 |
ໃນພິທີຜູ້ເຂົ້າຮ່ວມໄດ້ຮັບຟັງການຜ່ານບົດສະຫຼຸບ ຕີລາຄາຜົນການກໍ່ສ້າງໜ່ວຍພັກປອດໃສ, ເຂັ້ມແຂງ,ໜັກແໜ້ນ ປະຈຳປີ 2025 ຊຶ່ງໃນໄລຍະຜ່ານມາ, ຄະນະພັກ-ຄະນະນໍາ ກໍຄື ຄະນະໜ່ວຍພັກແຕ່ລະພາກ ສ່ວນໄດ້ເອົາໃຈໃສ່ສຶກສາອົບຮົມການເມືອງ-ແນວຄິດໃຫ້ສະມາຊິກພັກຢ່າງເປັນປົກກະຕິ, ເຮັດໃຫ້ສະມາຊິກພັກພາຍໃນໜ່ວຍຮັບຮູ້ເຂົ້າໃຈຢ່າງເລິກເຊິ່ງ ແລະ ມີຄວາມຈົງຮັກພັກດີຕໍ່ອຸດົມການຂອງພັກ, ມີຄວາມອຸ່ນອ່ຽນທຸ່ນທ່ຽງ, ມີຄຸນສົມບັດສິນທໍາປະຕິວັດ, ມີແນວຄິດການເມືອງໜັກແໜ້ນ, ມີຄວາມເປັນເອກະພາບຕໍ່ແນວທາງການປ່ຽນແປງໃໝ່ຂອງພັກໃນໄລຍະໃໝ່. ໃນພິທີໄດ້ມອບໃບຢັ້ງຢືນໜ່ວຍພັກປອດໃສ, ເຂັ້ມແຂງ, ໜັກແໜ້ນປະຈຳປີ 2025 ໃຫ້ 10 ໜ່ວຍພັກ ຊຶ່ງມີບັນດາກົງຈັກຊ່ວຍວຽກທີ່ຂຶ້ນກັບ ສສລຍ.
 |
ໂອກາດນີ້, ສະຫາຍ ນາງ ອາລີ ວົງໜໍ່ບຸນທຳ ໄດ້ກ່າວສະແດງຄວາມຍ້ອງຍໍຊົມເຊີຍຕໍ່ການນໍາພາ-ຊີ້ນໍາຂອງຄະນະໜ່ວຍພັກຮາກຖານທັງ 10 ໜ່ວຍພັກ ທີ່ໄດ້ເອົາໃຈໃສ່ໃນການປະຕິບັດໜ້າທີ່ການເມືອງ, ສືບຕໍ່ຮັກສາມູນເຊື້ອໜ່ວຍພັກປອດໃສ ເຂັ້ມແຂງ ໜັກແໜ້ນໄວ້ໄດ້ອີກສະໄໝ. ພ້ອມເນັ້ນໃຫ້ຄະນະພັກ ກໍຄືຄະນະໜ່ວຍພັກຮາກຖານແຕ່ລະໜ່ວຍ ສືບຕໍ່ເອົາໃຈໃສ່ວຽກງານສຶກສາອົບຮົມການເມືອງແນວຄິດໃຫ້ສະມາ ຊິກພັກ-ພະນັກງານ ໃຫ້ມີຄວາມເຂັ້ມແຂງໜັກແໜ້ນ; ມີຄວາມສາມັກຄີເປັນເອກະພາບກັນໃນທຸກໜ້າທີ່ວຽກງານ, ສ້າງແບບແຜນວິທີເຮັດວຽກ ແບບແຜນການດຳລົງຊີວິດໃຫ້ສອດຄ່ອງກັບສະພາບການໃໝ່ ແລະ ພ້ອມກັນຈັດຕັ້ງປະຕິບັດແຜນການກໍ່ສ້າງໜ່ວຍພັກປອດໃສ ເຂັ້ມແຂງ ໜັກແໜ້ນໃນຕໍ່ໜ້າ ໃຫ້ບັນລຸຕາມແຜນການທີ່ວາງໄວ້.
 |
ຂ່າວ: ສສຍລ
ຄໍາເຫັນ