ສາຍຕ່າງໆນີ້ ຢ່າງໜັກໜ່ວງ ເຮັດໃຫ້ມີຜູ້ເສຍຊີວິດ 1 ຄົນ, ໃນນັ້ນບ້ານທີ່ໄດ້ຮັບຜົນກະທົບຫຼາຍທີ່ສຸດມີ ບ້ານຫຼວງ, ບ້ານຂອນ, ດອນຄູນ, ບ້ານໃໝ່, ບ້ານປຸ່ງ, ປ່າສັກ, ທົ່ງອົ້ມ, ຫົວຂົວ, ວຽງໃຕ້, ວຽງເໝືອ, ທົ່ງໄຈ້ໃຕ້, ທົ່ງໃຈເໜືອ, ປາປົວະ ແລະ ບ້ານອ່ື່ນໆ. ລວມທັງສະໝາມບິນ ແລະ ໂຮງໝໍແຂວງ, ມີປະຊາຊົນຕິດຄ້າງຢູ່ຫຼັງຄາເຮືອນ ແລະ ສະຖານທີ່ອື່ີນໆ ປັດຈຸບັນຫຼາຍພາກສ່ວນໂດຍສະເພາະແມ່ນກຳລັງປ້ອງກັນຊາດ - ປ້ອງກັນຄວາມສະຫງົບ ໄດ້ສົມທົບກັບພາກສ່ວນຕ່າງໆໄດ້ເຂົ້າໄປຊ່ວຍເຫຼືອຍົກຍ້າຍປະຊາຊົນໄປໄວ້ບ່ອນປອດໄພເປັນທີ່ຮຽບຮ້ອຍ, ໂດຍຄະນະຮັບຜິດຊອບໄດ້ຈັດແບ່ງເອົາສະໂມສອນແຂວງ ແລະ ເດີ່ນດອກປີກໄກ່ ເປັນຈຸດພັກເຊົາຊົ່ວຄາວ, ພ້ອມນິີ້ທາງຄະຮັບຜິດຊອບຂັ້ນແຂວງກໍໄດ້ສ້າງຕັ້ງໜ່ວຍງານຮັບບໍລິຈາກຊ່ວຍເຫຼືອຜູ້ທີ່ປະສົບໄພນໍ້າຖ້ວມຢູ່ຫ້ອງວ່າການແຂວງ, ທ່ານໃດມີນໍ້າໃຈທີ່ຈະຊ່ວຍເຫຼືອຜູ້ປະສົບໄພນໍ້າຖ້ວມໃນຄັ້ງນີ້ແມ່ນສາມາດຕິດຕໍ່ໄດ້ 020 22390222 ທ່ານ ສົມພາວັນ ຈັນທະຈັກວົງ .
ໂອກາດນີ້ ທ່ານ ຄຳຟອງ ອີນມານີ ຮອງເລຂາພັກແຂວງ ປະທານສະພາປະຊາຊົນແຂວງ ແລະ ທ່ານ ພົນຈັດຕະວາ ອິນແກ້ວ ມະນີຈັນ ຫົວໜ້າການທະຫານ ກອງບັນຊາການທະຫານແຂວງ ຫົວໜ້າຄະນະຊີ້ນຳໄພພິບັດຄັ້ງນີ້ ພ້ອມດ້ວຍການນຳຂອງແຂວງກໍໄດ້ລົງພື້ນທີ່ຊ່ວຍເຫຼືອເພື່ອໃຫ້ກຳລັງໃຈຜູ້ທີ່ປະສົບໄພໃນຄັ້ງນີ້, ພ້ອມທັງໄດ້ຮຽກຮ້ອງໃຫ້ສັງຄົມຈົ່ງຊ່ວຍເຫຼືອປະຊາຊົນຜູ້ທີ່ຖືກຜົນກະທົບໃນຄັ້ງນີ້ ເປັນຕົ້ນແມ່ນ ເຂົ້າ ປາ ອາຫານ, ນໍ້າດື່ມ, ຢາປົວພະຍາດ ແລະ ເຄື່ອງໃຊ້ຕ່າງໆທີ່ຈຳເປັນ.
ຂ່າວ: ມຸນຕີ
ຄໍາເຫັນ