 |
ທ່ານ ຕຽງຄຳ ໄຊຍະວົງ ກ່າວວ່າ: ການຈັດງານຄັ້ງນີ້, ເພື່ອສົ່ງເສີມ ແລະ ຍົກລະດັບທັກສະວິຊາຊີບຂອງນັກສຶກສາ, ພັດທະນາຄຸນນະພາບການຮຽນ-ການສອນ ໃຫ້ສອດຄ່ອງກັບຄວາມຕ້ອງການຂອງຕະຫຼາດແຮງງານ ພ້ອມທັງເປັນເວທີແລກປ່ຽນຄວາມຮູ້ ແລະ ສ້າງປະສົບການ ຈາກການປະຕິບັດຕົວຈິງ. ການແຂ່ງຂັນມີ 5 ລາຍການ ຄື: 1. ການສຽບຍອດແບບສຽບຂ້າງ, 2. ການຂະຫຍາຍພັນພືດແບບທາບກິ່ງ, 3. ການຄິດໄລ່ ແລະ ປະສົມອາຫານ, 4. ການຜະລິດຝຸ່ນບົ່ມ ແລະ 5. ການຢອດວັກຊິນໄກ່ນ້ອຍ ໂດຍມີນັກສຶກສາຈາກວິທະຍາໄລເຕັກນິກກະສິກຳດົງຄຳຊ້າງ ແລະ ວິທະຍາໄລເຕັກນິກແຂວງວຽງຈັນເຂົ້າຮ່ວມແຂ່ງຂັນ.
 |
ຜົນການແຂ່ງຂັນມີດັ່ງນີ້: ຢອດວັກຊິນໄກ່ນ້ອຍ ຊະນະເລີດນາງ ພິມພອນ ສະຫວັດ, ທີ 2 ທ້າວ ຄຳສາວ ຮອງວິໄລ, ທີ 3 ທ້າວ ສີສະຫວາດ ສີຫາວົງ ຄິດໄລ່ ແລະ ປະສົມອາຫານ ຊະນະເລີດ ທ້າວ ແສງພົມ ພົມມະວົງ, ທີ 2 ນາງ ພັດທະນາ ລາດປະເສີດ, ທີ 3 ນາງ ນ້ຳຝົນ ຈັນທະວົງ ຜະລິດຝຸ່ນບົ່ມ, ຊະນະເລີດ ທ້າວ ສີສຸພັນ ແກ້ວມະນີແສງ, 2 ທ້າວ ອ້າຍ ແກ້ວວົງສາ, ທີ 3 ທ້າວ ແກ້ວວຽງຄອນ ສີສຸລາດ ທາບກິ່ງ ຊະນະເລີດ ທ້າວ ພຸດທາ ສີເມືອງ, ທີ 2 ນາງ ນີ່ ຈັນທະວົງ, ທີ 3 ນາງ ວັນ ເພັນພາຈັກ ສຽບຍອດແບບສຽບຂ້າງ ຊະນະເລີດ ທ້າວ ຄຳຟອງ ດາລາວົງ, ທີ 2 ນາງ ນຸ່ນນະພາ ແສງມະນີ, ທີ 3 ທ້າວ ອ້າຍ ແກ້ວວົງສາ ຊຶ່ງທາງວິທະຍາໄລ ຈະນຳເອົາບົດຮຽນຈາກການຈັດງານ ໂດຍສະເພາະຂໍ້ຈຳກັດດ້ານເວລາ, ງົບປະມານ ແລະ ການກຽມຕົວ ໄປປັບປຸງການຈັດງານຄັ້ງຕໍ່ໄປ ພ້ອມວາງແຜນໄລຍະຍາວ, ເພີ່ມການມີສ່ວນຮ່ວມຂອງນັກສຶກສາ ແລະ ຂະ ຫຍາຍການຮ່ວມມືກັບພາກລັດ-ເອກະຊົນ ເພື່ອກຽມຄວາມພ້ອມໃຫ້ນັກສຶກສາກ້າວສູ່ຕະຫຼາດແຮງງານຢ່າງມືອາຊີບ.
 |
ຂ່າວ-ພາບ: ລູກນ້ຳເຊ ອິນທະດາລິນ
ຄໍາເຫັນ