 |
ທ່ານ ໄກສອນ ເພັງໂສພາ ກ່າວວ່າ: ກອງປະຊຸມຄັ້ງນີ້, ຈັດຂຶ້ນເພື່ອປຶກສາຫາລື ແລະ ວິເຄາະສະພາບຄວາມພ້ອມດ້ານຫຼັກສູດ ແລະ ຄູສອນ, ພ້ອມທັງພິຈາລະນາຮັບຮອງແຜນຮັບນັກສຶກສາເຂົ້າຮຽນ ເພື່ອກະກຽມຄວາມພ້ອມສຳລັບການຮັບນັກສຶກສາ ແລະ ການຈັດຕັ້ງການຮຽນ-ການສອນຂອງມະຫາວິທະຍາ ໄລສ້າງຄູແຫ່ງຊາດ ໃນສົກຮຽນ 2026-2027 ນີ້.
ກອງປະຊຸມຄັ້ງນີ້ມີເນື້ອໃນວຽກງານຫຼັກຄື: 1. ຕິດຕາມຄວາມຄືບໜ້າ, ວິເຄາະສະພາບຄວາມພ້ອມດ້ານຫຼັກສູດ, ຄູສອນ ແລະ ສິ່ງອຳນວຍຄວາມສະດວກທຸກສາຂາວິຊາ (ຄູອະນຸບານ, ຄູປະຖົມ, ຄູມັດທະຍົມ, ລະດັບປະລິນຍາຕີ ແລະ ຫ້ອງປະສົມປະສານ) ລວມທັງວິທະຍາເຂດຢູ່ແຂວງຕ່າງໆ. 2. ປຶກສາຫາລືວິທີການຄັດເລືອກນັກສຶກສາເຂົ້າຮຽນໃນແຕ່ລະສາຂາ ໃຫ້ສອດຄ່ອງກັບແຜນຄວາມຕ້ອງການກໍ່ສ້າງຂອງແຕ່ລະແຂວງ. 3. ມອບໝາຍໜ້າທີ່ໃຫ້ຄະນະກຳມະການ ແລະ ກຳນົດແຜນດຳເນີນງານຢ່າງລະອຽດ ເພື່ອຮັບປະກັນຄວາມພ້ອມຮອບດ້ານໃນການຈັດຕັ້ງການຮຽນ-ການສອນ.
ການຈັດກອງປະຊຸມໃນຄັ້ງນີ້, ເພື່ອກະກຽມຄວາມພ້ອມດ້ານວິຊາການຂອງການສ້າງຕັ້ງມະຫາວິທະຍາ ໄລສ້າງຄູແຫ່ງຊາດ, ໂດຍສຸມໃສ່ການຈັດຕັ້ງ ການຄັດເລືອກນັກສຶກສາ, ການກະກຽມຫຼັກສູດ, ບຸກຄະລາກອນຄູສອນ ແລະ ສິ່ງອຳນວຍຄວາມສະດວກ ເພື່ອເປັນພື້ນຖານສຳລັບການດຳເນີນງານໃນຂັ້ນຕໍ່ໄປໃຫ້ພ້ອມຈັດຕັ້ງການຮຽນ-ການສອນ ໃນສົກຮຽນ 2026-2027 ນີ້.
ຂ່າວ: ວຽງຈັນໃໝ່
ຄໍາເຫັນ