ໃນວັນທີ 11 ກຸມພາຜ່ານມາວ່າ: ການນໍາເມືອງດາກຈຶງ ຕ້ອງສືບຕໍ່ປັບປຸງລະບົບການເມືອງ, ກໍ່ສ້າງພັກ-ພະນັກງານໃຫ້ໄດ້ທາງດ້ານປະລິມານ, ຄຸນນະພາບ ແລະ ປະຕິບັດຖືກຕ້ອງຕາມຫຼັກການກໍ່ສ້າງພັກ, ປະຕິບັດຫຼັກການລວມສູນປະຊາຕິປະໄຕ, ຫຼັກການຕຳນິຊົມຕົນເອງ ແລະ ຕິຊົມກັນ ດ້ວຍຄວາມຈິງໃຈ; ປັບປຸງກົງຈັກການຈັດຕັ້ງ ຂອງພັກ-ລັດ, ແນວລາວສ້າງຊາດ, ສະຫະພັນນັກຮົບເກົ່າ ແລະ ບັນດາອົງການຈັດຕັ້ງມະຫາຊົນໃຫ້ໜັກແໜ້ນເຂັ້ມແຂງ; ເພີ່ມທະວີວຽກງານກວດກາພັກ-ກວດກາລັດໃຫ້ເປັນລະບົບ, ເດັດດ່ຽວກຳຈັດປັດເປົ່າປະກົດການຫຍໍ້ທໍ້ ແລະ ພະຍາດຕ່າງໆ ທີ່ກໍໃຫ້ເກີດຄວາມບໍ່ສາມັກຄີ ໃນຖັນແຖວພະນັກງານ ແລະ ສະມາຊິກພັກໃຫ້ໝົດໄປເທື່ອລະກ້າວ.
ສະຫາຍ ເຫລັກໄຫລ ສີວິໄລ ຍັງເນັ້ນໃຫ້ການນໍາເມືອງດາກຈຶງເຊື່ອມຊຶມ, ຜັນຂະຫຍາຍມະຕິກອງປະຊຸມໃຫຍ່ຄັ້ງນີ້ ເຂົ້າສູ່ຊີວິດຕົວຈິງ ໃນທົ່ວລະບົບການເມືອງນັບແຕ່ຂັ້ນເມືອງລົງຮອດຮາກຖານບ້ານ; ປັບປຸງແບບແຜນນໍາພາ-ວິທີເຮັດວຽກ, ປະຕິບັດວຽກງານປ້ອງກັນຊາດ-ປ້ອງກັນຄວາມສະຫງົບ, ແກ້ໄຂບັນຫາຢາເສບຕິດ ກໍຄືບັນຫາປະກົດການຫຍໍ້ທໍ້ຕ່າງໆທີ່ເກີດຂຶ້ນໃນສັງຄົມໃຫ້ຫຼຸດລົງຢ່າງຈະແຈ້ງ; ສືບຕໍ່ພັດທະນາເສດຖະກິດ ໂດຍສະເພາະຂະແໜງທີ່ເປັນທ່າແຮງ ໃຫ້ກາຍເປັນຂະແໜງເສດຖະກິດປາຍແຫຼມ, ສ້າງເສດຖະກິດ ເອກະລາດ ເປັນເຈົ້າຕົນເອງ ຕາມມະຕິ 04/ກມສພ ໃຫ້ປະກົດຜົນເປັນຈິງ ແລະ ເປັນຮູບປະທຳຫຼາຍຂຶ້ນ; ເພີ່ມທະວີການຄຸ້ມຄອງ, ຍາດແຍ່ງດຶງດູດການລົງທຶນຂອງຕ່າງປະເທດໃຫ້ແຂງແຮງ, ພັດທະນາພື້ນຖານໂຄງລ່າງ, ກໍ່ສ້າງ-ປັບປຸງ ແລະ ສ້ອມແປງເສັ້ນທາງພາຍໃນເທສະບານເມືອງ, ເສັ້ນທາງເຂົ້າຫາເຂດການຜະລິດ ແລະ ຈຸດສຸມພັດທະນາ, ເສັ້ນທາງແຕ່ເມືອງຫາແຂວງ ໃຫ້ກັບຄືນສູ່ສະພາບເດີມ; ເອົາໃຈໃສ່ຈັດສັນທີ່ດິນ ແລະ ຄຸ້ມຄອງສິ່ງແວດລ້ອມ ໂດຍສະເພາະດິນປຸກສ້າງເຂດຂະຫຍາຍຕົວເມືອງ, ດິນບໍລິການ, ດິນຜະລິດກະສິກຳ ຂອງປະຊາຊົນ, ດິນປ່າໄມ້, ດິນພັດທະນາກະສິກຳ, ພັດທະນາແຮ່ທາດ, ເຂື່ອນໄຟຟ້ານໍ້ຕົກ ແລະ ດິນອື່ນໆ ໃຫ້ເປັນລະບົບ; ສຸມໃສ່ແກ້ໄຂຄວາມທຸກຍາກ ຂອງປະຊາຊົນ ດ້ວຍຊຸກຍູ້ຂະບວນການຜະລິດສະບຽງອາຫານ, ການຜະລິດເປັນສີນຄ້າໃຫ້ຫຼາຍຂຶ້ນ ແລະ ເປັນຂະບວນການກວ້າງຂວາງ, ປຸກລະດົມ-ຊຸກຍູ້ບັນດາໂຄງການລົງທຶນຂະໜາດໃຫຍ່ປະກອບ ສ່ວນຊ່ວຍເຫຼືອ; ຫັນລົງກໍ່ສ້າງຮາກຖານການເມືອງ-ພັດທະນາຊົນລະບົດ ຕາມທິດ 3 ສ້າງໃຫ້ເຂົ້າສູ່ລວງເລິກ ແລະ ຖືເປັນທິດນຳການເຄື່ອນໄຫວວຽກງານປົກກະຕິ ຂອງຂະແໜງການຕົນ; ຂະຫຍາຍຕາໜ່າງດ້ານການສຶກສາ, ຍົກລະດັບການບໍລິການດ້ານສາທາລະນະສຸກ, ພັດທະນາສີມືແຮງງານ, ຍົກລະດັບການຂຽນ ແລະ ການນໍາສະເໜີຂ່າວ ຕິດພັນກັບການພັດທະນາການທ່ອງທ່ຽວ ຕາມທິດສີຂຽວ, ປະຊາຊົນມີສ່ວນຮ່ວມໃຫ້ແຂງແຮງກວ່າເກົ່າ; ເອົາໃຈໃສ່ປົກປັກຮັກສາສິ່ງແວດລ້ອມ, ປູກໄມ້ຟື້ນຟູປ່າ ແລະ ປົກປັກຮັກສາປ່າໄມ້ ພ້ອມທັງ ຮັກສາຄວາມສະອາດ, ສວາຍງາມ, ຄວາມເປັນລະບຽບຮຽບຮ້ອຍພາຍໃນເມືອງ ແລະ ບັນດາບ້ານຕ່າງໆ ໃຫ້ເກີດເປັນຮູບປະທຳແທ້.
(ຂ່າວ-ພາບ: ສັນຍາ)
ຄໍາເຫັນ