ໃນຕອນເຊົ້າທີ 10 ເມສານີ້,ມີ ທ່ານ ວຽງຄໍາ ສີຫາໂຄດ ເຈົ້າເມືອງໄຊທານີ,ທ່ານ ນາງ ໄຊນາລອນ ຈຸນດາຣຮອງຫົວໜ້າພະແນກອຸດສາຫະກໍາ ແລະ ການຄ້າ ນະຄອນຫຼວງວຽງຈັນ ມີຄະນະຈັດສັນຕະຫຼາດລາວ ພ້ອມດ້ວຍພາກສ່ວນກ່ຽວຂ້ອງ.
ທ່ານ ນາງ ໄຊນາລອນ ຈຸນດາຣ ໃຫ້ຮູ້ວ່າ:ການລົງເຮັດວຽກໃນຄັ້ງນີ້ເພື່ອສ້າງຂະບວນການເຄື່ອນໄຫວກວດກາຈັດສັນຄວາມບໍ່ເປັນລະບຽບຮຽບຮ້ອຍຢູ່ພາຍໃນຕະຫຼາດລາວເພື່ອຊຸກຍູ້ໃຫ້ຊາວຄ້າຂາຍມີຄວາມຕື່ນຕົວເປັນເຈົ້າການຮ່ວມກັນ ໂດຍສະເພາະການຈັດວາງເຄື່ອງ,ການຕິດປ້າຍລາຄາສິນຄ້າເປັນເງິນກີບ,ການຮັກສາຄວາມສະອາດຢູ່ພາຍໃນຕະຫຼາດ ເນື່ອງຈາກວ່າຕະຫຼາດລາວເປັນຕະຫຼາດເເຫ່ງໜຶ່ງທີ່ໃຫຍ່ຢູ່ໃນນະຄອນຫຼວງວຽງຈັນ ເປັນການປະກອບສ່ວນສ້າງຂະບວນການສະເຫຼີມສະຫຼອງເເລະຂໍ່ານັບຮັບຕ້ອນວັນສໍາຄັນຕ່າງໆຂອງຊາດ-ຂອງພັກ ໂດຍສະເພາະ3ວັນປະຫວັດສາດໃຫ້ເປັນຂະບວນການຟົດຟື້ນ,ນອກຈາກນັ້ນຍັງເປັນການຊຸກຍູ້ໃຫ້ຊາວຄ້າຂາຍພາຍໃນຕະຫຼາດລາວມີຄວາມຕື່ນໂຕບໍ່ສວຍໂອກາດຂຶ້ນລາຄາສິນຄ້າຕາມລໍາພັງໃຈໃນໂອກາດສະເຫຼີມສະຫຼອງສົ່ງທ້າຍປີເກົ່າ2567ຕ້ອນຮັບປີໃໝ່ລາວ2568 ທີ່ຈະມາເຖີງນີ້.
ໂອາກາດດຽວກັນ,ທ່ານ ວຽງຄໍາ ສີຫາໂຄດ ເຈົ້າເມືອງໄຊທານີ ໄດ້ມີຄໍາເຫັນສະເເດງຄວາມຊົມເຊີຍຕື່ມຕໍ່ການຈັດຕັ້ງປະຕິບັດວຽກງານດ້ານຕ່າງໆໃນການຈັດສັນບໍລິຫານຕະຫຼາດ ຂອງຄະນະຈັດສັນຕະຫຼາດລາວໃນໄລຍະຜ່ານມາເຫັນວ່າເຮັດໄດ້ດີ ມີອາຫານ,ການກິນ ເຄື່ອງອຸປະໂພກບໍລິໂພກຄົບຊຸດ ເເລະ ມີການຈັດສັນຄວາມເປັນລະບຽບຮຽບຮ້ອຍໄດ້ດີ,ພ້ອມທັງຮຽກໃຫ້ຄະນະຈັດສັນຕະຫຼາດສືບຕໍ່ເອົາໃຈໃສ່ຄຸ້ມຄອງລາຄາສິນຄ້າໃຫ້ຢູ່ໃນມາດຕະຖານຕາມທີ່ຂະເເໜງອຸດສະຫະກໍາເເລະການຄ້າວາງໄວ້ໂດຍສະເພາະປະເພດສິນຄ້າທີ່ລັດຄຸ້ມຄອງ,ສືບຕໍ່ຈັດສັນສະຖານທີ່ຈອດລົດ,ການວາງຂາຍສິນຄ້າໃຫ້ມີຄວາມເປັນລະບຽບຮຽບຮ້ອຍ ພ້ອມທັງເອົາໃຈໃສ່ເຝົ້າລະວັງບັນຫາອັກຄີໄພຕື່ມອີກ.ສໍາລັບຕະຫຼາດລາວມີທີ່ຕັ້ງຢູ່ບ້ານສະພັງມຶກ ເມືອງໄຊທານີນະຄອນຫຼວງວຽງຈັນ ປັດຈຸບັນມີຮ້ານວາງຂາຍສີນຄ້າທັງໝົດ1.522ຮ້ານ ມີທັງສິນຄ້າອຸປະໂພກບໍລິໂພກ ເເລະ ອື່ນໆ.
ແຫຼ່ງຂ່າວ:ສວລ
ຄໍາເຫັນ