ຂ່າວສານຫວຽດນາມລາຍງານວ່າ: ກອງປະຊຸມລະດັບລັດຖະມົນຕີພາກພື້ນອາຊີ-ປາຊີຟິກ (APRC) ຄັ້ງທີ 37 ຂອງອົງການອາຫານ ແລະ ການກະເສດ ຂອງສະຫະປະຊາຊາດ (FAO) ໄດ້ຈັດຂຶ້ນຢູ່ນະຄອນໂຄລົມໂບປະເທດສີລັງກາ ໃນລະຫວ່າງວັນທີ 19 – 22 ກຸມພານີ້, ໂດຍມີວາລະສຸມໃສ່ການຮັບປະກັນສະບຽງອາຫານ ແລະ ການຫັນປ່ຽນລະບົບສະບຽງອາຫານ.
ຂ່າວລາຍງານວ່າ: ກອງປະຊຸມ APRC-37 ຄາດວ່າຈະຊຸກຍູ້ການຮ່ວມມືໃນພາກພື້ນ ໂດຍຜ່ານການປຶກສາຫາລືກ່ຽວກັບສິ່ງທ້າທາຍ ແລະ ບຸລິມະສິດໃນຂະແໜງກະສິກຳ ແລະ ສະບຽງອາຫານ ເຊັ່ນ: ການແກ້ໄຂການຮັບປະກັນອາຫານ ແລະ ໂພຊະນາການໃນອະນາຄົດ, ບົດຮຽນຈາກວິກິດການທີ່ເຮັດໃຫ້ຄວາມບໍ່ໝັ້ນຄົງດ້ານສະບຽງອາຫານ, ການລົງທຶນເພື່ອຫຼຸດຜ່ອນຄວາມທຸກຍາກ, ແຜນການໃນການຫັນເປັນກະສິກໍາທັນສະໄໝ, ປະສົບການໃນການປະຢັດນ້ໍາ ແລະ ສະບຽງອາຫານເພື່ອຫຼີກເວັ້ນການສູນເສຍ ແລະ ເສດເຫຼືອ.
ທ່ານ ມາຮິນດາ ອາມາຣາວີຣາ ລັດຖະມົນຕີກະຊວງກະສິກຳ ສີລັງກາ ໃຫ້ຄຳເຫັນວ່າ: ກອງປະຊຸມຈະສ້າງພື້ນຖານສຳຄັນໃຫ້ແກ່ການຮ່ວມມືໃນພາກພື້ນ, ນຳມາຊຶ່ງຜົນປະໂຫຍດຕົວຈິງໃຫ້ແກ່ຂະແໜງກະສິກຳ ແລະ ການປະມົງ ແລະ ຊ່ວຍປົກປັກຮັກສາລະບົບນິເວດຂອງບັນດາປະເທດໃນພາກພື້ນ.
APRC-37 ແນໃສ່ເລັ່ງລັດຄວາມຄືບໜ້າໃນການຫັນປ່ຽນລະບົບສະບຽງອາຫານໃນທົ່ວພາກພື້ນ ເນື່ອງຈາກວິກິດການເສດຖະກິດ ແລະ ສະພາບອາກາດຂັດຂວາງຄວາມກ້າວໜ້າໄປສູ່ເປົ້າໝາຍການພັດທະນາແບບຍືນຍົງ (SDG), ໂດຍສະເພາະແມ່ນເປົ້າໝາຍຢຸດຕິຄວາມທຸກຍາກ ແລະ ຫຼຸດຜ່ອນຄວາມບໍ່ສະເໝີພາບ.
ຂ່າວລາຍງານວ່າ: ກອງປະຊຸມ APRC-37 ຄາດວ່າຈະຊຸກຍູ້ການຮ່ວມມືໃນພາກພື້ນ ໂດຍຜ່ານການປຶກສາຫາລືກ່ຽວກັບສິ່ງທ້າທາຍ ແລະ ບຸລິມະສິດໃນຂະແໜງກະສິກຳ ແລະ ສະບຽງອາຫານ ເຊັ່ນ: ການແກ້ໄຂການຮັບປະກັນອາຫານ ແລະ ໂພຊະນາການໃນອະນາຄົດ, ບົດຮຽນຈາກວິກິດການທີ່ເຮັດໃຫ້ຄວາມບໍ່ໝັ້ນຄົງດ້ານສະບຽງອາຫານ, ການລົງທຶນເພື່ອຫຼຸດຜ່ອນຄວາມທຸກຍາກ, ແຜນການໃນການຫັນເປັນກະສິກໍາທັນສະໄໝ, ປະສົບການໃນການປະຢັດນ້ໍາ ແລະ ສະບຽງອາຫານເພື່ອຫຼີກເວັ້ນການສູນເສຍ ແລະ ເສດເຫຼືອ.
ທ່ານ ມາຮິນດາ ອາມາຣາວີຣາ ລັດຖະມົນຕີກະຊວງກະສິກຳ ສີລັງກາ ໃຫ້ຄຳເຫັນວ່າ: ກອງປະຊຸມຈະສ້າງພື້ນຖານສຳຄັນໃຫ້ແກ່ການຮ່ວມມືໃນພາກພື້ນ, ນຳມາຊຶ່ງຜົນປະໂຫຍດຕົວຈິງໃຫ້ແກ່ຂະແໜງກະສິກຳ ແລະ ການປະມົງ ແລະ ຊ່ວຍປົກປັກຮັກສາລະບົບນິເວດຂອງບັນດາປະເທດໃນພາກພື້ນ.
APRC-37 ແນໃສ່ເລັ່ງລັດຄວາມຄືບໜ້າໃນການຫັນປ່ຽນລະບົບສະບຽງອາຫານໃນທົ່ວພາກພື້ນ ເນື່ອງຈາກວິກິດການເສດຖະກິດ ແລະ ສະພາບອາກາດຂັດຂວາງຄວາມກ້າວໜ້າໄປສູ່ເປົ້າໝາຍການພັດທະນາແບບຍືນຍົງ (SDG), ໂດຍສະເພາະແມ່ນເປົ້າໝາຍຢຸດຕິຄວາມທຸກຍາກ ແລະ ຫຼຸດຜ່ອນຄວາມບໍ່ສະເໝີພາບ.
ຄໍາເຫັນ