ກອງພົນທີ 2 ໄດ້ເປີດອົບຮົມ-ຫັດແອບການທະຫານ, ການເມືອງ, ພະລາທິການ ແລະ ເຕັກນິກປະຈໍາປີ 2024 ຂຶ້ນໃນວັນທີ 14 ກຸມພາຜ່ານມາໂດຍການເຂົ້າຮ່ວມຂອງສະຫາຍ ພົຈວ ຄຳດີ ໄຊຍະວົງ ຫົວໜ້າການທະຫານກອງພົນທີ 2, ມີສະຫາຍ ພົຈວ ວຽງແກ້ວ ສີສຸລາດ ຫົວໜ້າການເມືອງກອງພົນທີ 2, ມີຄະນະພັກ, ຄະນະບັນຊາກ່ຽວຂ້ອງເຂົ້າຮ່ວມ.
ສະຫາຍພັນໂທ ສົມລົດ ວິລະວົງ ຫົວໜ້າພະແນກອົບຮົມກອງພົນທີ 2 ໄດ້ຜ່ານແຜນການອົບຮົມ-ຫັດແອບປະຈໍາປີ 2024 ໂດຍອີງຕາມຄໍາສັ່ງແນະນໍາຂອງກົມອົບຮົມກົມໃຫຍ່ເສນາທິການກອງທັບ ວ່າດ້ວຍການອົບຮົມ-ຫັດແອບ, ປັບປຸງລະບຽບແບບແຜນ, ຝຶກຝົນກໍາລັງແຮງກາຍປະຈໍາປີ ເພື່ອຈັດຕັ້ງຜັນຂະຫຍາຍຄໍາສັ່ງແນະນໍາອົບຮົມ-ຫັດແອບປະຈໍາປີ 2024 ຂອງກົມອົບຮົມວາງອອກໃຫ້ເປັນຮູບປະທໍາ ນໍາເອົາເນື້ອໃນຈິດໃຈຂອງຄໍາສັ່ງເຂົ້າສູ່ການປະຕິບັດຕົວຈິງຢູ່ແຕ່ລະກົມກອງພ້ອມກັນປະຕິບັດໃຫ້ຖືກຕ້ອງ, ຄົບຖ້ວນ ແລະ ມີຄຸນນະພາບສູງ ທັງເປັນການຍົກລະດັບຄວາມຮູ້-ຄວາມສາມາດດ້ານສິລະປະຍຸດ-ຍຸດທະວິທີໃຫ້ນາຍ ແລະ ພົນທະຫານຢູ່ແຕ່ລະກົມກອງໃຫ້ມີຄວາມສໍານິຊໍານານ, ມີໄຫວພິກຄ່ອງແຄ້ວ ສາມາດຮັບປະກັນໃຫ້ແກ່ການກຽມພ້ອມສູ້ຮົບ ແລະ ແກ້ໄຂໄດ້ທຸກກໍລະນີທີ່ຈະເກີດຂຶ້ນ ຍັງເປັນການຊຸກຍູ້ຂະບວນການແຂ່ງຂັນອົບຮົມ-ຫັດແອບຢູ່ກົມກອງຂອງຕົນໃຫ້ເປັນຂະບວນການຟົດຟື້ນຮອບດ້ານ, ທຸກຫົວໜ່ວຍອົງການ, ກົມກອງເຫຼົ່າຮົບກອງພັນໃຫຍ່, ກອງພັນນ້ອຍ ແລະ ກອງຮ້ອຍເອກະລາດທີ່ຂຶ້ນກັບກອງພົນທີ 2 ຕ້ອງເຊື່ອມຊຶມ ແລະ ກໍາແໜ້ນເນື້ອໃນແຜນການຂອງກອງພົນວາງອອກຢ່າງເຂັ້ມງວດ, ເພີ່ມທະວີວຽກງານສຶກສາອົບຮົມການເມືອງ-ນໍາພາແນວຄິດໃຫ້ພະນັກງານ-ນັກຮົບເຊື່ອມຊຶມ ແລະ ກໍາແໜ້ນແນວທາງປ້ອງກັນຊາດ-ປ້ອງກັນຄວາມສະຫງົບທົ່ວປວງຊົນຮອບດ້ານ.
ການອົບຮົມຄັ້ງນີ້ກໍານົດເວລາ 180 ວັນ, ແບ່ງອອກເປັນ 2 ໄລຍະຄື:ໄລຍະທີ 1 ເລີ່ມແຕ່ເດືອນກຸມພາ-ເດືອນມິຖຸນາ ແລະ ໄລຍະທີ 2 ເລີ່ມແຕ່ເດືອນກໍລະກົດ-ເດືອນພະຈິກຈຶ່ງສຳເລັດ.
ຂ່າວ-ພາບ: ຄໍາຮັກ ໄຊວັນທອນ
ສະຫາຍພັນໂທ ສົມລົດ ວິລະວົງ ຫົວໜ້າພະແນກອົບຮົມກອງພົນທີ 2 ໄດ້ຜ່ານແຜນການອົບຮົມ-ຫັດແອບປະຈໍາປີ 2024 ໂດຍອີງຕາມຄໍາສັ່ງແນະນໍາຂອງກົມອົບຮົມກົມໃຫຍ່ເສນາທິການກອງທັບ ວ່າດ້ວຍການອົບຮົມ-ຫັດແອບ, ປັບປຸງລະບຽບແບບແຜນ, ຝຶກຝົນກໍາລັງແຮງກາຍປະຈໍາປີ ເພື່ອຈັດຕັ້ງຜັນຂະຫຍາຍຄໍາສັ່ງແນະນໍາອົບຮົມ-ຫັດແອບປະຈໍາປີ 2024 ຂອງກົມອົບຮົມວາງອອກໃຫ້ເປັນຮູບປະທໍາ ນໍາເອົາເນື້ອໃນຈິດໃຈຂອງຄໍາສັ່ງເຂົ້າສູ່ການປະຕິບັດຕົວຈິງຢູ່ແຕ່ລະກົມກອງພ້ອມກັນປະຕິບັດໃຫ້ຖືກຕ້ອງ, ຄົບຖ້ວນ ແລະ ມີຄຸນນະພາບສູງ ທັງເປັນການຍົກລະດັບຄວາມຮູ້-ຄວາມສາມາດດ້ານສິລະປະຍຸດ-ຍຸດທະວິທີໃຫ້ນາຍ ແລະ ພົນທະຫານຢູ່ແຕ່ລະກົມກອງໃຫ້ມີຄວາມສໍານິຊໍານານ, ມີໄຫວພິກຄ່ອງແຄ້ວ ສາມາດຮັບປະກັນໃຫ້ແກ່ການກຽມພ້ອມສູ້ຮົບ ແລະ ແກ້ໄຂໄດ້ທຸກກໍລະນີທີ່ຈະເກີດຂຶ້ນ ຍັງເປັນການຊຸກຍູ້ຂະບວນການແຂ່ງຂັນອົບຮົມ-ຫັດແອບຢູ່ກົມກອງຂອງຕົນໃຫ້ເປັນຂະບວນການຟົດຟື້ນຮອບດ້ານ, ທຸກຫົວໜ່ວຍອົງການ, ກົມກອງເຫຼົ່າຮົບກອງພັນໃຫຍ່, ກອງພັນນ້ອຍ ແລະ ກອງຮ້ອຍເອກະລາດທີ່ຂຶ້ນກັບກອງພົນທີ 2 ຕ້ອງເຊື່ອມຊຶມ ແລະ ກໍາແໜ້ນເນື້ອໃນແຜນການຂອງກອງພົນວາງອອກຢ່າງເຂັ້ມງວດ, ເພີ່ມທະວີວຽກງານສຶກສາອົບຮົມການເມືອງ-ນໍາພາແນວຄິດໃຫ້ພະນັກງານ-ນັກຮົບເຊື່ອມຊຶມ ແລະ ກໍາແໜ້ນແນວທາງປ້ອງກັນຊາດ-ປ້ອງກັນຄວາມສະຫງົບທົ່ວປວງຊົນຮອບດ້ານ.
ການອົບຮົມຄັ້ງນີ້ກໍານົດເວລາ 180 ວັນ, ແບ່ງອອກເປັນ 2 ໄລຍະຄື:ໄລຍະທີ 1 ເລີ່ມແຕ່ເດືອນກຸມພາ-ເດືອນມິຖຸນາ ແລະ ໄລຍະທີ 2 ເລີ່ມແຕ່ເດືອນກໍລະກົດ-ເດືອນພະຈິກຈຶ່ງສຳເລັດ.
ຂ່າວ-ພາບ: ຄໍາຮັກ ໄຊວັນທອນ
ຄໍາເຫັນ