ກວດກາຮ່າງ ຍຸດທະສາດ ແລະ ແຜນດໍາເນີນງານແຫ່ງຊາດ ດ້ານຊີວະນາໆພັນ ສະບັບປັບປຸງ

ກວດກາຮ່າງ ຍຸດທະສາດ ແລະ ແຜນດໍາເນີນງານແຫ່ງຊາດ ດ້ານຊີວະນາໆພັນ ສະບັບປັບປຸງ

11:19 26/08/2025

ກົມສິ່ງແວດລ້ອມ ກະຊວງກະສິກໍາ ແລະ ສິ່ງແວດລ້ອມ ໄດ້ຈັດກອງປະຊຸມກວດກາຄວາມຖືກຕ້ອງ ແລະ ຄວາມສອດຄ່ອງທາງດ້ານເນື້ອໃນ ຂອງຮ່າງຍຸດທະສາດ ແລະ ແຜນດໍາເນີນງານແຫ່ງຊາດ ດ້ານຊີວະນາໆພັນ (NBSAP: ເອັນ ບີ ແຊັບ) ສະບັບປັບປຸງ 2026-2030 ຂຶ້ນໃນລະຫວ່າງວັນທີ 25 ຫາ 27 ສິງຫາ ນີ້ ທີ່ແຂວງວຽງຈັນ, ໂດຍການເປັນປະທານຮ່ວມຂອງທ່ານ ອິມມະລາ ອິນທະບົວລີ ຮອງຫົວໜ້າກົມສິ່ງແວດລ້ອມ, ທ່ານ ຕ໋ອມ ໄຊສົງຄາມຮັກສາການຫົວໜ້າພະແນກສິ່ງແວດລ້ອມອົງການສະຫະປະຊາຊາດ ເພື່ອການພັດທະນາປະຈຳ ສປປ ລາວ; ມີບັນດາຜູ້ຕາງໜ້າຈາກພາກສ່ວນທີ່ກ່ຽວຂ້ອງເຂົ້າຮ່ວມ.

ກວດກາຮາງ ຍດທະສາດ ແລະ ແຜນດາເນນງານແຫງຊາດ ດານຊວະນາໆພນ ສະບບປບປງ - image 1

ທ່ານ ອິມມະລາ ອິນທະບົວລີ ໄດ້ມີຄໍາເຫັນກ່າວເປີດກອງປະຊຸມວ່າ: ກອງປະຊຸມຄັ້ງນີ້ ຈະເປັນການກວດກາຄວາມຖືກຕ້ອງ ແລະ ຄວາມສອດຄ່ອງ ທາງດ້ານຂໍ້ມູນ ຂອງຮ່າງ NBSAP ສະບັບປັບປຸງ; ພ້ອມນີ້, ຈະໄດ້ຮ່ວມກັນເປີດໂຕໂຄງການຂຽນບົດລາຍງານແຫ່ງຊາດ ດ້ານຊີວະນາໆພັນ ສະບັບທີ 7 (NR7) ຈາກຜູ້ຊ່ຽວຊານ, ພ້ອມທັງ ຮັບຟັງ ແລະ ປຶກສາຫາລື ກ່ຽວກັບ ຜົນການທົບທວນການໃຊ້ຈ່າຍງົບປະມານຂອງລັດ ແລະ ເງິນຊ່ວຍເຫຼືອ ເພື່ອການພັດທະນາ ເຂົ້າໃນວຽກງານປົກປັກຮັກສາສິ່ງແວດລ້ອມ ແລະ ຊີວະນາໆພັນ”. ພ້ອມກັນນັ້ນ, ຈະໄດ້ພ້ອມກັນກໍານົດແນວທາງໃນການສ້າງແຜນງົບປະມານການເງິນດ້ານຊີວະນາໆພັນ ໂດຍການລະດົມທຶນເຂົ້າໃນການອະນຸລັກທໍາມະຊາດ ແລະ ຊີວະນາໆພັນ ແບບຍືນຍົງ. ພ້ອມນີ້, ຈະເປັນການກວດກາ ແລະ ຢັ້ງຢືນຄວາມຖືກຕ້ອງທາງດ້ານຂໍ້ມູນທັງໝົດທີ່ໄດ້ຖືກລະບຸໄວ້ໃນ ຮ່າງ NBSAP ສະບັບປັບປຸງໃໝ່, ໂດຍສະເພາະແມ່ນວິໄສທັດ, ເປົ້າໝາຍແຫ່ງຊາດ, ແຜນດໍາເນີນງານ ແລະ ໂຄງການຕ່າງໆ ຂອງແຕ່ລະຂະແໜງການ ເພື່ອຮັບປະກັນການມີສ່ວນຮ່ວມຂອງທຸກພາກສ່ວນທີ່ກ່ຽວຂ້ອງ ເປັນຕົ້ນແມ່ນການເຊື່ອມສານວຽກງານການປ່ຽນແປງດິນຟ້າອາກາດ ແລະ ສິນເຊື່ອກາກບອນ, ການອະນຸລັກ-ປົກປັກຮັກສາປ່າໄມ້ ແລະ ຊີວະນາໆພັນ, ວຽກງານສຸຂະພາບ, ການພັດທະນາໂຄງລ່າງພື້ນຖານທີ່ເປັນມິດຕໍ່ສິ່ງແວດລ້ອມ, ບົດບາດ ຍິງ-ຊາຍ ແລະ ການມີສ່ວນຮ່ວມ ຂອງຊຸມຊົນທ້ອງຖິ່ນ.

ທ່ານ ສຸກວິໄລ ວິລາວົງ ຮອງຫົວໜ້າພະແນກນະໂຍບາຍສິ່ງແວດລ້ອມ ກົມສິ່ງແວດລ້ອມ ໄດ້ຂຶ້ນນໍາສະເໜີຫຍໍ້ ຄວາມເປັນມາ ແລະ ຂະບວນການຮ່າງຍຸດທະສາດ ແລະ ແຜນດໍາເນີນງານຊີວະນາໆພັນແຫ່ງຊາດ 2026-2030 ຊຶ່ງປະກອບມີ ທັງໝົດ 23 ຄາດໝາຍ. ໃນທີ່ປະຊຸມໄດ້ເປີດກວ້າງໃຫ້ບັນດາຜູ້ເແທນທີ່ເຂົ້າຮ່ວມໄດ້ປະກອບຄໍາຄິດຄໍາເຫັນ ໂດຍການຈັດເປັນກຸ່ມ ເພື່ອສົນທະນາແລກປ່ຽນບົດຮຽນ ຢ່າງກົງໄປກົງມາ ເພື່ອເຮັດໃຫ້ຮ່າງ NBSAP ສະບັບປັບປຸງ 2026-2030 ມີເນື້ອໃນຖືກຕ້ອງ ຄົບຖ້ວນ ແລະ ສົມບູນ.

(ຂ່າວ: ສຸກສະຫວັນ, ຂໍ້ມູນ-ພາບ: ກະຊວງ ກສ)

ຄໍາເຫັນ

ຂ່າວວັດທະນະທຳ-ສັງຄົມ

ວຽກງານ ປກຊ-ປກສ ມີຄວາມເຂັ້ມແຂງຕິດພັນກັບວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ

26/08/2025 14:12

ສະຫາຍ ພົຈວ ກົງຈັນ ໄຊປັນຍາ ກຳມະການພັກແຂວງ ເລຂາຄະນະພັກ ຫົວໜ້າກອງບັນຊາການ ປກສ ແຂວງ ບໍລິຄຳໄຊ ໄດ້ຕາງໜ້າໃຫ້ແກ່ຂົງເຂດປ້ອງກັນຊາດ-ປ້ອງກັນຄວາມສະຫງົບປະກອບຄໍາເຫັນຕໍ່ກອງປະຊຸມໃຫຍ່ຜູ້ແທນອົງຄະນະພັກແຂວງ ຄັ້ງທີ VIII ໃນວັນທີ 25 ສິງຫານີ້ ກ່ຽວກັບ “ວຽກງານປ້ອງກັນຊາດ-ປ້ອງກັນຄວາມສະຫງົບ ໃຫ້ມີຄວາມເຂັ້ມແຂງ, ຕິດພັນກັບວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ”.

ກະຊວງການຕ່າງປະເທດ ທາບທາມບຸກຄະລາກອນ (ຮອບທີ 3)

26/08/2025 13:57

ໃນຕອນເຊົ້າຂອງວັນທີ 26 ສິງຫາ ນີ້ ທີ່ ກະຊວງການຕ່າງປະເທດ ໄດ້ຈັດກອງປະຊຸມທາບທາມບຸກຄະລາກອນ ອອກຮັບສະໝັກເລືອກຕັ້ງເຂົ້າໃນຄະນະບໍລິຫານງານພັກ ກະຊວງການຕ່າງປະເທດສະ ໄໝທີ V (ຮອບທີ 3) ໂດຍການເປັນປະທານຂອງ ສະຫາຍ ສະເຫຼີມໄຊ ກົມມະສິດ ກໍາມະການກົມການເມືອງສູນກາງພັກ ຮອງນາຍົກລັດຖະມົນຕີ, ມີບັນດາຄະນະພັກ-ຄະນະນຳ, ຄະນະໜ່ວຍພັກ, ຜູ້ແທນສົມບູນ ຂອງກະຊວງການຕ່າງປະເທດ ແລະ ຜູ້ຕາງໜ້າຈາກຫ້ອງວ່າການສູນກາງພັກ, ຄະນະຈັດຕັ້ງສູນກາງພັກ ແລະ ຄະນະກວດກາສູນກາງພັກ, ເຂົ້າຮ່ວມ ທັງໝົດ 210 ສະຫາຍ ຍິງ 63 ສະຫາຍ.

ສໍາເລັດກອງປະຊຸມໃຫຍ່ສະມາຊິກພັກອົງຄະນະພັກ ອົງການກວດສອບແຫ່ງລັດຄັ້ງທີ III

26/08/2025 13:54

ກອງປະຊຸມໃຫຍ່ສະມາຊິກພັກ ຄັ້ງທີ III ອົງຄະນະພັກ ອົງການກວດສອບແຫ່ງລັດ ໄດ້ເປີດຂຶ້ນໃນວັນທີ 25 ສິງຫາ ຜ່ານມາ ແລະ ໄດ້ປິດລົງໃນວັນດຽວກັນ, ໂດຍການເປັນປະທານ ຂອງສະຫາຍ ວຽງທະວີສອນ ເທບພະຈັນ ກຳມະການສຳຮອງສູນກາງພັກ ເລຂາຄະນະພັກ ອົງການກວດສອບແຫ່ງລັດ ໂດຍໃຫ້ກຽດເຂົ້າຮ່ວມ ຂອງສະຫາຍ ພົນເອກ ວິໄລ ຫຼ້າຄຳຟອງ ກຳມະການກົມການເມືອງສູນກາງພັກ ຄະນະເລຂາທິການສູນກາງພັກ ຮອງນາຍົກລັດຖະມົນຕີ ລັດຖະມົນຕີກະຊວງປ້ອງກັນຄວາມສະຫງົບ, ສະຫາຍ ນາງ ວຽງທອງ ສີພັນດອນ ຄະນະເລຂາທິການສູນກາງພັກ ເລຂາຄະນະພັກ ປະທານສານປະຊາຊົນສູງສຸດ, ມີແຂກຖືກເຊີນ ພ້ອມດ້ວຍພາກສ່ວນກ່ຽວຂ້ອງ ແລະ ບັນດາສະຫາຍສະມາຊິກພັກເຂົ້າຮ່ວມ.

ສຳມະນາສ້າງຄວາມເຂັ້ມແຂງທາງດ້ານວິຊາການ ທາງດ້ານດີຈີຕອນ

26/08/2025 13:39

ກົມພັດທະນາການບໍລິຫານລັດ, ຄະນະຈັດຕັ້ງສູນກາງພັກ (ຄຈສພ) ຮ່ວມກັບ ກົມເຕັກໂນໂລຊີດີຈີຕອນ, ກະຊວງເຕັກໂນໂລຊີ ແລະ ການສື່ສານ (ກຕສ) ຈັດກອງປະຊຸມສຳມະນາ ໃນຫົວຂໍ້: "ການພັດທະນາເສດຖະກິດດີຈີຕອນ, ເຕັກໂນໂລຊີດີຈີຕອນ ແລະ ຊັບສິນດີຈີຕອນ ຂອງ ສປປ ລາວ" ຂຶ້ນຫວ່າງມໍ່ໆມານີ້ ທີ່ນະຄອນຫຼວງວຽງຈັນ, ໂດຍການເປັນປະທານຮ່ວມຂອງ ທ່ານ ນາງ ບຸດສະດີ ທະນະເມືອງ ຮອງຫົວໜ້າ ຄຈສພ ແລະ ທ່ານ ໄຊລືຊາ ອິນສີຊຽງໃໝ່ ຮອງລັດຖະມົນຕີ ກຕສ; ບັນດາຫົວໜ້າຫ້ອງການ, ກົມ, ສະຖາບັນ, ສູນ, ກອງທຶນພັດທະນາໂທລະຄົມມະນາຄົມ ແລະ ການຫັນເປັນດີຈີຕອນ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.

ຫົວໜ້າ ຄອສພ ເຄື່ອນໄຫວຊຸກຍູ້ການປັບປຸງກົງຈັກການຈັດຕັ້ງຢູ່ແຂວງສາລະວັນ

26/08/2025 12:59

ທ່ານ ຄໍາພັນ ເຜີຍຍະວົງ ຄະນະເລຂາທິການສູນກາງພັກ ຫົວໜ້າຄະນະໂຄສະນາອົບຮົມສູນກາງພັກ (ຄອສພ) ປະທານສະພາທິດສະດີສູນກາງພັກ ພ້ອມຄະນະໄດ້ເຄື່ອນໄຫວຊຸກຍູ້ວຽກງານການປັບປຸງກົງຈັກການຈັດຕັ້ງ ໂດຍສະເພາະການມອບ-ໂອນວຽກງານສື່ມວນຊົນໄປຂຶ້ນກັບຄະນະໂຄສະນາອົບຮົມແຂວງຂຶ້ນໃນວັນທີ 26 ສິງຫານີ້, ທີ່ຫ້ອງວ່າການປົກຄອງແຂວງສາລະວັນ ໂດຍມີທ່ານນາງ ບຸນທະວີ ດວງລາສີ ຮອງເລຂາພັກແຂວງ ພ້ອມດ້ວຍຄະນະນໍາຂັ້ນແຂວງ, ມີຄະນະນໍາ ແລະ ພະນັກງານລັດຖະກອນກ່ຽວຂ້ອງເຂົ້າຮ່ວມ.

ມອບລົດຕູ້ ແລະ ຄອມພິວເຕີ ໃຫ້ກາແດງແຂວງໄຊສົມບູນ

26/08/2025 11:16

ເມື່ອບໍ່ດົນມານີ້, ທີ່ຫ້ອງປະຊຸມກາແດງແຂວງໄຊສົມບູນ ໄດ້ມີພິທີມອບ-ຮັບ ລົດຕູ້ 1 ຄັນ ມູນຄ່າ 37,500 ໂດລາ ແລະ ຄອມພິວເຕີ 2 ເຄື່ອງ ໃຫ້ແກ່ ກາແດງແຂວງໄຊສົມບູນ ເພື່ອນຳໃຊ້ໃນການເຄື່ອນໄຫວວຽກງານປຸກລະດົມຮັບບໍລິຈາກເລືອດພາຍໃນແຂວງ, ໂດຍການເຂົ້າຮ່ວມມີ ທ່ານ ຄຳລາວັນ ຈັນທະລາວັນ ປະທານອົງການກາແດງແຫ່ງຊາດລາວ, ມີພະນັກງານກາແດງແຂວງ ແລະ ພາກສ່ວນທີ່ກ່ຽວຂ້ອງ ເຂົ້າຮ່ວມ.

ຄະນະບໍລິຫານງານພັກແຂວງໄຊສົມບູນດໍາເນີນຊີວິດການເມືອງທ້າຍສະໄໝທີ I

26/08/2025 09:47

ໃນວັນທີ 25 ສິງຫານີ້, ທີ່ຫ້ອງວ່າການແຂວງໄຊສົມບູນ ໄດ້ມີກອງປະຊຸມດໍາເນີນຊີວິດການເມືອງ ພາຍໃນ ຄະນະບໍລິຫານງານພັກ ແຂວງໄຊສົມບູນ ທ້າຍສະໄໝທີ I, ໂດຍການໃຫ້ກຽດເຂົ້າຮ່ວມເປັນປະທານຂອງສະຫາຍ ພົນເອກ ຈັນສະໝອນ ຈັນຍາລາດ, ກໍາມະການກົມການເມືອງສູນກາງພັກ, ຮອງນາຍົກລັດຖະມົນຕີ, ຜູ້ຊີ້ນໍາວຽກງານຮອບດ້ານແຂວງໄຊສົມບູນ; ມີສະຫາຍ ພອຍຄຳ ຮຸ່ງບຸນຍວງ, ເລຂາພັກແຂວງ, ເຈົ້າແຂວງໄຊສົມບູນ; ສະຫາຍ ດາວບົວລະພາ ບາວົງເພັດ, ຮອງປະທານຄະນະກວດກາສູນກາງພັກ, ບັນດາສະຫາຍຮອງເລຂາ, ຄະນະປະຈໍາພັກແຂວງ, ກໍາມະການພັກແຂວງ, ບັນດາສະຫາຍຜູ້ຕາງໜ້າຈາກ ຄະນະຈັດຕັ້ງສູນກາງພັກ, ຫ້ອງວ່າການສູນກາງພັກ ແລະ ຄະນະຕິດຕາມຈາກສູນກາງ ເຂົ້າຮ່ວມ.

ສາມພາກສ່ວນມອບເງິນ ຊຸກຍູ້ກອງປະຊຸມໃຫຍ່ຄັ້ງທີ Xl ຂອງອົງຄະນະພັກແຂວງເຊກອງ

26/08/2025 09:41

‎ ໃນວັນທີ 25 ສິງຫານີ້ ທີ່ຫ້ອງຮັບແຂກຫ້ອງວ່າການແຂວງເຊກອງ, ມີຕາງໜ້າ 3 ພາກສ່ວນໄດ້ເອົາເງິນມາມອບໃຫ້ແຂວງເຊກອງຄື: ບໍລິສັດ ຫຸ້ນສ່ວນກຸ່ມລົງທຶນຫວຽດເຟືອງ ມອບເປັນເງິນຈຳນວນ 500 ລ້ານກີບ, ບໍລິສັດ ວິລາກໍ່ສ້າງ ແລະ ສ້ອມແປງເຄຫາສະຖານ ຈຳກັດຜູ້ດຽວ ມອບ 20 ລ້ານກີບ ແລະ ສະມາຄົມຄົນຫວຽດນາມ ປະຈຳແຂວງເຊກອງ ມອບ 10 ລ້ານກີບ, ເພື່ອປະກອບສ່ວນທາງດ້ານທຶນຮອນເຂົ້າໃນການຊຸກຍູ້ກອງປະຊຸມໃຫຍ່ຄັ້ງທີ XI ຂອງອົງຄະນະພັກແຂວງເຊກອງທີ່ຈະໄຂຂຶ້ນໃນມໍ່ໆນີ້, ໂດຍການຕ້ອນຮັບ ຂອງທ່ານ ບຸນຫຼາຍ ບຸດທິ ຮັກສາການແທນເລຂາພັກແຂວງ ຮັກສາການແທນເຈົ້າແຂວງເຊກອງ ພ້ອມດ້ວຍຂະແໜງການກ່ຽວຂ້ອງເຂົ້າຮ່ວມ.

ເປີດບໍລິການແລ້ວ 7-Eleven ສາຂາທໍາອິດໃນແຂວງຄໍາມ່ວນ

26/08/2025 09:31

ວັນທີ 25 ສິງຫານີ້, ໄດ້ຈັດພິທີເປີດ ຮ້ານ 7-Eleven ສາຂາທໍາອິດຂອງແຂວງຄໍາມ່ວນຢ່າງເປັນທາງການ. ໃຫ້ກຽດເຂົ້າຮ່ວມ ແລະ ຕັດແຖບຜ້າ ໂດຍທ່ານ ບຸນມີ ພິມມະສອນ ປະທານສະພາປະຊາຊົນແຂວງຄໍາມ່ວນ, ທ່ານ ນາງ ເພັດດາວວີ ບຸດທະວົງ ຜູ້ອໍານວຍການຮ້ານສະດວກຊື້ 7-Eleven, ມີບັນດາແຂກເຂົ້າຮ່ວມ.