ານຍັງໄດ້ເນັ້ນໜັກໃຫ້ນັກຝຶກອົບຮົມ ຈົ່ງພ້ອມກັນເພີ່ມທະວີຄວາມຮັບຜິດຊອບໃຫ້ສູງ, ເອົາໃຈໃສ່ຄົ້ນຄ້ວາຮໍ່າຮຽນ, ສົມທົບລະຫວ່າງທິດສະດີ-ຫຼັກການ ໃຫ້ສໍານິສໍານານໃນການປະຕິບັດວຽກງານວິຊາສະເພາະ ເພື່ອເຮັດສໍາເລັດໜ້າທີ່ການເມືອງຂອງຕົນ ຕາມການຈັດຕັ້ງຂັ້ນເທິງມອບ
ໝາຍໃຫ້. (ຂ່າວ: ສົມພອນໄຊ ພັນທ້າວ -ພາບ: ຕະວັນ ເພັດວົງພັນ)
ໃນພິທີ ທ່ານ ຮ້ອຍເອກ ສອນໄຊ ກົມມະເມືອງ ຫົວໜ້າການເມືອງກອງຮ້ອຍສື່ສານ ກອງພັນໃຫຍ່502 ກໍ່ໄດ້ຂຶ້ນຜ່ານແຜນການອົບຮົມ-ຫັດແອບໄລຍະສັ້ນວິຊາສະເພາະເຫຼົ່າຮົບສື່ສານ, ທັງນີ້ກໍ່ເພື່ອເປັນການຍົກສູງລະດັບຄວາມຮູ້-ຄວາມສາມາດທາງດ້ານການນໍາໃຊ້ລະບົບເຄື່ອງຈັກຕິດຕໍ່ສື່ສານ ໃຫ້ແກ່ພະນັກງານ ວິຊາສະເພາະສື່ສານ ໃຫ້ມີຄວາມ ຄ່ອງແຄ້ວ ແລະ ສໍານິສໍານານ ຮູ້ນໍາໃຊ້ເຂົ້າໃນການປະຕິບັດໜ້າທີ່ວຽກງານຂອງຕົນ ໃຫ້ໄດ້ຮັບຜົນດີ.
ການຝຶກອົບຮົມ-ຫັດແອບໃນຄັ້ງນີ້ ແມ່ນຈະເອົາເນື້ອໃນຫົວຂໍ້ບົດຮຽນຄື: ຈັກລວມ 30 ປະຕູ, ຈັກລວມ 20 ປະຕູ, ຈັກໂທລະສັບ HDX 1 A , ຈັກຄື້ນສຸດສັ້ນ PR9560, ຢັງສາຍ, ກູ້ສາຍ ແລະ ຕໍ່ສາຍ, ຍຸດທະວິທີ, ກາງຫຼັກອັງແຕນ. ການອົບຮົມໃນຄັ້ງນີ້ ແມ່ນຈະໃຊ້ເວລາ 30 ວັນ ຈຶ່ງຈະສໍາເລັດ.
ໂອກາດດັ່ງກ່າວ ສະຫາຍ ພັນໂທ ຈິດຕະກອນ ພຸດທະວົງ ກໍ່ໄດ້ໃຫ້ກຽດໂອ້ລົມ ຕໍ່ພະນັກງານວິຊາສະເພາະສື່ສານຊຶ່ງກ່ອນອື່ນ ສະຫາຍ ໄດ້ຍົກໃຫ້ເຫັນສະພາບການຂອງໂລກ ແລະ ພາກພື້ນ ປັດຈຸບັນຍັງມີການຜັນແປໄປຢ່າງສັບສົນພວກເຮົາຕ້ອງໄດ້ເອົາໃຈໃສ່ ປັບປຸງແກ້ໄຂ ກໍ່ສ້າງກໍາລັງໃຫ້ເຂັ້ມແຂງ ເພື່ອຮັບມືສະພາບການດັ່ງກ່າວ, ໂດຍສະເພາະກໍ່ແມ່ນວຽກງານຕິດຕໍ່ສື່ສານ ຮັບປະກັນທາງດ້ານວຽກງານກຽມພ້ອມສູ້ຮົບໃຫ້ແກ່ກົມກອງ ກໍ່ຄືຂັ້ນເທິງ, ໃນນີ້ທ່ານຍັງໄດ້ເນັ້ນໜັກໃຫ້ນັກຝຶກອົບຮົມ ຈົ່ງພ້ອມກັນເພີ່ມທະວີຄວາມຮັບຜິດຊອບໃຫ້ສູງ, ເອົາໃຈໃສ່ຄົ້ນຄ້ວາຮໍ່າຮຽນ, ສົມທົບລະຫວ່າງທິດສະດີ-ຫຼັກການ ໃຫ້ສໍານິສໍານານໃນການປະຕິບັດວຽກງານວິຊາສະເພາະ ເພື່ອເຮັດສໍາເລັດໜ້າທີ່ການເມືອງຂອງຕົນ ຕາມການຈັດຕັ້ງຂັ້ນເທິງມອບ
ໝາຍໃຫ້. (ຂ່າວ: ສົມພອນໄຊ ພັນທ້າວ -ພາບ: ຕະວັນ ເພັດວົງພັນ)
ຄໍາເຫັນ