ຫຼວງນ້ຳທາ ປາຖະກະຖາ ສອງວັນປະຫວັດສາດ

ທ່ານ ກູ່ວິໄລ ວິຫວັນງວກ ໄດ້ໃຫ້ຮູ້ກ່ຽວກັບປະຫວັດຄວາມເປັນມາຂອງວັນກຳມະກອນ ສາກົນ (1 ພຶດສະພາ) ໄດ້ເກີດຂຶ້ນຍ້ອນຊົນຊັ້ນນາຍທຶນໃນຍຸກນັ້ນບໍ່ໄດ້ເອົາໃຈໃສ່ກ່ຽວກັບສະຫວັດດີການ-ສັງຄົມ, ເຮັດວຽກຫຼາຍ ແຕ່ໄດ້ຄ່າແຮງງານໜ້ອຍ. ຈຶ່ງພາໃຫ້ເກີດມີຂໍ້ຂັດແຍ່ງຂຶ້ນນັບມື້ນັບຮຸນແຮງ, ຊົນຊັ້ນກຳມະກອນ ແລະ ຊາວຜູ້ອອກແຮງງານຈຳເປັນຈຶ່ງໄດ້ຈັດຕັ້ງກັນເປັນກຸ່ມ, ເປັນຂະບວນລຸກຮື້ຂຶ້ນຕໍ່ສູ້ກັບຊົນຊັ້ນນາຍທຶນ, ທວງໃຫ້ພວກນາຍທຶນເພີ່ມເງິນເດືອນ ແລະ ຫຼຸດຜ່ອນຊົ່ວໂມງເຮັດວຽກລົງ. ວັນທີ 14 ກໍລະກົດ 1889 ກອງປະຊຸມພັກກອມມູນິດສາກົນ ຄັ້ງທີ II ໄດ້ໄຂຂຶ້ນຢູ່ທີ່ນະຄອນຫຼວງປາຣີ ປະເທດຝຣັ່ງ, ມີຜູ້ແທນເຂົ້າຮ່ວມກອງປະຊຸມທັງໝົດ 393 ຄົນ, ຊຶ່ງແມ່ນຜູ້ແທນມາຈາກ 22 ປະເທດ ເອີຣົບ, ອາເມລິກາ ແລະ ອາກຊັງຕິນ, ທີ່ປະຊຸມໄດ້ຜ່ານໂຄງການດຳເນີນງານສຳຄັນຄື: ຊົນຊັ້ນກຳມະກອນສາມັກຄີຕໍ່ສູ້ທວງເອົາສິດ ແລະ ຜົນປະໂຫຍດຂອງຕົນຢູ່ບັນດາປະເທດທຶນນິຍົມ ແລະ ລັດເຊຍໂດຍໂຄ່ນລົ້ມລະບອບນາຍທຶນອອກແຮງງານສຸດທີ່ລຳບາກ, ມີຄວາມສ່ຽງສູງຕໍ່ຊີວິດ, ເນື່ອງຈາກລະບົບປ້ອງກັນໄພຂອງເຄື່ອງຈັກເວລານັ້ນບໍ່ທັນມີ, ບວກກັບນາຍທຶນເພີ່ມທະວີການບັງຄັບຂົ່ມເຫັງໃຫ້ອອກແຮງງານໂດຍບໍ່ມີການພັກຜ່ອນ, ອອກແຮງງານໜັກ ແຕ່ຄ່າແຮງງານຖືກ, ສະຫວັດດີການ-ສັງຄົມບໍ່ມີ, ສະນັ້ນ ຈຶ່ງພາໃຫ້ເກີດມີຂໍ້ຂັດແຍ່ງຂຶ້ນ ແລະ ເປັນເງື່ອນໄຂໃຫ້ກຳມະກອນ ແລະ ຊາວຜູ້ອອກແຮງງານຈັດຕັ້ງເປັນກຸ່ມ, ເປັນຂະບວນລຸກຮື້ຂຶ້ນຕໍ່ສູ້ກັບຊົນຊັ້ນນາຍທຶນ ແນ່ໃສ່ທວງໃຫ້ພວກນາຍທຶນເພີ່ມເງິນເດືອນ, ຫຼຸດຜ່ອນຊົ່ວໂມງເຮັດວຽກລົງ 8 ຊົ່ວໂມງເຮັດວຽກ, 8 ຊົ່ວໂມງພັກຜ່ອນ ແລະ 8 ຊົ່ວໂມງຮ່ຳຮຽນ, ຂະບວນການຕໍ່ສູ້ຂອງຊົນຊັ້ນກຳມະກອນ ແລະ ຊາວຜູ້ອອກແຮງງານຈຶ່ງນັບມື້ມີການຂະຫຍາຍຕົວຢ່າງກວ້າງຂວາງໄປໃນທຸກໆປະເທດທົ່ວໂລກ ນັບແຕ່ນັ້ນມາວັນທີ 1 ພຶດສະພາ ຂອງທຸກໆປີ ຈຶ່ງກາຍເປັນວັນບຸນໃຫຍ່ຂອງຊົນຊັ້ນກຳມະກອນໃນທົ່ວໂລກ. ຈາກນັ້ນ, ກໍໄດ້ຮັບຟັງປະຫວັດຄວາມເປັນມາຂອງວັນປົດປ່ອຍຫຼວງນ້ຳທາ ຄົບຮອບ 63 ປີ ຈາກທ່ານ ສິງໄຊ ວັນຄໍາ ກຳມະການພັກ ຫົວໜ້າຄະນະໂຄສະນາອົບຮົມແຂວງ. (ຂ່າວ: ແກ້ວ ກ໋ວາງບັນແຄັດ)