ວິທະຍຸກະຈາຍສຽງຫວຽດນາມລາຍງານວ່າ: ການນຳບັນດາປະເທດ ອາຊີ ພ້ອມກັບບັນດາປະເທດອື່ນໆຢູ່ພາກພື້ນ ອາເມຣິກາເໜືອ ແລະ ເອີຣົບ ໄດ້ສົ່ງສານສະແດງຄວາມສາມັກຄີກັບ ຍີ່ປຸ່ນ ພາຍຫຼັງເຫດແຜ່ນດິນໄຫວທີ່ມີຄວາມແຮງ 7,6 ຣິກເຕີ ຊຶ່ງເກີດຂຶ້ນໃນວັນທີ 1 ມັງກອນ ຢູ່ແຂວງ ອິຊິກະວາ, ໄດ້ກໍ່ຜົນເສຍຫາຍທັງຊີວິດ ແລະ ຊັບສິນ.
ຂ່າວລະບຸວ່າ: ໃນສື່ສັງຄົມອອນໄລ ທະວິດເຕີ, ທ່ານເຟີດີນານ ມາຄອດປະທານາທິບໍດີ ຟີລິບປິນ ແຈ້ງໃຫ້ຊາບວ່າ: ຟີລິບປິນໄດ້ສະເໜີຊ່ວຍ ຍີ່ປຸ່ນ ດ້ວຍທຸກວິທີທາງ, ພ້ອມທັງຢັ້ງຢືນຄວາມສາມັກຄີກັບ ຍີ່ປຸ່ນ ຕໍ່ໜ້າບັນດາສິ່ງທ້າທາຍລວມ.
ທ່ານຢຸນ ຊອກ ຢອນປະທານາທິບໍດີ ສ ເກົາຫຼີ ກໍໄດ້ສົ່ງສານແບ່ງເບົາຄວາມເສົ້າສະຫຼົດໃຈຕໍ່ຜູ້ປະສົບເຄາະຮ້າຍ ພາຍຫຼັງເຫດແຜ່ນດິນໄຫວ; ພ້ອມທັງສະແດງໃຫ້ເຫັນຄວາມຫວັງຢາກໜູນຊ່ວຍ ຍີ່ປຸ່ນ ແກ້ໄຂຜົນຮ້າຍຢ້ອນຫຼັງຈາກເຫດແຜ່ນດິນໄຫວດັ່ງກ່າວ.
ການນຳບັນດາປະເທດ ເອີຣົບ ແລະ ອາເມຣິກາ ເໜືອ ກໍສະແດງນ້ຳໃຈສາມັກຄີ ແລະ ພ້ອມແລ້ວທີ່ຈະສົມທົບກັບ ຍີ່ປຸ່ນ ແກ້ໄຂຜົນຮ້າຍຢ້ອນຫຼັງຈາກເຫດແຜ່ນດິນໄຫວນີ້ເຊັ່ນດຽວກັນ. ພາຍຫຼັງເກີດເຫດແຜ່ນດິນໄຫວ, ໃນວັນທີ 1 ມັງກອນ, ທ່ານ ໂຈ ໄບເດັ່ນ ປະທານາທິບໍດີ ອາເມຣິກາ ຖະແຫຼງວ່າ: ພ້ອມແລ້ວທີ່ຈະສະໜອງທຸກການຊ່ວຍເຫຼືອທີ່ຈຳເປັນໃຫ້ແກ່ ຍີ່ປຸ່ນ, ສ່ວນ ທ່ານ ຣີຊີ ຊູນາກ ນາຍົກລັດຖະມົນຕີ ອັງກິດ ກໍກ່າວວ່າ: ອັງກິດ ພ້ອມແລ້ວທີ່ຈະໜູນຊ່ວຍ ຍີ່ປຸ່ນ ແລະ ຍາມໃດກໍຕິດຕາມສະພາບການຢ່າງໃກ້ຊິດ.
ນັກທ່ອງທ່ຽວຕ່າງປະເທດຫຼັ່ງໄຫຼທ່ຽວຈີນ ເພື່ອສຳຜັດມົນສະເໜ່ທີ່ຫຼາກຫຼາຍສີສັນຂອງຈີນ
ວິທະຍຸ, ໂທລະພາບສູນກາງຈີນ (CMG) ລາຍງານໃນວັນທີ 9 ຕຸລາ ນີ້ວ່າ: ນັບແຕ່ຕົ້ນປີນີ້ເປັນຕົ້ນມາ, ນັກທ່ອງທ່ຽວຕ່າງປະເທດໄດ້ເຂົ້າມາທ່ອງທ່ຽວຈີນນັບມື້ຫຼາຍຂຶ້ນ. ໂຕເລກຂໍ້ມູນຈາກເວັບໄຊທ່ອງທ່ຽວທີ່ກ່ຽວຂ້ອງສະແດງໃຫ້ເຫັນວ່າ: ໃນໄລຍະພັກບຸນວັນຊາດຈີນປີນີ້, ຈຳນວນນັກທ່ອງທ່ຽວຕ່າງປະເທດເດີນທາງມາທ່ອງທ່ຽວຈີນໄດ້ສືບຕໍ່ເພີ່ມຂຶ້ນ, ນັກທ່ອງທ່ຽວທີ່ມາຈາກທະວີບເອີຣົບ ແລະ ທະວີບໂອຊີອານີໄດ້ເພີ່ມຂຶ້ນຢ່າງຕໍ່ເນື່ອງ.
ຄໍາເຫັນ