ວັນທີ 9 ເມສາ 2024 ຢູ່ທີ່ສະໂມສອນ ກອງບັນຊາການທະຫານ ແຂວງຫລວງນໍ້າທາ ໄດ້ຈັດກອງປະຊຸມວຽກງານກວດກາທົ່ວແຂວງຫຼວງນໍ້າທາ ປະຈຳປີ 2023 ແລະ ທິດທາງແຜນການປີ 2024, ຂຶ້ນໃນວັນທີ 9 ເມສາຜ່ານມາ ຢູ່ທີ່ສະໂມສອນກອງບັນຊາການທະຫານ ແຂວງ ໂດຍການເປັນປະທານຂອງ ທ່ານ ພົຕ ຈັນສະແຫວງ ທິບຄຸນທອງ ຮອງເຈົ້າແຂວງ ປະທານຄະນະກວດກາພັກ ປະທານອົງການກວດກາລັດແຂວງ, ເຂົ້່າຮ່ວມໂດຍ ທ່ານ ຄຳຟອງ ອິນມານີ ຮອງເລຂາພັກແຂວງ ປະທານສະມາຊິກສະພາປະຊົນຊົນແຂວງ, ມີແຂກຖືກເຊີນ ແລະ ພາກສ່ວນກ່ຽວຂ້ອງທົ່ວແຂວງເຂົ້່າຮ່ວມ.
ທ່ານ ບຸນທອນ ສີສະຫວັນ ກຳມະການພັກແຂວງ ຮອງປະທານຄະນະກວດກາພັກ ຮອງປະທານອົງການກວດກາລັດແຂວງ ໄດ້ສະຫຫຼູບຕີລາຄາການເຄື່ອນໄຫວວຽກງານກວດກາ ປະຈຳປີ 2023. ຄະນະພັກ, ຄະນະກວດກາແຕ່ລະຂັ້ນໄດ້ເປັນເຈົ້າການນໍາເອົາບັນດາ ມະຕິ, ຄຳສັ່ງ, ຂໍ້ກຳນົດ, ກົດລະບຽບພັກ, ກົດໝາຍຂອງລັດ ເວົ້າລວມ, ເວົ້າສະເພາະ ກົດໝາຍວ່າດ້ວຍການກວດກາລັດ, ກົດໝາຍວ່າດ້ວຍການຕ້ານການສໍ້ລາດບັງຫຼວງ, ກົດໝາຍ ວ່າດ້ວຍການແກ້ໄຂຄຳຮ້ອງທຸກ, ຍຸດທະສາດຕ້ານການສໍ້ລາດບັງຫຼວງ ແລະ ນິຕິກຳກ່ຽວກັບວຽກງານກວດກາ ນໍາມາຈັດຕັ້ງເຜີຍແຜ່, ຄົ້ນຄວ້າ, ເຊື່ອມຊຶມ ຢ່າງເປັນປົກກະຕິ ນັບແຕ່ຂັ້ນແຂວງລົງຮອດຂັ້ນບ້ານ, ທົ່ວແຂວງໄດ້ຈັດຕັ້ງການເຊື່ອມຊຶມເອກະສານທັງໝົດ 25 ຄັ້ງ, ມີຜູ້ເຂົ້າຮ່ວມ 1.218 ເທື່ອຄົນ ຍິງ 520 ເທື່ອຄົນ ແລະ ຈັດຕັ້ງໂຄສະນາເຜີຍແຜ່ວຽກງານກວດກາ ຜ່ານໂທລະໂຄ່ງຂອງທ້ອງຖິ່ນນັບແຕ່ຂັ້ນແຂວງລົງຮອດຂັ້ນເມືອງ ຈຳນວນ 18 ຄັ້ງ.
ສຳລັບທິດທາງແຜນການແມ່ນຈະໄດ້ສືບຕໍ່ຄົ້ນຄວ້າ, ຜັນຂະຫຍາຍ ແລະ ຈັດຕັ້ງປະຕິບັດ ມະຕິກອງປະຊຸມໃຫຍ່ ຄັ້ງທີ XI ຂອງພັກ, ມະຕິກອງປະຊຸມໃຫຍ່ ຄັ້ງທີ VIII ຂອງອົງຄະນະພັກແຂວງ, ມະຕິ, ຄຳສັ່ງ, ກົດລະບຽບພັກ, ກົດໝາຍຂອງລັດ, ນິຕິກຳວຽກງານກວດກາໃຫ້ທົ່ວເຖິງ ພ້ອມທັນຫັນມາເປັນແຜນການ, ແຜນງານ, ໂຄງການອັນລະອຽດ ເພື່ອເປັນບ່ອນອີງໃຫ້ແກ່ການເຄື່ອນໄຫວກວດກາໃຫ້ປະກົດຜົນເປັນຈິງ ແລະ ມີປະສິດທິຜົນ ເພີ່ມທະວີການນຳພາຂອງຄະນະພັກ ແລະ ການຄຸ້ມຄອງຂອງອົງການປົກຄອງແຕ່ລະຂັ້ນຕໍ່ກັບວຽກງານຕິດຕາມ, ກວດກາ ແລະ ຕ້ານການສໍ້ລາດບັງຫຼວງ ເພື່ອເຮັດໃຫ້ວຽກງານກວດກາກາຍເປັນເຄື່ອງມືອັນສັກສິດ ໃຫ້ແກ່ການນຳພາຂອງພັກ ແລະ ການຄຸ້ມຄອງຂອງລັດ.
(ຂ່າວ: ອຸ້ມ ສົມນໍວັນ)
ທ່ານ ບຸນທອນ ສີສະຫວັນ ກຳມະການພັກແຂວງ ຮອງປະທານຄະນະກວດກາພັກ ຮອງປະທານອົງການກວດກາລັດແຂວງ ໄດ້ສະຫຫຼູບຕີລາຄາການເຄື່ອນໄຫວວຽກງານກວດກາ ປະຈຳປີ 2023. ຄະນະພັກ, ຄະນະກວດກາແຕ່ລະຂັ້ນໄດ້ເປັນເຈົ້າການນໍາເອົາບັນດາ ມະຕິ, ຄຳສັ່ງ, ຂໍ້ກຳນົດ, ກົດລະບຽບພັກ, ກົດໝາຍຂອງລັດ ເວົ້າລວມ, ເວົ້າສະເພາະ ກົດໝາຍວ່າດ້ວຍການກວດກາລັດ, ກົດໝາຍວ່າດ້ວຍການຕ້ານການສໍ້ລາດບັງຫຼວງ, ກົດໝາຍ ວ່າດ້ວຍການແກ້ໄຂຄຳຮ້ອງທຸກ, ຍຸດທະສາດຕ້ານການສໍ້ລາດບັງຫຼວງ ແລະ ນິຕິກຳກ່ຽວກັບວຽກງານກວດກາ ນໍາມາຈັດຕັ້ງເຜີຍແຜ່, ຄົ້ນຄວ້າ, ເຊື່ອມຊຶມ ຢ່າງເປັນປົກກະຕິ ນັບແຕ່ຂັ້ນແຂວງລົງຮອດຂັ້ນບ້ານ, ທົ່ວແຂວງໄດ້ຈັດຕັ້ງການເຊື່ອມຊຶມເອກະສານທັງໝົດ 25 ຄັ້ງ, ມີຜູ້ເຂົ້າຮ່ວມ 1.218 ເທື່ອຄົນ ຍິງ 520 ເທື່ອຄົນ ແລະ ຈັດຕັ້ງໂຄສະນາເຜີຍແຜ່ວຽກງານກວດກາ ຜ່ານໂທລະໂຄ່ງຂອງທ້ອງຖິ່ນນັບແຕ່ຂັ້ນແຂວງລົງຮອດຂັ້ນເມືອງ ຈຳນວນ 18 ຄັ້ງ.
ສຳລັບທິດທາງແຜນການແມ່ນຈະໄດ້ສືບຕໍ່ຄົ້ນຄວ້າ, ຜັນຂະຫຍາຍ ແລະ ຈັດຕັ້ງປະຕິບັດ ມະຕິກອງປະຊຸມໃຫຍ່ ຄັ້ງທີ XI ຂອງພັກ, ມະຕິກອງປະຊຸມໃຫຍ່ ຄັ້ງທີ VIII ຂອງອົງຄະນະພັກແຂວງ, ມະຕິ, ຄຳສັ່ງ, ກົດລະບຽບພັກ, ກົດໝາຍຂອງລັດ, ນິຕິກຳວຽກງານກວດກາໃຫ້ທົ່ວເຖິງ ພ້ອມທັນຫັນມາເປັນແຜນການ, ແຜນງານ, ໂຄງການອັນລະອຽດ ເພື່ອເປັນບ່ອນອີງໃຫ້ແກ່ການເຄື່ອນໄຫວກວດກາໃຫ້ປະກົດຜົນເປັນຈິງ ແລະ ມີປະສິດທິຜົນ ເພີ່ມທະວີການນຳພາຂອງຄະນະພັກ ແລະ ການຄຸ້ມຄອງຂອງອົງການປົກຄອງແຕ່ລະຂັ້ນຕໍ່ກັບວຽກງານຕິດຕາມ, ກວດກາ ແລະ ຕ້ານການສໍ້ລາດບັງຫຼວງ ເພື່ອເຮັດໃຫ້ວຽກງານກວດກາກາຍເປັນເຄື່ອງມືອັນສັກສິດ ໃຫ້ແກ່ການນຳພາຂອງພັກ ແລະ ການຄຸ້ມຄອງຂອງລັດ.
(ຂ່າວ: ອຸ້ມ ສົມນໍວັນ)
ຄໍາເຫັນ