 |
ໃນພິທີ, ສະຫາຍ ຄຳພັນ ເຜີຍຍະວົງ ໄດ້ເຜີຍແຜ່, ເຊື່ອມຊຶມມະຕິກອງປະຊຸມຄົບຄະນະ (ສະໄໝວິສາມັນຄັ້ງທີ 1) ຂອງຄະນະບໍລິຫານງານສູນກາງພັກສະໄໝທີ XII ຊຶ່ງໄດ້ຍົກໃຫ້ເຫັນວ່າ: ກອງປະຊຸມໄດ້ຄົ້ນຄວ້າ, ປຶກສາຫາລື ແລະ ໃຫ້ທິດຊີ້ນຳຄື: ຮ່າງມະຕິວ່າດ້ວຍການສ້າງທ່າສະໜາມ ປ້ອງກັນຊາດ - ປ້ອງກັນຄວາມສະຫງົບທົ່ວປວງຊົນຮອບດ້ານຕິດພັນກັບການພັດທະນາຊົນນະບົດ ແລະ ແກ້ໄຂຄວາມທູກຍາກ, ຮ່າງມະຕິວ່າດ້ວຍການຊຸກຍູ້, ສົ່ງເສີມ ແລະ ພັດທະນາບັນດາພາກສ່ວນເສດຖະ ກິດຕາມທິດສ້າງເສດຖະກິດເອກະລາດເປັນເຈົ້າຕົນເອງ, ຮ່າງມະຕິວ່າດ້ວຍການພັດທະນາຊັບພະຍາກອນ ມະນຸດທີ່ມີຄຸນນະພາບຕອບສະໜອງການພັດທະນາໃນເງື່ອນໄຂໃໝ່. ໃນນັ້ນ, ກອງປະຊຸມໄດ້ໃຫ້ທິດຊີ້ນຳ ເພື່ອສືບຕໍ່ຍູ້ແຮງການປະຕິບັດມະຕິກອງປະຊຸມໃຫຍ່ຄັ້ງທີ XII ຂອງພັກ ກໍຄືການແກ້ໄຂບັນຫາຕົວຈິງ ໃນທ້າຍປີ 2026, ກອງປະຊຸມ ໄດ້ມອບໝາຍໃຫ້ບັນດາສະຫາຍກໍາມະການສູນກາງພັກ ເອົາໃຈໃສ່ສໍາ ຫຼວດ, ຕິດຕາມ, ຕີລາຄາການເຊື່ອມຊຶມ, ຜັນຂະຫຍາຍ ແລະ ຈັດຕັ້ງປະຕິບັດ ມະຕິ XII ຂອງພັກ ໃນຂອບເຂດຄວາມຮັບຜິດຊອບ ເພື່ອຍູ້ແຮງຂະບວນການຕົວຈິງໃຫ້ພົ້ນເດັ່ນຂຶ້ນ ດ້ວຍການຊີ້ນໍາ-ບັນຊາ ແລະ ກວດກາຢ່າງແທດເຖິງ, ເພີ່ມທະວີຄວາມຫ້າວຫັນບຸກບືນ, ຍົກສູງຄວາມຮັບຜິດຊອບການເມືອງ, ການເຮັດແທ້ທຳຈິງໃຫ້ສູງຂຶ້ນກວ່າເກົ່າບົນຈິດໃຈບຸກທະລຸ, ແກ້ໄຂອຸປະສັກສິ່ງກີດຂວາງ, ອັດຕັນ, ກົດ ໜ່ວງຕ່າງໆກ່ຽວກັບການບໍລິການ, ການຄຸ້ມຄອງ-ບໍລິຫານລັດ ຢູ່ແຕ່ລະຂະແໜງການ, ແຕ່ລະຂັ້ນ ໃຫ້ມີການຫັນປ່ຽນດີຂຶ້ນ, ວ່ອງໄວຂຶ້ນ ແລະ ມີປະສິດທິຜົນສູງຂຶ້ນ, ເດັດດ່ຽວແກ້ໄຂການເວົ້າແບບລວມໆ, ເວົ້າແລ້ວບໍ່ພາກັນເຮັດໃຫ້ຕົກໄປ. ພ້ອມກັນນັ້ນ ກໍເອົາໃຈໃສ່ນໍາພາຊີ້ນໍາການຈັດຕັ້ງປະຕິບັດເນື້ອໃນຈິດໃຈ ຂອງກອງປະຊຸມຄັ້ງນີ້ ດ້ວຍຄວາມຮັບຜິດຊອບສູງ ແລະ ໃຫ້ມີຜົນສໍາເລັດເປັນຮູບປະທຳ.
ໃນການຈັດຕັ້ງເຜີຍແຜ່, ເຊື່ອມຊຶມມະຕິກອງປະຊຸມສຳຄັນຄັ້ງນີ້ ແມ່ນແນໃສ່ເພື່ອສ້າງຄວາມຮັບຮູ້, ເຂົ້າໃຈ ໃຫ້ແກ່ບັນດາສະມາຊິກພັກ ແລະ ພະນັກງານທົ່ວ ຄະນະໂຄສະນາອົບຮົມສູນກາງພັກ ໄດ້ເຊື່ອມ ຊຶມມະຕິຂອງກອງປະຊຸມດັ່ງກ່າວແລ້ວນຳເອົາໄປຈັດຕັ້ງ, ຜັນຂະຫຍາຍເຂົ້າໃນວຽກງານຕົວຈິງໃຫ້ມີຜົນ ສຳເລັດ ແລະ ບັນລຸໝາກຜົນຕົວຈິງຕາມລະດັບຄາດໝາຍທີ່ວາງໄວ້.
 |
ໃນໂອກາດດັ່ງກ່າວຍັງໄດ້ປະກາດການຈັດຕັ້ງ, ໂດຍ ສະຫາຍ ນາງ ວິໄລ ພິລາວົງ ຮອງຫົວ ໜ້າກົມຄຸ້ມຄອງພະນັກງານຄະນະຈັດຕັ້ງສູນກາງພັກ ໄດ້ຂຶ້ນອ່ານມະຕິຕົກລົງຂອງຄະນະເລຂາທິການສູນ ກາງພັກວ່າດ້ວຍການແຕ່ງຕັ້ງ ສະຫາຍ ຄຳກອງ ທຳມະເທວາ ເປັນຮອງຫົວໜ້າຄະນະໂຄສະນາອົບຮົມ ສູນກາງພັກ.
(ຂ່າວ-ພາບ: ສຳນານ)
ຄໍາເຫັນ