 |
ທ່ານ ນາງ ເກສອນ ສຸລິວົງ ມີຄຳເຫັນວ່າ: ການຈັດຝຶກອົບຮົມໃນຄັ້ງນີ້, ເປັນການປູກຈິດສຳນຶກ ແລະ ຊຸກຍູ້ ຊາວໜຸ່ມລາວໃນການເຂົ້າເຖິງ ການນໍາໃຊ້ເຕັກໂນໂລຊີດິຈິຕອນ ຄຽງຄູ່ກັບການສ້າງທັກສະ ທີ່ຈຳເປັນໃຫ້ແກ່ໄວໜຸ່ມ, ເພື່ອຍົກລະດັບຄວາມຮູ້, ຄວາມເຂົ້າໃຈກ່ຽວກັບວຽກງານການຫັນເປັນດິຈິຕອນ ແລະ ຍົກລະດັບ ທັກສະການນຳໃຊ້ເຕັກໂນໂລຊີດິຈິຕອນ ເຂົ້າໃນການພັດທະນາວຽກງານ ແລະ ການດຳລົງຊີວິດໃຫ້ມີປະສິດທິພາບສູງຂຶ້ນ ເປັນຕົ້ນ: ເຄື່ອງມືດິຈິຕອນ, ການສ້າງ ແລະ ບໍລິຫານຈັດການຂໍ້ມູນດິຈິຕອນ ພ້ອມທັງການນຳໃຊ້ສື່ສັງຄົມອອນລາຍ ໃຫ້ມີຄວາມປອດໄພແກ່ບັນດາພະແນກການ ອ້ອມຂ້າງແຂວງຫຼວງພະບາງ.
ການຝຶກອົບຮົມຄັ້ງນີ້, ຈະໄດ້ດຳເນີນໄປເປັນເວລາ 2 ວັນ, ຜູ້ເຂົ້າຮ່ວມຝຶກອົບຮົມ, ຈະໄດ້ຮຽນຮູ້ກ່ຽວກັບຄວາມສຳຄັນ ຂອງການນຳໃຊ້ສື່ສັງຄົມອອນລາຍ, ສິ່ງທ້າທາຍ ແລະ ປະກົດການຫຍໍ້ທໍ້ຂອງການນຳໃຊ້ສື່ສັງຄົມອອນລາຍ, ຄວາມຮູ້ພື້ນຖານກ່ຽວກັບໂລກດິຈິຕອນ, ຄວາມໝາຍຂອງ Digital Literacy ແລະ ປະໂຫຍດທີ່ໄດ້ຈາກການນໍາໃຊ້ເຕັກໂນໂລຊີດິຈິຕອນ. ພ້ອມກັນນັ້ນ, ກໍຈະໄດ້ຝຶກອົບຮົມພາກປະຕິບັດຕົວຈິງ ວິທີການສ້າງເນື້ອຫາ ແລະ ການສ້າງຄິບວີດີໂອສັ້ນ, ວິທີການນຳໃຊ້ປັນຍາປະດິດ (AI) ເຂົ້າໃນວຽກງານ ເພື່ອເພີ່ມປະສິດທິພາບຂອງວຽກງານໃຫ້ສູງຂຶ້ນ, ປະຢັດເວລາ ແລະ ປະຢັດງົບປະມານ.
(ຂ່າວ: ສູນສົ່ງເສີມ ແລະ ຖ່າຍທອດເຕັກໂນໂລຊີ, ພາບ: ເພັດສາຄອນ ສີມມະວົງ)
ຄໍາເຫັນ