ລາ​ຄາ​ພະ​ລັງ​ງານ​ຂອງອັງກິດເພີ່ມສູງ​ຂຶ້ນ ເຮັດໃຫ້ປະຊາຊົນປະເຊີນກັບວິກິດການຮ້າຍແຮງ

ໃນບັນດາປະເທດເອີຣົບ, ອັງກິດແມ່ນປະເທດໃຫຍ່ອັນດັບ 2 ທີ່ອາໄສອາຍແກັສທຳມະຊາດໃນການໃຊ້ອາຍອຸ່ນ. ຂະນະດຽວກັນ, ກໍແມ່ນປະເທດໃຫຍ່ອັນດັບ 5 ທີ່ອາໄສອາຍແກັສທຳມະຊາດໃນການຜະລິດໄຟຟ້າ. ປີຜ່ານມາ, ຄະນະກຳມະການວິກິດການພະລັງງານອັງກິດເຄີຍກ່າວເຕືອນວ່າ, ຍ້ອນການໃຊ້ອາຍອຸ່ນຂອງພົນລະເມືອງແລະໂຮງງານຜະລິດໄຟຟ້າຂອງອັງກິດອາໄສອາຍແກັສທຳມະຊາດໃນລະດັບສູງ, ອັງກິດອາດຈະປະສົບກັບສະພາບການທີ່ຕົ້ນທຶນພະລັງງານສູງຂຶ້ນຢ່າງຫຼວງຫຼາຍພາຍໃນເວລາສັ້ນອີກເທື່ອໜຶ່ງ ຊຶ່ງເລື່ອງນີ້ຈະເຮັດໃຫ້ປະຊາຊົນປະເຊີນໜ້າກັບວິດກິດການຮ້າຍແຮງຂຶ້ນຕື່ມ ໃນດ້ານຄ່າໃຊ້ຈ່າຍໃນຊີວິດການເປັນຢູ່. ແຕ່ສະພາບການແບບນີ້ຈະບໍ່ໄດ້ຮັບການແກ້ໄຂພາຍໃນໄລຍະສັ້ນ, ຄາດວ່າ, ຮອດເດືອນເມສາປີນີ້, ລາຄາພະລັງງານຂອງອັງກິດ ອາດຍັງຈະສູງຂຶ້ນ 3% ຕື່ມອີກ.