Korean Air ສາຍການບິນທີ່ດີທີ່ສຸດໃນໂລກ ປີ 2025

12:43 11/02/2025

ຂ່າວຕ່າງປະເທດລາຍງານໃນວັນທີ 10 ກຸມພາ ຜ່ານມາວ່າ: ຜົນການຈັດອັນດັບສາຍການບິນທີ່ດີທີ່ສຸດຂອງໂລກປີ 2025 ອອກມາແລ້ວ, ໂດຍ Korean Airໄດ້ຄອງແຊັມ ເປັນສາຍການບິນທີ່ດີທີ່ສຸດໃນໂລກ ປີ 2025.

ຂ່າວລະບຸວ່າ: AirlineRatings.com ອົງການທີ່ມີສຳນັກງານຕັ້ງຢູ່ປະເທດອົສຕຣາລີ ໄດ້ຈັດອັນດັບຄວາມປອດໄພແລະຜະລິດຕະພັນການບິນ ໄດ້ເປີດເຜີຍຜົນການຈັດອັນດັບສາຍການບິນທີ່ດີທີ່ສຸດຂອງໂລກປີ 2025.ຜົນໄດ້ຮັບໃນປີນີ້ອາດຈະເຮັດໃຫ້ຫຼາຍຄົນແປກໃຈ. ເພາະແຊັມເກົ່າຢ່າງQatar Airways ເສຍແຊັມໃຫ້ Korean Air ຈາກ ສ ເກົາຫຼີແລະ ສາເຫດທີ່ຊະນະກໍຍ້ອນວ່າບ່ອນນັ່ງກວ້າງ.

AirlineRatings.com ລະບຸວ່າ: ການທີ່ສາຍການບິນKorean Air ໃຫ້ຄວາມສຳຄັນກັບຄວາມສະດວກສະບາຍຂອງຜູ້ໂດຍສານ, ແມ່ນໜຶ່ງໃນເຫດຜົນຫຼັກທີ່ເຮັດໃຫ້ສາຍບິນນີ້ປະສົບຄວາມສຳເລັດ.

ທ່ານ ຊາຣອນ ປີເຕີເຊນ CEO ຂອງ AirlineRatings.comກ່າວວ່າ:Korean Air ໄດ້ຮັບການຍົກຍ້ອງວ່າສາມາດຮັກສາຮູບແບບບ່ອນນັ່ງໄວ້ໄດ້ ແລະ ໃຫ້ຄວາມສຳຄັນກັບຄວາມຕ້ອງການຂອງຜູ້ໂດຍສານຊັ້ນປະຢັດ.

ທ່ານ ປີເຕີເຊນ ກ່າວອີກວ່າ: ໃນຂະນະທີ່ສາຍການບິນຫຼາຍແຫ່ງໄດ້ເພີ່ມບ່ອນນັ່ງ 10 ບ່ອນຕໍ່ແຖວໃນເຮືອບິນລຸ້ນ 777 ແລະ ຫຼຸດໄລຍະຫ່າງລະຫວ່າງບ່ອນນັ່ງໃນຊັ້ນປະຢັດລົງເຫຼືອ 78.74 ຫາ 81.28 ຊັງຕີແມັດ (ຈາກແຕ່ກ່ອນ81.81 ຫາ 83.82 ຊັງຕີແມັດ), Korean Air ກັບເລືອກທີ່ຈະບໍ່ປະຕິບັດຕາມທ່າອ່ຽງດັ່ງກ່າວ.

ນອກຈາກນັ້ນ, ການລວມຕົວກິດຈະການລ້າສຸດຂອງສາຍການບິນກັບ Asiana Airlines ຊຶ່ງເປັນການລວມກິດຈະການຄັ້ງໃຫຍ່ທີ່ສຸດໃນປະຫວັດສາດການບິນຂອງອາຊີ ແລະ ຍັງຖືເປັນປັດໄຈທີ່ເຮັດໃຫ້ສາຍການບິນນີ້ຕິດອັນດັບສູງສຸດ.

ສຳລັບ 10 ອັນດັບສາຍບິນທີ່ດີທີ່ສຸດໃນໂລກປະຈຳປີ 2025 ມີດັ່ງນີ້: 1. Korean Air, 2. Qatar, 3. Air New Zealand, 4. Cathay Pacific, 5. Singapore Airlines, 6. Emirates, 7. Japan Airlines, 8. Qantas, 9. Etihad, 10. Turkish Airlines.

ຄໍາເຫັນ

ຂ່າວຕ່າງປະເທດ

ນູແວນເຊລັງ ວາງແຜນເກັບຄ່າທຳນຽມສະຖານທີ່ທ່ອງທ່ຽວທີ່ນິຍົມ

04/08/2025 13:14

ຂ່າວຕ່າງປະເທດລາຍງານໃນວັນທີ 2 ສິງຫາ ຜ່ານມາວ່າ: ນູແວນເຊລັງ (ນິວຊີແລນ) ກຽມເກັບຄ່າທຳນຽມຈາກນັກທ່ອງທ່ຽວຕ່າງປະເທດສູງເຖິງ 40 ໂດລານິວຊີແລນ (24 ໂດລາ) ສຳລັບການເຂົ້າຊົມສະຖານທີ່ທ່ອງທ່ຽວທີ່ມີຊື່ສຽງເຊັ່ນ: Milford Track ແລະ Mount Cook ເພື່ອສະໜັບສະໜູນການເຕີບໂຕທາງດ້ານເສດຖະກິດຂອງປະເທດ.

ຄອງຊູແອັດ ສ້າງລາຍຮັບໄດ້ 153 ຕື້ໂດລາ

04/08/2025 13:11

ຂ່າວຕ່າງປະເທດລາຍງານວ່າ: ໃນທ້າຍເດືອນກໍລະກົດ ຜ່ານມາ, ທ່ານໂອຊາມາ ຣາບີ ປະທານອົງການຄອງຊູແອັດ ຂອງເອຢິບ ໄດ້ເປີດເຜີຍວ່າ, ຄອງຊູແອັດ ສ້າງລາຍຮັບໄດ້ 153 ຕື້ໂດລາ ແລະອຳນວຍຄວາມສະດວກໃຫ້ແກ່ການຂົນສົ່ງຂອງເຮືອປະມານ 1.1 ລ້ານລຳ ນັບຕັ້ງແຕ່ຄອງຊູແອັດເປັນຂອງຊາດ ໃນປີ 1956 ຈົນເຖິງປັດຈຸບັນ.

ເສດຖະກິດດີຈີຕອນມາເລເຊຍ ມີທ່າກ້າວເຕີບໂຕຢ່າງວ່ອງໄວ

04/08/2025 11:55

ຂ່າວຕ່າງປະເທດລາຍງານ ໃນທ້າຍອາທິດ ຜ່ານມາວ່າ: ກະຊວງດີຈີຕອນ ມາເລເຊຍ ປະກາດວ່າ, ເສດຖະກິດດີຈີຕອນຂອງມາເລເຊຍມີທ່າອ່ຽງເຕີບໂຕ, ໂດຍໄດ້ຮັບຄວາມສົນໃຈຢ່າງຫຼວງຫຼາຍຈາກນັກລົງທຶນຈີນພາຍຫຼັງການຢ້ຽມຢາມຂັ້ນສູງທີ່ປະສົບຜົນສຳເລັດຫວ່າງບໍ່ດົນມານີ້.

ການສົ່ງອອກ - ນຳເຂົ້າສິນຄ້າ ຂອງຫວຽດນາມ ເພີ່ມຂຶ້ນກວ່າ 16%

04/08/2025 11:53

ວິທະຍຸກະຈາຍສຽງຫວຽດນາມລາຍງານວ່າ: ຕາມໂຕເລກສະຖິຕິໃນເບື້ອງຕົ້ນຂອງກົມພາສີ ກະຊວງການເງິນ ຫວຽດນາມ, ຍອດມູນຄ່າການສົ່ງອອກ - ນໍາເຂົ້າສິນຄ້າ ຂອງ ຫວຽດນາມ ໃນໄຕມາດທີ 1 ເດືອນກໍລະກົດ 2025 (ແຕ່ວັນທີ 1 – 15 ກໍລະກົດ), ບັນລຸ 38.21 ຕື້ກວ່າໂດລາ. ໝາກຜົນດັ່ງກ່າວໄດ້ຍົກຍອດມູນຄ່າສົ່ງອອກ - ນໍາເຂົ້າຂອງ ຫວຽດນາມ ນັບແຕ່ຕົ້ນປີຮອດວັນທີ 15 ກໍລະກົດ ບັນລຸ 470.63 ຕື້ໂດລາ, ເພີ່ມຂຶ້ນ 16.2% ເມື່ອທຽບໃສ່ໄລຍະດຽວກັນຂອງປີ 2024. ໃນນັ້ນ, ຍອດມູນຄ່າສົ່ງອອກຂອງວິສາຫະກິດມີເງິນລົງທຶນຈາກຕ່າງປະເທດ (FDI) ບັນລຸ 329 ຕື້ກວ່າໂດລາ.

ປົກປັກຮັກສາ ເມືອງບູຮານທີ່ມີຄວາມຊົງຈຳ ຫ່າງຈາກນະຄອນຫຼວງປັກກິ່ງໄປທາງທິດຕາເວັນຕົກສ່ຽງໃຕ້ ປະມານ 300 ກິໂລແມັດ ມີເມືອງບູຮານແຫ່ງໜຶ່ງຄືເມືອງເຈີ້ງຕິ້ງ ແຂວງເຫີເປີຍຈີນ.

04/08/2025 11:45

ເມືອງບູຮານທີ່ມີປະຫວັດຄວາມເປັນມາ 1,600 ກວ່າປີໄດ້ຈົ່ງກຸ່ມສະຖາປັດຕະຍະກຳບູຮານທີ່ສືບທອດມາເປັນ 9 ລາຊະວົງ ໄວ້ຢ່າງລຽນຕິດກັນແບບບໍ່ຄ່ອຍເຫັນໃນປະຫວັດສາດນັ້ນໃຫ້ແກ່ເຈີ້ງຕິ້ງ. ປັດຈຸບັນ, ເມືອງເຈີ້ງຕິ້ງ ມີສະຖາປັດຕະຍະກຳບູຮານນັບຕັ້ງແຕ່ສະໄໝລາຊະວົງສຸຍ ແລະ ລາຊະວົງຖັງ 38 ແຫ່ງ, ມີຫົວໜ່ວຍອະນຸລັກວັດຖຸບູຮານສຳຄັນລະດັບຊາດເຖິງ 10 ແຫ່ງ. ຊຸມປີຜ່ານມານີ້, ເມືອງບູຮານທີ່ມີຄວາມຊົງຈຳແຫ່ງນີ້ໄດ້ດຶງດູດນັກທ່ອງທ່ຽວໄປທ່ຽວຊົມເປັນຈຳນວນຫຼວງຫຼາຍ.

ສິງກະໂປ ເລັ່ງນຳໃຊ້ AI ຍົກລະດັບຂະແໜງການທ່ອງທ່ຽວ

25/07/2025 14:30

ຂ່າວຕ່າງປະເທດລາຍງານ ໃນວັນທີ 24 ກໍລະກົດ ຜ່ານມາວ່າ: ສິງກະໂປປະກາດແຜນການເລັ່ງນຳໃຊ້ເຕັກໂນໂລຊີປັນຍາປະດິດ (AI) ຂັ້ນສູງ ໃນຂະແໜງການທ່ອງທ່ຽວ, ໂດຍມີເປົ້າໝາຍແນໃສ່ຍົກລະດັບປະສົບການຂອງນັກທ່ອງທ່ຽວ ແລະ ເພີ່ມທະວີການຜະລິດອຸດສາຫະກຳ ໂດຍຜ່ານຄຳແນະນຳສະເພາະບຸກຄົນ, ບໍລິການຜູ້ຊ່ວຍຫຼາຍພາສາ ແລະ ການເລົ່າເລື່ອງແບບສະເໝືອນຈິງ.

ອິນໂດເນເຊຍ ຄາດຄະເນເສດຖະກິດເຕີບໂຕຫຼາຍກວ່າ 5%

25/07/2025 14:29

ຂ່າວຕ່າງປະເທດລາຍງານ; ກະຊວງການເງິນຂອງອິນໂດເນເຊຍ ເປີດເຜີຍໃນວັນທີ 24 ກໍລະກົດ ຜ່ານມາວ່າ: ເສດຖະກິດຂອງອິນໂດເນເຊຍມີທ່າອ່ຽງຈະເຕີບໂຕຫຼາຍກວ່າ 5% ໃນເຄິ່ງທີ່ສອງຂອງປີນີ້, ພ້ອມທັງຕັ້ງເປົ້າໝາຍລາຍຮັບຈາກການເກັບພາສີຈະເພີ່ມຂຶ້ນໃນປີ 2026.

ທ່ານ ສີຈິ້ນຜິງ ພົບປະ ປະທານສະພາເອີຣົບ ແລະ ປະທານຄະນະກຳມາທິການສະຫະພາບເອີຣົບ

25/07/2025 14:28

ຂ່າວສານຊີອາໄອລາຍງານວ່າ: ໃນຕອນເຊົ້າວັນທີ 24 ກໍລະກົດ ຜ່ານມານີ້, ທ່ານ ສີຈິ້ນຜິງ ປະທານປະເທດຈີນໄດ້ພົບປະກັບທ່ານ ອັນໂຕນີໂອ ຄອສຕາ ປະທານສະພາເອີຣົບ ແລະ ທ່ານນາງ ເອີຊູລາ ວອນ ເດີ ເລເຢນ ປະທານຄະນະກຳມາທິການສະຫະພາບເອີຣົບທີ່ເດີນທາງມາຈີນເພື່ອເຂົ້າຮ່ວມການພົບປະລະຫວ່າງຜູ້ນຳຈີນ-ສະຫະພາບເອີຣົບຄັ້ງທີ 25 ທີ່ນະຄອນຫຼວງປັກກິ່ງ ຂອງຈີນ.

ການພັດທະນາຂອງປະເທດຊາດ ແມ່ນການສະແດງຄວາມຮູ້ບຸນຄຸນທີ່ແທດຈິງ

25/07/2025 14:26

ວິທະຍຸກະຈາຍສຽງຫວຽດນາມລາຍງານວ່າ: ເນື່ອງໃນໂອກາດສະເຫຼີມສະຫຼອງ 78 ປີແຫ່ງວັນທະຫານເສຍອົງຄະ - ນັກຮົບເສຍສະຫຼະຊີວິດເພື່ອຊາດ (27/7/1947 – 27/7/2025). ຫວ່າງມໍ່ໆມານີ້ ຢູ່ນະຄອນຫຼວງຮ່າໂນ້ຍ, ທ່ານ ໂຕເລິມ ເລຂາທິການໃຫຍ່ພັກກອມມູນິດ ຫວຽດນາມ, ທ່ານ ເລື່ອງເກືອງ ປະທານປະເທດ, ທ່ານ ຟ້າມມິງຈິງ ນາຍົກລັດຖະມົນຕີ ໄດ້ເຂົ້າຮ່ວມການພົບປະກັບຕາງໜ້າຜູ້ມີຄຸນງາມຄວາມດີ, ຜູ້ດີເດັ່ນ 250 ຄົນ ໃນທົ່ວປະເທດ.

ຍ້ອນຫຍັງ ຈີນ ຈຶ່ງສາມາດຮັບປະກັນການຊົມໃຊ້ພະລັງໄຟຟ້າໄດ້ຢ່າງໝັ້ນທ່ຽງ

24/07/2025 16:52

ຫວ່າງມໍ່ໆມານີ້, ພື້ນທີ່ສ່ວນຫຼາຍຂອງຈີນລ້ວນແຕ່ມີອາກາດຮ້ອນອົບເອົ້າແລະ ອຸນຫະພູມຢູ່ຫຼາຍທ້ອງຖິ່ນໄດ້ສ້າງສະຖິຕິສູງສຸດໃນປະຫວັດສາດເຮັດໃຫ້ປະຊາຊົນທັງຫຼາຍນຳໃຊ້ແອເຢັນ ຫຼື ພັດລົມຕະຫຼອດມື້ ແລະ ເຮັດໃຫ້ການຊົມໃຊ້ໄຟຟ້າພາຍໃນປະເທດຈີນເພີ່ມຂຶ້ນຫຼາຍເປັນພິເສດ. ໃນວັນທີ 16 ກໍລະກົດ ຜ່ານມານີ້, ການຊົມໃຊ້ໄຟຟ້າໃນທົ່ວປະເທດຈີນສູງສຸດຫຼາຍກວ່າ 1 ຕື້ 500 ລ້ານກິໂລວັດ ຊຶ່ງໄດ້ສ້າງສະຖິຕິສູງສຸດໃນປະຫວັດສາດ. ເມື່ອປະເຊີນໜ້າກັບການທົດສອບທີ່ຂ້ຽວຂາດແບບນີ້, ຈີນໄດ້ຮັບປະກັນໃຫ້ຕາຂ່າຍໄຟຟ້າປະຕິບັດງານໄດ້ຢ່າງໝັ້ນທ່ຽງ ແລະ ຮັບປະກັນໃຫ້ທຸກຄອບຄົວໄດ້ນຳໃຊ້ແອເຢັນ ຫຼື ພັດລົມໄດ້ຢ່າງສະບາຍ.

ເພີ່ມເຕີມ