ໂດຍ: ຍຸພິນທອງ
ໃນໂອກາດສະເຫຼີມສະຫຼອງວັນສ້າງຕັ້ງກອງທັບປະຊາຊົນລາວຄົບຮອບ 75 ປີ (20ມັງກອນ1949-20ມັງກອນ2024)ທ່ານ ສຸຄັນທອນ ສິງພວງເພັດ ຜູ້ອໍານວຍການວິທະຍາໄລວິທະຍາສາດສຸຂະພາບແຂວງສະຫວັນນະເຂດ (ວສສ) ໄດ້ກ່າວສະແດງຄວາມຮູ້ສຶກຜ່ານນັກຂ່າວໜັງສືພິມປະຊາຊົນວ່າ: ຕົນເອງມີຄວາມພາກພູມໃຈເປັນທີ່ສຸດທີ່ເຫັນວ່າຕະຫຼອດໄລຍະ 75 ປີມານີ້, ກອງທັບປະຊາຊົນລາວໄດ້ມີການກຳເນີດເຕີບໃຫຍ່ຂະຫຍາຍຕົວ, ມີການກໍ່ສ້າງກຳລັງທີ່ເຂັ້ມແຂງໜັກແໜ້ນຢ່າງບໍ່ຢຸດຢັ້ງ.
ທ່ານ ສຸຄັນທອນ ສິງພວງເພັດ ໄດ້ກ່າວບາງຕອນວ່າ: ກອງທັບປະຊາຊົນລາວມີຜົນງານ ແລະ ໄຊຊະນະໃນຫຼາຍດ້ານ, ມີການເຕີບໃຫຍ່ຂະຫຍາຍຕົວເປັນແຕ່ລະໄລຍະ ທັງໄລຍະດຳເນີນການປະຕິວັດຕໍ່ສູ້ປົດປ່ອຍຊາດທີ່ໄດ້ສ້າງຫຼາຍເຫດການປະຫວັດສາດ,ບໍ່ວ່າຈະເປັນໄລຍະຕໍ່ສູ້ຕ້ານການຮຸກຮານຂອງພວກລ່າເມືອງຂຶ້ນແບບເກົ່າ ແລະ ແບບໃໝ່ ໂດຍສະເພາະແມ່ນການຜ່າວົງປິດລ້ອມຂອງກອງພັນທີ 2 ຂອງຝ່າຍປະເທດລາວ ຢູ່ທົ່ງໄຫຫີນແຂວງຊຽງຂວາງ ແລະ ເຫດການຜູ້ນໍາແນວລາວຮັກຊາດໂຕນອອກຈາກຄຸກໂພນເຄັງ; ໄຊຊະນະ 5 ບັ້ນຮົບໃຫຍ່ທີ່ເປັນປະຫວັດສາດກໍຄື ບັ້ນຮົບປົດປ່ອຍຫຼວງນໍ້າທາ, ບັ້ນຮົບນໍ້າບາກ, ບັ້ນຮົບຜາຖີ່, ບັ້ນຮົບກູ້ກຽດ ແລະ ບັ້ນຮົບລາມເຊີນ; ໄຊຊະນະການຕໍ່ສູ້ຮັກສາ 2 ແຂວງເຕົ້າໂຮມ ແລະ ອື່ນໆຈົນກ້າວໄປສູ່ການຢຶດອຳນາດທົ່ວປະເທດ ແລະ ກ້າວສູ່ໄຊຊະນະຢ່າງສົມບູນ ສາມາດປະກາດເອກະລາດ ແລະ ສະຖາປະນາ ສປປ ລາວຂຶ້ນຢ່າງສະຫງ່າຜ່າເຜີຍ.
ພາຍຫຼັງປະເທດຊາດໄດ້ຮັບການປົດປ່ອຍ, ກອງທັບປະຊາຊົນລາວ ສືບຕໍ່ໄດ້ຮັບການກໍ່ສ້າງກຳລັງນັບມື້ນັບມີຄວາມເຂັ້ມແຂງໜັກແໜ້ນ ຍາດໄດ້ຜົນງານອັນໃຫຍ່ຫຼວງ ຕະຫຼອດໄລຍະຕົ້ນຂອງການປະຕິບັດ 2 ໜ້າທີ່ຍຸດທະສາດຂອງພັກ ໂດຍປະຕິບັດຕາມການຊີ້ນໍາຂອງສູນກາງພັກ, ໜ້າທີ່ຕົ້ນຕໍຂອງກອງທັບແມ່ນປົກປັກຮັກສາໝາກຜົນຂອງການປະຕິວັດ, ຮັກສາສັນຕິພາບ, ເອກະລາດ, ອະທິປະໄຕ ແລະ ຜືນແຜ່ນດິນອັນຄົບຖ້ວນຂອງ ສປປ ລາວ. ກອງທັບປະຊາຊົນລາວໄດ້ສົມທົບກັບອົງການຕ່າງໆຮີບຮ້ອນຈັດຕັ້ງ ແລະ ກໍ່ສ້າງອໍານາດການປົກຄອງໃໝ່ທຸກຂັ້ນ, ຮີບໂຮມ ແລະ ຄຸ້ມຄອງພື້ນຖານວັດຖຸເຕັກນິກການທະຫານ. ກອງທັບປະຊາຊົນລາວ ມີຜົນງານສຳຄັນໃນການສືບຕໍ່ປະຕິບັດ 2 ໜ້າທີ່ຍຸດທະສາດ ແລະ ປະຕິບັດແນວທາງປ່ຽນແປງໃໝ່ຂອງພັກ ໂດຍການເປັນກຳລັງຫຼັກແຫຼ່ງໃນການປະຕິບັດແນວທາງປ້ອງກັນຊາດ-ປ້ອງກັນຄວາມສະຫງົບທົ່ວປວງຊົນຢ່າງຮອບດ້ານ ຊຶ່ງຍາມໃດກໍໄດ້ຍົກສູງສະຕິລະວັງຕົວ, ກຽມພ້ອມສູ້ຮົບ ແລະ ປົກປັກຮັກສາເຂດແດນໄວ້ໄດ້ຢ່າງໝັ້ນຄົງ.
ທ່ານ ສຸຄັນທອນ ສິງພວງເພັດ ກ່າວໃຫ້ຮູ້ຕື່ມອີກວ່າ: ຕະຫຼອດ 75 ປີຜ່ານມາ, ກອງທັບປະຊາຊົນລາວ ໄດ້ອອກແຮງເສີມຂະຫຍາຍທາດແທ້, ມູນເຊື້ອຂອງຊາດ,ຂອງກອງທັບ, ເສີມຂະຫຍາຍກຳລັງຫຼັກແຫຼ່ງແກ່ນສານໃນການຈັດຕັ້ງປະຕິບັດ 2 ໜ້າທີ່ຍຸດທະສາດ ຍາດໄດ້ຜົນງານໃໝ່ນັບມື້ນັບໃຫຍ່ຫຼວງກວ່າເກົ່າ ຊຶ່ງນັບມື້ນັບມີຄວາມເຕີບໃຫຍ່ເຂັ້ມແຂງໜັກແໜ້ນ ແກ້ໄຂໜໍ່ແໜງຄວາມບໍ່ສະຫງົບໃຫ້ເດັດຂາດ ແລະ ທັນກັບຄວາມຮຽກຮ້ອງຕ້ອງການຂອງສະພາບການໃໝ່ຢ່າງບໍ່ຢຸດຢັ້ງ.
ໃນໂອກາດສະເຫຼີມສະຫຼອງວັນສ້າງຕັ້ງກອງທັບປະຊາຊົນລາວຄົບຮອບ 75 ປີ (20ມັງກອນ1949-20ມັງກອນ2024)ທ່ານ ສຸຄັນທອນ ສິງພວງເພັດ ຜູ້ອໍານວຍການວິທະຍາໄລວິທະຍາສາດສຸຂະພາບແຂວງສະຫວັນນະເຂດ (ວສສ) ໄດ້ກ່າວສະແດງຄວາມຮູ້ສຶກຜ່ານນັກຂ່າວໜັງສືພິມປະຊາຊົນວ່າ: ຕົນເອງມີຄວາມພາກພູມໃຈເປັນທີ່ສຸດທີ່ເຫັນວ່າຕະຫຼອດໄລຍະ 75 ປີມານີ້, ກອງທັບປະຊາຊົນລາວໄດ້ມີການກຳເນີດເຕີບໃຫຍ່ຂະຫຍາຍຕົວ, ມີການກໍ່ສ້າງກຳລັງທີ່ເຂັ້ມແຂງໜັກແໜ້ນຢ່າງບໍ່ຢຸດຢັ້ງ.
ທ່ານ ສຸຄັນທອນ ສິງພວງເພັດ ໄດ້ກ່າວບາງຕອນວ່າ: ກອງທັບປະຊາຊົນລາວມີຜົນງານ ແລະ ໄຊຊະນະໃນຫຼາຍດ້ານ, ມີການເຕີບໃຫຍ່ຂະຫຍາຍຕົວເປັນແຕ່ລະໄລຍະ ທັງໄລຍະດຳເນີນການປະຕິວັດຕໍ່ສູ້ປົດປ່ອຍຊາດທີ່ໄດ້ສ້າງຫຼາຍເຫດການປະຫວັດສາດ,ບໍ່ວ່າຈະເປັນໄລຍະຕໍ່ສູ້ຕ້ານການຮຸກຮານຂອງພວກລ່າເມືອງຂຶ້ນແບບເກົ່າ ແລະ ແບບໃໝ່ ໂດຍສະເພາະແມ່ນການຜ່າວົງປິດລ້ອມຂອງກອງພັນທີ 2 ຂອງຝ່າຍປະເທດລາວ ຢູ່ທົ່ງໄຫຫີນແຂວງຊຽງຂວາງ ແລະ ເຫດການຜູ້ນໍາແນວລາວຮັກຊາດໂຕນອອກຈາກຄຸກໂພນເຄັງ; ໄຊຊະນະ 5 ບັ້ນຮົບໃຫຍ່ທີ່ເປັນປະຫວັດສາດກໍຄື ບັ້ນຮົບປົດປ່ອຍຫຼວງນໍ້າທາ, ບັ້ນຮົບນໍ້າບາກ, ບັ້ນຮົບຜາຖີ່, ບັ້ນຮົບກູ້ກຽດ ແລະ ບັ້ນຮົບລາມເຊີນ; ໄຊຊະນະການຕໍ່ສູ້ຮັກສາ 2 ແຂວງເຕົ້າໂຮມ ແລະ ອື່ນໆຈົນກ້າວໄປສູ່ການຢຶດອຳນາດທົ່ວປະເທດ ແລະ ກ້າວສູ່ໄຊຊະນະຢ່າງສົມບູນ ສາມາດປະກາດເອກະລາດ ແລະ ສະຖາປະນາ ສປປ ລາວຂຶ້ນຢ່າງສະຫງ່າຜ່າເຜີຍ.
ພາຍຫຼັງປະເທດຊາດໄດ້ຮັບການປົດປ່ອຍ, ກອງທັບປະຊາຊົນລາວ ສືບຕໍ່ໄດ້ຮັບການກໍ່ສ້າງກຳລັງນັບມື້ນັບມີຄວາມເຂັ້ມແຂງໜັກແໜ້ນ ຍາດໄດ້ຜົນງານອັນໃຫຍ່ຫຼວງ ຕະຫຼອດໄລຍະຕົ້ນຂອງການປະຕິບັດ 2 ໜ້າທີ່ຍຸດທະສາດຂອງພັກ ໂດຍປະຕິບັດຕາມການຊີ້ນໍາຂອງສູນກາງພັກ, ໜ້າທີ່ຕົ້ນຕໍຂອງກອງທັບແມ່ນປົກປັກຮັກສາໝາກຜົນຂອງການປະຕິວັດ, ຮັກສາສັນຕິພາບ, ເອກະລາດ, ອະທິປະໄຕ ແລະ ຜືນແຜ່ນດິນອັນຄົບຖ້ວນຂອງ ສປປ ລາວ. ກອງທັບປະຊາຊົນລາວໄດ້ສົມທົບກັບອົງການຕ່າງໆຮີບຮ້ອນຈັດຕັ້ງ ແລະ ກໍ່ສ້າງອໍານາດການປົກຄອງໃໝ່ທຸກຂັ້ນ, ຮີບໂຮມ ແລະ ຄຸ້ມຄອງພື້ນຖານວັດຖຸເຕັກນິກການທະຫານ. ກອງທັບປະຊາຊົນລາວ ມີຜົນງານສຳຄັນໃນການສືບຕໍ່ປະຕິບັດ 2 ໜ້າທີ່ຍຸດທະສາດ ແລະ ປະຕິບັດແນວທາງປ່ຽນແປງໃໝ່ຂອງພັກ ໂດຍການເປັນກຳລັງຫຼັກແຫຼ່ງໃນການປະຕິບັດແນວທາງປ້ອງກັນຊາດ-ປ້ອງກັນຄວາມສະຫງົບທົ່ວປວງຊົນຢ່າງຮອບດ້ານ ຊຶ່ງຍາມໃດກໍໄດ້ຍົກສູງສະຕິລະວັງຕົວ, ກຽມພ້ອມສູ້ຮົບ ແລະ ປົກປັກຮັກສາເຂດແດນໄວ້ໄດ້ຢ່າງໝັ້ນຄົງ.
ທ່ານ ສຸຄັນທອນ ສິງພວງເພັດ ກ່າວໃຫ້ຮູ້ຕື່ມອີກວ່າ: ຕະຫຼອດ 75 ປີຜ່ານມາ, ກອງທັບປະຊາຊົນລາວ ໄດ້ອອກແຮງເສີມຂະຫຍາຍທາດແທ້, ມູນເຊື້ອຂອງຊາດ,ຂອງກອງທັບ, ເສີມຂະຫຍາຍກຳລັງຫຼັກແຫຼ່ງແກ່ນສານໃນການຈັດຕັ້ງປະຕິບັດ 2 ໜ້າທີ່ຍຸດທະສາດ ຍາດໄດ້ຜົນງານໃໝ່ນັບມື້ນັບໃຫຍ່ຫຼວງກວ່າເກົ່າ ຊຶ່ງນັບມື້ນັບມີຄວາມເຕີບໃຫຍ່ເຂັ້ມແຂງໜັກແໜ້ນ ແກ້ໄຂໜໍ່ແໜງຄວາມບໍ່ສະຫງົບໃຫ້ເດັດຂາດ ແລະ ທັນກັບຄວາມຮຽກຮ້ອງຕ້ອງການຂອງສະພາບການໃໝ່ຢ່າງບໍ່ຢຸດຢັ້ງ.
ຄໍາເຫັນ