ທ່ານລິນຄຳດວງສະຫວັນລັດຖະມົນຕີກະຊວງກະສິກຳແລະປ່າໄມ້ ໄດ້ຕອບຄຳຊັກຖາມຂອງສະມາຊິກສະພາແຫ່ງຊາດ

ລັດຖະບານເລັ່ງຄົ້ນຄວ້າດັດແກ້ມູນຄ່າໂຄງການຊົນລະປະທານ ເພື່ອສືບຕໍ່ໃຫ້ກໍ່ສ້າງສຳເລັດ

15:00 13/06/2024

ການພັດທະນາຊົນນະບົດ ແລະ ແກ້ໄຂຄວາມທຸກຍາກ ຢູ່ປະເທດເຮົາ ແມ່ນອາໄສປັດໄຈການຜະລິດຫຼາຍຢ່າງ ໂດຍສະເພາະຊົນລະປະທານ ເພື່ອຮັບປະກັນການສະໜອງນໍ້າໃຫ້ແກ່ການຜະລິດຂອງຊາວກະສິກຳ; ຜ່ານມາ, ກໍມີບັນດາໂຄງການຊົນລະປະທານທີ່ເຮັດໄດ້ເກືອບສໍາເລັດ ແຕ່ຖືກຢຸດຕິຍ້ອນງົບປະມານ.

ທ່ານລິນຄຳດວງສະຫວັນລັດຖະມົນຕີກະຊວງກະສິກຳແລະປ່າໄມ້ ໄດ້ຕອບຄຳຊັກຖາມຂອງສະມາຊິກສະພາແຫ່ງຊາດ (ສສຊ) ໃນກອງປະຊຸມສະໄໝສາມັນເທື່ອທີ 7 ຂອງສະພາແຫ່ງຊາດຊຸດທີ IX ໃນວັນທີ 13 ມິຖຸນານີ້ ພາຍໃຕ້ການເປັນປະທານຂອງທ່ານໄຊສົມພອນພົມວິຫານປະທານສະພາແຫ່ງຊາດ.

ທ່ານ ລິນຄໍາ ດວງສະຫວັນ ໄດ້ກ່າວວ່າ: ກະຊວງກະສິກໍາ ແລະ ປ່າໄມ້ ໄດ້ເປັນເຈົ້າການ ໃນການຈັດຕັ້ງປະຕິບັດວຽກງານຊົນລະປະທານ ເພື່ອສະໜອງໃຫ້ແກ່ການຜະລິດ ຊຶ່ງໃນທົ່ວປະເທດ ມີເນື້ອທີ່ນາທັງໝົດ 805.900 ເຮັກຕາ; ໃນນັ້ນ, ມີໂຄງການທີ່ສາມາດສະໜອງນໍ້າໃນລະດູຝົນທັງໝົດ 19.453 ໂຄງການ (ມີປະເພດໂຄງການຊົນລະປະທານນໍ້າໄຫຼເອງ ຈໍານວນ 4.007 ໂຄງການ, ສ່ວນທີ່ເຫຼືອແມ່ນປະເພດໂຄງການຊົນລະປະທານຈັກສູບນ້ໍາໄຟຟ້າ, ຈັກສູບນ້ໍາພະລັງງານແສງອາທິດ ແລະ ຝາຍ ປວງຊົນຂະໜາດນ້ອຍ) ສາມາດສະໜອງນໍ້າ ໄດ້ 317.400 ເຮັກຕາ ໂດຍສະໜອງນໍ້າໃຫ້ການຜະລິດເຂົ້ານາ ປີ 263.300 ເຮັກຕາ ເທົ່າກັບ 32% ຂອງເນື້ອທີ່ປູກເຂົ້ານາປີທັງໝົດ, ສ່ວນເຫຼືອແມ່ນສະໜອງໃຫ້ການປູກພືດ. ໃນລະດູແລ້ງ, ໂຄງການທີ່ສາມາດສະໜອງນໍ້າໃຫ້ແກ່ການຜະລິດທັງໝົດມີ 11.602 ໂຄງການ, ສາມາດສະໜອງນໍ້າໄດ້ 182.500 ເຮັກຕາ ໂດຍສະໜອງໃຫ້ການຜະລິດເຂົ້ານາແຊງ 92.200 ເຮັກຕາ ເທົ່າກັບ 11.5% ຂອງເນື້ອທີ່ນາທັງໝົດ.

ປັດຈຸບັນ, ໂຄງການທີ່ກໍາລັງດໍາເນີນ ໂດຍການລົງທຶນຂອງລັດຖະບານ ມີທັງໝົດ 8 ໂຄງການ, ຖ້າສໍາເລັດຈະສາມາດສະໜອງນໍ້າໄດ້ທັງໝົດ 24.900 ເຮັກຕາຊຶ່ງກວມເອົາ 8 ເມືອງ ຂອງ 5 ແຂວງ; ໃນນັ້ນ, ມີໂຄງການມີຄວາມຄືບໜ້າຕ່ໍາສຸດ 22% ແລະ ສູງສຸດ 78%. (ຊຶ່ງໃນນັ້ນ ໄດ້ກວມເອົາ 3 ໂຄງການທີ່ສະມາຊິກສະພາໄດ້ຍົກຂຶ້ນມີ ຫ້ວຍທ່າຮາວ, ຫ້ວຍອາໄກ ແລະ ຫ້ວຍພະແລງ).ນອກຈາກ 8 ໂຄງການທີ່ກ່າວມານັ້ນ, ເພື່ອຫຼຸດຜ່ອນຄ່າໃຊ້ຈ່າຍໃນການນໍາໃຊ້ນໍ້າ ກະຊວງກະສິກຳ ແລະ ປ່າໄມ້ ຍັງໄດ້ສຸມໃສ່ການສຶກສາ, ສໍາຫຼວດ-ອອກແບບຊົນລະປະທານນໍ້າໄຫຼເອງ ດັ່ງທີ່ສະມາຊິກສະພາແຫ່ງຊາດຫຼາຍທ່ານໄດ້ສະເໜີ ມີ 4 ໂຄງການ ຊຶ່ງກວມ 4 ເມືອງ ຂອງ 4 ແຂວງ. ຖ້າຫາກໂຄງການໄດ້ຮັບການຈັດຕັ້ງປະຕິບັດສໍາເລັດ ຈະສາມາດສະໜອງນໍ້າຕື່ມອີກ 10.200 ກວ່າເຮັກຕາ.

ທ່ານລັດຖະມົນຕີກະຊວງກະສິກຳ ແລະ ປ່າໄມ້ ຍັງກ່າວກ່ຽວກັບວຽກງານການຄຸ້ມຄອງ ແລະ ນໍາໃຊ້ຊົນລະປະທານວ່າ: ນອກຈາກສຸມໃສ່ການລົງທຶນໃນການກໍ່ສ້າງພື້ນຖານໂຄງລ່າງແລ້ວ, ກໍໄດ້ອອກນິຕິກໍາຈໍານວນໜຶ່ງເຊັ່ນ:ຂໍ້ຕົກລົງວ່າດ້ວຍການສ້າງຕັ້ງ ແລະ ຄຸ້ມຄອງກຸ່ມຜູ້ນໍາໃຊ້ນໍ້າ ຊົນລະປະທານ; ຂໍ້ຕົກລົງວ່າດ້ວຍການສ້າງຕັ້ງ ແລະ ຄຸ້ມຄອງກອງທຶນພັດທະນາຊົນລະທານ ປະກາດໃຊ້ໃນປີ 2024.

ສໍາລັບການແກ້ໄຂບັນຫາໃນຕໍ່ໜ້າ, ໂດຍສະເພາະໂຄງການ ຫ້ວຍອາໄກ້ ທີ່ມີຄວາມຄືບໜ້າ 74% ແລະ ຫ້ວຍຜາແລງ ມີຄວາມຄືບໜ້າ 36%; ທັງສອງໂຄງການ ບໍລິສັດຮັບເໝົາກໍ່ສ້າງ ມີຄວາມກຽມພ້ອມໃນການຈັດຕັ້ງປະຕິບັດ, ຍັງແຕ່ລໍຖ້າການດັດແກ້ມູນຄ່າໂຄງການ ຊຶ່ງປັດຈຸບັນ ລັດຖະບານກໍາລັງຄົ້ນຄວ້າ ເພື່ອສະເໜີສະພາແຫ່ງຊາດ ພິຈາລະນາຮັບຮອງ; ສ່ວນໂຄງການຫ້ວຍທ່າຮາວ, ແມ່ນໄດ້ຮັບຮອງເອົາການສະເໜີ ຂໍດັດແກ້ມູນຄ່າ ຈາກສະພາແຫ່ງຊາດແລ້ວ, ມາຮອດປັດຈຸບັນ ການກໍ່ສ້າງຄືບໜ້າ 68% ແລະ ຄາດຄະເນວ່າຈະສໍາເລັດຕາມແຜນ ໃນທ້າຍປີ 2026.

(ຂ່າວ: ສຸກສະຫວັນ: ພາບ: ເກດສະໜາ)

ຄໍາເຫັນ

ຂ່າວເດັ່ນ

ເຜີຍແຜ່ ເຊື່ອມຊຶມ ມະຕິກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XII ຂອງພັກ

26/02/2026 10:15

ກອງປະຊຸມເຜີຍແຜ່, ເຊື່ອມຊຶມ ມະຕິກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XII ຂອງພັກ ໄດ້ຈັດຂຶ້ນໃນວັນທີ 25 ກຸມພານີ້ ທີ່ຫໍປະຊຸມແຫ່ງຊາດ ແລະ ຜ່ານວິດີໂອທາງໄກສຳລັບທ້ອງຖິ່ນໃນ ຂອບເຂດທົ່ວປະເທດ, ໂດຍໃຫ້ກຽດເຂົ້າຮ່ວມຂອງ ສະຫາຍ ທອງລຸນ ສີສຸລິດ ເລຂາທິການໃຫຍ່ຄະນະ ບໍລິຫານງານສູນກາງພັກ ປະທານປະເທດ ແຫ່ງ ສປປ ລາວ, ມີບັນດາສະຫາຍກຳມະການກົມການ ເມືອງສູນກາງພັກ, ຄະນະເລຂາທິການສູນກາງພັກ, ກຳມະການສູນກາງພັກ, ເລຂາຄະນະບໍລິຫານງານ ພັກກະຊວງ-ອົງການ, ນະຄອນຫຼວງວຽງຈັນ, ແຂວງໃນຂອບເຂດທົ່ວປະເທດ ແລະ ພະນັກງານຫຼັກແຫຼ່ງ ຂັ້ນສູນກາງ ແລະ ທ້ອງຖິ່ນເຂົ້າຮ່ວມ.

ຜົນກອງປະຊຸມສະໄໝສາມັນຂອງລັດຖະບານ ປະຈຳເດືອນມັງກອນ-ກຸມພາ 2026

26/02/2026 10:00

ວັນທີ 25 ກຸມພາ ນີ້ ທີ່ສໍານັກງານນາຍົກລັດຖະມົນຕີ, ທ່ານ ສອນໄຊ ສິດພະໄຊ ລັດຖະມົນຕີປະຈໍາສໍານັກງານນາຍົກລັດຖະມົນຕີ, ໂຄສົກລັດຖະບານ ໄດ້ຖະແຫຼງຂ່າວ ຕໍ່ສື່ມວນຊົນ ກ່ຽວກັບຜົນກອງປະຊຸມສະໄໝສາມັນຂອງລັດຖະບານ ປະຈຳເດືອນມັງກອນ-ກຸມພາ 2026 ໃຫ້ຮູ້ວ່າ: ກອງປະຊຸມດັ່ງກ່າວ ໄດ້ຈັດຂຶ້ນໃນວັນທີ 24 ແລະ ອັດລົງໃນ ວັນທີ 25 ກຸມພາ 2026 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ ສີພັນດອນ ນາຍົກລັດຖະມົນຕີ; ມີບັນດາທ່ານ ຮອງນາຍົກລັດຖະມົນຕີ, ສະມາຊິກລັດຖະບານ ແລະ ຜູ້ຕາງໜ້າກະຊວງ-ອົງການ ເຂົ້າຮ່ວມ.

ເປີດກອງປະຊຸມສະໄໝສາມັນຂອງລັດຖະບານ ປະຈຳເດືອນມັງກອນ-ກຸມພາ 2026

24/02/2026 12:17

ກອງປະຊຸມສະໄໝສາມັນຂອງລັດຖະບານ ປະຈຳເດືອນມັງກອນ-ກຸມພາ 2026 ໄດ້ເປີດຂຶ້ນໃນຕອນເຊົ້າ ຂອງວັນທີ 24 ກຸມພານີ້ ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ ສີພັນດອນ ນາຍົກລັດຖະມົນຕີ; ມີບັນດາທ່ານຮອງນາຍົກລັດຖະມົນຕີ, ສະມາຊິກລັດຖະບານ ແລະ ຜູ້ຕາງໜ້າກະຊວງ-ອົງການ ເຂົ້າຮ່ວມ.

ລັດຖະບານ ຈະສືບຕໍ່ພັດທະນາເສດຖະກິດໃຫ້ຂະຫຍາຍຕົວໄວຢ່າງຕໍ່ເນື່ອງ

23/02/2026 15:29

ແຜນພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ X (2026-2030) ລັດຖະບານຈະສືບຕໍ່ແກ້ໄຂຄວາມຫຍຸ້ງຍາກດ້ານເສດຖະກິດ-ການເງິນໃຫ້ເປັນຮູບປະທໍາຫຼາຍຂຶ້ນ. ພ້ອມຈະສືບຕໍ່ພັດ ທະນາເສດຖະກິດ ໃຫ້ຂະຫຍາຍຕົວໄວຢ່າງຕໍ່ເນື່ອງ ແລະ ເຂັ້ມແຂງ, ໜັກແໜ້ນ ດ້ວຍຄຸນນະພາບສູງ ແລະ ເປັນເຈົ້າຕົນເອງນັບມື້ພົ້ນເດັ່ນ.

ນາຍົກຮ່ວມປ່ອນບັດເລືອກຕັ້ງສສຊຊຸດທີX ແລະ ສສຂຊຸດທີ Vຢູ່ແຂວງຈໍາປາສັກ

22/02/2026 13:39

ທ່ານ ສອນໄຊ ສີພັນດອນ ກຳມະການກົມການເມືອງສູນກາງພັກນາຍຍົກລັດຖະມົນຕີ ຫົວໜ້າຜູ້ສະໝັກຮັບເລືອກຕັ້ງ ພ້ອມດ້ວຍຄະນະ ສະມາຊິກສະພາແຫ່ງຊາດ(ສສຊ)ຊຸດທີ X ເຂດເລືອກຕັ້ງທີ 15 ແຂວງຈໍາປາສັກໄດ້ໃຫ້ກຽດນໍາພາໃຊ້ສິດປ່ອນບັດເລືອກຕັ້ງ ໃນວັນທີ 22 ກຸມພານີ້ ທີ່ສະໂມສອນຫຼັກ4 ແຂວງຈໍາປາສັກ, ມີ ທ່ານ ອາລຸນໄຊ ສູນນະລາດ ກຳມະການສູນກາງພັກເລຂາຄະນະບໍລິຫານງານພັກແຂວງຈຳປາສັກ, ມີບັນດາຜູ້ສະໝັກຮັບເລືອກຕັ້ງສະມາຊິກສສຊ ຊຸດທີ X ເຂດເລືອກຕັ້ງທີ 15 ແຂວງຈໍາປາສັກ ແລະ ສສຂ ຊຸດທີ V ປະຈຳເຂດເລືອກຕັ້ງ ນະຄອນປາກເຊ.ນອກນັ້ນ ຍັງມີອະດີດການນໍາຂັ້ນສູງອາວຸໂສບຳນານຂອງແຂວງ, ນະຄອນ ພ້ອມດ້ວຍ ຄະນະພັກ, ຄະນະບ້ານທີ່ຂຶ້ນກັບຄະນະພັກຮາກຖານບ້ານໃຫຍ່ໂຊກອຳນວຍ ແລະ ພໍ່ແມ່ປະຊາຊົນ ຜູ້ມີສິດປ່ອນບັດເລືອກຕັ້ງພາຍໃນບ້ານ ເຂົ້າຮ່ວມຢ່າງພ້ອມພຽງ.

ພິທີຕັກບາດໃນໂອກາດການເລືອກຕັ້ງສສຊ ຊຸດທີ X ແລະ ສສຂ ຊຸດທີ V

22/02/2026 13:36

ພິທີຕັກບາດຖວາຍທານແດ່ພະສົງ 15 ອົງເນື່ອງໃນໂອກາດສ້າງຂະບວນການຕ້ອນຮັບການເລືອກຕັ້ງສະມາຊິກສະພາແຫ່ງຊາດ ຊຸດທີ X ແລະ ສະມາຊິກສະພາປະຊາຊົນ ແຂວງ ຊຸດທີ V ໄດ້ຈັດຂຶ້ນໃນຕອນເຊົ້າຂອງວັນ ອາທິດທີ 22 ກຸມພານີ້ທີ່ວັດຫຼວງ ນະຄອນປາກເຊ ແຂວງຈຳປາສັກ ໂດຍໃຫ້ກຽດເຂົ້າຮ່ວມຂອງ ທ່ານ ສອນໄຊ ສີພັນດອນ ກຳມະການກົມການເມືອງສູນກາງພັກນາຍົກລັດຖະມົນຕີ ພ້ອມພັນລະຍາ.ມີທ່ານ ອາລຸນໄຊ ສູນນະລາດ ກຳມະການສູນກາງພັກເລຂາຄະນະ ບໍລິຫານງານພັກແຂວງຈໍາປາສັກ ພ້ອມພັນລະຍາ; ມີບັນດາທ່ານ ຜູ້ສະໝັກຮັບເລືອກຕັ້ງສະມາຊິກສະພາແຫ່ງຊາດຊຸດທີ X ເຂດເລືອກຕັ້ງທີ 15 ແຂວງຈໍາສັກ ແລະ ຜູ້ສະໝັກຮັບເລືອກຕັ້ງສສຂ ຊຸດທີ5ເຂດເລືອກຕັ້ງນະຄອນປາກເຊ,ພ້ອມດ້ວຍຄະນະພັກ, ຄະນະນຳຂອງແຂວງ ຕະຫຼອດຮອດພຸດທະສາສະນິກະຊົນເຂົ້າຮ່ວມ.

ທ່ານ ທອງລຸນ ສີສຸລິດ ຮ່ວມປ່ອນບັດເລືອກຕັ້ງ ສສຊ ແລະ ສສຂ

22/02/2026 13:26

ໃນວັນທີ 22 ກຸມພານີ້, ເປັນວັນເລືອກຕັ້ງເອົາສະມາຊິກສະພາແຫ່ງຊາດ ຊຸດທີ X (ສສຊ) ແລະ ສະມາຊິກສະພາປະຊາຊົນຂັ້ນແຂວງ (ສສຂ) ຊຸດທີ V ຊຶ່ງບັນຍາກາດເຕັມໄປດ້ວຍຄວາມຟົດຟື້ນ ໃນຂອບເຂດທົ່ວປະເທດ ໂດຍມີການນຳພັກ-ລັດ, ຕະຫຼອດຮອດ ປະຊາຊົນຜູ້ມີສີດເລືອກຕັ້ງ ໄດ້ຫຼັ່ງໄຫຼໄປໃຊ້ສິດຢ່າງຟົດຟື້ນ, ເລີ່ມແຕ່ເປີດຫີບປ່ອນບັດເລືອກຕັ້ງຕາມໜ່ວຍເລືອກຕັ້ງຕ່າງໆໄດ້ມີປະຊາຊົນອອກໄປໃຊ້ສິດຢ່າງຫຼວງຫຼາຍ ສຳລັບຢູ່ນະຄອນຫຼວງວຽງຈັນ,

ຄະນະຜູ້ສະໝັກຮັບເລືອກຕັ້ງ ສສຊ ເຂດເລືອກຕັ້ງທີ 15 ພົບປະ ແລະ ສະເໜີຕົວ ຕໍ່ປະຊາຊົນ ເມືອງປະທຸມພອນ

17/02/2026 14:51

ວັນທີ 17 ກຸມພານີ້, ທ່ານ ສອນໄຊ ສີພັນດອນ ກໍາມະການກົມການເມືອງສູນກາງພັກ ນາຍົກລັດຖະມົນຕີ, ຜູ້ສະໝັກຮັບເລືອກຕັ້ງສະມາຊິກສະພາແຫ່ງຊາດ (ສສຊ) ຊຸດທີ X ເຂດເລືອກຕັ້ງທີ 15 ແຂວງຈໍາປາສັກ (ນ້ຳເບີ1), ພ້ອມດ້ວຍຄະນະຜູ້ສະໝັກຮັບເລືອກຕັ້ງ ສສຊ ຄະນະທີ1 ຈໍານວນ 9 ທ່ານ ຍິງ 2 ທ່ານ, ສືບຕໍ່ເຄື່ອນໄຫວພົບປະ ແລະ ສະເໜີຕົວ ຕໍ່ປະຊາຊົນຜູ້ມີສິດປ່ອນບັດເລືອກຕັ້ງຢູ່ຈຸດບ້ານມ່ວງ ເມືອງປະທຸມພອນ, ໂດຍໃຫ້ກຽດຕ້ອນຮັບຂອງທ່ານ ປະດິດ ວັນນະລັດສະໝີ ຄະນະປະຈໍາພັກແຂວງ ຫົວໜ້າຄະນະໂຄສະນາອົບຮົມແຂວງ, ຫົວໜ້າຄະນະອະນຸກໍາມະການໂຄສະນາ ແລະ ປຸກລະດົມຂະບວນການເລືອກຕັ້ງຂັ້ນແຂວງ ທັງເປັນຜູ້ຊີ້ນໍາວຽກງານຮອບດ້ານຢູ່ເມືອງປະທຸມພອນ, ພ້ອມຄະນະນໍາຂອງເມືອງ, ມີອໍານາດການປົກຄອງບ້ານ ແລະ ແລະ ປະຊາຊົນຜູ້ມີສິດເລືອກຕັ້ງຈາກ 8 ບ້ານທີ່ຂຶ້ນກັບກຸ່ມ2 ຄື: ບ້ານມ່ວງ, ເຜົ່າສໍາພັນ, ອຸດົມສໍາພັນ, ຫຼັກ 30, ໜອງປັກແຮດ, ນໍ້າໃສເທິງ, ນໍ້າໃສທ່າ ແລະ ບ້ານປາກຫ້ວຍ.

ປະທານປະເທດ ຮັບສານຕາຕັ້ງ ຈາກທູດຕ່າງປະເທດ ແລະ ມອບສານຕາຕັ້ງໃຫ້ທູດລາວໄປປະຈຳຢູ່ຕ່າງປະເທດ

17/02/2026 14:45

ໃນຕອນເຊົ້າຂອງວັນທີ 17 ກຸມພານີ້ ທີ່ ທໍານຽບປະທານປະເທດ, ພະນະທ່ານ ທອງລຸນ ສີສຸລິດ ປະທານປະເທດ ແຫ່ງ ສປປ ລາວ ໄດ້ຕ້ອນຮັບການເຂົ້າຍື່ນສານຕາຕັ້ງຂອງບັນດາທູດແຕ່ງຕັ້ງຕ່າງປະເທດ ຈໍານວນ 7 ທ່ານ ເພື່ອດໍາລົງຕໍາແໜ່ງເປັນເອກອັກຄະລັດຖະທູດວິສາມັນຜູ້ມີອໍານາດເຕັມ ປະຈໍາ ສປປ ລາວ ຊຶ່ງມີລາຍລະອຽດດັ່ງນີ້:

ຜູ້ສະໝັກຮັບເລືອກຕັ້ງ ສສຊ ເຂດເລືອກຕັ້ງທີ 15 ແຂວງຈຳປາສັກ, ພ້ອມຄະນະ ເຄື່ອນໄຫວພົບປະຜູ້ມີສິດເລືອກຕັ້ງຢູ່ນະຄອນປາກເຊ

12/02/2026 15:36

ຄະນະຜູ້ສະໝັກຮັບເລືອກຕັ້ງສະມາຊິກສະພາແຫ່ງຊາດ (ສສຊ) ຊຸດທີ X ປະຈຳເຂດເລືອກຕັ້ງທີ 15 ແຂວງຈຳປາສັກ ຄະນະທີ 1 ຈຳນວນ 10 ທ່ານ ຍິງ 2 ທ່ານ ໄດ້ລົງເຄື່ອນໄຫວພົບປະ ແລະ ສະເໜີຕົວຕໍ່ຜູ້ມີສິດເລືອກຕັ້ງ ຢູ່ທີ່ວັດບ້ານພັດທະນາກົກເດື່ອ ນະຄອນປາກເຊ. ການລົງເຄື່ອນໄຫວຂອງຜູ້ສະໝັກ ສສຊ ຄະນະທີ1 ໃນຄັ້ງນີ້, ມີຂຶ້ນໃນວັນທີ 12 ກຸມພານີ້, ນຳໂດຍ ທ່ານ ສອນໄຊ ສີພັນດອນ ກຳມະການກົມການເມືອງສູນກາງພັກ ນາຍົກລັດຖະມົນຕີ ຜູ້ສະໝັກ ສສຊ ຊຸດທີ X ເຂດເລືອກຕັ້ງທີ 15 ແຂວງຈໍາປາສັກ (ນ້ຳເບີ1), ພ້ອມດ້ວຍຄະນະຜູ້ສະໝັກ ສສຊ ທັງ 9 ທ່ານ, ໂດຍການຕ້ອນຮັບຂອງ ທ່ານ ສຸກວິໄສ ສີສົມຫວັງ ຮອງເລຂາພັກນະຄອນ ປະທານຄະນະກຳມະການປົກຄອງນະຄອນປາກເຊ, ພ້ອມຄະນະນໍານະຄອນ,ມີຄະນະນໍາກຸ່ມ1,ກຸ່ມ2, ອໍານາດການປົກຄອງບ້ານ, ພ້ອມດ້ວຍພໍ່ແມ່ປະຊາຊົນຜູ້ມີສິດເລືອກຕັ້ງພາຍໃນບ້ານກົກເດື່ອ ແລະ ບ້ານອ້ອມຂ້າງເຂົ້າຮ່ວມ.

ເພີ່ມເຕີມ